|
|
|
 Re: شوشو عقارب . . . . . تكتب فى البورد (Re: Ahmed Mohammed Osman)
|
أحمد محمود أزيك ياشاب ياظريف يالفيف ههههه
ود عقيد كيف أمسيت
وحاة ود عقيد أخوى الشغلانة دى جايباله جريه لقدام وفى قوى جديدة حاتطلع للسطح أسمها (جبهة أولاد أم بعلو الشرانية)
وديل لابعرفوا ليك استناره لاالنور قاطع أنا أخير من هسع أخترته أسمى
لكن بعدين شفتو سجيمان المطلعنو أبو الرجعية دا أكان ماسمه نفسو (وائل) لومنى ونازر أحمد خليفة ماحيمشى بعيد من المزازيك عشان كده حايكتب بأسم (كابلى) وملاسى الغايظ الناس دا حايكتب بأسم (عيشة) وعبير خيرى بأسم (أدم خيرى) والقصة تجوط لمن تقول البورد بقى مسكون ..
يعنى أولاد أم بعلو لابعرفو ليك أستناره ولاأستظلام كلو كلو (رجس من عمل الشيطان)
واللهم لاتمحنا لاتبلينا
شوشو
| |
 
|
|
|
|
|
|
|
|
Re: شوشو عقارب . . . . . تكتب فى البورد (Re: حاتم الياس)
|
اول شئ انتى ميس ولا مدام يا شوشو؟؟؟!!!!!!
معليش سؤال بايخ فى منبر عام لكن لزوم الايتيكيت يا اختى. لكن ما بالغت يا يا شوشو!!!!!! ود ام بعلو دة لقيتى وين, وجبهتو المافيها علامة الصلاه دى شفتيها ولا جابو ليكى, اصلو قالو حاجة كدة خرافية بخوفو بيها الشفع!!!! انتى ما سمعتى بالشيخة ام مفراكة, دى حاجة فظييييييييييييييييييعة خلاص, وحياتك يا شوشو, دى كان طقعتك بواحد روسية مفراكة, تشهيكى العافية وبتها.
حاتم الياس يا جميل كيفك, ياخى من زمان عاوزك تسلم لى على محمد عبدالماجد وعلى مبارك(حجر الطير), والشجر الجميل القدام بيتكم.
| |
|
|
|
|
|
|
|
|
|
Re: شوشو عقارب . . . . . تكتب فى البورد (Re: mutwakil toum)
|
يا ود يا حاتم
سجمنا انا وناس بيتكم
انت ضربوك في راسك في المظاهرات الما جايبة تمنهادي..
تسمع بت النقيرابي وناس الباوقة اجمعين..
داير تبقى شوشو عقارب؟
امسك في دعوة متوكل دا
يبقى عندنا
شوشو عقارب
ومتوكل توم
وحتكون كتابات تستحق
يا رائعة يا شفيفة يا وريفة..
طبعا متوكل مافي زول بشتغل بيه الشكير كلو لشوشو عقارب...
سلامي للاهل دون فرز يا شوشو..
| |
|
|
|
|
|
|
|
|
|
Re: شوشو عقارب . . . . . تكتب فى البورد (Re: فرح)
|
متوكل توم
لاحقد ولاحاقدين فى هذه الأفتراضات المهببه..لكن رائحة الغد لاتبشر مطلقاً بخير ما(المغول وغابة السنديان) من غير شهادة درويش على المشهد العالق فى المخيلة صدقنى مالم نتصدى لمهام أمساك الأمور على نحو عقلانى كلنا سنصبح (شوشو) بقانون الخوف لابقوانين منافيكم البعيده التى (طفحت خياراتها فوق مجرى الطبيعة) ههههههه
محى الدين أبكر..من زماااااااااااااان يامحى الدين كايس ليك ومشتهى حواراتك العميقة والمبصره كيفك وكيف الكنانة وأرضها (تحيات هموله)
| |
|
|
|
|
|
|
|
|
|
Re: شوشو عقارب . . . . . تكتب فى البورد (Re: حاتم الياس)
|
اختناشوشو عقارب
بتخاف من المضارب
والبوردى اب شوارب
ياخى خليك سارب
وماتكون زول محارب
نحن ليك بتقراء
وانت لينا كاتب
وانسى البقية
ومن الناس الحوالب
ها ها ها ها ها
حاتم والله قاعد اتابع بوستاتك
لانك صادق...ولكن خليها مستورة ياخى
قلت لى التخفى نعمة مش بالله
تسلم ياخى
وخليك قريب
| |
|
|
|
|
|
|
|
|
|
Re: شوشو عقارب . . . . . تكتب فى البورد (Re: WadAker)
|
| Quote: غايتو عندى ليك أسم (نفيسة كهارب) رايك شنو وماتقول لى ناس أبقوته يقولو شنو |
نفيسة .. كهارب
دا اسم... كارب
تومة شوشو عقارب
ابقوتة صاحب تجارب
من الاسم ماهو هارب
ناذر راسو ضارب
وقاعد فى المغارب
حاتم قلت لى الارواح معلقة فى البوستات
شكرا ياخى على الريدة النتية..
ناس بلدنا قالو لى ممكن نقبل يسموك نفيسة زلط او شوشو زلط
لان الكهرباء جاءت قبل 5 سنة والبركة فى المغتربين وعيش الحواشات
اها بس زلط دى ياربى بكرى بوافق عليها..
خالص ودى لك
| |
|
|
|
|
|
|
|
|
|
Re: شوشو عقارب . . . . . تكتب فى البورد (Re: حاتم الياس)
|
كى داير الشريف
(رشيد ميمونى) الروائى الجزائرى حاول ان ينجو بنفسه من سيوف المجاهدين فغادر الى ( تطوان) شمال المغرب فكان هاتف منزله يرن يوميا وعندما يرد يسمع صوت سكين وذبح وحشرجات فوجد يوما ميتا من الارق والتوتر توقف قلبه
( يا خرتوم شن سلبك نوبتك بجتك حلبك عربك)
كثير مودتى
ناظم
| |
|
|
|
|
|
|
|
|
|
Re: شوشو عقارب . . . . . تكتب فى البورد (Re: حاتم الياس)
|
شوشو
الطرق الباب وجانا سائل
شوشو وين ؟
يا ربي شوشو ولد ولا بنية
أنا طالب مش برمي طعمية
نرجع الأسم لحروف الأصلية
شوى .. يشوي .. شوشوةً
شواية ود الحاجة
عوووووووووووووووووووووك
تبقى شوشو دي بنية
أكون ساكن في قلبها عشوائي
أو أكون أنطواي
ما مهم
تبقى شوشو ميل المماس
أنتو السبيكة أنا الخواص
ما مهم
أنا أكسيد كورسات متردد
مرة فوفو ومرة كاني
حنة النجمة ومرة سالي
وما مهم
بعدين
طلعت شوشو حاتم الياس
ما كبري كوبر عديل .. والنيل الأزرق ..
الابيض ممكن تجلي وتقع في حتة ضحلة ..
ضحلة ضحالة الفكر السطحي
وبدل ما تموت ولا تتكسر
تصيبك هاء السكت بتاعت الرائع بشرى الفاضل
وبعد ده أضم صوتي لصوت حاتم
ويا بكري عقارب عقارب نعمل شنو
وتيمناً بمدينة بحري
أنا عايز أغير لبهية ميدان عقرب
أشوف ود الياس ده تاني بعدي بي وين
سلام
| |
|
|
|
|
|
|
|
|
|
Re: شوشو عقارب . . . . . تكتب فى البورد (Re: حاتم الياس)
|
أخي حاتم إلياس
لقد عكفت على بوستات البورد ساعات وساعات ولم أجد خطاً يشابه خطك الذي إرتضيت وأجد في أسلوب كتابتك العقربية السهل الممتنع ، أو " شوقتك ما ضوقتك" بكلام السوق الغير مبتذل وقد قرأت مقالك هذا مراراً وتكراراً وكل مرة تسلم الجرة ولا أجد أى شئ يشين ما كتبت فلك التقدير والإحترام والدعوات الطيبات بالتوفيق والإبداع وكل معينات الإستمرار في هذا المقام.
نحن أخي في زمان ومكان يحتم علينا التمترس خلف الألقاب والكتابة من وراء حجاب ، فرئيس الدولة ورأس الداء وبطانته يرقصون على أنغام النار ولعت وكلو نار أخي الأسعار نار والجو نار وهي قطعاً ليست برداً وسلاماً إنما نار من نوع آخر لا تشبه نار الشوق ولا نار يمكن الإستنجاد منها بمناداة الحبيب.
وخليك حريص بشوشو المعقربة أو بغيرها
| |
|
|
|
|
|
|
| |
حاتم الياس
Tumadir
عبد الله عقيد
Ahmed Mohammed Osman
bayan
فرح
abuguta
omer abdelsalam
NAZIM IBRAHIM ALI
almulaomar
فيس بوك
تويتر
انستقرام
يوتيوب
بنتيريست