كتب الكاتب الفاتح جبرا المتوفرة بمعرض الدوحة
|
الاصدقاء/يقات الخفين.. وشعور العشيقة.... مرة اخرى ولا توجد سور
|
من فترة لاحظت شئ فى هذا البورد.. تخص الصداقات والعلاقات الانسانية.. وتكشفت لى حقائق جديدة.. حول العلاقات الانسانية...
كل يوم تتم اضافتى من قبل اخوات واخوان فى البورد.. على استعداد للجلوس والتحدث معى لزمن طويل.. ولكن هؤلاء الاصدقاء والصديقات.. لا اراهم ابدا فى بوستاتى...ولا يريدون ان يعرف احد اننى اعرفهم او هناك علاقة بيننا... فقمت بعمل نقد ذاتى( اموت فى النقد الذاتى) لماذا يتجبنبى هؤلاء الاصدقاء/ات امام الناس... !!ولكن على استعداد ان يصادقوننى سرا.. بعد ان تكررت الظاهرة وتحولت الى حقيقة قائمة.. عرفت ان مسألة الكيمان هذه سلوك عميق فى العقلية البوردية فهذا الصديق/ ة الخفى.. يريد مسك العصا من النصف
يريد ان يكون صديقى ويخشى ان يفقد كومه... ولذلك يفضل ان تكون العلاقة سرية.. بما اننى الضلامية رقم واحد فلا احد يريد ان يربط اسمه بى.. خاصة المستنيرين ولكن هؤلاء المستنيرين يريدون.. ايضا ان يكونوا اصدقائى..لماذا لا ادرى؟ فتكونت لى طبقة من الاصدقاء/ات الخفين..و المعجبين الخفين.. فتلبسنى شعور العشيقة..(تشبيه مجازى) يريدون ان يكونوا اصدقائى وصديقاتى... ولكن ان يكون هذا سرهم الباتع فلكل اصدقائى وصديقاتى الذين صادقوننى علنا( لا يتعدوا اصابع اليد الواحدة).. ودفعوا الثمن بالحصار
وبالتعقب وبالابتزاز.. والاهانات.. انا احبكم واقدركم واحملكم فى حدق العين ..
اما البقية اثرت السلامة خاصة فى مسائل مبدئية .. رفضوا ان يدلوا بارائهم رغم انهم يقولون لى انهم يتعاطفون معى ويرون ان هناك ظلم فادح واقع على ولكن يرفضون الجهر بارائهم هذه حين يجد الجد.. هذا منبر عام يجب ان نؤمن بما نكتبه والا.. الطوفان.. ستكبلنا القيود الاجتماعية و النفسية والمجاملات فلا نسطيع ان نحق حق او نوضح ما نراه اذا لم تكن الحكومة يكون الكوم..
وللاصدقاء/ت الخفين.. لا تلزموننى
كنت قد اخبرت احد الاصدقاء بهذا وقال اننى يجب ان اتعلم ان اجد العذر للاخرين ربما هذا الجبن هو طبيعة.. وأن الله لا يكلف نفسا الا وسعها ولكن من الامس يتملكنى هذا الشعور البغيض شعور العشيقة.. التى يفعل من تحب المستحيل حتى لا يعرفها شخص آخر حماية له قبل ان تكون لها.. ولكن ارى ان هناك مواقف مبدئية انا لا اريد ان يقف معى احد بالباطل ولكن .... يستحيل يا اعزائى ان يكون لديكم مواقف متناقضة فى قضية واحدة واحد فى الماسنجر وواحد فى البورد ولا كيف؟
كتابة الجندر دى صعبة..
|
|
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: القلب النابض)
|
سلامات وعوافي هذه مصيبة يابيان .. مصيبة عظيمة اجارنا الله واياكم ... وللاسف الشديد هذا جبن مبالغ فيه .. ما اود ان اقوله ان مثل هولاء غير جديرين اطلاقا بالصداقة .. فالصديق الحق هو الذي يقف الي جانبك كيف ما كنت .. وان كنت علي خطأ يعمل علي تصويبك ..ثم كيف يمكن ان نسمو بعلاقاتنا الانسانية مالم يكن الصدق هو ديدنها .. نسال الله السلامة يابيان وماعليك الا ان تكوني علي ما انت عليه والحكم هو الله ..
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: ودرملية)
|
Quote: هذه مصيبة يابيان .. مصيبة عظيمة اجارنا الله واياكم ... وللاسف الشديد هذا جبن مبالغ فيه |
نعم يا عزيزي جبن متناهي
مرة كتب احدهم بوست شدني لانسانيته. كتبت له متعاطفة رد على الكل في البوست ورد شاكرا لي على المشاركة في الماسنجر الداخلي
شخص يدعي التقدمية ولا يستطيع ان يستخدم تقدميته بان يقبل الاخر.. يتحرر من ربقة الشلة والاصدقاء..
الحمدلله ان هذا الشخص لا يربطني به غير زمالة البورد..
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: القلب النابض)
|
Quote: فالذي يخاف الحصار لا يدافع عن صديق حتماً ولا يحق له الحق
والذي يخاقف الحصار يعيش بوجهين
والذي يخاف الحصار لا يقول رأياً صادقاً
ماذا اقول غير هذا .. |
نعم يا ابنتي العزيزة الشخصية السودانية قائمة على التخفي.. لا ادري كيف يرضى انسان ان يعيش في تخفي.. هذا البورد هم المكان الوحيد الذي يمكن ان نمارس فيه حريتنا فلماذا يفرط فيها الناس لذلك يكون السوداني مكبل دائما بالقيود.. القيود النفسية. والمجاملات والخوف من خسارة الاخر..
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: bayan)
|
الدكتورة بيان بعد السلام والتحايا والذي منو متابع قلمك من بعيد ومتابع مشاركاتك وما أظنك بلسانك الطويل وصراحتك وفكرك الخلاّق محتاجة لي شلة تساندك والله بستمتع بمداخلاتك جداً جداً حتى في أشد حالات العراك تعجبني سخريتك الرزينة . . أنا لا ظلامي ولا مستنير لا كنت صديقك هنا ولا بعرفك في الماسنجر شوفتي الحوسة دي ( وش حاني على حالو )
لكن العاوز يقول كوز يقول والعاوز يقول جردل يقول أعلنها اليوم داااوية هنا.. وبالحبر الأحمر أنا صديق بيان والعاوز يحاصر يجهِّز قليبة الشوك حقتو في وضوح أكتر من كده يا بيان ؟؟ أها تاني عندك كلام ؟؟ خوالص المودة
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: ثابت محمد)
|
أنا صصدييق بيااان..دى حقت الرجفه
زمان عندنا صاحبنا على فزع فى المغرب أحمق ومشاكلو كتيره فى كل زقاق بيعمل شكلا أكان زول عاين ليهو ساى نحنا نحاول نطفى الموضوع جاى جاى هو ينط يدى الزول كف تاااح مع أنوزول قصيرونى وضعيف أها المغاربه يتلموا فينا وهاك ياخبت ونحنا بنظرية مجبراً أخاك لابطل نلقى نفسنا مورطين فى شكله دموم وخبت وحجار كلنا ضحايا مزاج على فزع الشرس
يادكتوره دا قياس ناقص شوية..ده لزوم الشكل
ولزوم أشياء أخرى نقيف معاك دود لأننا مورطين فى حب صديقه عظيمه هى بيان
سماح يافرده
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: حاتم الياس)
|
التحية اليك ولأفراد أسرتك الكريمة لا أعرف كثيراً في اللغة ولكن يبدو لي أن البيان تعني الوضوح وعندما يقال أبان الشيء يعني أوضحه في يوم ما في هذا المنبر اعجبتني عبارة تقول الانسان يجب أن لايتكيء على الجدار بل عليه إن كان يثق في نفسه أن يمشي بعرض الشارع من اسوأ الأمور في هذه الحياة هو الغموض وعلى الانسان أن يكون صادقاً في علاقاته وأن لايتخفى بمثل هذه الطريقة حقيقة أسلوب مخجل في التعامل أما أن تكون صديقاً وإما أن لاتكون ولاتكون ولاتكون وكما يقولون على الانسان أن لايركب { سرجين } كذلك هناك نقطة مهمة يجب علينا أن لانحكم على الانسان من خلال مايعبر عنه وحتى لو كان الانسان ظلامياً فبالتأكيد هناك نقطة ضوء في كومة الظلام وعلينا أن ننظر لهذه البقعة من الضوء أعجبتيني لأنك أعطيتي كرتاً أحمر لكل الغامضين وكويس انك مانطحتيهم زي زين الدين زيدان قال ظلامية قال !!!
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: ابوحراز)
|
وياربي لـو بكـري لغي المسنجـر يحصـل شـنو يابيـان?
عارفة يابيان ..مشكـلة الخـوف دي علي الرغم مـن اني شـايفة الظـروف البتم فيها لكـن انـا مامقتنعة اساسا... بإنه زول كـبير يفترض انه واعي يكـون بيخـاف مـن اي حـاجة غـير الغلط..وحقيقي أري في ذلك جـبن اخلاقي ..فيه خـوف وفيه ربما لعب علي الحـبلين...
تحياتي بيان واتمني رحـلتك لسـودان كـانت حـلوة..
مـني
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: المسافر)
|
Quote: لكن لماذا هذه الشعور..وكيف هي؟ هل هي عوارض أم متلازمة ليس لدينا وصف لهذه الشعور لكن هل هي شعور بالظلم ..؟ هل هي شعور بالإجحاف |
يا ود بلدي سلام
تصدق انا بحزن ليهم اكثر من احزن لنفسي لانه جد كيف بيواجهوا نفسهم بالزواج العرفي دا..
المدهشني ليه عايزين يصاحبوني سرا موش حاجة غريبة...؟؟؟
انا ما شاعرة باجحاف شاعرة انه مبدئيا لا يجب ان تصادق احد سرا..
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: bayan)
|
العزيزة بيان
حمد الله على السلامة
Quote: كل يوم تتم اضافتى من قبل اخوات واخوان فى البورد.. على استعداد للجلوس والتحدث معى لزمن طويل.. ولكن هؤلاء الاصدقاء والصديقات.. لا اراهم ابدا فى بوستاتى...ولا يريدون ان يعرف احد اننى اعرفهم او هناك علاقة بيننا... |
عدم الظهور في بوستاتك لا يعني أنهم يخجلون من علاقتك بهم أو علاقتهم بك أنا شخصياً تعرفت عليك قريباً ووجدتك إنسانة جيدة تستحق المعرفة وتستحق الصداقة ولا أخجل من علاقتي بك لأي سبب، ولكن لم يحدث أن شاركت في أي من بوستاتك....
تسلمي عزيزتي
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: Ishraga Haimoura)
|
العزيزة اشراقة كيفك يا عزيزتي
المسألة موش تخش بوستاتي او لا.. المسألة اكبر من كدا.. المسالة يا حبيبتي الكيمان. الكوم يكون معاديك يكون في واحد بريدك لله لكن برضو عايز كومو اها يمسك العصا من النص.. يجي يتونس مع الظلامية يتكلم في كل المواضيع من منو القد الابرة لغاية الله.. لكن ينكر معرفته بيك خالص في الواضح.. اقوليك كلام انا الناس البحبهم بالجد بحذرهم من الدخول عند اطلاق نيران.. لانه بحزن لما يصلهم راس السوط.. فما تفهميني غلط...
انا عايزة اصاحب الناس في الضؤ.. وعايزاهم ما يكونو متناقضين.. واقوليك انا اعز صديق عندي في البورد من فلول اليسار آكلي الولفير...( رغم انه قال هو بس فلول لكن ما من آكلي الولفير ) معلن صداقته ولا يشارك كثير في بوستاتي.. لاختلاف الاهتمامات.. وانا احترم فيه ذلك.. اسع انت برضو صاحبتي وحبيتك شديد لكن ما عايزاك تشاركي في بوستاتي لكن عايزة لما الاقيك يكون ظاهر الود..وما تقولي بس بيان "الجريهة" ما بعرفها والله
وشكرا لك..
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: bayan) (Re: bayan)
|
العزيزة د / بيان حقا انه لشعور محبط ان يكون الناس منافقون لهذه الدرجة عرفتك منذ اول يوم لى فى هذا البورد بانك انسانة صادقة ... لاتزورين قى احساسك ارفعى فى وجوههم ( الكرت الاحمر ) كما قال العزيز ابو حراز ... بان كل صداقاتك فى الضوء وتحت السمس ....
انا موجود فى السودان ... كم وددت ان التقى بك فى لقاء سودانيز اون لاين .. او فى رحلة بورداب الخرطوم ولكن حتما سنلتقى...
اكيد مشيتى عطبرة .. ساكون اسعد الناس عندما ارى البوست الخاص بعطبرة ....
لك خالص ودى .
احمد داود
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: bayan)
|
بالرغم ما حصل اتداخلت معاك لكن متابع معظم ما تكتبين و معجب جدا بمعظم ما يخطو به قلمك الرصين (بالرغم اني قارئ كسول جدا) .. الشئ الوحيد الما حبيت ليك الترشقات مع ناس ما بتسوى قطعة القماش الاتولدوا فيهاو انت عارفة انا قاصد منو. خليهم يمتوا بغيظهم .... لكن برضوا معجب هل ممكن اعتبر نفسي صديق من اليوم...
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: bayan)
|
سلامات العزيزة د.بيان الظلامية انت زاتك قبلتي انه تكوني في محل عشيقة ليه انا شايف ان المشكلة منك انت وعذرا اذا اتدخلت في موضوع ما حقي المهم ما مشكلة ان الزول يكون ظلامي ومحترم يعني مقتنع بي فهمه يعني العلاقة معاه ما بتخجل لكن لما يحس ان الناس بتخجل من علاقتها معاه في النور فده معناه ان فيهو مشكلةاو الناس فيهم مشكلة بعدين الضلام اللي انت فيه ده انحن متعايشين معاه من 89 وقادرين نتعامل مع باقي الظلاميين الفي البلد دي وزياده ظلامي ما مشكلة في العلاقات يعني اي زول يبكون عنده واحد او اتنين ظلاميين في دايرة معارفة وبيكون متعامل معاهم وقادر يتحملهم وما بينكرهم (مع ان الشينة منكورة) فشوفي انت كنت قاعده تسوي شنو وهي فرصة كويسة لمراجعة حياتك السابقة كلها وارائك السابقة كمان والبتصلي ليه ورينا ليه وهو اصلا ما في نار من غيرحرارة وما في رماد من غير نار
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: محمد علي يوسف)
|
Quote: فشوفي انت كنت قاعده تسوي شنو وهي فرصة كويسة لمراجعة حياتك السابقة كلها وارائك السابقة كمان والبتصلي ليه ورينا ليه وهو اصلا ما في نار من غيرحرارة وما في رماد من غير نار |
سلام يا محمد والله ذي ما شايف.. بس بقول اراء بعتقد بيها.. الناس هنا اي زول عنده كوم فيهو صنم.. الصنم دا بيوجه الاعضاء يحبو منو ويكرهو منو..
الحمدلله انا ياني انا من ولدوني الى الان.. الرماد هم ما انا ياخي.. دي ناس بتفتكر اني كويسة سرا لكن لازم تغرد مع السرب اهم حاجة عارفين اني ما ظلامية.. لكن الكوم حكم يا قسايا..
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: bayan)
|
العزيزة د. بيان
لك التحية
بتفق معاك تماما في كل كلمة كتبتيها
Quote: وللاصدقاء/ت الخفين.. لا تلزموننى |
أسوأ حاجة لمن تكوني مضطر لمصادقة أناس انت عارفه انهم أصدقاء ما حقيقيين , أول ما تتعرضي لأزمة وتحتاجي وقفه منهم يبعدوا تماما!
وأسوأ حاجة قابلتني في البورد , الناس البتجي في المسنجر تأيدني لو دخلت في خلاف ما, أو لو كتبت بوست , وما حصل لقيتهم بأيدوني أمام الناس في البورد أو حتى بدخلوا بوستاتي !!!!
وبردد معاك انهم ما بلزموني
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: غادة عبدالعزيز خالد)
|
الاخت العزيزة دكتورة بيان تحياتى وتقديرى لكى ... دعنى اختلف معك فى الرأى فى فى هذا الشأن ، واضرب لكى مثال بشخصى فلى كثير من الاصدقاء وتربطنى بهم علاقات قوية فى هذا المنبر ، ولكن عندما اتصفح المنبر لا امر على اى بوست فلى اهتمامات معينة فلذلك لا استطيع ان ادخل فى اى بوست وهذا لا يعنى اننى لى راى فى الشخص صاحب المقال الذى لم ادخل فى بوسته، فيجب علينا ان نفرق بين الصداقة وحوار المنتديات والذى فى كثير من الاحيان لا يعبر عن شخصية الكاتب الحقيقية فالعلاقات الانسانية يجب ان تكون فى منأى عن اختلاف الاراء والمواقف الايدلوجية والسياسية.
مع كامل تقديرى لك
سيف
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: bayan)
|
د. بيان العزيزة
طبعاً "السلوك" دا فيهو اطراء شديد كون (الاصدقاء الخفيين) برغم (الدعاية المضادة) متمسكين بشكل من التعاطي مع د. بيان لكن بدون ما يتعرضوا للنيران البتستهدفا، طبعاً الود و الصداقة بيحتملوا الاختلافات في وجهات النظر و دا قد يكون سبب في عدم "ولوغ" (الاصدقاء الخفيين) في الظهور العلني مع الدكتورة... أو في بوستاتا او صراعاتا او حروبا و انتي اساسا يا دكتورة ما بتحتاجي لي دعم لوجستي أثناءا
توقيع: الصديق غير الخفي: محمد الحاج
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: Mohammed Elhaj)
|
العزيزة بيان تحياتى إنشاءالله (بوست) الكفار ما يكون علاقة سرية تعرفى إنتى جبتى الموضوع صاح لكن ما بإمانة. (أوع تتحكرى وتتجهزى للشكل. خلينى أتم كلامى.) الإختلاف فى البورد ده فجور. وموضوع الشللية حقيقة. يعنى الدخول فى (الشخصى) فى كل إختلاف فى الرأي. وده إنتى ما معفية منه. والغريبة البحاول يعمل معادلات فى طرحه بتسموا (ماسك العصاية من النص) يا معانا يا معانا. أناممكن أكون معاك مية و ضدك ألف. فشخصى وشخصك (رأى). وقصة مداخلات (البوستات) زى ما زكر أخونا سيف الدين ما مجاملة ولكن مجادلة وإهتمامات. تعرفى أديتينى فكرة (بوست) يودينى الخور وما خسران. ما عاف أسميه شنو لكين يكون بالسجع وما بستنى مداخلة وأطقعها (دراب دراب) وزى ما قال أستاذنا المرحوم محمد صالح إبراهيم (والى يعرف أبونا يروح يقولو) أبداه عندك هنا:
حبيت بيان السمحه أم يدآ قويّة فتحت لى تراجى لا إيدى لا كرعيّة وود عقيد زعلان و صاريها ميّه الميّه والشايقى الفصيّح مبيت ليه نيهّ
ونواصل فى صفحة تانية والدعوة عامة
رأفت ميلاد
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: رأفت ميلاد)
|
Quote: والغريبة البحاول يعمل معادلات فى طرحه بتسموا (ماسك العصاية من النص) يا معانا يا معانا. أناممكن أكون معاك مية و ضدك ألف. فشخصى وشخصك (رأى). وقصة مداخلات (البوستات) زى ما زكر أخونا سيف الدين ما مجاملة ولكن مجادلة وإهتمامات. |
رأفت ميـلاد الســلام والإحترام يتخيل لي أنك طلعت شوية من موضوع البوست د. بيان بتتكلم عن ناس في الماسنجر معاها ومقتنعين بوجهة نظرها ماقادرين يجاهروا بصداقتهم ليها وقناعتهم بيها عشان الشللية د. بيان عاوزة الصديق يكون صديق في الضوء مثل ما هو في الظلام والخصم خصم واااضح من هنا جاء تعبير العصاية من النص أما الإختلاف في الرأي فهذا حق مشروع للجميع وظاهرة صحيّـة هي دعوة لتغطية المساحات بالوضوح .. يا ضُـل يا شمس بس ما يكون رقراق
أو هكذا فهِم الفقير لربه ثابت محمد
المودة لك ولدكتورة بيان
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: رأفت ميلاد)
|
العزيز رافت
تعرف زمان كان عندي صديق عزيز قبطي وشيوعي كنت بقوليه حطب النار تربيع.. كان بيضحك لما يدمع.. هل ممكن اقوليك حطب النار تربيع وماتدمع بالزعل؟.. انا بهزر معاك.. الموضوع وما فيه يا رافت ياخوي انه عندي ماسنجر فيه عدد معتبر من مختلف الاتجاهات.. دائما بنخش في نقاشات عن الوطن والله والادب وحرية التعبير وكافكا قال.ز يعني كلام مسقفين.. مشكلتي اصحابي المسقفين ديل عندهم راين.. واحد في خلوتنا تلك واحد في سهلة البورد.. ودا المجنني. قولي خلو انت قولك شنو لو حصل ليك الكلام دا؟ وعشان ما تقول برنويا مني من قبل رايت كاتب قصة هنا بقيت طوالي بخش معاه في حوارات وبقينا اصحاب بوردابيين ما وصل ماسنجري اها لجنة الوصايا والكيمان ايوة نفس اللجنة الحتتصل بيك لو بقيت تتناقش معاي رسلت قالت ليه بيان دي كوزة وضد دارفور وانا ما كوزة وفي حياتي لم اتحدث عن دارفور.. جابو الفهم دا من وين؟ المهم الزول دا جا وكتب مؤمنا على اني كوزة وضد دارفور.. لكن هو حر اليوم داك لاول مرة احس حقا باني جرحت حقيقة.
عشان حاملي الاختام ديل انا عايزة الكيمان تتفرز
مودتي..
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: bayan)
|
العزيزة بيان,
لمحتك و حولك الكثيرين من المرحبين فى لقاء البورداب فى المتحف و تمنيت حينها ان احادثك و كل فرد من الاعضاء على حدا اتعرف عليهم عن قرب و لكن و لعجالة اللحظات لم اتمكن من ذلك و عزائى هو ما تتيحه الحروف من امكانية لقاء ارحب و اوسع .
بيان الصديقة, حروفك تعكس ما تتمتعين به من قوة شخصية و ثبات على المبدأ و ليس فى ذلك من عيب و لكن كم تمنيت ان تمنحيها بعضا ما تفضلين من (النقد الذاتى ) اى النظر اليها من زواية انها ان وجهت اليك ما هو رد فعلك تتجاهها ؟ و ما الى ذلك و اظن انه و هو ما جل ما نحتاجه جميعا حتى نجنى ثمار تعدديتنا المتسامحة.
و عندها ننعم جميعا بما ذكرت ادناه:
(انا لا اريد ان يقف معى احد بالباطل ولكن .... يستحيل يا اعزائى ان يكون لديكم مواقف متناقضة فى قضية واحدة واحد فى الماسنجر وواحد فى البورد)
لك كل الود و الصداقة المعلنة,
نادية السر
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: Nadia Elsir)
|
دكتورة بيان
بعرف ناس كتار في البورد ده ,,وما قاعد حتى ادخل مواضيعهم ,,, فيهم أصدقاء ,,,ما فكرت أبدا انه أشاركهم من باب الكيمان ما ضروري أبدا ان تكون صداقتك أو معرفتك خارج البورد وداخله لها علاقة بالمشاركة او إبداء الرأي او التاييد وأنصر أخاك
وبعدين شي طبيعي أي زول بيفتح نيران أو تتفتح عليهو نيران ,, في طبع سوداني معروف ,,, الواحد لو راكب في حافلة وصاحبها عمل مشكلة مع بتاع حافلة تانية تلقى الناس الراكبين معاهو وقفوا معاهو دود ,,, وده نوع من الوقوف غير حقيقي
ما تلومي الناس ساي
ما تقيسي علاقات الناس خارج البورد او مواقفهم داخل البورد
لو كان الإختلاف فكري فهذا مطلوب ولا يحتاج كيمان
لو كان الأختلاف او الهروب غير ذلك ففي ستين
اي زول في الواجهة عليه ان يتوقع النظرة الكعبه
بالمناسبة أي زول في المنبر ده بشوفو بطيخة على السكين ,,, ممكن تلع حمراء وممكن تطلع بيضاء وممكن تطلع لاقة والتقييم ده مع كل بوست الى ان يثبت بالتواتر ان بطيخو كل كويس وومكن تنجاوز اذا لقينا بطيختين تلاتة ما كويسات
في ناس بيتجاوزوك تماما في الردود ويردوا على الناس المعروفين ويزيدو في شكرههم ,,, وده من حقهم ما ممكن تقول فلان ده ليه ما رد على أو ما بيدخل بوستاتي ,,,برضو من حقهم لو زول طنشك مرتين وتلاته معناهو ما عايزك او ما جاهلك بالمعني الدارجي
والله مرات اشارك في بوست زول وما اكتب اسمه أو ما أقول الصديق او المبدع فلان أو علان يقوم يزعل
فب ناس زينا هنا ناس قريعتي راحت ما ممكن تتوقع تصرفاتهم ولا تعرفهم شايتين وين ,, يعني ممكن ادخل على موضوع وأرد وانسى كاتب الموضوع ,,, ما هو الموضوع بيستحق الرد يعني ما مشكلة لو نسيت أسم كاتبو ,, برضو احسن مما ارد وخاتي في بالي انو الموضوع ده لازم أدخل فيهو لأنو كتبو فلان او فلانه
زمان قلنا البورد ده ليهو ظروفو وكل شئ متوقع ,, لكن في ناس ليهم مية سنه ما مصدقين ,, دايرينو يكون سياسي فقط أو فكري فقط او سودان جديد أو سودان حضاري فقط
حقيقة ما بعرفك شخصيا عشان كده ما حيكون ردي ده مشكلة
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: newbie)
|
يازولة فى بوستك دا جننتى الرجال حتى البنات عشقنك.
أنا غايتو عندى خمسة أعداء تلاتة ضكور واضحين
واحدة إنتاية
واحد ضكر بط متخفى وعامل الأربعة الفوق ديل ساتر.
الإنتاية لامحالة سوف تفتح معاكى شكلة كبيرة وسيتبعها الضكور التلاتة زايد واحد.
كل طاقتى فى الشكل حا أديك ليها اليوم داك.
الحمد لله جميعهم ماعدا المتخفى من مطاريد هذا المنبر.
مع إنى أراك تحاولين كف العين (بالشكل) ولولا خوفى من دكتور إبراهيم يغير لأسهبت فى ذلك كما أسهب ود الزومة فى (ياآسيا بابورك فى الأراك).
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: newbie)
|
نيو بي
سلام وازيك سعدت شديد بما كتبته.. اشركك في كثير من النقاط.. لكن انا مسألتي موش الاصحاب البيجو يحاربو معاك لا والف لا مشكلتي الناس المنافقة.. انا ذي ما قال حاتم الياس (كفيلي الرسمي في الخرطوم) جيش بحالو.. واصلا ما بخلي حقي خاصة الحق بتاع الخساسات نوع يصاحبوك باسم ويشتموك باسم ودي حصلت لي هنا كان في واحدة ظريفة معاي وانا العبيطة مصدقة انك ممكن تكون مختلف فكريا وانه الاختلاف لا يفسد للود قضية.. طلع في اسم كدا طوالي مناقرني طلع دا اسمها الثاني.. دي حالة من الحالات الاقتني من اصدقاء الماسنجر
عشان كدا كتبت البوست دا زمان.ز واسع رجعتو تاني عشان الموضوع بقى يتكرر. الزول بقى ما عارف الصديق من العدو.. بس المسعلة فرز كيمان موش تباكي على اصدقاء او خوف من قلتهم..
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: Nadia Elsir)
|
العزيز نادية سلام وكيفك
ليتك تحدثتي معي لكسبت صديقة جديدة. ذلك اليوم الجميل كان اول مرة اظهر في العلن لعدد كبير. فأنا لبعض هنا الظلامية الساحرة الشريرة الشمطاء الحيزبون الهاكرة (كما يناديني صديقي المذكور اعلاه من فلول اليسار..)
كا قلت ربما لحملة حاملي الاختام بانني كوزة وظلامية وضد دارفور. صار هذا الحب الخفي والكره العلني..
وربما ايضا سطوة الكوم.ز لدي بوست عن الاكوام في مكتبتي كتبته سنة 2003 متعرضة لهذه الاكوام والاصنام بالتحليل.. وربما لانني شرانية اكثر من اللازم.. ما عارفة والله..
وسعيدة جدا بمعرفتك واتمنى ان تمتد العلاقة..
| |
|
|
|
|
|
|
Re: الاصدقاء/يقات الخفين.. وشعور العشيقة.... مرة اخرى ولا توجد سور (Re: ثابت محمد)
|
Quote: لا حولااااااا .. عيني باردة .. بالله ديل كلهم أصحابك ؟؟ |
ايوة بالله ما تسحرهم علي ديل اصحابي وما خفي اعظم(وش مادي لسانو للاصدقاء الخفيين)
Quote: متين بلحقنا طرف توب الصداقة ؟؟ |
لاحقاك من اولو. اها ثابت دا يا ناس صديق خفي دابو بقى يطلع من "الكلوزت"
شكرا ليك يا ثابت على حديثط الطيب وقولك الحق دائما..
مودتي ومعزتي..
| |
|
|
|
|
|
|
Re: أجيب على سؤالك، وتغيب عني إجابات.. (Re: ابي عزالدين البشري)
|
ولدنا ابي
قرأت ما كتبته وسرحت طويلا...
اولا انا لم اقصدك بهذا البوست.. كما ذكرت انت فان مراسلتنا عبر ماسنجر البورد تمت لتوضيح وجهة نظر وازالة سؤ تفاهم.. الماسنجر الذي اقصده هو ماسنجر الهوت ميل.. تتم بيني وبين عدد من الاخوات والاخوان مراسلات عبر الماسنجر الداخلي.. لتوضح بعض الاشياء الخفية.. ولكن لا اعدهم اصدقائي ولا اظن يعدونني صديقتهم.. وهناك حادث شهير عندما صار يطاردني احدهم سالته في الماسنجر لاستجلاء الامر وعرفت انه محرض من ذات النسوة
وطلب مني مخاطبته عبر البورد واوحى انني اطارده بماسنجرات اعجاب.. وكان ماسنجر واحد.. نشرته.. ضحكت كثيرا لكمية الرجال الفاقدين حنان هنا.. كما حدث لزميل ارسل ماسنجر داخلي لعدة نساء ظنت احداهن ان هذا تقرب ايضا كم من النساء فاقدات حنان.. عليه اخي ابي.. ما كتبته هو عين الحقيقة هناك استقطاب وتحريض في هذا البورد ولكن على الانسان ان يختار حروبه.. ولا يحارب بالوكالة.. وعليه ان يكون تفتيحة ولا يدخل فيما لا علم له به.. واعرف وقيل لي اكثر من مرة ان هناك من يكتب لكل من يتقرب لي انني كوزة وضد دارفور اصدقك القول لا ميول سياسية لدي فقط اكره الكذب والتلفيق والاشاعات.. وشكرا لك على صدقك مع نفس والاخرين..
اما ظلامية فهذا وصف يشرفني جدا اذ قيل لي في معرض دفاعي عن الاسلام.. وصنفنا نحن عدد هنا بالظلامين وهي صفة لا ترادف كوز كما يظن البعض.. والحمدلله الذي جعلني من زمرة الظلامين..
وشكرا لك لدعوتك لي للاهتمام بالادب الذي هو تخصصي,, مودتي واحترامي لك..
| |
|
|
|
|
|
|
|