|
|
|
 Re: ناشط جعلى.................فى حقوق الأعراب (Re: حاتم الياس)
|
| Quote: وناشط هذى واحده من تخريجات العولمه الأعلامية وماتفرضه المديا عبر غلالة العنف الرمزى |
العزيز / حاتم الياس
لك التحية
هذا ( النشاط ) المتسلسل في عصر العولمة يصيبنا يوميا بالدوار .. مادام البعض له القدرة على ( النشاط ) في كل ركن من أركان هذه الدنيا ولو كان في حجم ثقب إبرة .
-------
عمر عبدالسلام
| |
 
|
|
|
|
|
|
|
 Re: ناشط جعلى.................فى حقوق الأعراب (Re: omer abdelsalam)
|
حاتم الصمت والنزهات القصيره ومازال مسلسل الرفقه متواصل معك بعد مجانيه التعليم وقرعه الخطه الاسكانيه وزماله المهنه المره دى مجانيه المنتديات
Dr_Bringy
طبعا الزول الاسمو حاتم دا عارفا ليك داير اتخلص منى لكن القاها عند الغافل
على عجب ازيك ومشتاقين والله
ملاسى ياشاب وين مختفى ولا تلفون حتى
| |
|
|
|
|
|
|
|
|
|
Re: ناشط جعلى.................فى حقوق الأعراب (Re: omer abdelsalam)
|
عمر عبد السلام
كما أن أعلامنا المرئى هذه الأيام ولمتابعة الموضه فى الفضائيات العربية أصبح (يكلفتنا) كل ماطرأ حدث مهم..بفلان الفلانى..محلل سياسى..محلل أستراتيجى يعنى مافيش حد أحسن من حد
والأمر أصبح بوابة سهله للأدعياء..أمام أبواب أعلام فقير ولاندرى الى أين تسوقنا المديا
لذا أحببت أن أصنع من صديقى فرح ناشطاً على طريقتى الخاصه وفى حقوق الأعراب قبل أن تدرج فى نظام الطابووالمحرمات
| |
|
|
|
|
|
|
|
|
|
Re: ناشط جعلى.................فى حقوق الأعراب (Re: خدر)
|
أولا أمنياتنا لفرح بالتوفيق
والنشاط
وثانيا لفتتني تمسك المحامين بكلمة الجعلي في الاسم
وخاصة لما وجدتها في لافتة صديقنا هاشم ابوبكر محمود
وجدت الاسم على المكتب هاشم أبوبكر الجعلي
قلت ليهو الظاهر الحكاية عايزة ليها جعلية
وأنت يا حاتم الياس ود المانجيل
جدك الشيخ ألمين ود ود عجيب آخر مشايخ العبدلاب بعد تسليمو الخرطوم للأتراك ولما دخلو الترك البلد قال لي جماعتوه مانجيل دي خلوها وشيلو المناجل
والفالح فيكم يسوي ليه ترس وحكاية الشيخ الشيخ دي ما بتجيب فايدة..
أما أجدادك الإنقرياب بعدما كان سكنهم في حجر أم بله حول جبانة البشر التور سيد البنية وجزيرة ارتولي والفقرية انكشفت ليهم الأرض من السارة وسر أم باس والكيرهانة وجنينة الحكومة نزلوا عليها بالسكاكين..والعكاكيز ..وما فات عليها النهار وإلا صبحت في يد الشيخ حمد ونازعو فيها حمزة ولاده ووقعت معركة بالسلاح الأبيض على خور الدونساب استمرت يومين ..
وبعد داك القوي يقلع من الضعيف ..
دي قصص المانجيل
أحسن ليك مانجيل ولا جعلي على الأقل تدخل بيها المحكمة وانت مقتنع بأن القاضي عامل حساب لجعليتك؟؟
| |
|
|
|
|
|
|
|
|
|
Re: ناشط جعلى.................فى حقوق الأعراب (Re: المسافر)
|
خدر..مودتى الدائمه يازول الشرق
قل لى..مارايك فى الحان صلاح أدريس عشان تعرف عصر السلفقه الماغصنا دا
قريبى المسافر...ماتحكى عن جدك (كورينا) ودوره الأساسى فى تهريب سلاطين باشا عبر الجزيره (ملو) أها مارميته ليك بب
كما انك تعلم تمام العلم بان المناجل أهل ككر......ومع ذلك يجهجهم الجمال للحد الذى ينسون فيه مهامهم..(وجه جاد...وتحت تحت ضاحك)
| |
|
|
|
|
|
|
|
|
|
Re: ناشط جعلى.................فى حقوق الأعراب (Re: انعام عبد الحفيظ)
|
المحتفى به فرح
حبابك وحباب أهلك الإنقرياب
حاتم ود الياس المانجيل
جدنا إبراهيم كورينا لم يشترك في تهريب سلاطين باشا
لكن من شارك في تهريب سلاطين باشا هو العمدة إبراهيم ود حمزة (عم جدتنا بت النخيل) ، وذلك لخلافه مع الخليفة ود تور شين ، وهذه الواقعة تحكيها جدتنا بت النخيل ، فهي شاهدت الواقعة على الطبيعة وكيف الخواجة جابوه في ملابس حرمة وأقام الليل معهم بعد أن أعدوا ليه الخيل وقطعوا بيه البحر ووصلوه لحد الريف ورافقهم العمدة إبراهيم بنفسه لمعرفته بالطريق والناس حتى دخوله إلى مصر..
حكوات الجدة بت النخيل تديك ليها مقشرة بلا بوتيب وقبل ما تجيبك عن سؤال يخص هؤلاء الناس تقول ""نقرهم حجرهم" عشان ما يقوموا من تربهم ويعملوا الأعمال التي كانوا بيعملوها.. وتقول ليك كنا بنأكل ونشرب ونلبس الحرير وعارفين إنه ثمنه الدم والسيف والحربة .. الجماعة همباته عديل كده.. محتكرين الطريق ومعروفة الأتاوة لو ماوصلت بنفسها السيف جاهز.. ومافي وقت استعر فيه القتل والتشتيت أكثر من القرون الثلاثة الماضية .. وبعدما أستباحت الخيل الدم والحرمات ما بقى لأحد عهد .. وإن ظهرت الخيل .. يا قاتل يا مقتول..وإن حدثتك نفسك تمد إيدك أو تصل برجلك تحت الظلام بتصبح تحت الأرض قاتلك ما يتعرف..
ابراهيم ود حمزة لما جابوه للخليفة ود تور شين بعد كتلة ود سعد ، لأنه حارب مع ود سعد وقبضوه معاه وكان مع ود سعد في مكان واحد ، ولما طلب ود سعد لمقابلة الخليفة وكانت من عادة الخليفة أن يقابل الأمراء بكامل سلاحهم، إبراهيم ود حمزة قال لي ود سعد إنت إن دخلت بسلاحك مافي حد بقدر يصدك ، أهجم على الخليفة ده وريحنا منو ، هو قاتلك قاتلك، عبد الله وسعد قال ليه دي أنا ما بسويها.. إبراهيم قال ليه أنا لو دخلوني بسلاحي بسويها.. وفعلاً سمح لود سعد الدخول بكامل سلاحه وحكم عليه بالموت، وبعد موت ود سعد طلبوا إبراهيم للمقابلة.. لكن جردوه من سلاحوا لأنهم عرفوا مقصدو .. الخليفة قال ليه يا غبراهيم.. الزول تدخلو في قلبك ده ويمرق منو.. أنا ختيتك في قلبي وانت مرقت منوا.. إنت يا إبراهيم تمرك الكافر وتساعدو؟ ابراهيم قال ليه أيوة مرقتو، هو مرق من بيتك ده وقدام عيونك.. كيف ما بمرقو.. الخليفة قال لحراسو إبراهيم ده .. ختوه واتغافلو عنو.. خلوه اليفز ويروح.. إبراهيم أبى أن يستغل هذه الفرصة.. ود تور شين قال ليه يا ابراهيم يا ابراهيم مالك مافزيت مالك مافزيت.. ابراهيم قال ليه مش أنا يا عبد الله.. قال ليهم الزول داأقطعو راسو ريحونا منو.. وقطعوا رأسه في تلك الليلة..
اخته في بنينة ولدها بتقول ليه (( خيط الحرير مو قزة دايراك مثل أبوي جبلاً ولا بتهزة مثل ابراهيم أخوي من القتل ما فزة مثل ألمين أخوي شطة وعقارب حزة..في الحارة ام شرور العقلة فوق الحزة الخيل أم صدور ما بتدور اللكزة إن رجعت سروجها راجية المساير حزة"
| |
|
|
|
|
|
|
|
|
|
Re: ناشط جعلى.................فى حقوق الأعراب (Re: حاتم الياس)
|
الما صاحب حاتم الياس ما صاحب..
ناشط جعلي انقريابي في حقوق الانسان
طبعا الانقرياب ديل اجود انواع الجعليين(خشم ضاحك من الاضان للاضان)
نتمنى للجعلي فرح رحلة موفقة الى بلاد اليانكي
..
عن
المسنات المعجبات بحاتم وصاحبو..
مافي حفلة ولا هزة كانون للوداع؟
| |
|
|
|
|
|
|
|
|
|
Re: ناشط جعلى.................فى حقوق الأعراب (Re: حاتم الياس)
|
| Quote: مدلولات الكلمات ذات الصيغه الراديكالية السياسية والأيدلوجية معانى تخرجها من طابعها الجزرى المعاد والذى يمكن أن يجد سنده الفكرى من نظريات ثوريه تسعى لمعالجة واقعها بشكل جزرى الى محض وصف وظيفىمرهون بسقف محدود وأصلاحى |
والله يا حاتم الكلام الفي الكوت ده قريتو ستة مرات ..
لامن اربط عبارة بي العبارة البعديها يكون المعنى الاول راح ..
حيرتني عديل ؟؟انتا الكلام ده بتجيبو من وين؟؟
انتا موش عزمتني مرة فطور في مكتبك في السوق العربي ..
لاقيتك في محل النت الجنبك ..
تلك الايام كان نعش الراحل قرنق لايزال طريا والخرطوم في توتر عظيم ..
اديتني كرت مكتوب عليه المحامي حاتم الياس ..
او هكذا يبدو لي الامر ..
وربما تشابه الامر بينك وبين بوردابي اخر ..
عموما
اتمنى معك لهذا الفرح رحلة سعيدة ..
وان يجد من تركهم هناك في شوق اليه ..
وما اسعد من وجد مشتاقا إليه هذا الزمان..
| |
|
|
|
|
|
|
|
|
|
Re: ناشط جعلى.................فى حقوق الأعراب (Re: حاتم الياس)
|
يا حاتم الزول الجاى بلاد اليانكى دا نازل ياتو فريق؟؟
بندور نكرمو ببيتزا حاره وما معاها اى حاجات تانيه حاميانى !
الوصيه فى الذمه قولو ما تصعد (الصعيد) داك بكان الكاوبويات والبقر
وقولو ماتكلفن (كالفورنيا) فيها سيف جبريل سواق التاكسى الممسوخ وبشاشه
كاره الاعراب والجايين من المركزيه الإستعلائيه !
وقولو ما تقبل ريح البرد والبرود والناس البارده اكتر من التلج فى لندن
قولو صبح (يتجه شرقا) حيث العاصمه محل الرئيس بنوم والتياره بتقوم
وحيث يحكم العالم كله بما فيه
الناشطون الاعراب
نرحب بفرح فى بلاد اليانكى ونقولو ما تفرح
هنا ايضا يموت الاغراب كما تموت الحيتان من البرد وحاجات تانيه
ما حاميه
فارس ول موسى
ناشط بقارى
| |
|
|
|
|
|
|
|
|
|
Re: ناشط جعلى.................فى حقوق الأعراب (Re: فرح)
|
العزيز حاتم الياس
عزيزي الذي لا يخلو من جلافة
والله احترنا في حكاية النشطاء دي ويبدو انو نحنا نجيد بل ونعشق اطلاق الكلمات العجيبة و الجديدة
عشان نبهر مستمعينا ودة في حد زاتو نوع اهدار الوقت والطاقة ويدل على عقلية ما زالت اسيرة القديم زي البوبار و سماع الشمار لكن انا متفق مع اخوي فرح انو المشكة الاساسية القرعة ومجانية التعليم و دة طبعا هظار في في هظار عشان ما ينطو لينا النشطاء في كل مجال
| |
|
|
|
|
|
|
|
|
|
Re: ناشط جعلى.................فى حقوق الأعراب (Re: حاتم الياس)
|
| Quote: (( خيط الحرير مو قزة دايراك مثل أبوي جبلاً ولا بتهزة مثل ابراهيم أخوي من القتل ما فزة مثل ألمين أخوي شطة وعقارب حزة..في الحارة ام شرور العقلة فوق الحزة الخيل أم صدور ما بتدور اللكزة إن رجعت سروجها راجية المساير حزة" |
تقولى منو
وتقولى شنو
| |
|
|
|
|
|
|
| |
حاتم الياس
Hussein Mallasi
فرح
omer abdelsalam
خدر
المسافر
انعام عبد الحفيظ
bayan
فارس موسى
قرشـــو
فيس بوك
تويتر
انستقرام
يوتيوب
بنتيريست