السلام عليكم يا محترمين

الأخ الكريم وليد500
متشكرين و العكاز بيؤلمك لو بس إنتا المضروب
بس الشاكوش بوجعك في الحالتين ، ضارب أو مضروب


الراقي محمد سيد أحمد
ونلتقي إن شاء الله في عاصمة الثقافة المستدامة !
ونطرب بصحبتك


الحبيب أبوك يالسارة
تسلم يا أبوذر وتحيات لإحيائكم جالية العين
بس غمامات الخريف في بلدنا بتجلبط الدنيا
الله يستر



العزيز جاد
تسأل العافية عنك يا جمال الدين وعن أهلك وتصاحبكم طالعين نازلين
أما أيني ؟! فحاجة كدا زي البيات الشتوي
شغل قعونجات وكدا



السيد إسماعيل وراق
أكرمك الله أينما حللتم
وفتح على يديك أبوابا للخير




يازول يازول
سيدنا الهمام الكريم هشام
قبل التعديل : ربنا ما تم الخير بكل أسف والحمدلله ، بس برضو فترة بنتشرف بيها ونستمتع بذكراها
غصبا عن الدميعات الطايرات
بعد التعديل : سودان نت خلليتها وخلليت حبايبنا هناك من سنة 2002 ، وسودانيزأزنلاين تركناها من سنة 2004 ، بس الواحد يسعد لمعرفتكم في زمن ما عندنا وكت نتعرف على ناس في الغربة خارج نطاق العمل والهوايات

سبب الغياب ممكن تعتبرو نقاهة من الإدمان و معافاة من العكاكيز البتقوم النفس في البورد
حياك الله





الطامح اللامح محب
كيف أحوالك ؟ ضممت إسمك لقائمة اللاعبين واللاعبات واللي بنتراسل يوما ، وحيصلك إيميل يومي مني فيه تحليل لمباريات شبابنا في أولمبياد الشطرنج الجاري الآن في إيطاليا بمشاركة 148 دولة
الليلة ممكن تلحق الجولة الثامنة ، وممكن كشاهدة المباريات حية على الهواء إبتداءا من الساعة 17:00 بتوقيت الشارقة ! لمن يرغب
http://www1.chessolympiad-torino2006.org/sungam/indRoundG2.do.htm
والله بديت أنسى لغة الإتش تي إم إل ، وكيف نعمل لنك

أقطع ولصق





العزيز قرشو
ولك كذلك ولمداخلاتك ، ألف سلامة ليك وللأهل
ونتلاقي في حواري البورد ومطباته
بس أمرقنا كان زنقونا ! إنتو بقيتو سناير تقال


الحبيب أبوجهينة
والله كلكم مشوقننا نزور آل سعودية ! إنت والمجموعة
رؤيتكم تسر ، وتعمل إبتسامه
وربنا يرزقكم من الحلال يا ناس جلال



السيدة بيان
كيف أحوالك يا دكتورة نجاة وحال بناتك وأهلك في عطبرة ؟ إنتو من بلد ناسي أبوجهينة برضو ،مشس كدا ؟
نراك لاحقا ، وأختنا تركت الدراسة في ماليزياوانتقلت إلى أرض باردة الله يكفيها شرها وقسوتها



تبلدينا
فخر متبادل بينك وبين القنقليز
والله مشتاقين وأضعنا رقمك بسرقة الموبايل رقم تلاتة أو أربعة ما عارف !
التحايا للأبيض ، ولذاك الزمان تحت ظل شجرة بسم الله إبتدينا ، أيام رمانه والعصابة

الإمارات فعلا بتاخد ، أهم ما بتاخده هو الوكت
وبالذات في الطريق بين البيت والعمل ، كسر ضهر





إبن الحليلة
أستاذنا وعمدتنا السابق في بلاد الحر والرطوبة
كيف أنت يا باشمهندس ؟ تشتاق إليك المصفح وضواحيها ومحمدالحافظ و ودالدامر
وواله مشتاقين لحمودي ، ذكرتنا بالكراتيه ! إنشاء الله الولد يبقى ليك بطل فيو ! بس بإسم السودان ما كندا وصلتنا صوره وعمره أسبوع ، وررينا بقى كيف !

سلم على الأهل ، والحمدلله أنو بقول تورا تورا ، عشان كان غلط وقال تورا بورا ، فموضوعك إنتهى
ديبورتيشن على المصفح


الله يحفظكم أجمعين

أكرمك الله يا ابن الحلاوين
وتعرف ، شغل العكاكيز والكبع التقيل ، بسبب أنو نحنا بقينا مزيج بترول و مويات تانية غير النيل

النيل مويتو براو ما بتبقينا كدا

الأخ أبوذر بابكر
بوركت وعوفيت وحفظ الله أهلك
نراك في الميدان

الأخت منى خوجلي
ألف شكر ، وتحية (للسيدة) صابرين !
وإن شاء الله حسن جيره

رمضان مبروك على الجميـــــــــع

أخونا أو عمنا الكريم طارق الفزاري
أضاء الله طريقك دوما، ولنا نحن الشرف والله بكلماتك الراقيات ، ألف تحيه

الأخ العزيز محب
الحمدلله التواصل ماشي زي الورد وخلليك على الماسنجر

خالتنا دوما
وعليك مليارات السلام كذلك ! كل ما أتذكر الكاريكاتير أتذكرك

عمنا الزاكي
ألف شكر حفظ الله لك أولادك ، وسنحاول إن شاء الله يا سيد يا أصيل

أخونا إبراهيم علي
والله بوست الصادق وتغريد القديم دا دقيت لينا بيهو الدلجه ! ذكرتنا بالأيام الخوالي
ربنا يسلمك ونراك


التحايا للجميع ، وإن شاء الله نجد في رمضان بينكم أنسا و سلاما