|
|
|
 Re: نــادية عثمان .. من النيل الأزرق (Re: مزاحم الضوي)
|
ياتمبس
تمبس
ياتمبس !
ايها الولد الطيب
النقى القلب
رهان الاعزاء على مدى نبلك وسمو روحك الصافية ماكان فى يوم اعتباطا يااخى النضر الغالى
وعندما اقول بملء حلقومى انك رجل بحق وانسان بحق وجميل الدواخل بحق فانا (وعلى مسئوليتى) لست مخطئة ياتمبس !
تسعى دوما بين الناس بالفرح !
تقضى ليلك فى التفكير ونهارك فى التدبير فى كيفية ايجاد طريقة لزرع ابتسامة حقيقية فى قلب عزيز لديك ودهشة بين حاجبيه ورضاء فى روحه!
ياتمبس
لانك شقيقى الذى لم تلده أمى فانا اعتز بك جدا وأصلى للرب شكرا لانه قد جمعنى بك عبر هذا الفضاء لتكون لى ولغيرى كثير ينبوع للبهجة والجمال !!
تمبس
كونك جلست ولو لثانية لتخرج هذا البوست من اجلى انا العبدة العادية لله فهذا شرف لا يضاهيه شرف .. وسعادة لا تقدر بعمر !!
تمبس
تصدق ببكى من فرحى بيك ياشقيق ؟!!
ياخ انت زول حلو حلو حلو من قلبك وسمح سمح سمح جدا فى اخلاقك ونبيل نبيل نبيل حد (العوارة)!!
ياتمبس ياخ مالك ياخ ؟!!
(وجه غلبو الكلام وفرحان وببكى من التاثر وبعاين جنبو فى التربيزة مالاقى منديل يمسح دموعو قام شال كوز الموية وكباهو فى رأسو عشان يعرف يكتب لتمبس كلمة شكر وبرضو ماقادر )!!
| |
 
|
|
|
|
|
|
|
|
Re: نــادية عثمان .. من النيل الأزرق (Re: tmbis)
|
الأخ العزيز تمبس
ابداااااع عديل كده
ناديه العزيزه . والله كلامك عجيب ...
سحر عديل كده
ياخي انتي زوله شفافه بي شكل
تخريمه :
يا ناديه انا دايره الديوان ده .. ممكن ؟؟
و شكرا تمبس علي الروائع دي .. الله يديك العافيه
تحياتي
ام حنين
| |
|
|
|
|
|
|
|
|
|
Re: نــادية عثمان .. من النيل الأزرق (Re: Sakotaweya)
|
الغالية
الحبيبة ام حنين
Quote: ناديه العزيزه . والله كلامك عجيب ...
سحر عديل كده
ياخي انتي زوله شفافه بي شكل |
تسلمى ياغالية وهذه شهادة اعتز بها ووسام اخر اضعه حول عنقى مزهوة به وفرحاااااااااااااانة !!
Quote: تخريمه :
يا ناديه انا دايره الديوان ده .. ممكن ؟؟ |
طبعا ممكن ويشرفنى ويشرف ديوانى ياحبيبة
لكن انتى بيتكم وين ؟!!
| |
|
|
|
|
|
|
|
|
|
Re: نــادية عثمان .. من النيل الأزرق (Re: tmbis)
|
تمس الحبيب
كل ثانية وانت طيب
شغلك الفوق شغل نضيف ومرتب ومبهر .. يازول منقة بس والله
إلا الفيديو حق النيل الأزرق .. يطرشني .. غايتو شحتفت روحنا لسماع بت عثمان
نادية
عليك الله أرفعي صوتك شوية
شقيقك تمبس نعم الشقيق كما قلتي
والله كلامك عنو صادق ودافئ لمس الدواخل
الله يديكم الفي مرادكم ويبارك في أيامكم
تحياتي
| |
|
|
|
|
|
|
|
|
|
Re: نــادية عثمان .. من النيل الأزرق (Re: singawi)
|
النبيل سنجاوى
Quote: نادية
عليك الله أرفعي صوتك شوية
شقيقك تمبس نعم الشقيق كما قلتي
والله كلامك عنو صادق ودافئ لمس الدواخل
الله يديكم الفي مرادكم ويبارك في أيامكم |
وحاة الله صوتى قدر ماحاولت ارفعو غلبنى !!
وقالوا الا تمبس هو اليرفع الصوت !!
وفعلا زى ماقلت تمبس وفى رواية تمس زول من ازوال الله السمحين البخلوا الزول العادى الزينا يتيقن انو الدنيا لسة بخير والحمد لله !!
| |
|
|
|
|
|
|
|
|
|
Re: نــادية عثمان .. من النيل الأزرق (Re: HAMZA SULIMAN)
|
الموسيقار الرائع حمزة سليمان
Quote: لى صديق اخد ديوانها الشعرى ولم أٌقرأ لها حتى الان
تحياتى |
والله اتلومت معاى لوم شديد خلاص !!(وجه حزين شديد)
وانا حالتى لقيت اسمك برة قلت تكون لحنت لى اغنية لشروق ابو الناس تغنيها فى شريطها الجاى !!(وجه محبط لى درجة بعيدة)
وده منو صحبك الشال الديوان وعمل نائم ده ياخ ؟!!
| |
|
|
|
|
|
|
|
|
 Re: نــادية عثمان .. من النيل الأزرق (Re: singawi)
|
حبيبنــا
سنجاوي
سلامات .. وشوق شديد جدا
ووين الحي بيك ؟؟
.
.
كل افيديو ظاهر ومسموع ـ وياريت تكون قدرت تسمعو كويس
التحية معاك لي الاستاذة نادية عثمان وتستاهل كل خير ..
كان مريت علينا ادينا طلة
| |
|
|
|
|
|
|
|
|
|
Re: نــادية عثمان .. من النيل الأزرق (Re: نهال كرار)
|
نهال الغالية
حبيبة البى من جوانياتو
Quote: ونادية الجمال كلو
يا بت بسحروك , أمشي أقري قل هو الله أحد, وقل أعوذ برب الفلق |
ياخ ده أحلى كسير تلج من أحلى مستنيرة فى الدنيا .. ولا عزاء للضلاميين ناس القلب النابض ..!! (وجه ممعط شعراتو وطافى عين ومنور التانية )!!
اسمعى يانهولة احتمال اجيكم دبى قررررررررررررررررريب عندكم لينا وقت ؟!!!
| |
|
|
|
|
|
|
|
|
|
Re: نــادية عثمان .. من النيل الأزرق (Re: 3mk-Tango)
|
عمك تنقو يازول ياحلو
كلمتو وماكلمتنى ليه يعنى ؟!! (وجه صارى حبة كده )!!
اسمعنى
انت بتجيبنى سمييييييييييينة كده من وين وكيف ؟!!
ياجماعة الصور دى انا اتصورتها وين ومتيييييييييين ؟!!
حاجة تجنن ياخ !!
| |
|
|
|
|
|
|
|
|
 Re: نــادية عثمان .. من النيل الأزرق (Re: نادية عثمان)
|
يا نادية أنا عارف جايي ويدي فاضية ..
لكن قلت أجي أسجل حضور لغاية ما ترسلي لي الصور العندك ..
وأسألي تمبس أنا شهدت معاهو مولد هذا البوست ..
وكل الحاجات الحلوة دي كنت فيها حضور ..
موووش عليك الله ..
أنا طلعت زول عاااااادي ساي ..
| |
|
|
|
|
|
|
|
|
 Re: نــادية عثمان .. من النيل الأزرق (Re: 3mk-Tango)
|
ياعمك ..
ياخ أنا من متين بسمع كلامك
عايزني اضيع يعني ؟؟
بعدين اجدع الحاجات العندك .. اجدع الباقي ياعمك
واظهر ..
يانادية:
ما ادوك عين والله :
بس الرزق تلاقيط .. ومعتمد على تنقو في باقي الملفات لانو في تجيل طلع الصوت فيهو مخستك شوية
ده بالاضافة للجري بتاع اليومين الفاتو زي ما عارفه..
| |
|
|
|
|
|
|
|
|
|
Re: نــادية عثمان .. من النيل الأزرق (Re: alfatih)
|
الأخ العزيز / تمبس
تحية كلها شكر وامتنان ...
تصدق يا تمبس مذ تلك الأمسية اكتشفت إنك إنسان بكل معنى الكلمة ... إنسان يمكن تعجز عن وصفه ناديه عثمان ... ذات القلم البهي الصادق ...
بصراحه كده حاجه ما تخلص ... وتوحي بأروع القصائد ...
هذا جزء من نص عله يعبر عما بالدواخل المبهوره :
زي نجمه في الافق البعيد ...
والنور يسارق في السراديب بالخفا ...
وقتين يباغت العتمه يسرج للقناديل الوميض ...
يربت علي كتف اليتيم يتفقدو ...
يواسي دمعات الحزين ويهدهدو ..
ويزيل عواقب ساده درب الامنيات ...
يلفح متاهات الحزن ويبددو ..
مسكين يقاسمك في الوجع ..
واحزانو في التيه يدفنه ...
ينسلّ في جوف الحريق ...
زي غيمه تنضح بالسنا ...
وهج البروق وقتين تزلزل في الشفق ..
غيمة مطر رطّب جفاف الأمكنه ...
زولاً مسافر راح يوزع زادو للناس الحفت ...
كفّاها من زادو القليل .. وارتاح على حزنو انكفا ....
روعة عيون عشم الصغيرين في الدفا ...
عشم البيحلم ديمه في لحظة صفا ...
بالريده بالحب والوفا ...
| |
|
|
|
|
|
|
|
|
|
Re: نــادية عثمان .. من النيل الأزرق (Re: alfatih)
|
العزيز الفاتح
Quote: نادية شخشياُ
سلمت هذى الانيقة لوطنى المترع بجمالها وفنها المرهف
نادية عثمان ... الزولة الرحيق
لك المهجة .. |
ولك منى كل المنى
بحياة رائعة وامنيات محققة باذن الله
وكن بالف خير وشاكرة لكلامك الجميييييييييييييييل
| |
|
|
|
|
|
|
|
|
 Re: نــادية عثمان .. من النيل الأزرق (Re: alfatih)
|
مووو
يا ابو الدفاع ..
لمساتك الإخراجية برضو كانت حضور .. التنظير مفيد جدا للصحة
وانا معتمد عليك في حاجات كتيرة جدا
ما تزوغ مني
.
.
الفـــاتح :
ياااااااااه أنت زاتك
ليك وحشة والله .. سنين وما باين ..
محول لي نادية عثمان .. للتحقيق انا برهـ
| |
|
|
|
|
|
|
|
|
|
Re: نــادية عثمان .. من النيل الأزرق (Re: معتصم الطاهر)
|
استاذنا ادريس ..
مليون سلام
والف شكر .. للكثير وكل ما يجيني منك .. ولكرمك وحقيقي اعجز انا عن الكتابة وعن وصفك
لكن الشكر لنادية أن فتحت لي مجال أن اعرفك اكثر من خلال هذا البوست
ومن اللحظة الاتشرفت فيها بزيارتك ..
شكرا للنص المرفق .. ولباقي النصوص البطرفي والاعمال الملحنة
وسأعمل على تنزيلها في الفترة الدورة الجديدة للبورد ( بعد أن تسمح لي بذلك )
.
,
باشمهندس معتصم الطاهر:
اللنك دا جيهو كويس .. وبالمناسبة بفتش عليك أنت برضو
تقدر تديني فرصة .. والا نقلع برانــا
تحذير:
نحن ممكن نقلع الحكومة زاته
| |
|
|
|
|
|
|
|
|
|
Re: نــادية عثمان .. من النيل الأزرق (Re: حسن الجيلى سعيد)
|
الأخت العزيزة / نادية عثمان ...
لك التحية ...
Quote: ياجماعة انتو سيد البوست ده فتحو ومشى وين ؟!!
تمبس
حردت البوست ولا ادوك عين ؟!! (وجه شاعر بحاجة هناى هناى كده )!! |
الراجل ده أمبارح شرفني يزياره خاطفه في المكتب .. وتخيلي كان في منتهى الأناقة كعادته، بدله في غاية الروعه وكمان قميص كاروهات ... أولاً كشحته بفاتحه على حكاية ست الريد الملت الآفاق والبيد .. وقت ليهو يعني لوما كنت صاحب فراش بي هناك عن ناس معتصم فضل كان سويت شنو ... أجابني بضحكته البريئه ... خليها على الله ... وخرج ولم يعد حتى الآن ... أوصافه كالآتي :
- زول طيب حد العبط ... دمو خفيف حد التلاشي ... ذكي لكن دائماً بيعمل ببيت الشعر القائل (ليس الغبي بسيد في قومه ... لكن سيد قومه المتغابي ).. على كل من يجده الاتصال بأقرب صيوان عزاء والله لا يضيع أجر من أحسن عملا ...
* خارج النص بالأمس فقط تكرم صديقي الشاعر يوسف وأتحفني بديوانك يا ناديه ... والفرحه بيهو ما سايعاني ...
دمت كما أنت دائماً في منتهي الروعة .. وقمة العطاء....
| |
|
|
|
|
|
|
|
|
|
Re: نــادية عثمان .. من النيل الأزرق (Re: tmbis)
|
تمبس
ايمان بتى
قالت ليك (ياعمو تمبس متشكرة خالص وصحباتى شافوا ماما فى البوست وفرحوا اوى )!!
تمبس
ام ايمان مازالت عاجزة عن ايجاد حرف يعبر عن مااكنه لشخصك المحترم من معزة وتقدير واحترام ياشقيقى النبيل !!
| |
|
|
|
|
|
|
|
|
|
Re: نــادية عثمان .. من النيل الأزرق (Re: إدريس محمد إبراهيم)
|
الصديق النبيل ادريس محمد ابراهيم
| Quote: خارج النص بالأمس فقط تكرم صديقي الشاعر يوسف وأتحفني بديوانك يا ناديه ... والفرحه بيهو ما سايعاني ... |
اتمنى من رب العرش العظيم ان تجد من بين حروفه مايداعب اوتار احساسك المرهف !
ومنتظررررررررررررراك(وجه شفقان)!!
| |
|
|
|
|
|
|
|
|
|
Re: نــادية عثمان .. من النيل الأزرق (Re: حسن الجيلى سعيد)
|
الاخ النبيل حسن الجيلى سعيد
Quote: ابداع ياتمبس
ونادية عثمان تزرع بداخلى دوما اجمل الانطباع كسودانية اعتز بها وبنجاحاتها, وتحيل دوما الامل القابع داخلنا الى واقع حتى وان لم يتحقق....
لكما والنيل الازرق مودتى |
شكرا نبيلا على هذه الثقة الغالية واتمنى ان اكون عند حسن الظن بى دوما يارب
كن بالف خير ولا تحرمنا اطلالتك البهية ابدا
| |
|
|
|
|
|
|
|
|
|
Re: نــادية عثمان .. من النيل الأزرق (Re: tmbis)
|
| Quote: الاثنين عسل الزول العمل البوست وموضوع البوست |
وأنت ثالثهم يا أخ كبيسة ..
وينك يا كبيسة ..
ظهورك ندر متل طيور السمبر زمن ..
أو قد يكون متل الرهو زمن الدرت ..
أحب الفلجات المصنقرين في بروفايلك ديل ..
| |
|
|
|
|
|
|
|
|
|
Re: نــادية عثمان .. من النيل الأزرق (Re: bayan)
|
الحبيبة الغالية .. النقية
بيان
Quote: نادية انت يا بت في شنو الله ما اداك ليه..
جمال الخلقة والاخلاق والموهبة والصوت الجميل
تبارك الذي خلق..
اعجابي ومحبتي لك.. |
والله انا الكلمة منك فى حقى شهادة ببروزها جوة فى قلبى وعيونى ياحبيبة
تسلمى يارب ودعواتى بان يحقق المولى كل امانيك وارى اسمك وكتبك تملأ الافاق (واتبوبر ) واتباهى بك كما افعل دوما ايتها المثقفة الرائعة المحبوبة الطيبة القلب ..
كونى بالف الف خير
تمبس
ماقلت ليك احرس لى بوستينى ده ياخ لحدى مااخلص حوار الراجل ده !!!!
ست الريد كان نسيتها كلو هين !!
| |
|
|
|
|
|
|
|
|
|
Re: نــادية عثمان .. من النيل الأزرق (Re: معتصم دفع الله)
|
معتصم ياغالى جدا
ودعمى دفع الله يازينة الشباب
Quote: ندوية الجميييييييييييييلة ..
يلا النيل الأزرق وحده لا يكفي ..
عايزين النيل من نمولي لي حلفا ..
يعني كل القنوات الفضائية .. |
قرررررررررررريب ده حاتشوفنى فى روتانا سينما وموش حاتأدر تغمض عينيك!!
| |
|
|
|
|
|
|
|
|
|
Re: نــادية عثمان .. من النيل الأزرق (Re: ali elhassan)
|
العزيز على الحسن
Quote: نادية انتو ما تكلمو قولوا
نحنا جايبننا فى التلفزيون
عشان ناخد اجازة غايتو البركة
فى تمبس اى حاجة حلوة انزلا لينا
هنا |
والله انا زاتى اول مرة اشوف نفسى وكتر خير تمبس شقيقى والله
اقايتو المرة الجاية لمن اعرف مواعيد البث بكلمك ان شاء الله .. سمح ؟!!
| |
|
|
|
|
|
|
|
|
|
Re: نــادية عثمان .. من النيل الأزرق (Re: ثابت محمد)
|
ثابت محمد شخصيا ؟
يازول انت ويييييييييييييييييين مختفى ليك زمن ؟!!
عرست ولا شنو ؟!!
Quote: تمبس ونادية يا اجمل خلق الله
تااني جبتو سِـيرة الخواتم الستة ؟؟ |
لا ياخ دى ماحلقة الستة خواتم بتاعة سلمى دى حلقة كاملة براى الله ورقبتى والكاميرا !!
اها خليك متابع تمبس وعد ينزلها تباعا !!
| |
|
|
|
|
|
|
|
|
 Re: نــادية عثمان .. من النيل الأزرق (Re: نادية عثمان)
|
اول مرة اشوف البوست دا جميل جدا زي اصحابه (الشحادة) اقصد الشاعرة الجميلة وتامبا سيد البيت
الخواتيم و التياب حقت منو المرة دي
احكي ليك الطرفة الحقيقية دي عربون صداقة
عمتي نازلة من الموصلات واحد جره ليها التوب كوركت حق الناس ياخ اعمل حسابك وهي نازلة واحد تاني عفص ليها الشبب برضو حق الناس ياخ الكمساري سألها وانت حقت منو
تمبس ممكن عليك الله مساعدة اختك مزنوقة ومن زمان عاوزة ارسل ليك علا خفت ردك ما يصل وشكرا تاني للابداع
اختكم بت عجاج
| |
|
|
|
|
|
|
|
|
|
Re: نــادية عثمان .. من النيل الأزرق (Re: ajaj)
|
بت عجاج ياعسل
عارفة انك كنتى الاولى فى فصل ناس عمر الفاروق فى المدرسة !!!
سعيدة بيك يااولة الدفعة !!
من زمااااااااااااااان عندى غرام مع الاوائل انا !!
| Quote: عمتي نازلة من الموصلات واحد جره ليها التوب كوركت حق الناس ياخ اعمل حسابك وهي نازلة واحد تاني عفص ليها الشبب برضو حق الناس ياخ الكمساري سألها وانت حقت منو |
بالمناسبة انا زاتى نادية دى حقت ناس نفيسة بت عم ابوى !!
| |
|
|
|
|
|
|
|
|
|
Re: نــادية عثمان .. من النيل الأزرق (Re: tmbis)
|
تمبس رائع.. وقتما يجتمع تمبس ونادية يجتمع الإبداع والجمال..
عرفت نادية شاعرة جيدة وكاتبة. لكن اليوم تمبس اضاف لى ملكة الإلقاء عندها وترتيل الشعر وسوقه وبثه بثاً في جرعات ليسهل على المتلقي تجرعه في ومضات تستقر في وجدان المستمع المنصت.. المصغي..عندما تكون الحياة براءة وطهر وعفاف وحسن ظن..تكون كل المخاليق جميلة إلا من أبا..
وعندما تبث الزهرة المعطار أريجها تفوح الأكوان برائحة الزهر ورائحة الأمل، فترفرف النفوس وتطير في الأعماق وتغوص في الآفاق..ومن يخلق الفرح في الناس أولى بنظر الله له، حتى وإن جهل قدر نفسه..
| |
|
|
|
|
|
|
|
|
|
Re: نــادية عثمان .. من النيل الأزرق (Re: منصوري)
|
منصورى يارائع .. يافنان جدا .. وكمان قلبك زى الدهب
Quote: عرفت نادية شاعرة جيدة وكاتبة. لكن اليوم تمبس اضاف لى ملكة الإلقاء عندها وترتيل الشعر وسوقه وبثه بثاً في جرعات ليسهل على المتلقي تجرعه في ومضات تستقر في وجدان المستمع المنصت.. المصغي..عندما تكون الحياة براءة وطهر وعفاف وحسن ظن..تكون كل المخاليق جميلة إلا من أبا..
وعندما تبث الزهرة المعطار أريجها تفوح الأكوان برائحة الزهر ورائحة الأمل، فترفرف النفوس وتطير في الأعماق وتغوص في الآفاق..ومن يخلق الفرح في الناس أولى بنظر الله له، حتى وإن جهل قدر نفسه.. |
والله غلبنى الكلام والعبرة خنقتنى عددددددديل كده !!!
كل ده انا الزولة العادية دى ؟!!
والله ده كتير على لكن انت زول كريم وخيرك سابق ياموسيقار !
تسلم من كل شر يااااااااااااارب
كن بالف خير
| |
|
|
|
|
|
|
|
|
|
Re: نــادية عثمان .. من النيل الأزرق (Re: عماد شمت)
|
كوه كوه (خبيط في الباب)
 [/IMG]
 [/IMG]أنا: السلام عليكم ياناس الحلة... بالله عندكم فكرة الجماعة اسياد البيت ديل وين
 [/IMG]ناس الحلة: تمبس( [/IMG]) اخو الاديبة شكلو مشغول شديد الايامات دي
[/IMG]أنا بطنن مع نفسي الكفيل [/IMG] ولا المدير [/IMG] عاصره يا ربي
[/IMG]ناس الحلة: نادية( [/IMG]) شكلها رجعت لناس نفيسة بت عم ابوها واحتمال تكون غيرت اسمها للرائعة...ولا مشت تستلف حاجات .....إيي وصية
[/IMG]أنا: آآآيه....قولو لتامبا عوووك لحقنا باقي الجمال قبل الارشفة وبعداك اجمع [/IMG]
وقولو لندوية تسلمي وانا زاتي مغرمة صبابة [/IMG]....بس انا درست كيمياء [/IMG] والفاروق كمبيوتر [/IMG] ..لكن كيتا ليهو ممكن تعتبرني الاولي عليه [/IMG]
| |
|
|
|
|
|
|
|
|
|
Re: نــادية عثمان .. من النيل الأزرق (Re: عماد شمت)
|
الغالى عماد شمت
Quote: تمبو وندويه الله يلبسكما توب العافيه ديمه..
ومحل ما تقبلو يفتحها عليكم .. |
الله عليك ياخ !!
اجمل دعاء فى الدنيا ..ومحل ماتقبلو يفتحها عليكم !!
ويفتحها عليك ياااااااااااااااااارب
| |
|
|
|
|
|
|
|
|
|
Re: نــادية عثمان .. من النيل الأزرق (Re: tmbis)
|
درجة الحرارة في الخارج فوق الـ40 و حالة من الرتابة تكتنف المكان
دخلنا في رحاب هذه الروضة الوريفة رأينا وجوهاً مفعمة بالألق و البهاء
و وشوشت مسامعنا انغام و اشعار ذات نظم و وجد فريد
لنافذة الجمـــــــــــال النيل الازرق
و للجمال و الألق الاستاذة نادية
و النبل و البهاء عـــــلاء أعطر التحايا
أبو ريهام
| |
|
|
|
|
|
|
|
|
|
Re: نــادية عثمان .. من النيل الأزرق (Re: Salwa)
|
شفتي يا نادية, من زمان دايرة لي فرقة عشان ادخل بيها واقول ليك انك زولة عسل واكتر من رايعة,,,
اها تمبس ما قصر معاي,, والله يا تمبس ما تقصر ايامك,,, انت زول ما هين كلو كلو, وعلي ال...... كان قلت داير بتي هسي اديك ليها..... اها رايك شنو؟؟؟؟؟؟ (اوعى تدقسني بعد الحليفة دي, قول لي داير اقرا زي الولد هشام ).
نادية الرائعة دمتي ودام جمالك.
| |
|
|
|
|
|
|
|
|
|
Re: نــادية عثمان .. من النيل الأزرق (Re: Rasha Hatim)
|
العزيزة رشا حاتم
| Quote: شفتي يا نادية, من زمان دايرة لي فرقة عشان ادخل بيها واقول ليك انك زولة عسل واكتر من رايعة,,, |
ده والله من ذوقك ياغالية
وسعيدة بالتعرف عليك واتمنى ان اكون عند حسن الظن بى من كل الناس دوما يارب
كونى فى مواقع الالفة دوما فحديثك يدل على طيبتك ياعزيزتى رشا
وكونى بخير
| |
|
|
|
|
|
|
| |
tmbis
قرشـــو
يازولyazoalيازول
bashir adam abdalla
فيصل نوبي
عبد الله عقيد
munswor almophtah
مزاحم الضوي
Sakotaweya
HAMZA SULIMAN
Kostawi
معتصم دفع الله
alfatih
إدريس محمد إبراهيم
معتصم الطاهر
حسن الجيلى سعيد
JAD
bayan
ثابت محمد
ajaj
منصوري
الزنجي
عماد شمت
هضيبي علي سعيد
willeim andrea
Rasha Hatim
حبيب نورة
فيس بوك
تويتر
انستقرام
يوتيوب
بنتيريست