|
Re: وكُللت جهود أنور أحمد بماجستير الاحصاء ..1000مبروك,,, (Re: Ehab Eltayeb)
|
Quote: اللقب: Anwar Ahmed عدد البوستات: 905 تاريخ التسجيل: 29-01-2004 محل الاقامة: USA الاسم الحقيقى: Anwar Ahmed التعليم: BS/ Gezira University 2002-- --MS/ Virginia University 2004 الحالة الاجتماعية: Engaged العنوان الدائم: اللون السياسى: I have had No party النوع: Male تاريخ الميلاد: 1977 معلومات اضافية: مكان الميلاد فى السودان: Wad Madani |
| |
|
|
|
|
|
|
Re: وكُللت جهود أنور أحمد بماجستير الاحصاء ..1000مبروك,,, (Re: Anwar Ahmed)
|
Quote: انا فخورا جدا بجامعة الجزيره وفخور باساتذتها د.المقلى ،د.تاج الاصفياء ، د.محمد عوض الكريم |
الف مبروك انور احمد يا حليل محمد عوض الكريم لم اره منذ سنوات طويله .. آخر عهدي به كان في أوائل الثمانينات عندما كنا نزور العماره طه مع الاخ الصديق اسماعيل عوض الكريم.. بعدها كنت اتحدث إليه بالتلفون في جامعة العين قبل ان يعود الي السودان نهائيا.. اتذكر ابتسامته البريئه وهو يحاول جاهدا ان يشرح معني "شملة ماكنزي هي تلاتيه لكن قدها رباعي"...
| |
|
|
|
|
|
|
Re: وكُللت جهود أنور أحمد بماجستير الاحصاء ..1000مبروك,,, (Re: محمد الامين احمد)
|
العزيز ايهاب
ازيك وعيدك سعيد ...
لك ان تصدق اولاتصدق فتحت البوست لاكتب وقبل ان ابدا رن هاتفي ، لك ان
تتخيل وجدت المتصل انور ، ده ياهو توارد الخواطر (ذاتووو)، طبعا في الاول
ماعرفت الصوت ، ولم يظهر رقم علي الجهاز ليوضح جهة الاتصال ، وعرفني
انه انور احمد ، وياااااااااه علي التهزيب العالي والعبارات المختارة بأناقة
ودقة وتلقائية يحسد عليها ، نفسه انور الزي عرفته هنا انيقا في عباراته
مهزبا في تعامله مع الاخرين ، ودودا .. بشوشا . عيد اخر هل علي اليوم ، في
الحقيقة عيدان ، التفوق والنجاح الباهر الزي حققه صديق اعتز جدا بصداقته
وسماع صوته اليوم هو العيد الثاني .....
مليااااااااااااااااااااار مبرووووووووووووووك انور، وتستاهل ياانور ، فقد
شرفتنا بنجاحك وتفوقك الباهر ، وعقبال الدكتوراة
وشكرا ليك كتير ايهاب وتحياتنا عبرك لاهل الولي....
تخريمة :
سوف اجازف اليوم بأنزال نغم يليق بالمناسبة العظيمة ، ولاتنسوا ان للمجتهد
اجران ...
محبتي ...
| |
|
|
|
|
|
|
Re: وكُللت جهود أنور أحمد بماجستير الاحصاء ..1000مبروك,,, (Re: Ehab Eltayeb)
|
Quote: لك ان تصدق اولاتصدق فتحت البوست لاكتب وقبل ان ابدا رن هاتفي ، لك ان
تتخيل وجدت المتصل انور ، ده ياهو توارد الخواطر (ذاتووو)، طبعا في الاول
ماعرفت الصوت ، ولم يظهر رقم علي الجهاز ليوضح جهة الاتصال ، وعرفني
انه انور احمد |
قريبنا محمد عبد الرحمن:
فعلا الصدف حاجه غريبه حتي انك نفسك ما تقدر تصدق الحدث...
وفعلا دي صدفة جميلة وتوارد خواطر جميله..
يلا ارقد لينا معاك بالخيره عشان تحصل لينا حاجه سمحه
لك تحياتي,,,,
| |
|
|
|
|
|
|
Re: وكُللت جهود أنور أحمد بماجستير الاحصاء ..1000مبروك,,, (Re: Ehab Eltayeb)
|
العزيزه ندي امين شاكر لك على الكلمات الرائعه والمفردات الجميله ومشاركتك لي لحظات النجاح , فطوبى لهذه الانامل الذهبيه التي اسعدتنا بهذه المشاركه التي يعجز اللسان عن وصفها رائعه واتمنى لكِ التوفيق في خطواتكِ القادمة .... الاخ Fadel Alhillo مرحبا ملايين بيك وشكرا جزيلا....محمد عثمان عبد الله (اتولوس) اين انت ياتولوس !!! طبعا مفتقدين مداخلاتك المتوازنه في الشكل والمضمون واشكرك كتيير ياتولوس وعقبالك كل جميل ...محمد الامين احمد مشكور علي طلتك الغاليه وتهانيك....الصديق محمد عبدالرحمن يا محمد الشوق معدن نادر يتمدد بالحرارة وينكمش بالبرودة فمنطقتك منطقه حاره ومنطقتي بارده (ثلج) لذلك تمدد ونكماش معدن الشوق نتج عنه احتكاك اسلاك تلفوني الجوال والاتصال عليك طيب ده ماهو توارد الخواطر(ذاتووو)و موقف وليد إحساس كمان هها هها وقلتا مليااااااااااااااااااااار مبرووووووووووووووك لا لا يامحمد مليار عديل كدي وفيه 21 حرف ألف طالعه دي كثييره علي شديد وياسيدي انا في انتظار النغم لاي مناسبه كانت لك ودي وتحياتي....
انور احمد
| |
|
|
|
|
|
|
Re: وكُللت جهود أنور أحمد بماجستير الاحصاء ..1000مبروك,,, (Re: Elmosley)
|
مبروك أخي العزيز أنور أحمد، ربنا يوفقك في مستقبلك العمليّ والعلميّ، بالمناسبة فإنّي كأحد السودانيّين المقيمين بالخارج أعاني من مشكلة نقص الإحصاءات الموثوقة عن الموارد بالسودان، كلّ المعلومات المتوافرة لديّ معلومات سماعيّة تختلف باختلاف من أمدّني بها ! من الإحصاءات الهامة التي كنت أتمنّى توفرها عدد الخريجين الذي أمنكهم الالتحاق بوظائف في مجالي -الهندسة المدنيّة- في السنوات العشر الماضية (مع تحديد طبيعة هذه الوظائف)، إضافة لإحصاء يكشف مدى تطور (أو تدهور) صناعة البناء بالسودان، إحصاء كهذا من شأنه مساعدتي (وغيري) في تحديد الكيفيّة والزمان الملائم للعودة لوطننا الحبيب والإسهام في إحالته من دولة (نائمة) لدولة (نامية) ! مبروك مرة أخري أخي أنور وأمنياتي الصادقة لك بتصاعد (الرسم البيانيّ) والسير على (منوال) واحد هو التفوق الذي لا يحده (مدى)
أحمد الريّح
| |
|
|
|
|
|
|
Re: وكُللت جهود أنور أحمد بماجستير الاحصاء ..1000مبروك,,, (Re: abuguta)
|
Quote: فيك حاجة بتجمعنا عارفها ايه احمد وعشان كدا انا ولدى الجاى بسميه انور ولو بت بسميها نوره او نوار ها ها ها ها ها ...بس تذكرت انى عذابى
|
هها هها ياخي ضحكتني لمن ماقادر اكتب -- احمد (ابوقوته) والله انت زول مرح شديد شفت انا سحبت كلمه حاج عشان انت زول شاب ومامزوج --- وقلتاQuote: فيك حاجة بتجمعنا عارفها ايه |
طيب انا بقول ليك في حاجه تانيه بتجمعنا عارفها ايه !!! اني بحب جدا ابوقوته واهلها الطيبين . اشكرك احمد علي الطله.
| |
|
|
|
|
|
|
Re: وكُللت جهود أنور أحمد بماجستير الاحصاء ..1000مبروك,,, (Re: Ahmed Alrayah)
|
الباشمهندس العريس احمدالريح اولا الف مبروك الزواج الميمون وان شاء الله بيت مال وعيال وعقبالنا....نعم هنالك نقص في الإحصاءات الموثوقة بل هي غير متوفره للباحث المقيم بالخارج علي صفحات النت والسبب Is not log it into the system لان هنالك لايوجد في السودان نظم معلومات إحصائية statistics information systemوهذا ابسط الابجديات المتطلبه لعملية حصر الموارد هذا النظام الاحصائ يوفر المعلومات التي تخص السكان من حيث الحجم والنمو والخصائص السكانية والأوضاع المعيشية والتوزيع المكاني والموارد الطبيعية للدولة والمعلومات الديموغرافيه (الوفيات -المواليد-الهجره). لكن علي مدي العشر سنوات الماضية حقق السودان تقدما ملحوظا في الحصول على هذه البيانات فقد اصبح من ضمن الدول التي يوفر معلومات عنها كتاب الحقائق العالمي world factbook ويمكن ان تزور هذا الرابط وتختار السودان ليعطيك معلومات عن السودان http://www.cia.gov/cia/publications/factbook/geos/ac.html
طبعا يا أبوحميد ناس الهندسه بحتاجوا المعلومات لوضع سياسات سكانية واستراتيجيات وبرامج ومشاريع عمرانيه والاحصاء لها علاقه كبيره بالهندسه ففي برنامج الماجستير درست كلاس اسمو Statistics for engineering and the sciences وكان ممتع جدا.واهو انت ما شاء الله تقول Quote: وأمنياتي الصادقة لك بتصاعد (الرسم البيانيّ) والسير على (منوال) واحد هو التفوق الذي لا يحده (مدى) |
احمدالريح انت ترتكز علي (قاعدة) المعرفه وتنهض (بزاوية) الابداع وتعزف علي (وتر) الرجوع لبناء الوطن ويلا نعمل للوطن مشكور علي الطله.
| |
|
|
|
|
|
|
Re: وكُللت جهود أنور أحمد بماجستير الاحصاء ..1000مبروك,,, (Re: Ehab Eltayeb)
|
اولا نشكرك يا اخ ايهاب على البوست وثانيا نعتذر على المداخلة المتأخرة جدا وذلك لعدم متابعتنا لأخبار البورد خلال التسعة أشهر الماضية رغم علمنا بتخرج الاخ انور فور انتهائه من الماجستير وقدمنا له التهنئه ولكن كان الواجب ان نرسل له التهانى عبر هذا البوست ايضا.
فأقول للاخ أنور الف مليون مبروك وعقبال الدكتوراة فأنت أهل لذلك . نتمنى لك مزيدا من النجاح فى مستقبل حياتك الأكاديمية والعملية وربنا يسدد خطاك و مزيدا من التفوق.
اخوك مأمون
| |
|
|
|
|
|
|
|