|
"مارسيل خليفة " و " سحر طه" فن راقي في زمن الإنحطاط
|
*مارسيل خليفة
فنان لبناني، ملحن ومطرب يتميز بغناء الأغاني الوطنية التي نالت تقدير وإعجاب الجمهور العربي خلال عقود من الزمن.
ولد مارسيل في بلدة عمشيت بلبنان عام 1950
درس (العود) في الأكاديمية الوطنية للموسيقى في بيروت، وخلال ذلك الوقت عزف العود بتقنيات متنوعة ومضبوطة وعمل مع عدد من الموسيقيين على تطوير آلة العود.
علم في عدد من المعاهد والأكاديميات الموسيقية الوطنية بلبنان ما بين عامي 1970- 1975، وخلال تلك الفترة أحيا عدد من الحفلات (العزف المنفرد) في الشرق الأوسط وشمال أمريكا، وشمال أفريقيا وأوروبا.
أسس عام 1972 فرقة عمشيت الموسيقية، في بلدته التي ولد فيها، وامتد نشاط الفرقة إلى كافة أرجاء لبنان وعملت على تطوير الموسيقى الشرقية والكورال.
وأسس عام 1976 فرقة الميادين والتي كانت نواتها (فرقة عمشيت) وقد أدت الفرقة حفلاتها في عدد من بلدان العالم العربي وأفريقيا، أوروبا، الولايات المتحدة الأمريكية، كندا، أمريكا اللاتينية، أستراليا، اليابان عام 1974.
كتب مارسيل الموسيقى الراقصة لفرقة (كركلا للفنون الشعبية) اللبنانية. واعتبر رائداً في إبداع موسيقى تمتزج ما بين الروح الشعبية والحداثة الشرقية.
ألف موسيقى لعدد من الأفلام لكل من (مروان بغدادي، صوفي سيف الدين، وسامي ذكرى) وكانت من روائع الموسيقى التصويرية التسجيلية.
أثرى مارسيل خليفة مكتبة الموسيقى العربية بما يزيد على (20 إنتاج فني) ما بين العزف المنفرد وعلى العود والغناء، أو الحفلات الموسيقية، وكان من أبرز المجددين في فن (العود الشرقي)، وقد بدأ بتأليف موسيقى حفلات فرقة العود الخاصة به منذ عام 1982، حيث قام بدراسة الجانب النظري والعملي للأدوات الموسيقية، وكان أبرز تطور في الأعوام الأخيرة ميز خليفة هو القدرة على المزاوجة بين السيمفونية الغربية وآلة العود الشرقية، وقد قام بهذا العمل مع الفرقة السيمفونية الفرنسية (باريس).
أدى مارسيل غناء لعدد كبير من الشعراء العرب المتميزين منهم (طلال حيدر، محمود درويش، الشاعر الإماراتي محمد أحمد السويدي… وغيرهم).
حاز على عدد من المكافآت والجوائز التقديرية منها: -ميدالية الإستحقاق الثقافي في تونس. -النجمة من وزارة السياحة اللبنانية. -النسر الذهبي من دولة الإمارات العربية المتحدة. -شهادة جدارة من النادي الثقافي (استراليا- لبنان) -شهادات جدارة واستحقاق من برلين، كوبا، بلغاريا، اليمن. -شهادات ورسائل إشادة وتقدير من عدد من المدن (لوس أنجلوس، سان فرانسيسكو، بوستن، هيوستن… وغيرها).
ولعل أكبر تقدير ناله مارسيل خليفة هو حب الجمهور العربي من المحيط إلى الخليج وخارج الوطن العربي في كافة الجاليات المغتربة.
وقد شارك مارسيل في عدد من المهرجانات الثقافية في عدد من بلدان العالم العربي. (سوريا [مهرجان المحبة]، الأردن [جرش]، وغيرها).
وكان آخر موقف عربي وطني وقومي عرف به مارسيل هو رفضه الغناء في مهرجان أستراليا العالمي لأن إسرائيليين سيشاركوا به، وقد رفض دعوة المهرجان مؤكداً (لا يمكن أن أذهب للغناء بينما أبناء شعبي يتعرضون للقتل والتعذيب والإبادة، كل يوم).
مارسيل خليفة
* سحر طه
مطربه عراقية نشأت في العراق, درست الغناء والعزف على آلة العود إبان الثمانينات في المعهد الموسيقي الوطني في لبنان على يد عازف العود الراحل سعيد سلام
- لها مشاركات في مهرجانات لبنانية وعربية ودولية مهرجان الموسيقى العربية في القاهرة (ثلاث دورات متتالية) - غنت في دار الأوبرا في مصر في ليلة رمضانية عراقية
-أحيت ليالي في " مهرجان المدينة" في تونس الدورة 17 , عام 1999
- لها أبحاث في الموسيقى العربية والعراقية خاصة " الأهزوجة في العراق", " الموشح في العراق", " المقام العراقي" و " ألوان الغناء العراقي "
-تمارس مهنة النقد الموسيقي منذ العام 1990 في الصحف اللبنانية ومازالت حتى اليوم
سحر طه
|
|
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
أحنُّ إلى خبزِ أمّي وقهوةِ أمّي ولمسةِ أمّي وتكبرُ فيَّ الطفولةُ يوماً على صدرِ يومِ وأعشقُ عمري لأنّي إذا متُّ أخجلُ من دمعِ أمّي * * * خذيني، إذا عدتُ يوماً وشاحاً لهُدبكْ وغطّي عظامي بعشبٍ تعمّد من طُهرِ كعبكْ وشدّي وثاقي.. بخصلةِ شَعر.. بخيطٍ يلوّحُ في ذيلِ ثوبكْ عساني أصيرُ إلهاً إلهاً أصير.. إذا ما لمستُ قرارةَ قلبكْ! * * * ضعيني، إذا ما رجعتُ وقوداً بتنّورِ ناركْ وحبلِ الغسيلِ على سطحِ دارِكْ لأني فقدتُ الوقوفَ بدونِ صلاةِ نهارِكْ هرِمتُ، فرُدّي نجومَ الطفولة حتّى أُشارِكْ صغارَ العصافيرِ دربَ الرجوع.. لعشِّ انتظاركْ..
شعر " محمود درويش"
غناء مارسيل خليفة
أمي
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
نهال تحية طيبة وشكرا على هذا البوست عن مارسيل خليفة وسحر طه ( الفن الملتزم كما يسمى) سحرني مارسيل خليفة منذ زمن طويل ولا زلت اردد له : منتصب القامة امشي مرفوع الهامة امشي في كفي قصفة زيتون وعلى كتفي نعشي وانا امشي وانا امشي ايه ايه ايه ايه .. قلبي قمر احمر .. قلبي بستان فيه فيه العوسج فيه الرمان شفتاي سماء تمطر نارا .......(خلاص نسيت) اما قصيدة امي التي ذكرتيها في هذا البوست فقد قرات قبل فترة طويلة ان هذه القصيدة قد وضعت في قطارات الانفاق الفرنسية ليستمع اليها من يود الاستماع .وله اغنية اخرى جميلة ايضا بعنون جواز سفر اما ريتا الذي ذكرتيها ايضا فاظنها لسميح القاسم او درويش على ما اعتقد مارسيل خليفة ...شعله من ضوء جميل ورقراق شكرا لك مرة ثانية على تذكرينا بذلك ..
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
الاخت العزيزه نهال كرار تحيه خاصه على لفتك الانظار لهذا الفنان الرائع الذى نساه الناس او تناسوه فى زحمة اغانى الفيديوكليب وموجة ما عرف بالاغنية الشبابية 00 غير ان الحديث عن تجربة هذا المتميز يستوجب بالضرورة الاشاره الى الفنانه اميمه الخليل التى شاركت مارسيل خليفة تجربته واجمل اغانيه (احمد العربى 00 الجسر 00 ياعلى 00 هيى طياره 00 شدو الهمه وغيرها
لك التحيه مرة اخرى فى البال اغنية يااخت عن بلدى نامى لاكتبها وشما على جسدى عادل السعيد
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: Bashasha)
|
بشاشا
طبعا الناس الزيك من ذوي التفكير الضيق حيفتكروا أنو الناس بتسمع لأي فنان علشان شكلوا او لونو
لسه مابؤمنوا انو الفن ما ليو جنس او لون
Quote: هسي ناس مارسيل خليفة ديل، لو سآلو السودان بي مليون ميلو المربع ده، موجود في ياتو قارة، فكرك حيعرف؟
"رئيس السودان" ومع كل اوهام عروبتو، ناس المراسم في الخارجية اللبنانية، نسو تماما يحجزو ليهو مكان ينزل فيهو مشاركا في مؤتمر القمة العربي!
فنان لبناني "لا اذكر اسمو" ومن دون اي مناسبة قال علي السودانيات، اشنا خلق الله! |
نحنا ما علينا لا بسياسة بلدو ولا بالمطرب التاني القال رايو ياريت لو تفهم اننا ما نحكم على الناس بتصرف شخص او اتنين او الف
Quote: في الختام، هل من صلة مابين "كجينك" لي رودا، وحبك للفن اللبناني؟ |
أنا مابحب الفن اللبناني أنا بحب مطربين معينين , في نظري يستحقوا الإحترام أما سبب ( كجيني) لرودا فأظن اني ذكرتوا في مواضيع سابقة , وأظن اني ما ذكرتا لا لونها ولا أصلها ولا غيرو
Quote: عليك امان الله، لو"مارسيل" ده كان تشادي "مثلا"، لمااشتغل بيهو زول، ولازولة، الشغلة! |
أنا من أشد المعجبين ب ليونيل رتشي , وتني هيوستن و آر كلي
أظن أنك سمعتا بيهم , هم أمريكيين من أصول أفريقية
لا شعرهم سبيبي ولا لونهم أبيض , وأحتمال يكون أصلهم من التشاد او حتى السودان
عارف أنتا مشكلتك شنو يا بشاشا أنت بتفكر بأسلوب عنصري دا أبيض انا ما اسمع ليو دا جنسو كدا انا ضدو في كل شي وبتفتكر انو كل الناس زيك , وانها لمن تكون مختلفه معاك مش لأنو آرائكم مختلفة في نظرك بختلفوا معاك علشان لونك او جنسك او الأمور السطحية دي
ياريت لو كنتا على الأقل سمعتا أي أغنية لمارسيل كنتا اكتشفتا سر حب الناس ليو ولفنو الراقي
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
حبيبنا القارئ، لاحظ كيف الغنا البصر الاضان ده، تلقائيا راقي او كمان ماتنسي "متحضر"!
عليك امان الله، لو"مارسيل" ده كان تشادي "مثلا"، لمااشتغل بيهو زول، ولازولة، الشغلة!
المشهد المصور بي كاميرتنا "الحرفية" الغير رقمية، لمان اتآملو، تقفز للذاكرة، صور اخواتنا في South Central نواحي لوس انجلوس، وهن يصبغن الشعر "القرقد" البدهان مابرقد، باللون الاشقر او الBlond!
تري هل من صلة "حبيبنا القارئ" مابين زنوجة السودان، وذنوجة "كامبتون" في كالفورنيا؟
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: صباح حسين)
|
العزيزة نهال شكرا لجلب مارسيل خليفة المغنى الملتزم بقضايا بلاده والانسانية..
ونضيف انه تعرض للمحاكمة عندما لحن قصيدة درويش التى فيها اقتباس من القرآن واثار ضجة..
أنا يوسف يا أبي
أَنَا يُوسُفٌ يَا أَبِي.
يَا أَبِي، إِخْوَتِي لاَ يُحِبُّونَنِي،
لاَ يُرِيدُونَنِي بَيْنَهُم يَا أَبِي.
يَعْتَدُونَ عَلَيَّ وَيَرْمُونَنِي بِالحَصَى وَالكَلاَمِ.
يُرِيدُونَنِي أَنْ أَمُوتَ لِكَيْ يَمْدَحُونِي.
وَهُمْ أَوْصَدُوا بَابَ بَيْتِكَ دُونِي.
وَهُمْ طَرَدُونِي مِنَ الحَقْلِ.
هُمْ سَمَّمُوا عِنَبِي يَا أَبِي.
وَهُمْ حَطَّمُوا لُعَبِي يَا أَبِي.
حَينَ مَرَّ النَّسِيمُ وَلاَعَبَ شَعْرِيَ
غَارُوا وَثَارُوا عَلَيَّ وَثَارُوا عَلَيْكَ،
فَمَاذَا صَنَعْتُ لَهُمْ يَا أَبِي?
الفَرَاشَاتُ حَطَّتْ عَلَى كَتِفَيَّ،
وَمَالَتْ عَلَيَّ السَّنَابِلُ،
وَالطَّيْرُ حَطَّتْ على راحتيَّ.
فَمَاذَا فَعَلْتُ أَنَا يَا أَبِي،
وَلِمَاذَا أَنَا?
أَنْتَ سَمَّيْتَنِي يُوسُفًا،
وَهُمُو أَوْقَعُونِيَ فِي الجُبِّ، وَاتَّهَمُوا الذِّئْبَ;
وَالذِّئْبُ أَرْحَمُ مِنْ إِخْوَتِي..
أَبَتِ! هَلْ جَنَيْتُ عَلَى أَحَدٍ عِنْدَمَا قُلْتُ إِنِّي:
رَأَيْتُ أَحَدَ عَشَرَ كَوْكَبًا، والشَّمْسَ والقَمَرَ، رَأَيْتُهُم لِي سَاجِدِينْ? .
بشاشة كاميرتك الخفية احادية النظرة...ونصف عمياء الفن هو نتاج انسانى وملك للجميع.. لا لون له ..
زمان الناس ماتت فى مريم ما كيبا وحليمة الصومالية... اكثر حاجة عاجبانى فيك انك ما بتخجل كلو كلو .. فى خرمجة البوستات انا عايزة ابقى ذيك والحقيقة عرفت سر الريدة اللدودة انى ذيك.. انت ناقز بالافركانة وانا ناقزة بالبعاعيت الفرق انا فى البوستات المعنية
do you feel that you are a joykill? me too my friend gir gir gir gir
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: bayan)
|
العزيزة بيان
Quote: ونضيف انه تعرض للمحاكمة عندما لحن قصيدة درويش التى فيها اقتباس من القرآن واثار ضجة.. |
بالفعل الموضوع أثار ضجة كبيرة واتهم بتحقير الإسلام , رغم انه لم يكن يعرف بأن آخر بيت في القصيدة مقتبس من أية في سورة يوسف
ولكن بالرغم من ذلك وقف الجميع إلى جانبه مسلمون ومسيحيون
لأنهم يعرفون إلتزام مارسيل , ويدركون بأنه لم يحقر الإسلام
شكرا لمداخلتك الجميلة
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: Salwa Seyam)
|
بشاشة
وانت مالك حارق رزك في شنو مانسمع مارسل خليفة ولا حتى نانسي عجرم التي تضوي بق من بياضها عديل عديل كده
ولا بس حقد منك
ماهو انت بتسمح رودا في صبحك ومساك
ولا غناء رودا طلع صوتو مشروخ
ولا يمكن عشان حبيبة قلبك طلعت راجل بشنبــات ؟؟
معاك كاميرا عادل عبد العاطي الخفية بس معليش عايزين من الاذن وانتو ناس رودا نذيع ولا مانذيع ؟؟ لانو انتو ناس شكلكم كدا خراخين سبتو كل الخرمجة ومسكتوا في حقوقكم الدستورية ورفعتوا قضية ضد عادل عبد العاطي لانو ما استئذنكم قبل اذاعة ما خرمجته جماعة رودا
اضحك يا بشاشة انت في دولة السودان الجديد التي فيها يمكنك ويسمح لك بان تكره كل شيء حتى الموسيقى لا لشئ الا انها تذكرنا باناس ابيض مننا ونحن لونا اسود وهؤلاء هم الذين سبوا وكانوا سببا في بيع اجداد خالد كودي ورودا
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: أبو أحمد)
|
الأخ أبو أحمد
Quote: اضحك يا بشاشة انت في دولة السودان الجديد التي فيها يمكنك ويسمح لك بان تكره كل شيء حتى الموسيقى لا لشئ الا انها تذكرنا باناس ابيض مننا ونحن لونا اسود |
ياريت لو الناس تنسى ولو للحظة التفرقة العنصرية دي وتتذكر اننا كلنا بشر سواسيه أمام الله ولن تكون الأفضلية للون أمامه تعالى
شكرا لمداخلتك
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
Quote: مَرَّ القطارُ سريعاً، كُنْتُ أنتظرُ على الرصيف قطاراً مَرَّ، وانصرَفَ المُسافرونَ إلى أيَّامِهمْ ... وأنا ما زلتُ انتظرُ *** تبكي الكمنجاتُ عن بُعْدٍ، فتحملني سحابةٌ من نواحيها وتنكسرُ *** كان الحنينُ إلى أشياء غامِضَةٍ يَنْأى ويَدْنُو، فلا النسيانُ يُقْصيني، ولا التذكُّر يدنيني من امرأة إن مَسَّها قمرٌ صاحَتْ : أنا القَمَرُ *** مَرَّ القطارُ سريعاً، لم يكن زَمَني على الرصيف معي ، فالسَاعة اختلفتْ ما الساعةُ الآن؟ ما اليومُ الذي حَدثَتْ فيه القطيعةُ بين الأمس والغد لَمَّا هاجر الغَجَرُ؟ **** هنا وُلدتُ ولم أُولَدْ سيُكْمِلُ ميلادي الحَروُنَ إذاً هذا القطارُ ويمشي حوليَ الشَجَرُ **** هنا وُجدتُ ولم أُوجَدْ سأعثُرُ في هذا القطارِ على نفسي التي امتلأتْ بضفّتيِن لنهرٍ مات بينهما كما يموتُ الفتي " ليت الفتي حَجَرُ ...." *** مَرَّ القطارُ سريعاً مَرَّ بي، وأنا مثل المحطّة، لا أّدري أُودّعُ أم أستقبلً الناسً : أّهلاً ، فوق أرصفتي مقهى، مكاتبُ، وردٌ هاتفٌ، صُحُفٌ وسندويشاتٌ، وموسيقى، وقافيةٌ لشاعرٍ آخرٍ يأتي وينتظرُ *** مَرَّ القطارُ سريعاً مَرَّ بي، وأنا ما زلتُ أّنتظرُ |
مر القطار .. يا مراويد والبقية
الف شكر نهال مرة اخرى
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
جـواز سـفـر
لم يعرفوني في الظلالِ التي
تمتصُّ لوني في جوازِ السفرْ
وكانَ جرحي عندهم معرّضاً
لسائحٍ يعشقُ جمعَ الصور
لم يعرفوني، آه.. لا تتركي
كفّي بلا شمسٍ،
لأنَّ الشجرْ
يعرفني
تعرفُني كلُّ أغاني المطرْ
لا تتركيني شاحباً كالقمرْ !
كلُّ العصافير التي لاحقتْ
كفّي على بابِ المطارِ البعيدِ
كلُّ حقولُ القمحِ،
كلُّ السجونِ..
كلُّ القبورِ البيضِ
كلُّ الحدودِ..
كلُّ المناديلِ التي لوَّحتْ
كلُّ العيون
كانتْ معي، لكنّهم
قدْ أسقطوها من جوازِ السفر!
عارٍ من الإسم، من الانتماءْ؟
في تربة ربيّتها باليدينْ؟
أيّوب صاحَ اليومَ ملءَ السماء:
لا تجعلوني عبرةً مرّتين!
يا سادتي! يا سادتي الأنبياء
لا تسألوا الأشجارَ عن اسمها
لا تسألوا الوديانَ عن أمها
من جبهتي ينشقُّ سيفُ الضياء
ومن يدي ينبعُ ماءُ النهرْ
كلُّ قلوبِ الناس.. جنسيّتي
فلتسقطوا عنّي جوازَ السفرْ !
شعر محمود درويش غناء مارسيل خليفة
جواز سفر
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
ألأســـتاذة / نهال كرار
ســـــــــلامات ...
الفنان الرائع مارسيل خليفة هو امتداد لجيل العمالقة
فى الساحة الفنية اللبنانية امثال فيروز و صباح و نجاح سلام
و الرحبانية و المبدع وديع الصافى و الموسيقار ملحم بركات
و غيرهم من الفنانيين الذين اثرو الساحة الفنية بكل ما هو
جميل و رائع , و مارسيل صاحب ألأداء التفرد و الصوت الجميل
يشبه فى ادائه الفنان الراحل مصطفى سيد احمد فهو يجيد العزف
على العود و يكاد لا يفارقه ابدا ...
اشكرك نهال على على هذا البوست الذى تستحقين الثناء عليه
الفولانى
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
Quote: بشاشة كاميرتك الخفية احادية النظرة...ونصف عمياء الفن هو نتاج انسانى |
يادكتورة بيان، الكلام ده عن الفن السوداني في لبنان وينو؟
ولا اللبنانين ذي بشاشا احادي النظرة؟
احادية النظرة دي، ليه دايما في حالتنا one way ولا ياهو التبرير لي مركب نقصنا؟
يعني يااتذوق الفن اللباني، يااكون احادي؟
شئ عجيب!
عزيزي القارئ، لاحظ الجماعة بيتعامو عن ملاحظة عدم تذوق اللبنانين، للفن السوداني، كيف!
لاحظ ايضا لي تبرير ظاهرة تعلق السودان بالبيضان، اللبنان، بسعة وضيق الافق!
ياسلام!
غريبة حتي الان مافي زول ولازولة هببت للفرمالة التاريخية، بتاعة "ضعف الاعلام"!
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
العزيزة نهال شكرا ليك يا اميرة
عارفة الشيخ امام برضو قدم فن ملتزم.. اتمنى بعد مارسيل تكتبى عنه.. زمان لما كنت "ثورنجية" كنت بحبو هو ومارسيل الان ارجعتينى الى بداية الثمانينات.. شكرا ليك..
بشاشة لما تجى تعرس حتمرق دنقلا عن بكرة ابيها تفتش بقرة اسرائيل الفاقع لونها..العروسة لازم تكون بيضا وطويلة وشعرها ناعم واهم حاجة عيونها غلاد.. شوفتا كيف بلد كاملة بتكره ذاتها.. وتحتقرها.. وتموت فى فكرة الدم العربى الظاهر...
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: Dr. Moiz Bakhiet)
|
بشاشا ما جاوبت بتوقف الكتابة والكلام بالعربي متين؟؟؟
السؤال التاني منو في العالم بيستعمل البواريك الشقراء والكريمات المبيضة أكتر من الإفريقيات الفي إفريقيا ولا في إميركا؟؟
وزي ما السودانيات (بعضهن) بيستعملن الكريمات المبيضة زيهم زي كل الإفريقيات برضو البيض بشمسن جسمهم بحسن عن بعض السمار...يعني فتح أو تغميق اللون دي ما معناها تبعية للبيض دي نظرة جمالية شخصية؟؟
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
Quote: السيد/بشاشه الا زلت تصنف الناس بالابيض و الاسود !!!! |
ياسلام!
يامحمد الامين، انتو التصنيف البسوي الوحاحيح، تبا ياسودان مادايرنو، بالذات بعدما تغلبتو علي نباح جرح سواد بشرتكم بي مورفين العروبة!
بعدين انازيك فتحت جيت لقيت روحي بقولوا علي سودان، اودياري بلاد السودان! فانتو تصنيفكم كسود مابعجبكم، ولهذا رافضين مبدأ التصنيف ذاتو، من باب الضاق عض دبيب دونية الانسان السودان، في عالم اليوم، من الرعب بروح غازي الراس في الرمال، او علي بيفتكر التقسيم ولا! معليش ياشيخنا، شقيش ماقبلت في الكون ده كلو، ستصنف بي لون بشرتك، من علي بعد ميل كامل!
فحتسوي شنو عاد؟
حتركز ذي بشاشا، اوتفضل واطي جمرة دونيتك او تكاتل عشان ماتغير من حالك، ولا حتواصل الجقلبة؟
ظريف لكن لمان ذنوجة السودان يجوك بي فوق، متسترين علي مرارة واقعم بي تآفف مصطنع! its the denial syndrome!
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
Quote: والله المسالة دي بتخلي بشاشة يسطح المواضيع تسطيح يحير. |
ياسلوي، كون بشاشا ولا كوكو لايتذوق مثل هذا الصرير، يجعل منه تسطيح؟
يعني لو مارسيل لايطيق غنا حواء الطقطاقة ذي بشاشا، فهل هذا تسطيح من مارسيل خليفة بالمواضيع؟
ليه ماقادرين تشوفو في عدم تزوق بشاشا للموسيقي اللبنانية البتضرس سنونو او تصرج اضانو، كشئ طبيعي ذي اي لبناني يستمع للطمنبور مثلا؟
حبيبنا القارئ، الجماعة ديل ابدا مابتعرضو لي مسآلة الفن السوداني في لبنان خالص، لانو ده بينسف كلامهم من الجذور، Once and for all
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
Quote: يعني لو مارسيل لايطيق غنا حواء الطقطاقة ذي بشاشا، فهل هذا
تسطيح من مارسيل خليفةبالمواضيع؟ |
يعني اذا مارسيل قال انه هو مابحب غني الطقطاقة لانها مشلخة مثلا ... نقول انه بسطح
بالمواضيع ...( يعني يكون بفكر بنفس الطريقة البتفكر بيها انت )...اما اذا كان لا يحبها
لانها بتقدم نوع من الفن لايحبه هو فهنا يمكن ان نحترم رايه ...
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
ياسلوي، اناموضوعي الاساسي مثل هذا الاحتفاء الانبهاري، بالفن اللبناني، بينما اللبنانيين مابعرفوا السودان ذاتو في ياتو قارة!
مريم ماكيبا او حليمة غناهم من غننانا، والطبيعي كافارقة نحتفل بالفن الافريقي، فليه اصلا ده موضوع سؤال، لولا انو انا وانتي عارفين، مريم لوبالغت في عيون ذنوجة الشمال، مقامها لايتعدي خط افق مقام الفلاتية في عقولم المسترقة!
مش ذي ناس مارسيل او ليلي عجرم، لوالاسم انا كاتبو صاح!
فقبل الغنا، بياض بشرة عجرم هذه، عامل انجذاب اساسي لي سودان السودان مقارنة بي مريم!
مرة اخري اين موقع غنا السودان من الاعراب في لبنان؟
ليه جاكين من السؤال ده؟
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
Quote: اناموضوعي الاساسي مثل هذا الاحتفاء الانبهاري، بالفن اللبناني، بينما اللبنانيين مابعرفوا السودان ذاتو في ياتو قارة! |
الاخ بشاشة الانبهار هنا ليس بالفن اللبناني ... وانما بفنان مقتدر تدخل كلماته وموسيقاه
الي كل القلوب ... لانه يمجد الانسان والانسانية... انت لاتعرف من هو مارسيل خليفة لذ لك
ساويتة بنانسي عجرم او ليلي عجرم كما قلت ...
فلك العذر
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
ياسلوي، يعني في السودان مافي زول بمجد الانسان والانسانية عشان مايحتفلو بيهو اللبنانين ذي احتفاء السودانيين بي مرسيل؟
غرضي اقول مرسيل ده بغني شنو ماالموضوع ياسلوي!
الموضوع ماهو سر تعلق السودان بي فن غريب علي اذن ثقافتو؟
ده لو افترضنا الشغلانة فن او بس!
امااين موقع الغنا السوداني في جنوب افريقيا، فمربوط بموقع جنوب افريقيا في السودان!
بغض النظر احنا او جنوب افريقيا واثيوبيا والكاميرون ننتمي لثقافة واحدة!
بس الكلام ده سر ماتقولي لي مواهيم العروبة!
علي الاقل او رغم تنكرنا لي اهلنا الافارقة الغنا السوداني موجود وبقوة في انحاء متفرقة من افريقيا، من دون اعلام او رغم حاجز اللغة ولاوجود يذكر له في لبنان او اي بلد عربي!
او ده طبيعي او منطقي، يذكرنا مرة اخري بحقيقة من نحن كسودان!
من العجائب اننا رغم كوننا سودان، لكن دايما محتاجين ما ومن يذكرنا هذه البديهة!
شفتي الفجيعة؟
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: Bashasha)
|
عفواً نهال كرار كل عام إنت والجماعة المعاك بألف خير... بس أنا جيت أشوف تكريعات الباشا بشاشا.... أبو رأياً أجوف... المخالف... الباشا بشاشاهيع أمانة عليك ما طلعت راجل خرنقو ساكت... كده شوف ده...
Quote: تضامن (شيعي) و( درزي) و(شيوعي) ضد القرآن الكريم أعلن المرشد الروحي للشيعة في لبنان : محمد حسين فضل الله أن تلحين القصيدة المتضمنة لآية قرآنيةلا يمس قداسة القرآن عندما تكون ذات مضمون إنساني !!!!
وكان هذا الإعلان بعد أن قام الفنان((......) كلام شين..باللغة العربية) اللبناني مرسيل خليفه بتلحين قصيدة الشاعر الفلسطيني محمود درويش
ولقد طالب أهل السنة في لبنان بمعاقبة الفنان أقصد (........ كلام شين) بعد أن قام بادخال آية من القرآن الكريم من سورة يوسف ملحنة ومغناة على أنغام موسيقية
وقال علامة النفاق فضل الله المجتهد.. نحن لا نجيز تلحين القرآن الكريم بالطريقةالغنائية بشكل عام ولكن عندما تكون هناك قصيدة عامة تتصل بأي جانب إنساني وتتضمن كلمة أو آية قرآنية فإننا لا نرى في ذلك اساءة للقرآن !!!!!
من الجانب الدرزي قال وليد جنبلاط في تصريح صحافي ( لا يمكن أن نفرض هذا القصاص على مرسيل خليفه المناضل الوطني)
واستغرب الحزب الشيوعي اللبناني ملاحقة خليفه الذي استطاع بفنه شكلاً ومضموناً أن يجسد قضية الوطن ويحملها الى ابعد الآفاق
هذا هو وجه الرافضة الحقيقي ولمن أراد معرفة المزيد عن أعداء أهل البيت
|
نقلاً عن http://rds.yahoo.com/S=2766679/K=%D9%85%D8%B1%D8%B3%D9%...fnoor.com/fn0481.htm
الناس وما تهوى... إنت مالك ومال حب الناس... بلدنا السودان الكبير ده ما فيهو فجيعة غير بشاشا ده. وفكرو المستورد... يعني حلال عليك وحرام على الناس... أوعك ترجع تغيير رأيك بعد ما عرفت حقيقة مرسيل الأحمر... يا اخي الواحد لو نايم في سريرو في الفضاية يقولو ليهو عينة ناس بشاشا ده ليه ما نمت جوه العوضة... ويختو ليك كم سبب.. بعوضه. مطر كتاحة. غبار عجاج. حرامية. نجوم الليل. ولو نام جوه عوضتو وقفل نفسو برضو ما بخلوه.. يا أخي ده شنو... الكمده دي. وليه نايم ومخلي النور ولا اللمبه مولعة. ما تفتح الشباك. ود الاحد ما توسعو شوية... بشاشا الناقد المحترف.. الما بعجبو العجب ولا الصيام في رجب... والدليل هنا.... يا زنوجة... عدو العرب.. حيثما حلو وإرتحلو... يا أخي أنا دايرك يوم تكون إيجابي في أي مداخلة ليك مع الناس عشان تعجب.. بس خالف تذكر... دي ما سمحة... وليس بالإمكان إرضاء كل إنسان.... إلا إذا كان يحمل الفكر المستورد... يا رامي الحدق...
إتثقفو يا ناس وتعالو بالمفيد... وما عليكم...
وخليكم من بشاشا ده...
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
Quote: غرضي اقول مرسيل ده بغني شنو ماالموضوع ياسلوي! |
ده مربط الفرس وده الموضوع ذاتو
Quote: ده لو افترضنا الشغلانة فن او بس! |
وعشان القضية مافن وبس ... قبيل قلت ليك في سبب مشترك بخلي شعبية مارسيل خليفة زي
شعبية مريم ماكيبا وحليمة الصومالية و ومصطفي سيد احمد وكمان بوب مارلي ...
اها القصة فيها لغز ولا شئ ولا صعب يخلينا مانعرف الشئ المشترك بين الناس ديل كلهم ...
بعتذر للاخت نهال علي استلام البوست واظنها حردتو لينا انا وبشاشة ... معليش يانهال
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: Muhib)
|
يا بشاشة
انا فى حياتى ما شوفتا مارسيل ولا بتذكر جنسو شنو..
مارسيل بيغنى للعدالة و الحب والوطن.. وحول فنه لصوت من لا صوت لهم عشان كدا قدر يخاطب عدد ضخم من الناس لانه بيتكلم عنهم و ليهم..
دا مربط الفرس العايزة توصلك ليه العزيزة سلوى.. ولكن انت حارن تب بس الحاجة الفى راسك هى الصاح... لو اصلو بنحب بالبياض ما نحب نانسى عجرم و نقرب ونبص... فنان ذى مارسيل بيحترم المتلقى وبيخاطب عقله وجدانه وفنانة ذى نانسى بتخاطب عواطف و غرائز الناس.. ذى حنان بلو بلو ومصطفى سيد احمد... يا بشاشة يا اخوى...القالب بتاعك ما بيلفق فى اى حاجة.. عشان ما يبقى مسيخ ركبو فى المكان المناسب... ما علقت على قصة بقرة اسرائيل الفاقع لونها فوق هنااااااااك كلامك بيذكرنى بعبارة كدايس رأسى.. دائما عندى احساس انه كدايس راسك طوالى متشاكلات... ما ننسى ودى ومحبتى ....
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
يا جماعة الخير لو في زول بيعرف ليه مواطن لبناني بيسمع وبتذوق فن سوداني يرفع لينا اسمو هنا عشان بشاشا ده يفكنا
بعدين يا مصعب ابن عمير زمانك في اعتراف عربي بامكانيات الطيب صالح في الكتابة والكتابة فن خصوصا كتابة الرواية
يعني حسب فهمك مفروض نحن بعد ده نقول
هذا المغني صوته نشاز لان بشرته بيضاء فان استطاع ان يبدلها باخرى سوداء صار صوته جميلا او ان هذا الشاعر شعره ركيك لانه لبناني الاصل فاذا تجنس بالجنسية السودانية اصبح من فحول الشعر
ياخ انت والله عندك عمى الوان ما بتشوف الا ابيض واسود وعمى الالوان عندك متقدم حتى الرمادي خليط الابيض والاسود ما بتشوفو
اها انا بحب مارسيل حليفة وبحب استيف وندر
الاول ابيض عربي لبناني والثاني اسود زنجي امريكي
حاتصنفني وين يا مصعب ابن عمير زمانك
قصة غريبة
كدي يا جماعة كلمو لينا ناس شركة ديانا بتاعين الكريمات ديل يعملوا لينا كريم يقلب البشرة سوداء فالمستقبل للبشرة السودا حتى مستقبل الفن
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
Quote: يامحمد الامين، انتو التصنيف البسوي الوحاحيح، تبا ياسودان مادايرنو، بالذات بعدما تغلبتو علي نباح جرح سواد بشرتكم بي مورفين العروبة!
بعدين انازيك فتحت جيت لقيت روحي بقولوا علي سودان، اودياري بلاد السودان! فانتو تصنيفكم كسود مابعجبكم، ولهذا رافضين مبدأ التصنيف ذاتو، من باب الضاق عض دبيب دونية الانسان السودان، في عالم اليوم، من الرعب بروح غازي الراس في الرمال، او علي بيفتكر التقسيم ولا! معليش ياشيخنا، شقيش ماقبلت في الكون ده كلو، ستصنف بي لون بشرتك، من علي بعد ميل كامل!
فحتسوي شنو عاد؟
حتركز ذي بشاشا، اوتفضل واطي جمرة دونيتك او تكاتل عشان ماتغير من حالك، ولا حتواصل الجقلبة؟
ظريف لكن لمان ذنوجة السودان يجوك بي فوق، متسترين علي مرارة واقعم بي تآفف مصطنع! its the denial syndrome! |
!!!!!!
==========================================
Quote: كون بشاشا ولا كوكو لايتذوق مثل هذا الصرير، يجعل منه تسطيح؟ |
انت لم تتذوقه فكيف تصفه بالصرير ؟
Quote: يعني لو مارسيل لايطيق غنا حواء الطقطاقة ذي بشاشا، فهل هذا تسطيح من مارسيل خليفة بالمواضيع؟ |
فى السودان فى ناس لا تطيق غناء الطقطاقة و فى لبنان هنالك من لا يطيق غناء مارسيل
و لكن لاسباب آخرى غير لون البشرة.
Quote: ليه ماقادرين تشوفو في عدم تزوق بشاشا للموسيقي اللبنانية البتضرس سنونو او تصرج اضانو، كشئ طبيعي ذي اي لبناني يستمع للطمنبور مثلا؟ |
انت هاجمت الرجل بسبب (لون) البشرة و ليس (لون) الغناء و هنالك فرق
Quote: حبيبنا القارئ، الجماعة ديل ابدا مابتعرضو لي مسآلة الفن السوداني في لبنان خالص، لانو ده بينسف كلامهم من الجذور، Once and for all |
نحن لسنا فى حاجة الى ان يعترف بنا احد، انتهى زمن ان نتنظر من الغير الاعتراف بنا just prove your self
===============================
Quote: غرضي اقول مرسيل ده بغني شنو ماالموضوع ياسلوي! |
Quote: غرضي اقول مرسيل ده بغني شنو ماالموضوع ياسلوي! |
Quote: غرضي اقول مرسيل ده بغني شنو ماالموضوع ياسلوي! |
انت ما جادى فى الحته دى مش كده !!!!! طيب المهم شنو غير كده !!!
Quote: مش ذي ناس مارسيل او ليلي عجرم، لوالاسم انا كاتبو صاح! |
هل اصبح مارسيل فى النفس المرتبة مع بنت عجرم !!
ما قلت ليك ان تصنيفك للناس يتم على اساس (لون) البشرة فقط
بشاشه، قامت الاخت نهال بوضع اغانى له، استمع اليها قليلا و حاول ان
تنسى لونه الابيض، فالكلمات التى يتغنى بها لا تعرف (الالوان).
و عجبتنى حركة كتابة (ليلى) بدل (نانسى)، ملعوبه ..
تحياتى
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: Elmosley)
|
الأستاذElmosley
Quote: هذا فن رائع وعظيم
وتوزيع اوركسترالي جميل ذو اسلوب كلاسيكي
تحيه لكما لامتاعنا بهذا الفنان الملتزم الوطني الرفيع
وتحيه اخري يانهال وهذه اول مره اسمع بسحر طه
وتحيه لك لبوستات التشكيل
انه بورد المثاقفة الذي نتعلم منه |
وتحية ليك يا أستاذنا
شكرا ليك على الكلام الجميل دا
وتحياتي ليك
| |
|
|
|
|
|
|
Re: "مارسيل خليفة " و " سحر طه" فن راقي في زمن الإنحطاط (Re: نهال كرار)
|
شكرا يا نهال على هذا البوست الجميل.
مكمن حبي لمارسيل خليفة هو مقدرته على أداء أشعار الرائع محمود درويش. ودوره يذكرني بدور الفنان الراحل المقيم مصطفى سيد أحمد.
يا أستاذ بشاشا: نحن السودانيين بنحب بوب مارلي ومارسيل خليفة وأستير أويك وفيروز ولورين هيل والموشحات الأندلسية والمدايح والراب ميوزيك والشاب خالد وبيونسي.
يعني ببساطة نحن قادرين نستوعب كل جميل.
وهذا من سعة أفقنا ورحابة صدرنا وإنسجامنا الداخلي وعمق احساسنا بالجمال الذي هو من مصدر واحد.
أما إذا لم يستوعب جمالنا الآخرون، فهذه مشكلتهم، وليست مشكلتنا.
وخلي ماعونك واسع خاصة وأن اسمك بشاشا.
وشكرا تاني يا نهال.
| |
|
|
|
|
|
|
|