|
|
 شابان سودانيان يحملان العروس على الأكتاف حسب الأعراف السائدة
|
فى واحدة من قرى السودان الجميلة ، وكعادة الكثير من هذه القرى ، وحتى فى المدن ، أن يقوم الشباب (بحمل) العريس أبان حفل زواجه ، فيحملونه على أكتافهم كرمز لمحبتهم ومشاركتهم له فرحه ، حتى صار تقليدا مميزا لهذه الأعراس
وقد تخصص شابان قويان فى تلكم القرية لحمل العريس ، وعرف عنهما أنهما لا يقومان بهذا العمل إلا بعد أن (يضبطا) رؤوسهما بشراب مسكر لذيذ من نوع (عرقى العيش) أو ما شابه ذلك
وفى يوم من الأيام وصل الشابان لمقر الحفل وذلك لحمل (العريس) ، فتصدى لهما بقية أقرانهم من أولاد الحلة ، وقالوا لهم يا شباب الليلة ما فى شيل ، العريس غريب ما من الحلة ، إنما (العروس) بنت حلتهم وقريبتهم
وعلى حسب السكرة ، كان ردهم:
مافى مشكلة ، نشيل العروس
مش حقتنا؟؟؟؟
|
|
 
|
|
|
|
|
|
|
 Re: شابان سودانيان يحملان العروس على الأكتاف حسب الأعراف السائدة (Re: يازولyazoalيازول)
|
ياخوانا شيل العروس اكان بقى زي شيل العريس الحكاية حتتطور
وبعدين كيفن العروس تنشال على كتاف الشباب دا محال
وبعدين جسم العروس اللادن لا يستقيم وحملها على الاكتاف (عاملة زي الجلي)
وطيب فستان الزفاف ما بيغطي وش العنتر الشايلا
وتخيل الشاب القوي ذوي العضلات التبش شعوره شنو هل يتحمل ثقل المحمولة
ويعمل فيها راجل ولا كيف؟؟ واللا الحكاية فيها.... يا زولyazoal.
عموما الحمدلله فتنا مرحلة شيل العرسان ولا نقوى على حمل المخدة كمان
الله يستر على بناتنا من شيل الشباب.. ودي حتكون الكارثة والنهاية الحتمية لعفاف العروس قبل تسليمها للعريس الولهان..
| |
|
|
|
|
|
|
|
|
|
Re: شابان سودانيان يحملان العروس على الأكتاف حسب الأعراف السائدة (Re: يازولyazoalيازول)
|
العم هشام
لك التحية مجددا
قلت لى
Quote: مافى مشكلة ، نشيل العروس
مش حقتنا؟؟؟؟ |
يازول قول خير ...
لكن لو شاربيين ممكن يشيلوا العروسة ويمشو والعريس يركب التونسية ...صح؟؟؟؟
يعنى اهم شئ ان تكون هناك سطلة او سكرة او جرعة او غيرهما
وكلاهما من خارج النص ...
المهم العروس تتشال بالكرسئ والعريس بالكتف
مش لو سكرانيين لو ميتين كمان ....
وخليهم يسكروا ويجوا عرسئ ويقربوا من عروستى على شان اقطع رقبتهم الاثنين ...
تسلم
| |
|
|
|
|
|
|
|
|
|
Re: شابان سودانيان يحملان العروس على الأكتاف حسب الأعراف السائدة (Re: شهاب الفاتح عثمان)
|
والله يازوول انت زول لذيذ وبوستك دمو خفيف،
والله يستر من المعنقداتية الماعندهـــم شغل
غير تبويظ الحفلات.علا بس انا ياأخوي هشام
عاوز لي شوية شرح ، أصلو أخوك بعيد عنك مخو
شويه تقيل..
أهلنا في المغرب بنطقوها (مصخوط).والمصاخيط
كتااااار.وإذاجاءكم مصخوط بنبأ فلا تسيئوا به
الظن.ومعليش بس الكلام ده معناهو شنو..
| Quote: يرفع البوست كما يرفع العريس فى الحفلات |
فحسب علمنا المتواضع أن العريس لايرفع، وكان
حصل يبقى العروس سجم خشمها.
وبعدين ياهشام حددوا المفاهيم الحكاية شيل
ولا رفع؟غايتو انحنا اللي اتزوجنا في المغرب
شالونا بس( والله العظيم) وفوق حاجه اسمها
العمارية تشبه الهودج. وبعدين بعض المغاربة
يسمون العريس( العروس) والعروس( العروسة).
مع مودتي أيها الرجل المهذب.
| |
|
|
|
|
|
|
|
|
|
Re: شابان سودانيان يحملان العروس على الأكتاف حسب الأعراف السائدة (Re: صلاح الأحمر)
|
هشام شيخ الدين يا زول يا لذيذ يا رايق,
ليت الموضوع كان شيلة بريئة كما يعتقد الكثيرين!!!,ولكن
المشكلة الكبيرة لا تكمن فى مسألة شيل العريس نفسها!!!!!!
و إنما فى أولاد الحلة و الأصحاب المنتظرين الفرصة دى من يوم
سمعو بى خبر العرس !!!!!!!!!و كما جرى العرف فإن هذه المسألة
تصبح صعبة جدا جدا فى حالة شيل العروس بدل العريس و تضيع فرصة
عظيمة كان ينتظرها ناس كتاااااااااااااار !! و أظنكم تعرفونها
ولمن لا يعرف فهى فرصة أن يكون العريس معلقا بين السماء و الأرض لا
حول له ولا قوة و الجميع يتفرج و يصفق و صاحبنا تفعل به الأفاعيل وليس
مما يمكن فعله غير الضحك و الإبتسام .
* واحد أخونا إشتهر بطول لسانه و خاصة إذا سمع أن فلان أخته ستتزوج
فعلى هذا الفلان أن يشوف ليه بلد !!! يوم عرس واحدة من أخواته قام
صاحب تار قديم معه بإحضار غناية بدلوكه و أجزل لها العطاء و (النقطة)
والأمر حتى هنا طبيعيا!!!!!!!!غير الطبيعى يا صاحبى أن كل ذلك كان فى داخلية
أولاد!!!!!!!!!!! وكانت ليلة لا تنسى و لن تمحى من الذاكرة.
والله المسخوت منو نحن ما عرفنا لكن المودة صادقة وهذا هو المهم !
| |
|
|
|
|
|
|
|
|
|
Re: شابان سودانيان يحملان العروس على الأكتاف حسب الأعراف السائدة (Re: أيمن الطيب)
|
أيمن الطيب
أشكرك على المشاركة معنا فى هذا الموضوع وفعلا شيل العريس أصبح من العادات اللطيفة إذ يحاول الأصدقاء التعبير عن مشاعرهم نحو العريس بشيله فوق الأكتاف كناية على مكانته العلية عندهم وكنوع من التشجيع إذ ان العريس يومها يكون (بطل) الإحتفال وتكون العروس (النجمة)
تحياتى وربنا يكفينا شر (المصاخيت) كما قال صاحبى صلاح الأحمر ، بطريقة المغاربة
تسلم
| |
|
|
|
|
|
|
|
|
|
Re: شابان سودانيان يحملان العروس على الأكتاف حسب الأعراف السائدة (Re: صلاح الأحمر)
|
صلاح الأحمر
ياخ والله كتر خيرك على هذا الرد الجميل ، وأرجو لك حياة سعيدة مع (عروسك) المغربية ، فالمغاربة ناس طيبين وحلوين ، حتى أنى أحب أن أسمع سيرتهم العطرة بحكم (تجانيتى) وتعلق قلبى فى (فاس) الجميلة ، وفى الرباط وفى الدار البيضاء ، وأمنية نفسى أن أزور المغرب فى يوم من الأيام ، فهنيئا لك يا صلاح
أما رفع العريس ، فهى تماما مثل رفع المبتدا بالضمة الظاهرة على آخره ، وهو المقصود هنا عندما (يشيله) أصحابه فوق الأكتاف
كنت أمنى نفسى أشوفك (مرفوع) فى (الهودج) ، والسؤال هو ، هل كلاكما يرفع فى نفس الهودج أم الرفع هنا يكون منفصلا للعريس ورفع آخر فى هودج آخر للعروس ، يا ليت تكلمنا عن هذا الأمر
أما تسمية العريس (العروس) و العروس (العروسة) فهى مدعاة للخبطة شديدة
تشكر يا (عروس)
شفت كيف ، دى فى السودان بضاربو فيها لحدى الموت
تحياتى
| |
|
|
|
|
|
|
|
|
|
Re: شابان سودانيان يحملان العروس على الأكتاف حسب الأعراف السائدة (Re: يازولyazoalيازول)
|
الأخ هشام الزاكيات لك
بحكم القراية أم دق خاصة لما تكون قراية كبر
طول ما أنا في البيت بكون قدام الكمبيوتر
طبعا مع زهج القراية بزوغ هنا وهناك لمعرفة الأخبار وغيرها
طبعا هذا المنبر بياخدأغلب زمن الزوغان ببدأ بما هو سياسي
ثم أدلف علي بعض الحرابات لزوم الشمشرة ومن ثم أبحث عن( يا زول)
أشوف هل منزل بوست أم لا ومن المجادع الأساسي إذا كان منعم
معناها أنا اليوم داك واطات قرايتي أصبحت
هذا الإدمان أصبت به يوم مجنون الجبلين
| |
|
|
|
|
|
|
| |
يازولyazoalيازول
محجوب البيلي
محمد زمراوي عبدالعزيز
محمد عادل
شهاب الفاتح عثمان
Abdelmuhsin Said
Moawia Mohammed
عاصم ابوبكر حامد
عبد المنعم سليمان
أبوذر بابكر
peace builder
صلاح الأحمر
أيمن الطيب
abdulgafar mohd saeed
Atif Makkawi
فيس بوك
تويتر
انستقرام
يوتيوب
بنتيريست