لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه)

شرح مفصل و معلومات للتقديم للوتري 2020
إلى ذاكرة خريجي الهند ..مع التحية ًِ
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-10-2018, 03:54 PM الصفحة الرئيسية

مكتبة هشام شيخ الدين جبريل(يازولyazoalيازول)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
25-04-2007, 03:09 PM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه)

    صديق عزيز مغترب فى المملكة لسنين طويلة ، يذهب للسودان سنويا وبشكل منتظم ، إلتقيته يوم الخميس الماضى فى إحدى مناسبات جدة الجميلة (كرامة دكتور صلاح التجانى بتخريج ولده) وقد دعى جميع أهل ملتقى جدة الإجتماعى ، وكان فعلا جمعاً طيباً مباركاً ،

    وقد كان هذا الصديق قد عاد تواً من السودان ، فسالته كيف وجدت السودان؟؟؟؟ فرد بغضب شديد تغيرت التركيبة الإجتماعية ، وعمّ الفساد خصوصا بين (البنات الصغار)

    يا ساتر ....

    اعلم أن هذا الأمر سيغضب الكثيرين ، ويؤكد لآخرين مدى (خرفى)

    ولا أملك إلا أن أقول (حسبى الله ونعم الوكيل) ، تحدث هذه المصائب ، ونسكت (عمدا أو نغض الطرف عن فضايحنا) وكأن الأمر لا يعنينا ، ونغتغت مصائبنا ، بل نقول لمن يفصح عنها ، إنت مالك؟؟؟؟ أو يتهم بالخرف

    ok

    ما علينا ...

    إليكم الرواية ...

    كان ذاهبا بسيارته من الخرطوم إلى أمدرمان ، وفى وضح النهار ، فوجد إمرأة كبيرة فى السن تحمل أكياسا وتقف فى شارع الزلط تنتظر أياً كان لتذهب إلى أمدرمان ، وهى تعتبر واحدة من (خالاتنا) ولا شك

    قال لى هذا الصديق ، إن منظر الخالة قد أشفقه ، وحيث أنها كانت تؤشر لكل العربات المارة ، (يا عم يا عم) فقد قرر التوقف لها وحملها معه بدافع الشهامة السودانية المعتادة ، فوقف لها ، وبما أنه كان مسرعا بعض الشىء ، كعادة قيادة الأخوة المغتربين (المتهورة) بمقاييس الخرطوميين ، فقد تعداها بقليل وأصبحت تفصل بينها وبينه حوالى الخمسين أو ستين مترا ، ولكن المصيبة أنه توقف أمام بنت صغيرة ، (آية فى الجمال) (أو كما قال) وكأنه كان يقصد التوقف للبنت الصغيرة ، بدلا من الخالة الكبيرة ، ولمعرفتى التامة بنوايا صديقى ودواخله ، فإنى أشهد الله ما كان يقصد التوقف للبنت الصغيرة بتاتا، بل كان قاصدا الخالة

    لم تصدق البنت الصغيرة أن سيارة وقفت قبالتها تماما ، فلم تتح له لحظة واحدة ليفكر ، بل فتحت باب السيارة الأمامى (وإنقشطت) فيها

    إحتار صاحبى للحظات ، وأصيب بربكة شديدة ، فالرجل قادم من السعودية ، والقادمين من السعودية ، يخافون من النساء ، حيث تعودوا أن تكون الحريم (مدمدمات) بالأسود وكأنهن أشباح متحركة ، وعندما يذهبون إلى الخرطوم ، يتصرفون بتخلف منقطع النظير أمام (الشتيت) و الكُشيف الذى يجدونه غريبا عليهم ، فنظر إلى البنت الصغيرة ، ونظر فى المرآة فوجد الخالة من خلفه وقد تعداها ، فيا لهول ما أصابه

    قال لى ، لم أفكر طويلا ، رجعت إلى الخلف بالسيارة قاصداً الخالة ، ولما وصل الخالة ، ورأت الخالة الشافعة (منقشطة) فى المقعد الأمامى ، قالت له ، خلاص يا ولدى أمش كتر خيرك ما إنت معاك البنية

    لا حول ولا قوة إلا بالله

    قال لها ، يا خالة أنا واقف ليك إنتى ، أنا ما واقف للبنية ، وقد كان شجاعا فى هذا الأمر ، وهى عين الحقيقة
    (الصدق كان ما نجاك ، الكضب ما بنجيك)

    فعلمت الخالة صدق نوايا الرجل ، ففتحت باب السيارة الخلفى ، وإنقشطت هى الأخرى

    جميعهم الآن فى السيارة متوجهين صوب أم درمان ، صاحبى والشافعة فى المقعد الأمامى ، والخالة بأكياسها فى المقعد الخلفى ،

    قال لى صاحبى ، ونحن فى الكوبرى بدأت (أشحد الله) فى سرى أن تنزل الشافعة من السيارة قبل الخالة ، ياالله البت دى تنزل قبل خالتنا دى ، وذلك حتى يتمكن أن يثبت للخالة أنه برىء مما كانت تفكر فيه عندما طلب منها الركوب ، إذ قد تظن الخالة أنه أحد الذئاب البشرية فى الخرطوم الذين لا هم لهم سوى إصطياد صغار البنات ، وصديقى بالطبع ليس منهم ، فهو إنسان مستقيم ومتزوج ومتدين وسودانى عفيف نظيف ، جاء من الزمن السمح ، وأعرفه معرفة لصيقة وأعرف أخلاقه

    وكانت الكارثة إذ لم يتعدى الكوبرى بقليل ، وهم على مشارف أمدرمان ، إذ تقول له الخالة ، خلاص يا ولدى وقف لى هنا أنا وصلت ،

    يا الله .....

    فامتثل لأمر الله وتوقف بسيارته فترجلت منها الخالة وأخذت أكياسها وشكرته وإنصرفت ، والآن فى المصيبة المعاهو دى ... الشافعة المحكرة فى المقعد الأمامى

    قال لى أنه لا يعرف حتى الونسة مع البنات الصغار ، ولا يعرف أين تذهب هذه البنت ، وهى تهمهم بكلام غير معروف وصاحبى لا ينظر إليها ولا يفقه حديثها وكان يتصبب عرقا راجيا إنتهاء هذه المصيبة بأى شكل من الأشكال ، قال لى بعد فترة إستجمعت كل شجاعتى وقلت لها (إنتى دايره شنو؟) فردت على الفور (دايره سيما) ، قال لى صاحبى وقفت أمام أول بقالة قابلتنى ونزلت من السيارة وتوجهت نحو البقالة وقلت لصاحبها أدينا سيما ، قال لى صديقى ، والله إنه لا يعرف ما هى هذه السيما ، فسأله صاحب البقالة ، عايزها كبيرة ولا متوسطة فقاطعه صاحبى سريعا لأنه لا يعرف السيما ، ياخ جيب أى مقاس ، قال لى فوجئت أن صاحب البقالة يحضر لى كيسا مليان (حلاوة حربة) ، دفع صاحبى ثمن الكيس ، وذهب للسيارة وأعطاه للشافعة وقال لها إتفضلى السيما وقام بوضع الكيس بجانبها

    نظرت الشافعة لصاحبى نظرة شفقة ، ولما لم تجد منه أملا فى أى شىء ، قالت له بعد مضى وقت قصير خلاص نزلنى هنا ،

    قال لى صاحبى نزلت البنت من السيارة ، ونسيت أن تأخذ كيس السيما ، فقال لها (السيما ، ما تنسيها) فردت عليه سريعا وبلغة حاسمة (دى أمشى مصها إنت) وانصرفت ، فحمد الله على إنتهاء هذه المغامرة بسلام ، وقضى صاحبى كل مشاويره الرسمية فى أمدرمان ، ثم عاد آخر النهار إلى منزله فى الخرطوم محملاً بكيس حلاوة حربة من نوع (سيما) ....

    وهنالك قصّ الحكاية على أقربائه (المقرمّين) حسب تعبير صاحبى ، فهم لا تفوت عليهم فائتة ، فضحكوا كثيرا من حكاية السيما ، حتى تبرع أحدهم وفك له طلاسم اللغز ، فالسيما هنا (كناية عن المص) ، و (الليما) لها معنى آخر ، و (الديمة) هى أشمل من سابقتيها ، بمعنى إذا قالت لك البنت (ديمه) فمعنى ذلك ، يمكن أن تفعل معها أى شىء تشاء ،

    وهكذا هى رموز إبتدعوها ليمارسوا الفاحشة بأبشع صورها تماما مثل ما يشاهدوا فى التلفاز وعبر القنوات وفى النيت وفى البلوتوث وعبر رسائل الجوال ، وكل وسائل الإتصالات المتسارعة التى نقلت الثقافات الغربية الفاسدة ، وزاد فى نشرها (الحاجة) للمادة والتى صاروا يطلبونها بأى شكل وأى طريقة من الطرق ، ولا أملك إلا أن أقول

    إنا لله وإنا إليه راجعون ، فهذه مصيبة أصابت بلادنا فى مقتل ، فهل من سبيل إلى أن يعود الناس مرة أخرى للقيم والأخلاق الحميدة؟؟؟؟؟
                   |Articles |News |مقالات |بيانات

25-04-2007, 03:51 PM

احمد معتصم الطيب
<aاحمد معتصم الطيب
تاريخ التسجيل: 27-04-2005
مجموع المشاركات: 2103

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: يازولyazoalيازول)

    العزيز يازولyazoalيازول

    زمان الناس بعرفو بعض يعرفوك ويعرفو جدك وحبوبتك كمان
    هسع ياحليلك يازوول العاصمة فيها 6 مليون شخص لابتعرف
    زوول لا زوول بعرفك وبلدآ ما بلدك أمشي فيها أم فكــو
    زمان يازوول لو خشيت سوق أمدرمان السوق كلو ياولدأبوك
    كيف وجدك نعلو ماعندو عوجة وخالتك مرقت من المستشفى
    السجارة دى تشربة وتتلفت زى الحرأمى .
    وبتعرف ديك عربيت ناس فلان وداك دكان عم عبدالله وديك
    خالتك فلانة وعمك فلان والجكيس كان زمن المسلسلة شغالة
    هسع المواعيد عينك ياتاجر فى أى مكان وأى زمان التقول
    موباتل
                   |Articles |News |مقالات |بيانات

25-04-2007, 04:57 PM

hamid brgo

تاريخ التسجيل: 21-05-2006
مجموع المشاركات: 4981

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: احمد معتصم الطيب)

    Quote: العزيز يازولyazoalيازول

    زمان الناس بعرفو بعض يعرفوك ويعرفو جدك وحبوبتك كمان
    هسع ياحليلك يازوول العاصمة فيها 6 مليون شخص لابتعرف
    زوول لا زوول بعرفك وبلدآ ما بلدك أمشي فيها أم فكــو
    زمان يازوول لو خشيت سوق أمدرمان السوق كلو ياولدأبوك
    كيف وجدك نعلو ماعندو عوجة وخالتك مرقت من المستشفى
    السجارة دى تشربة وتتلفت زى الحرأمى .
    وبتعرف ديك عربيت ناس فلان وداك دكان عم عبدالله وديك
    خالتك فلانة وعمك فلان



    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ـ


    الاخ احمد معتصم: سلامات
    هل تعتقد هذا هو السبب
    اذا ليرجع كل من جاء الي ام درمان بعد سنة 1906م



    عزيزي هشام
    السلام عليكم و رحمة الله
    سرد جميل لقصة حقيقية و مصيبة اجتماعية- نسأل الله الهداية


    لكن في تقديري المتواضع يتحمل الرجل الجزء الاكبر من فساد صغار الفتيات

    قبل حوالي 7 سنوات وفي حي بالخرطوم يصنف بانه راقي (لا ادري من اين اتي التصنيف) علي كل كانت هنالك داخلية للبنات المقتدرات و انصاف المقتدرات( اي انهن يفلسن من وقت لاخر علي نقيض بنات المغتربين).
    و بقربنا ايضا مساكن لمنظمات او بعض السفارات.

    في يوم من الايام و انا بالبقالة لحاجة لي و الوقت حوالي 9 ليلا رايت احد السودانيين العاملين بالمنظمة يصتحب معه من الداخلية فتاة لا يتجاوز عمرها ال19 سنة.
    كانت مرتبكة و خائفة وقد يكون اول يوم لها مع الفاحشة لكنها مرغمة امام امبراطورية الرجل -و الذي بيده المال ويشتري به الاجساد الطاهرة( مع اني لا ابرئها)

    نزل دمعي و لم انم الا في وقت متاخر
                   |Articles |News |مقالات |بيانات

25-04-2007, 04:53 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: يازولyazoalيازول)

    (
    Quote: دى أمشى مصها إنت



    هشام صحبي

    ازييك ومشتاااقين

    مسكيت الراجل ما فهم البت وفعلا قصدو شريف


    قول ليه الواحدة لما تقول ليك عاوزه سيما وهي في العربية تديها ليها في العربية


    سمح ..


    اين تسهر هذا المساء ؟


    في السيما
                   |Articles |News |مقالات |بيانات

25-04-2007, 06:41 PM

محمد عادل
<aمحمد عادل
تاريخ التسجيل: 19-07-2006
مجموع المشاركات: 14734

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: عبد المنعم سليمان)

    مرة ياعم هشام
    فى اجازتى الاخيرة دا
    وكان معاى الوالد فجاءة وقفنا قدام المكتبة عشان اشترى الجرائد
    وكانت فى بنت واقفى قدامنا صغيرة
    بعد شوية الباب الخلفى فتح وفجاءة نشوف وحدة تركب فى العربية
    ابوى عاين لى وانا عاينت ليهو
    قال ليها نعم يابنتى
    قالت ليهو النظام شنو
    قال ليها النظام نظام الانقاذ
    نظام فى عينى قومى قامت قيامك
    البنت قامت جارية خافت من ابوى وخاصثة دقنو كبيرة
                   |Articles |News |مقالات |بيانات

25-04-2007, 07:36 PM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: محمد عادل)

    Quote: البنت قامت جارية خافت من ابوى وخاصثة دقنو كبيرة



    تفتكر يا محمد يا ابني انه الشافعة دي كانت لتجرؤ على مافعلته

    لولا إنها متعودة على الدقون الكبيرة الما بتخاف الله من الكيزان

    اللاهثين وراء إشباع شهواتهم الدنيئة القذرة وأشباههم من التافهين ...


    لا حول ولا قوة إلا بالله !!!!!!!!
                   |Articles |News |مقالات |بيانات

25-04-2007, 09:16 PM

خضر الطيب
<aخضر الطيب
تاريخ التسجيل: 24-06-2004
مجموع المشاركات: 6432

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: يازولyazoalيازول)

    الاخ الحبيب / هشام ود شيخ الدين

    لك التحية والتقدير


    بالمناسبة ياهشام بعرف الاستاذه تماضر


    كنا زميلي واخي المقداد في بداية هذا العهد


    المشئوم نعمل سويا في تلفزيون السودان


    ورغم المامي بتفاصيل هذه الاسره اسرة شيخ الدين


    التي اخرجت لهذه الدنيا المبدعين من ابناءها


    المنتشرين في انحاء المعمورة , لكنني لا اتصور


    ان يصل خيالك الابداعي لدرجة حبك مثل هذه الاحداث


    ويقيني التام بانها حقيقة في سودان الانقاذ


    كل ماتحدثت عنه في بوستاتك السابقة , لم يكن من وحي


    خيالك وانما هو حقيقة معاشة في سودان المشروع الحضاري


    رايتها وعايشتها خلال اجازاتي المتقطعة للسودان


    فعلا لقد رايت العجب



    كت اووت :-


    جاني اتصال ياهشام بجيك بي مهله
                   |Articles |News |مقالات |بيانات

26-04-2007, 00:27 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: خضر الطيب)

    نسأل الله السلامة والسترة للجميع
                   |Articles |News |مقالات |بيانات

26-04-2007, 04:07 AM

celecon

تاريخ التسجيل: 15-09-2002
مجموع المشاركات: 1316

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: يازولyazoalيازول)

    سلامات هشام ...
    ياخى والله قصصك مابتتلقى الا عند هشام دوت كوم ..
    ازيك يا مقلب المواجع وضارب الاهداف بأسهم مركزة ...

    تعرف قبل فترة مشيت محل اسمه جراند كافيه فى شارع المطار
    والمكان مليان بالجكس من كل الانواع والملبوسات جميلة لما
    غلط تقول لى مدمدين ديل هنا مشلحين كلو كلو... المهم ياعمك
    ونحن قاعدين بنشرب لينا فى عصائر كده فى أحد الاركان المظلمة
    على ما أظن كانت حلاوه لكوم شغال (بتعرف حلاوة لكوم ولا اشرحها
    ليك) اصابنى الهلع مما رأيت .. مهما تركت الخيال لوصف الحالة
    الاخلاقية ما كنت اتوقع وصول المرحلة لماهى عليه ..

    نسأل الله العظيم أن يسترنا ويستر بنات المسلمين جميعا ...




    ________________
    هسه يجيك واحد كده من المنظراتية ويقول ليك بتألفوا ...!!!!
    بس بقول ليهو كان لميت فى صلعتك الا اقوم ليك فيها قنقليس ...
                   |Articles |News |مقالات |بيانات

26-04-2007, 04:22 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: celecon)

    Quote: بلدي يا حبوب مهما الزمن ميل
    ومهما المحن كترة
    ما تنحني للريح وتكسر مقاديفك
    وتبيع مبادئ جدود في سوق حرامية
    اسال مزارعينك ليه خلو زرع العيش
    ليه ضيعو الوسوق
    باعوك يوم السوق ..... باعوك بالقوة
    والاشتراك خازوق تاجر بمال الناس
    واسال سواري الليل
    كيف خانو عهدك كيف
    سرقوك في غمضت عين
    سرقوك باسم الدين
    وسال بنات عمك عن الشهيد ولدك
    كتلوه لمن قال دولة حرامية
    رفعوه في دفار
    ودوه خط النار
    قالولو اضرب اخوك
    لمن رفض يضرب
    كتلوه بي طلقة
    جابو الخبر لي امه
    قالوله ابشري خير
    ولديك عريس للحور
    في الجنة عندو قصور
    حارب اعادي كتر
    وكتل من الكفار
    لاكن عمره قصير
    صيوان كبير مدقوق
    ودقون شغالة هجيج
    ما راعو حزن الام
    حرقولها قلبها حريق
    ماراعو انك يوم
    يا وطني يا حبوب
    ممكن تعود تاني
    وتضحك لك الاقدار
    واولادك الاحرار
    حيشيلو رايتك يوم
    ويحاكمو اي جبان
    ظلمهم باسم الدين
    وضيع اراضيهم
    شرد عوائلهم
    وشمت اعاديهم

    أبوفراس عوض الكريم .. كاتب النص
                   |Articles |News |مقالات |بيانات

26-04-2007, 06:02 AM

جعفر عبد المطلب
<aجعفر عبد المطلب
تاريخ التسجيل: 01-10-2005
مجموع المشاركات: 285

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: عبدالرحمن الحلاوي)

    الاخ الكريم تحياتى : يااخى اناشدك باسم هذا الوطن الغالى ان تكف عن أثارة مثل هذه الموضوعات التى لاتخدم غرضا . الطيور على اشكالها تقع كما يقولون . لماذا يقف صديقك لمثل هذه ا لطفلة ممكن تكون طفلتك او طفلتى وان كان صديقك هذا به مرض كما يبدو الا يدرى ان التحرش باالاطفال جريمة خطيرة ! ليته كان فى كندا كان حكم عليه بين خمسة الى عشرة سنوات سجنا .يا اخى ان هذا الموقع تدخله نساؤنا وبناتنا اتق الله فى حرمة هذه الاسر . عندما كتبت قبل ايام فى هذا الموقع متساءلا :هل فى الكتابة فى هذا الموقع ما يعيب ؟ كنت اقصد هذا النوع من الكتابات . صحيح ان الظروف الاقتصادية المتردية منذ مجىء الانقاذ اوقعت غالبية اهل السودان تحت خط الفقر . هل تعلم ماذا يعنى ان يكون الانسان واقعا تحت خط الفقر ؟ انت فى مرفا غربتك امن من هذا الفقر الكافر . ان علاج ظواهر الفقر لا ياتى من خلال عرض عورات الفقراء والتشهير بهم كما تفعل مثل هذه الكتابات ! انما من خلال العمل الدؤوب بغرض ازالة الاسباب التى افرزت هذا الفقر واعادة الدولة الوطنية الى سابق عهدها عندما كانت تقوم بواجباتها كاملة تجاه اهل السودان . عندئذ ستجد مثل هذه الطفلة طريقها الى المدرسة فى كبرياء وشموخ .

    (عدل بواسطة جعفر عبد المطلب on 26-04-2007, 06:07 AM)
    (عدل بواسطة جعفر عبد المطلب on 26-04-2007, 08:33 AM)

                   |Articles |News |مقالات |بيانات

26-04-2007, 06:31 AM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11306

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: جعفر عبد المطلب)

    Quote: الاخ الكريم تحياتى : يااخى اناشدك باسم هذا الوطن الغالى ان تكف عن أثارة مثل هذه الموضوعات التى لاتخدم غرضا . الطيور على اشكالها تقع كما يقولون . لماذا يقف صديقك لمثل هذه ا لطفلة ممكن تكون طفلتك او طفلتى وان كان صديقك هذا به مرض كما يبدو الا يدرى ان التحرش باالاطفال جريمة خطيرة ! ليته كان فى كندا كان حكم عليه بين خمسة الى عشرة سنوات سجنا .يا اخى ان هذا الموقع تدخله نساؤنا وبناتنا اتق الله فى حرمة هذه الاسر . عندما كتبت قبل ايام فى هذا الموقع متساءلا :هل فى الكتابة فى هذا الموقع ما يعيب ؟ كنت اقصد هذا النوع من الكتابات . صحيح ان الظروف الاقتصادية المتردية منذ مجىء الانقاذ اوقعت غالبية اهل السودان تحت خط الفقر . هل تعلم ماذا يعنى ان يكون الانسان واقعا تحت خط الفقر ؟ انت فى مرفا غربتك امن من هذا الفقر الكافر . ان علاج ظواهر الفقر لا ياتى من خلال عرض عورات الفقراء والتشهير بهم كما تفعل مثل هذه الكتابات ! انما من خلال العمل الدؤوب بغرض ازالة الاسباب التى افرزت هذا الفقر واعادة الدولة الوطنية الى سابق عهدها عندما كانت تقوم بواجباتها كاملة تجاه اهل السودان . عندئذ ستجد مثل هذه الطفلة طريقها الى المدرسة فى كبرياء وحشمة .


    صـــــــــدقــــــــــــــــــت
                   |Articles |News |مقالات |بيانات

26-04-2007, 08:40 AM

عادل جبارة

تاريخ التسجيل: 19-07-2006
مجموع المشاركات: 1795

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: معتز القريش)

    العزيز هشام
    وضع محزن ومخيف بكل المقاييس .. لكن برضو أديك النكتة دي :
    قالوا في واحد مغترب بره البلد من زمن الناس بتدخن بنسون وتركب عربية كرونا وتلبس نضارة بيرسون وقمصان تحرمني منك .. ما رجع البلد من الزمن داك .. أها قام سنة 2006 مشى السودان ،، وهاك يالنضارة بيرسون وعلبة البينسون والقميص المخطط وركب الكرونا وعديل على شارع النيل !! شاف ليهو واحدة واقفة وراح طوالي رجله على الفرامل وقف ليها وفتح القزاز وقال ليها شنو ماتركبي ياتتي ؟؟ دقت يدها علي صدرها وقالت ليهو : سجمي إنت كنت وييييين !!!!!!!!!!
                   |Articles |News |مقالات |بيانات

26-04-2007, 10:06 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: عادل جبارة)

    يا هشام اخوي...كل ستة شهور بكون في السودان...لمدة اسبوعين...ولافيها بي عجل كلب..
    بالليل وبالنهار وبلاقوني بنات اركبهن معاي واحيانا حتي بيوتهن...ما حصل ولا مرة...
    سمعت من اي واحدة كلاما ما ياهو...وكل ما يذكر امر البنات...والسودان والخرطوم...اقول في سري
    يا ربي انا امكن ما قاعد امشي السودان...والله امكن اكون كريه...كراهة تندم الكسعي زاتو...

    غايتو في حاجة غلط......امكن الناس بتعمم الحوادث الزي دي علي انها هي كل الواقع...

    صدقوني انا هسي راجع...وحا امشي افتش عديل كدي...عشان أتاكد هل انا فعلا قاعد امشي الخرطوم
    والله شايلني حمار النوم.
                   |Articles |News |مقالات |بيانات

26-04-2007, 10:08 AM

shammashi
<ashammashi
تاريخ التسجيل: 10-03-2002
مجموع المشاركات: 2278

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: عادل جبارة)

    Quote: لماذا يقف صديقك لمثل هذه ا لطفلة ممكن تكون طفلتك او طفلتى وان كان صديقك هذا به مرض كما يبدو الا يدرى ان التحرش باالاطفال جريمة خطيرة ]


    يا دكتور
    ياخي هشام قال الزول وقف للحاجة الكبيرة وحك فرملة وجاييها راجع قامت البت السغيرة بتاعة حلاوة حربة نطت فرترب ركبت.
    يعني يقول ليها أنزلي؟؟؟؟
                   |Articles |News |مقالات |بيانات

26-04-2007, 10:34 AM

عاصم ابوبكر حامد
<aعاصم ابوبكر حامد
تاريخ التسجيل: 03-03-2006
مجموع المشاركات: 3017

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: يازولyazoalيازول)



    عم هشام
    لك التحية

    والله دائما تمتعنا بقصصط الجميلة ...

    عندما قلت لكم فى السابق ان اخلاقيات بعض الفتيات اصبحت زى الجزمة لم تصدقوا..

    لكن بالجد صاحبك دا جابها ليها سيما ولا زاغ بيها ...

    على العموم اهم شئ العربية وتكون نوعها من الموديل الجديد ...

    البنت ما قابلت منعم سليمان بالتاكيد ...

    قصصك وقصص اصحابك كها عجيبة ومن العيار التقيل ...

    وننظر منك المزيد ..


    تسلم
                   |Articles |News |مقالات |بيانات

26-04-2007, 03:05 PM

محمد عادل
<aمحمد عادل
تاريخ التسجيل: 19-07-2006
مجموع المشاركات: 14734

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: عاصم ابوبكر حامد)

    عاصم ابوبكر تذكر يوم كنا مع بعض فى شارع 61
    يوم كنا بنشرب فى الشيشة
    البنت وخالته كانو كيف عاملين
    وريهم ياخى
                   |Articles |News |مقالات |بيانات

26-04-2007, 04:13 PM

Gafar Bashir
<aGafar Bashir
تاريخ التسجيل: 02-05-2005
مجموع المشاركات: 3652

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: محمد عادل)


    هشام يازول

    تحياتي

    ما قريت ولا سطر في البوست ده ..
    بس حبيت اقول ليك

    اطلع شوية من القصة دي ... اذا امكان لي مواضيع تانية ... شوية وممكن ترجع تاني ... عشان في حاجات كتيرة افتقدناها في كتاباتك

    تحياتي
                   |Articles |News |مقالات |بيانات

26-04-2007, 04:19 PM

وضاحة
<aوضاحة
تاريخ التسجيل: 16-01-2005
مجموع المشاركات: 8916

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: يازولyazoalيازول)

    الاستاذ هشام

    هل تعنى بقولك هذا انوا كل البنات السودانيات منحلات اخلاقيا ؟؟؟؟؟؟؟؟

    ابدا والله حاشا علينا كلنا لانوا ربونا رجال و رجال مش اى رجال رجال ياكلوا النار

    رجال بعرفوا حقوق الله وبخافوا على اعراضهم واعراض غيرهم علشان كده ربنا طرح الخير

    وانتقاء بناتن.

    وبناتن بقوا ارجل من الرجال يعنى بصريح العبارة اذا واحدة لقاها موقف من

    راجل ضايقها بتسوط ليه عينوا طوالى .

    بالمناسبة هذا البوست المفروض توجهوا للرجال لانوا الرجال هم البربوا بناتون

    والواحدة اذا تربت على الفضيلة وحفظ نفسها وعرضها وخوفها من الله قبل كل شى

    تنشاء على ما تربت عليه.

    فالحكاية كلها فى النهاية تربية .

    لكن للأسف الرجال الزمن دا ما فى زول بسال بنتوا ماشة وين ولا جاية من وين

    لانوا هم ذاتوا بكون ملهين بانفسهم بعلاقاتون الخاصة يعنى البيت خربان من
    الكبار.

    (عدل بواسطة وضاحة on 26-04-2007, 05:02 PM)
    (عدل بواسطة وضاحة on 26-04-2007, 05:11 PM)

                   |Articles |News |مقالات |بيانات

26-04-2007, 04:53 PM

حسن الجيلى سعيد

تاريخ التسجيل: 10-12-2005
مجموع المشاركات: 1723

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: وضاحة)

    الاستاذ هشام


    شكرا أخت وضاحة ودى مربط الفرس

    Quote: بالمناسبة هذا البوست المفروض توجهوا للرجال لانوا الرجال هم البربى بنتوا والواحدة

    اذا تربت على الفضيلة وحفظ نفسها وعرضها وخوفها من الله قبل كل شى تنشاء على ما تربت

    عليه.

    فالحكاية كلها فى النهاية تربية .
                   |Articles |News |مقالات |بيانات

26-04-2007, 05:30 PM

شهاب الفاتح عثمان
<aشهاب الفاتح عثمان
تاريخ التسجيل: 28-08-2006
مجموع المشاركات: 11922

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: حسن الجيلى سعيد)

    Quote: سرد جميل لقصة حقيقية و مصيبة اجتماعية- نسأل الله الهداية]
                   |Articles |News |مقالات |بيانات

27-04-2007, 03:26 AM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: شهاب الفاتح عثمان)

    الاخ هشام
    سلامات
    صديقك قصتو ما تتبلع عايز يقيف للخالة الفرامل فكت وقف للبت
    بس يقول للبت سوري يا بتي انا واقف لخالتك ديك...
    وينتهي الموضوع شنو عايزة سيما ولا زفت
    اصلا حوار ذي دا يتفتح ليه مع زول ماشي فضل ظهر؟
    اقوليك حاجة.. اي راجل محترم بيفتح الباب الخلفي لاي مرة
    عايز يوصلها...

    ما عارفة بت صغيرة تخوف ليها راجل كبير ويكون عايز يبقى ظريف معاها
    يوديها الدكان ويشتري ليها حلاوة دا شنو دا؟
    تكاسي ولا ابوها
    ياعم دا بتقيد بمشوارو هو
    موش مشوار الناس المركبهم فضل ظهر...

    وهذه القصص ما سمحة...
    السودان بناتو تمام بقن متعلمات ومهتمات بالشأن العام
    ولا ننكر هناك قلة مثل هذه ليه
    مافي زول بيجي يفتح بوست يقول ركبت
    بت عمرها 20 سنة ملمة بكل المعلومات وبت فاهمة؟
    ليه بس العايزات سيما وهن قلة؟
                   |Articles |News |مقالات |بيانات

27-04-2007, 03:52 AM

ASAAD IBRAHIM
<aASAAD IBRAHIM
تاريخ التسجيل: 26-11-2003
مجموع المشاركات: 3920

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: bayan)

    واحد من الناس ما كنت عارف حكاية الاكواد دي سيما وخلافو
    يعني غير اتعلمت شئ سئ ما استفدت من البوست دة مثقال ذرة
                   |Articles |News |مقالات |بيانات

28-04-2007, 08:12 AM

محمد عادل
<aمحمد عادل
تاريخ التسجيل: 19-07-2006
مجموع المشاركات: 14734

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: ASAAD IBRAHIM)

    up
                   |Articles |News |مقالات |بيانات

28-04-2007, 08:22 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: محمد عادل)

    يا محمد عادل...البت عرفناها...بس كيف عرفت ان المعاها هي خالتها...اوع تقول لي خالتها باعتبارها اكبر منها سنا؟...عشان ما يتلخبط علي الناس الخلخيل من عدمو؟

    كدا بتكون بتساهم في تحويل الشهيد الي انتحاري.
                   |Articles |News |مقالات |بيانات

28-04-2007, 08:27 AM

محمد عادل
<aمحمد عادل
تاريخ التسجيل: 19-07-2006
مجموع المشاركات: 14734

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: nazar hussien)

    والله ياناصر
    اثناء الجلسة والونسة
    كانت المراة بتنادى البنت يابنت اختى
    والنت تقول ليها ياخالتو
    لحدى ماخلصو الشيشة بتاعتهم وخلصو ونستهم وقامو طلعو مع بعض
    ياشاطر
                   |Articles |News |مقالات |بيانات

28-04-2007, 08:30 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: محمد عادل)

    Quote: والله ياناصر
    اثناء الجلسة والونسة
    كانت المراة بتنادى البنت يابنت اختى
    والنت تقول ليها ياخالتو
    لحدى ماخلصو الشيشة بتاعتهم وخلصو ونستهم وقامو طلعو مع بعض
    ياشاطر


    وانت وعاصم...مالكم ما عندكم شيشة؟ مركزين مع شيشتهم لي شنو؟
                   |Articles |News |مقالات |بيانات

28-04-2007, 08:34 AM

محمد عادل
<aمحمد عادل
تاريخ التسجيل: 19-07-2006
مجموع المشاركات: 14734

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: nazar hussien)

    والله الشمار كان حارقنا
    وخاصة الذهول الذى وصل الية عقلى من جراء الذى حصل فى تغير فى الاخلاق فى السودان
                   |Articles |News |مقالات |بيانات

28-04-2007, 08:39 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: محمد عادل)

    والله الشمار كان حارقنا
    وخاصة الذهول الذى وصل الية عقلى من جراء الذى حصل فى تغير فى الاخلاق فى السودان


    تغيير الاخلاق في السودان يقاس من قهوة وشيشة يا محمد أخوي...؟
                   |Articles |News |مقالات |بيانات

28-04-2007, 08:44 AM

محمد عادل
<aمحمد عادل
تاريخ التسجيل: 19-07-2006
مجموع المشاركات: 14734

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: nazar hussien)

    والله ياحبيب
    زمان ماكان فى بنت او وحدة كبيرة فى السن تجراء
    وتشرب شيشة علنى وسط مكان مفتوح ومعظمه شباب ورجال
    معليش ياحبيب لو مشيت مكان لوقيت اخت صحبك او امو او خالتو او عمتو
    ماسكا اللى بتاع الشيشة وتشرب فيها وتضحك باعلى صوت
    كيف حيكون منظرك
    السودان تغير تغير شامل
    زمان النسوان الكانو بشربو شيشة معروفين هم الحلفاوين اى البصيلية
    وكانو بشربوها فى بيوتهم
    موش فى محل علنى وياعينى ياتجار
                   |Articles |News |مقالات |بيانات

28-04-2007, 08:54 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: محمد عادل)

    Quote: والله ياحبيب
    زمان ماكان فى بنت او وحدة كبيرة فى السن تجراء
    وتشرب شيشة علنى وسط مكان مفتوح ومعظمه شباب ورجال
    معليش ياحبيب لو مشيت مكان لوقيت اخت صحبك او امو او خالتو او عمتو
    ماسكا اللى بتاع الشيشة وتشرب فيها وتضحك باعلى صوت
    كيف حيكون منظرك

    السودان تغير تغير شامل
    زمان النسوان الكانو بشربو شيشة معروفين هم الحلفاوين اى البصيلية
    وكانو بشربوها فى بيوتهم
    موش فى محل علنى وياعينى ياتجار


    بي فرضيتك دي يا محمد مش يمكن يكونن حلفاويات...وتغيرن مع تغير الزمن بدل مايدخنن الشيشة في بيتهن مش دخنن في مكان عام...وبعدين الرجال والشباب ديل...مش في كل مكان...ايش معني في المقهي بتحولوا الي بعاعيت؟
                   |Articles |News |مقالات |بيانات

28-04-2007, 08:58 AM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: nazar hussien)

    Quote: تغيير الاخلاق في السودان يقاس من قهوة وشيشة يا محمد أخوي...؟
                   |Articles |News |مقالات |بيانات

28-04-2007, 09:07 AM

محمد عادل
<aمحمد عادل
تاريخ التسجيل: 19-07-2006
مجموع المشاركات: 14734

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: bayan)

    والله يادكتورة اصبح يقاس بيها
    لانو عادات دخيلة علينا
    معليش يادكتورة اسالك سؤال
    لو لقيتى زميلة ليكى او صديقة تشرب فى الشيشة وتضحك باعلى صوت عندها
    وفى نص اولاد
    رايك حيكون فيها شنو
                   |Articles |News |مقالات |بيانات

28-04-2007, 09:19 AM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: محمد عادل)

    والله سا محمد ما دام محل عام
    وهن بيضحكن مع بعض ما يقول حاجة..
    انا شخصيا ما قاعدة احكم على اي زول بحاجة قشرية..
    بعدين انت بتقول يشربنها في بيتهن
    يعني لو دسوها ما مشكلة
    انا ضد الحاجة دي...
    بعدين عموما ان ما بخلي ولدي مثلا يشرب شيشة
    ولا يدخن لانها ضارة بصحته..
    وحافضل انصحو دائما انه ما يعمل حاجة ذي دي..
    يعني البت والود عندي واحد.. والاخلاق عندي واحدة..
    لانه اسع انت بتحكم على النساء ديل من مفهومك الخاص..
    اللي بفتكر الشيشة العلانية عيب
    يعني بقانون العيب السوداني..بتاع اعمل الحاجة بالدس
    مافي مشكلة..
    لكن انا لو جيت لقيتك انت شاب صغير
    وبتدخن وبتشرب شيشة برضو
    حأمجها..
    بعدين يا محمد الكلام في عنوان باخلاق البنات في السودان
    بتهبش اي اسرة سودانية..
    وياما في بنات ذي الورد في السودان
    تهذيب وادب ونجاح. ليه ما بنتكلم عنهن..
    بنات شغالات في جمعيات المجتمع المدني
    يحاولن يصلحن في المجتمع دا..
    تعرف انا بجي سنويا.ز بمشى اماكن كثيرة
    وبلاقي بنات والله يطولن الرقبة..
    بنات حلاوة سيما ديل ما بشوفهن
    معناها ما ممكن اكتب عنهن بالعنوان قدر دا..
    البنات الصغيرات في السودان..
    واحترامي ليك..
                   |Articles |News |مقالات |بيانات

28-04-2007, 09:47 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10195

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: bayan)

    المشكلة التي تقهرني بجد يا محمد أخوي ودكتورة بيان...هو هذا التعميم القاتل
    في شرف بلد بحالها....وانا هنا لا اريد ان انزه ...او انفي او ادافع...عن عدم
    حصول مثل الذي تراه عيبا يا محمد علي انه ليس بذلك...ولا يمكن ان استخف برؤيتك
    للعيب...ولكن لو قصّرنا ذلك علي مشاهداتنا الشخصية وحصرناه...سنجده في خانة المألوف
    في كل زمان ومكان...ليس هنالك بلد او مدينة اسمها الاخلاق الفاضلة...ولكن ان يصور لي
    الأمر علي ان الاخلاق في السودان فسدت او كثيرها فاسدة...فاين يمكن لي ان اضع تصنيف
    ناس المحيريبة والشلال..والتراجمة...وشندي...وعطبرة والدامر...وجزيرة لبب...والجزيرة
    مقرات ومروي وكريمة...وسنجة...والخوي...فهناك...قبايل وأهل ان فسد فيهم واحد بتروه..

    قبل ان يصبح عليه الصباح اذا لم يهرب قبل ذلك.

    لا تنظروا للسودان من خرطومه وبنظرة الحوادث المتفرقة...علي انها هي المقياس الامثل لكل الاخلاق..
                   |Articles |News |مقالات |بيانات

28-04-2007, 10:56 AM

عاصم ابوبكر حامد
<aعاصم ابوبكر حامد
تاريخ التسجيل: 03-03-2006
مجموع المشاركات: 3017

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: يازولyazoalيازول)



    الاخ ود عادل

    لك التحية
    Quote: والله ياناصر
    اثناء الجلسة والونسة
    كانت المراة بتنادى البنت يابنت اختى
    والنت تقول ليها ياخالتو
    لحدى ماخلصو الشيشة بتاعتهم وخلصو ونستهم وقامو طلعو مع بعض
    ياشاطر


    فعلا هذا المنظر كان حقيقى وكنت مع الاخ ود عادل
    اخى ان الحال تغير تماما ..

    وفعلا تلك المراة هى خالة البنت ...

    واخذها الولد امام خالتها
    والعجب كان منظرهم منظر لا يليق وجلستهم جلسة غير محترمة ...
    الاخ نزار لعلمك حال البلد وحال السودان تغير تماما

    وخاصة الاخلاق فى مجتمع البنات ...

    تسلموا
                   |Articles |News |مقالات |بيانات

28-04-2007, 11:28 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: عاصم ابوبكر حامد)

    الإخوة والأخوات المتداخلين

    سأعود لكم بعد إنهاء بعض المشغوليات

    آسف
                   |Articles |News |مقالات |بيانات

28-04-2007, 11:34 AM

عاصم ابوبكر حامد
<aعاصم ابوبكر حامد
تاريخ التسجيل: 03-03-2006
مجموع المشاركات: 3017

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: يازولyazoalيازول)



    عم هشام
    لك التحية

    Quote: سأعود لكم بعد إنهاء بعض المشغوليات

    طبعا منتظرينك

    واخوك هشام امين منتظر فى بوست خصوصئ ليك
    كدة اديه طلة وتعال ادينا حقنا كمان ...

    نشوفك

    تسلم
                   |Articles |News |مقالات |بيانات

28-04-2007, 02:40 PM

عبد اللطيف بكري أحمد
<aعبد اللطيف بكري أحمد
تاريخ التسجيل: 13-11-2005
مجموع المشاركات: 7238

للتواصل معنا

FaceBook
تويتر Twitter
YouTube


Re: لماذا إنحدرت أخلاق الكثير من البنات الصغيرات فى السودان؟ (نموذج واقعى هنا أرجو الإنتباه) (Re: يازولyazoalيازول)

    أخي هشام تحياتي،،
    ها أنذا ألتقيك مجددا وأوافقك أن الأمر أصبح الحديث هذه الأيام ،،
    أذكر في إجازتي الاخيرة إلتقيت في مكتب عقار بأحد الأشخاص لأول مرة
    وكانت معه عربة (كربة بمعنى الكلمة)،، كان يتباهى بغرامياته وكل يوم
    قصة جديدة مع واحدة جديدة، وإفتكرت أن الرجل من نوع أبو دليبة،،
    قلت ليه عليك الله هسي دي عربية تركب فيها جيكس؟؟
    ضحك في ثقة قائلاً: إنت ليك كم سنة برة البلد؟؟
    17 سنة،،
    أجابني بتهكم : عييييك ، إنت طلعت أيام الجيكس كان عزيز،،
    =============

    في أحدى زياراتي (تريبتيك) (عربة فورد قديمة 93 بس شكلها معقول)،،
    وأنا في منتصف الشارع (في الأبيض) إذا بإحداهن تقف أمام العربة وتقول لي
    وقف!!!
    - وقفت : في شنو يابت عايزة تموتي؟؟
    - لا أنا حلفت أركب العربية دي!!
    - والله؟؟ طيب ماشية وين؟؟
    = أي حتة،،
    ركبت 3 أمتار نزلتها : قلت ليها أنا وصلت،،
    ===
    اللهم أحفظ بناتنا يالله،،
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to bak[email protected]

© 2014 SudaneseOnline.com

Software Version 1.3.0 © 2N-com.de