كتب الكاتب الفاتح جبرا المتوفرة بمعرض الدوحة
|
|
 (مــا يهمـــك)......للرائع الجميل المناضل خضـــــر عطا المنان
|
ما يهمـــك
ـــــــــــــــــــــــ
لوشـيخك الكهنوتي خانك
وجـيشـك الحـاميك أهانك
برضو حافظين ليك مكانك
وترقـص الأرواح عشانـك
ما يهمك
لونـعال عســكر تدوسك
نحنا نركع ليــك نبوسـك
في ظلام الــليل نكوسـك
وتصبح النيـلين عروسك
ما يهمك
لو زولك الفــارس بكى
لا رن طنبورو ولا حكى
ولو نيــلـك الخالـد شــكا
ومــــال نخـيـلـك واتــكا
ما يهمك
لـو بلـبلـك ما غــنى غرد
وعــشتا زي تائه مـشرد
في صـحارى الدنيا راحل
ومـن هــديـماتــك مجـرد
ما يهمك
لو اسـمـك الكـان يوم مهاب
صار نزيف وحروب وارهاب
لو ضـقــتا يوم مــر الـعذاب
وضـاعـت آمـالـك ســــــراب
ما يهمك
لو عيـونـك تـبـكي تـدمــع
والجــــــروح منك بـتدمي
بـكـرة لـينا تــعود وترجع
والســحايب فـوقـنا تهمي
ما يهمك
لو نعـيـمـك غـاب وراح
وامــتد ليـلـك دون صـباح
لا غنى فيهو الديك وصاح
ومات الكلـب ترك الـنباح
ما يهمك
لو (جنوب) نزف الجراح
أو (شــمال) بات مسـتباح
لو (غــربك) الآمـن مباح
و(الـشــرق) حمل السلاح
مايهمك
لو فــيكا بيـعت يـوم ذمم
بــكـرة جــرحــك يـلـتـئم
والزمان يـلـفـاك ويـرحم
وبالســـــــلام الغالي تنعم
ما يهمك
انــت يا جـــبــل الـكـحـل
وعـالي مـقامـو فــوق الكل
يــا ركايـز الخــيــر وضـل
شـموخ ( التاكا) و(البركل)
ما يهمك
يا صرخة في الزمن الخجول
زمن الدقون .....زمن العجول
يـا معلم........... ويا رسـول
منـــــــو نـتــــعلم نــقــــول :
ما يهمك
يا وطن (عـزة) و( مهيرة)
يا سيوف ( مهدي) وجفيرة
يا حــريرة .. ويا ضـريـرة
فـوق جــبيـن كل العــشيرة
ما يهمك
أنت لو غرقان في هـمك
والأســـى المـدود يـغــمك
بـــكرة شـــاطيكا بيلــمك
وبى حـنان الكل يضــمك
ما يهمك
يا شــمـوع رغم العواصف
ضاوية باقية ونورا زاحف
لــو زمـانــك ظــل واقــف
ودمـعـو من عينـيهو نازف
ما يهمك
يـا ســـمانا الفـوقــنا صافي
ويـا عــزيزنا الزيــو مافي
بكرة( المهيرة) تجيكا حافي
و(عــزة) تهتف ليك عوافي
ما يهمك
بــكرة حـزنـك يــبقى عيد
ويـــردد القـمري ا لنشيد
و(دقـــنـة) يظهر من جديد
شـايلو سيـفـو المن حــديد
ما يهمك
نــحـــنا أولادك يـــمــيـن
نـاس خلاوي ونــار ودين
وديـل بـنـاتـــك عـز يـقين
يــدفـعـن عـمــر الــسـنين
ما يهمك
لو رجــالـك غــابـو مـاتــو
وكــل رايـع شـــالــو فــاتو
أزهري ومحجوب وزروق
وحتى الشمس أبت المروق
ما يهمك
يا المـقام الســــامي قدرك
يا وطــن فـقــد الوجــيع
قـسـمن بالاله رب الجميع
يسـتحــيل ملـيــون تضيع
ما يهمك
وآخــر قــولي أســمــع :
ليك شـبابك بـكرة ـيرجع
وطـفــلـك اليـافع بـيرضع
ليك يـسجل عمـرو يدفع
ما يهمك ..
خضر عطا المنان
السادس من أبريل 2006 م
سندة: تشكر ايها الزول الجميل والمنبر في انتظارك انت ويراعك الانيق
فتقدم اخي خضر عطا المنان كما عودتنا صادحا بالجميل المفيد ملامسا هموم الاخرين
وانت تحسن الوفاء ايها النبيل....
معزتي واحترامي
|
|
 
|
|
|
|
|
| |
هشام هباني
Tragie Mustafa
ادريس خليفة علم الهدي
فيس بوك
تويتر
انستقرام
يوتيوب
بنتيريست