رئيس حركة/ جيش تحرير السودان: منى اركو مناوى ماذا قال عن الجنجويد والتدخل الدولى واتهامات اخرى

رئيس حركة/ جيش تحرير السودان: منى اركو مناوى ماذا قال عن الجنجويد والتدخل الدولى واتهامات اخرى
من برنامج فى الواجهة اخر لقاء لرئيس حركة / جيش تحرير السودان منى اركو مناوى فالى الحوار الذى جرى بينه وبين مقدم البرنامج الاستاذ / احمد بلال الطيب الاستاذ / احمد بلال الطيب : نجدد ليكم العزاء فى وفاة والدكم الشيخ اركو مناوى الفرصة معاك لتحى الشعب السودانى وضيفنا فى البرنامج السيد / منى اركو مناوى رئيس حركة جيش تحرير السودان قائلا : احى كل الشعب السودانى عبركم ، واحى الاخ امين بنانى نيو واشكره على حضوره فى ابوجا والالتقاء بعدد من القيادات فى الحركات المختلفة واشكر الشعب السودانى على ما وقفوا معنا فى العزاء واشكر الشعب السودانى على ما وقفوه معنا فى هذه الماساة فهى طبعا واجبهم واشكركم خاصة برنامج فى الواجهة وصحيفتكم الكريمة التى قدمت العزاء فى هذا الموقف شكرا جزيلا بداية كمدخل أدخل من باب المفاوضات فى أبوجا و الان المفاوضات واقفة وزيما بقولوا أهلنا فى السودان مفرملة . وكل ما شرحه الاخ عصام كان ده الطريق الموجود الان فى ابوجا وموقف الحكومة كانت موقف متعند جدا فلذلك نحنا نطلب من الحكومة ان تتحرك فى المفاوضات وتحرك العملية بتاع المفاوضات بحيث الوصول الى سلام عادل وشامل انشاء الله الاستاذ /احمد بلال الطيب : اخ منى انت غبت فترة طويلة جدا عن المفاوضات ، والصحف كتبت وانت تعرف الصحف فى السودان حرة وهناك اجتهادات كثيرة معكم وضدكم وفى نص بين الاثنين ، فهناك من ذكر انك كنت فى الميدان وهناك من ذكر انك كنت فى تشاد تنسق مع التشاديين فى ازمتهم الاخيرة ضد السودان فما هى حقيقة غيابك الطويل من ابوجا الايام الماضية ؟؟؟ السيد / منى اركو مناوى رئيس حركة / جيش تحرير السودان : أولا غيابى من أبوجا طبعا فى الحقيقة أنا غبت من منطلق مسئولياتى الكبيرة التى أتحملها كرئيس لحركة جيش تحرير السودان مثلا من مسئولياتى اللاجئين فى تشاد والمواطنين فى الداخل وكذلك من مسئولياتى الحركة كلها لذلك مافى أسباب تخلينى أنا أجلس فى الفندق لمدة ثلاثة شهور وفى نفس الوقت أنا تركت وفد التفاوض أنا أفتكر هم ناس لديهم تفويض شامل وكامل فهم مفكرين الحركة وسياسى الحركة وكذلك لديهم التفويض الكامل بالنسبة للتفاوض فلذلك ما كان غيابى يعتبر غياب بالنسبة لى . نعم زرت تشاد ووصلت الجماهيرية ودخلت الميدان وجلسنا مع القياديين وجلست مع اللاجئين والمواطنين وكلهم لأن كل هذه فى إطار مسئولياتى كرئيس للحركة منوطة بى وبالتالى لازم أدخل فى صغيرهم وكبيرهم . أما تنسيقى مع تشاد ما صحيح لأنه تشاد دولة تعرف كيف تضع سياساتها الأمنية مع أية دولة أو ما بداخلها وخارجها فلذلك ما من الحق إنه أتهم بهذه التهمة الباطلة ، لكن جلست مع تشاد لأنه لدينا أكثر من أربعمائة الف لاجئ سودانى فى تشاد وهذه جزء من إهتماماتى ومسئولياتى لازم أجلس مع الحكومة التشادية لحل مشاكل اللاجئين أحيانا ، أما بخصوص التنسيق ما كان فيه أى نقطة من الصحة فهذا كلام مجرد تماما من الصحة . الاستاذ / احمد بلال الطيب : أخى منى هناك إنتقادات وإتهامات للحركات إنه الخلافات بينكم هى تقف حجر عثرة الآن أمام المفاوضات لأنه أنت تعلم وأنت قائد لحركة جيش تحرير السودان اذا قامت اى حركة ثانية برضو عندها الحق والان هناك حركة تحرير اخرى ، وهناك عدل ومساواة وانتم الان نسقتم مع العدل والمساواة لكن لم تندمجوا مع بعضكم البعض ، لكن اقمتم تحالف فما هى حقيقة المجهودات المبذولة لتوحيد الحركات المسلحة ، لانه نحنا نعتقد لو فى حركة فيها خمسة اشخاص وانا عندى تجربة مع الحركة الشعبية لتحرير السودان واذكر مالك عقار وهو الان وزير للاستثمار ونحيه ، مرة فى نيفاشا انا بتونس معاه قال لى : اسهل حاجة يا احمد تعمل حرب عصابات خمسة اشخاص اربعة او خمسة قنابل قرنيت تقوم البلد كلها ، فما هى المجهودات وانتم من مؤسسى هذه الحركات وتقودون حركة هى الان معروفة وانها قومية وكبيرة وكدا ، فما هى المجهودات التى تقومون بها للتوحيد حتى يسهل الوصول لحل ؟؟؟ السيد /منى اركو مناوى رئيس حركة /جيش تحرير السودان : اولا فرصة وصول الحركات الى انقسامات دى طبعا فى الحقيقة كثير منها نحنا نتهم الطرف الاخر وهو طرف الحكومة لانه انا شخصيا كرئيس لحركة جيش تحرير السودان بدات التفاوض قبل ظهور اى قائد اخر مع الحكومة منذ وجودنا فى جبل مرة قبل الذهاب الى ابشى حوالى ثمانية مرات فكل الجلسات كانت نتفق على اشياء والنتائج تطلع عكسية حتى انتقلنا الى ابشى فجلسنا مع الحكومة ثلاثة مرات فكان بغياب كل الناس الان يسمونهم المنشقين والبعض الاخر يسمونهم عشان كده التفاوض عادة كلما طال الوقت وكلما الحكومة اهتمت بقضايا وبالتضليل نتائج الاتصال تصل فى وقت متاخر وبالتاكيد عندها افرازات فى الداخل والخارج من هذه الافرازات هذه العمليات واقصد بها الحكومة عادة تعتمد على الانقسامات وتعتمد على اوهام هذا يجعل الثقة بين هذه الحركات والحكومة متباعدة ، الحاجة الثانية يجعل برضو يخلق ذريعة لدخول المجتمع الدولى ودخول القوات الدولية ، اذا الحكومة اعتمدت على الناس الموجودة فى التفاوض ووقفت وقفة قوية مع الناس الموجودين فى التفاوض بقلب سليم وبنية سليمة ما كانت الامور دى كلها حصلت ، وما كانت الدولة وصلت الى مازق كل يوم تعلن وتقوم بتعبئة ضد دخول المجتمع الدولى وغيرها . مساعينا للوحدة طبعا مساعى ظاهرة ، طبعا نحنا وصنا الى تحالف الثورى لغرب السودان ، ما كان لحركة تحرير السودان جناح منى وحدها كان وقع معنا الاخ خميس عبد الله وهو مفوض من الاخ عبد الواحد ووقع دكتور خليل وهو رئيس حركة العدل والمساواة وكذلك فروع حركة العدل والمساواة الان اندمجت فى حركة تحرير السودان فلذلك هناك مجهودات وهناك ظروف واضحة انه الناس ماضية فى التفاوض ونتمنى من الحكومة انها كذلك تقف وقفة قوية عشان القوة السودانية تكون قوية موحدة فى المستقبل انشاء الله . الاستاذ / احمد بلال الطيب : برضو الناس اخ منى نحنا نسال عن مطالبكم هل هى مطالب والقسمة التى تتحدثون عنها هل هى مطالب خاصة بيكم انتو كحركات ولا هى مطالب لاهل دارفور ؟؟؟؟ السيد / منى اركو مناوى رئيس حركة / جيش تحرير السودان : والله فى الحقيقة فى هذا الشان أنا يعنى ، بقول انها هى ما مطالب بقدر ما هى حقوق لاهل دارفور والان نحن نعتبر انفسنا نمثل اهل دارفور ونتفاوض فى ابوجا بقصد السودان الجديد الذى يشمل كل اهل السودان بمختلف الوانهم السياسية وبمختلف عرقياتهم والسنتهم واثنياتهم فلذلك الان انا اقول انه نحنا نمثل اهل دارفور ونتفاوض بحق دارفور لاننا فى ابوجا نطلب الوزارات ونطلب الثروة ليس لانفسنا بل نحن نطلب لاهل دارفور لتكون مسائل دستورية فى المستقبل حتى لا نقع فى كارثة مثل هذه . الاستاذ / احمد بلال الطيب : بعض الناس يروا بان هذه المطالب التى تطالبون بها لايمكن ان يختلف عليها اثنان بان دارفور مظلومة وان دارفور يجب ان تنصف او ان اهل دارفور يعانون ده كله لا يمكن ان يختلف اثنان اصلا ولكن البعض يرى ان هذه المطالب التى تقدمتم وتتقدمون بها تعجيزية ، هناك حديث عن 90% من حكم دارفور و41% من السلطة فى الخرطوم والسلطة كلها 26% فضل شنو ؟ ما هى نيفاشا قسمت بين المؤتمر الوطنى والحركة الشعبية والحكومة قالت بعد ستة سنة الناس يعملوا انتخابات ، ليه اهل السودان ما يتنادوا كلهم ويقعدوا يقسموا الكيكة دى اصلا فى كيكة ؟؟ ردكم شنو ؟؟؟ السيد /: منى اركو مناوى رئيس حركة/جيش تحرير السودان : عشان كده انا بتكلم ، كما انت اكدت انه فى نيفاشا قسمت السلطة والثروة بين المؤتمر الوطنى والحركة الشعبية عشان كده باركنا للحركة الشعبية وطالبنا المؤتمر الوطنى والتى هى حق لكل الشماليين فاذا كان نحنا بتفويض من اهل دارفور نتفاوض فى ابوجا لماذا نستغرب اذا طالبنا بحق دارفور لكل الدارفوريين ده افتكر البند واحد . والحاجة الثانية فى التفاوض المطالب ما كانت تعجيزية لان البتفاوضوا فى ابوجا هم ابناء السودان ما زى ما وفد الحكومة تقول 60% منهم اجانب ده ما صحيح هم كلهم ابناء السودان ولديهم الحق فى المشاركة فى السلطة ولهم الحق فى المشاركة فى الشئون الاجتماعية السودانية ولديهم الحق فى ممارسة كل التى يمكن ان يمارسها اى واحد فى السودان . عشان كده انا بقول انه المطالب دى ما تعجيزية مطالب دى اقل من مطالب اهل دارفور . الاستاذ / احمد بلال الطيب : انت فى مؤتمرك الصحفى قلت كلام مهم جدا عن الجنجويد ، زمان جنجويد يعنى قبائل عربية لكن انت قلت ما كل الجنجويد قبائل عربية واصلا سبقك فى ذلك دكتور شريف حرير فى عام 1987م يمكن تحدث عن انه من هم الجنجويد حاجة قديمة جدا انهم النهابين وكذا وكذا نحن نامل منكم انه يكون هذا نقطة تحول تفصل بين الجنجويد والقبائل العربية حتى الان لو حلت مشكلة دارفور واصبحت انت رئيس لدارفور ، وانت قلت المطالب لكل اهل دارفور فكيف تنظر لهذه القضية ؟؟ السيد/ منى اركو مناوى رئيس حركة جيش تحرير السودان : اولا نحنا كحركة تحرير السودان فى ادبياتنا السياسية ما حصل يوم من الايام قلنا انه هؤلاء زرقة وهؤلاء عرب وغيرها من الامور دية ، نعم القبائل العربية ليست كلهم جنجويد وكذلك الجنجويد ليس كلهم من قبائل العربية انا اتاكد لانه نحنا فى تعريفنا للجنجويد هم قبائل ومليشيات مسلحة من قبل الحكومة سواء كان يسمونهم كسابة او استخبارات حدود او غيرها من المليشيات المختلفة عشان كده القبائل العربية جزء من الناس اهل دارفور لهم الحق ، يمكن ان يكون عدد كبير جدا من القبائل العربية هم ابرياء من مسائل الابادة الجماعية والجنجويد وغيرها . كلمة الجنجويد نحنا نعنى بيها المليشيات المسلحة التابعة للحكومة وتناصرالحكومة وتتبع لها فى اماكن الحرب والقتل وغيرها من الامور دية . عشان كده عادة فى عقول او فى عقل حركة تحرير السودان لما يقولوا جنجويد هم مليشيات حكومية وليست قبائل عربية . الاستاذ/ أحمد بلال الطيب : سؤال اخير اخى منى ، هناك حديث عن التدخل الدولى ، يشيلوا القوات الافريقية ويجيبوا قوات اممية ، حقيقة انا شفت مؤتمرك الصحفى ، انت قلت اصلا لو مشكلة الهامش اتحلت القوات الافريقية ذاتها ما فى ليها داعى ، لكن نحنا الان قدام مشكلة ، ونحنا نشوق ونحنا لما نقول قوات دولية صدقنى يا اخ منى يجى قوات دولية لا تفرق بينك انت ولا الحكومة السودان ده كله يبقى فى خبر كان ، وانا الان اتحدث على الهواء مباشرة ونحنا شافين القوات الامريكية والقوات تعمل شنو فى العراق وافغانستان بصراحة ما هى رؤيتكم ، انت فى تصريحاتك ما نقدر نقول انت قلت ضد التدخل الاجنبى ، لكن قلت الحكومة هى التى جابت وهيات للتدخل الدولى ، نحنا الان عندنا قضية يشيلوا القوات الافريقية ، والقوات الافريقية حتى لو قوات اجنبية هى الان اقرب لينا باشياء كثيرة الوانهم زى الوانا ولغتهم وعاداتهم والناس البيض ديل ما يفهموا لينا اى حاجة فهل انتم مع التدخل الدولى العسكرى فى دارفور يعنى ؟؟ السيد / منى اركو مناوى رئيس حركة / جيش تحرير السودان : اولا : فى شان التدخل الدولى انا قبل ايام كنت اسرد تاريخ تفاوض الحركة مع الحكومة ، منذ تاريخ اغسطس من عام 2002م فى جبل مرة ونوفمبر من عام 2002م ايضا بجبل مرة ومارس 2003م ودى كلها كان تفاوض بيننا وبين الحكومة ، اذا كانت الحكومة وعت فى اللحظة ديك وحلت المشكلة بما فيها كل المطالب الكان قدمناها لانها كانت مطالب بسيطة ما كانت بنطالب بنائب الرئيس وما كان بنطالب برئاسة الجمهورية وما كان نطالب بالاقليم الواحد كان مطالبنا بسيطة اذا كانت الحكومة وعت فى تلك اللحظة ما كان انجرينا الى ابشى ، فمسالة ابشى ومن ابشى حتى انجمينا اصبحت المسالة دولية ، وتدخلت اطراف دولية وقد تدخلت من منطلق المعاناة الانسانية الموجود فى دارفور بعد داك انتقلنا من ابشى الى انجمينا ومنها الى ابوجا والان ابوجا الجولة السابعة فاذا تم حل الشكلة فى اطار ابوجا الاولى أوالثانية أوالثالثة برضو ما كنا فى المازق الان ، عشان كده اقول نحنا عايشين الواقع ونرفض الواقع ، ليه لانه عندنا قوات دولية حوالى العشرة الف جندى فى الجنوب ، ايضا قوات دولية فى الشرق والنيل الازرق والان وجودة حتى فى الخرطوم مائتين جندى من قوات الامم المتحدة لحراسة الامم المتحدة وكذلك حتى سبب وجود قوات افريقية فى دارفور لماذا ؟؟؟ اذا تساءلنا بمنطقية عن سبب وجود القوات الافريقية بمختلف جنسياتها لماذا ؟؟؟ لانه نحنا ما دايرين نقف على ما يجرى فى الواقع نحنا ما دايرين نتسامح مع اخوانا الموجودين اصلا ومشتركين معانا فى الدم والعرق والارض فعشان كده متى ما نحن تعندنا فى مواقفنا والان الحكومة متنعدة زيما قلنا قد يدخل القوات الدولية فمتى ما كانت الحكومة متعندة ومتى ما الحل فى ابوجا بقى صعب وكذلك الماساة الانسانية الموجودة فى دارفور الان يقتل معدل مائة شخص فى اليوم ده يدخل القوات الدولية عشان كده الناس ما عارفة عن القوات الدولية انا شخصيا ما بشجع فى انه بلدى دارفور أو السودان يسلم لواحد اجنبى وكذلك ما يشجعنى فى انه اهلى يوميا يقتلوا بمعدل مائة شخص شايف . الحكومة لازم تعى هذه المشاكل فالحكومة هى اصلا جسر للقوات الدولية فى اى مكان فى السودان سواء كان فى الجنوب او النيل الازرق او فى جبال النوبة او فى دارفور او فى اى منطقة فى السودان فمنذ ان سمحنا للقوات الافريقية ودخلت فى دارفور والان موجودة وماقدرت تنفذ الواجب فاذا كان الماساة لسع مازالت قائمة والخروقات قائمة والقتل قائم وحرق القرى قائمة والاغتصابات قائمة والقوات الدولية تاتى لتعزيز مواقف القوات الافريقية فانا فى نظرى ان الكرة فى ملعب الحكومة ، الكرة ما فى ملعبنا نحنا ، الكرة فى ملعب الحكومة فعشان كده انا اناشد الاخوة فى وفد الحكومة عشان يقيفوا وقفة راجل ويتنازلوا دائما الشجاع هو اليتنازل ، يتنازلوا لحل مشكلة دارفور لتعزيز وقف اطلاق النار ووقف القتل وعدم استهداف قادة حركة/جيش تحرير السودان برضو مسالة جديدة الان ظهرت ، لذلك هذه المواقف حقو تتغير بالنسبة للحكومة ...انتهى ملحوظة هذا اللقاء نقلا من برنامج فى الواجهة ونفيد القراء بان اللقاء تم نقله دون حذف او اضافة للامانة العلمية (عدل بواسطة شدو on 04-06-2006, 10:27 AM)

04-06-2006, 03:16 PM

محمد الامين محمد

محمد الامين محمد
تاريخ التسجيل: 03-07-2005
مجموع المشاركات: 10013

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: رئيس حركة/ جيش تحرير السودان: منى اركو مناوى ماذا قال عن الجنجويد والتدخل الدولى واتهامات ا (Re: شدو)
شكرا يا شدو للنقل لاني بدون مؤاخذه ماقاعد اشوف تلفزيون السودان

04-06-2006, 06:57 PM

شدو

تاريخ التسجيل: 01-08-2003
مجموع المشاركات: 2

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: رئيس حركة/ جيش تحرير السودان: منى اركو مناوى ماذا قال عن الجنجويد والتدخل الدولى واتهامات ا (Re: محمد الامين محمد)

Quote: شكرا يا شدو للنقل لاني بدون مؤاخذه ماقاعد اشوف تلفزيون السودان

شكرا محمد الامين محمد

على المرور صدقت ، فعلا التلفزيون طارد ولا يلامس وجداننا

04-06-2006, 09:12 PM

Mohamed Suleiman

Mohamed Suleiman
تاريخ التسجيل: 11-28-2004
مجموع المشاركات: 20453

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: رئيس حركة/ جيش تحرير السودان: منى اركو مناوى ماذا قال عن الجنجويد والتدخل الدولى واتهامات ا (Re: شدو)
العزيز شدو لك التحية و الإحترام و شكرا لتنويرنا بهذه المقابلة .

04-07-2006, 01:38 PM

ابوالقاسم ابراهيم الحاج

ابوالقاسم ابراهيم الحاج
تاريخ التسجيل: 10-14-2005
مجموع المشاركات: 2543

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: رئيس حركة/ جيش تحرير السودان: منى اركو مناوى ماذا قال عن الجنجويد والتدخل الدولى واتهامات ا (Re: شدو)
Brother : شدو. well done.and Good job.

04-08-2006, 06:35 AM

شدو

تاريخ التسجيل: 01-08-2003
مجموع المشاركات: 2

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: رئيس حركة/ جيش تحرير السودان: منى اركو مناوى ماذا قال عن الجنجويد والتدخل الدولى واتهامات ا (Re: ابوالقاسم ابراهيم الحاج)
الاخ / محمد سليمان الاخ / ابو القاسم ابراهيم ابراهيم الحاج لكما التحية والتقدير على المرور

04-08-2006, 06:09 PM

شدو

تاريخ التسجيل: 01-08-2003
مجموع المشاركات: 2

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: رئيس حركة/ جيش تحرير السودان: منى اركو مناوى ماذا قال عن الجنجويد والتدخل الدولى واتهامات ا (Re: شدو)

Quote: السيد / منى اركو مناوى رئيس حركة / جيش تحرير السودان :

أولا غيابى من أبوجا طبعا فى الحقيقة أنا غبت من منطلق مسئولياتى الكبيرة التى أتحملها كرئيس لحركة جيش تحرير السودان مثلا من مسئولياتى اللاجئين فى تشاد والمواطنين فى الداخل وكذلك من مسئولياتى الحركة كلها لذلك مافى أسباب تخلينى أنا أجلس فى الفندق لمدة ثلاثة شهور وفى نفس الوقت أنا تركت وفد التفاوض أنا أفتكر هم ناس لديهم تفويض شامل وكامل فهم مفكرين الحركة وسياسى الحركة وكذلك لديهم التفويض الكامل بالنسبة للتفاوض فلذلك ما كان غيابى يعتبر غياب بالنسبة لى . نعم زرت تشاد ووصلت الجماهيرية ودخلت الميدان وجلسنا مع القياديين وجلست مع اللاجئين والمواطنين وكلهم لأن كل هذه فى إطار مسئولياتى كرئيس للحركة منوطة بى وبالتالى لازم أدخل فى صغيرهم وكبيرهم . أما تنسيقى مع تشاد ما صحيح لأنه تشاد دولة تعرف كيف تضع سياساتها الأمنية مع أية دولة أو ما بداخلها وخارجها فلذلك ما من الحق إنه أتهم بهذه التهمة الباطلة ، لكن جلست مع تشاد لأنه لدينا أكثر من أربعمائة الف لاجئ سودانى فى تشاد وهذه جزء من إهتماماتى ومسئولياتى لازم أجلس مع الحكومة التشادية لحل مشاكل اللاجئين أحيانا ، أما بخصوص التنسيق ما كان فيه أى نقطة من الصحة فهذا كلام مجرد تماما من الصحة .

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]