في حفلة من حفلات الخرطوم الرسمية الناعمة جدا كانت الدعوة موجهة من الفريق مطافي قمر الدولة الريح بمناسبة زواج كريمته من ابن اللواء جمارك عبد القادر حريقة بحضور المدعوين من الاهل والاصدقاء وقد شرف الحفل المشير عمر البشير والفريق حرس صيد ابراهيم جعفر واللواء سجون ابراهيم جبر الدار والفريق شرطة علي محمد علي واللواء غابات جبارة الله الولي والفريق مرور سعد الدين الريح والفريق بحري سعد الله ابو تمبول .........انتهي
سندة: يعني دي حفلة كاكية عديل......والمحيرني انو البلد دي فيها كلية سجون بتخرج ناس اكونوا سجانين عديل يعني ما في امل اشطبوا السجون دي ...والرتب الكبيرة من ناس السجون بشغلوا المساجين خدامين وجناينية في بيوتهم يعني سخرة عجيبة وكمان زي ناس الجيش عندهم وليدات صغار بياخدوا مرتبات من الجيش وبشتغلوا خدامين في بيوت الضباط الكبار.....وهسع عليكم الله المطافي دي ولا حرس الصيد ولا الغابات دي ولا كمان الجمارك بتحتاج للفشخرة الفاضية دي اعملوا ليها دبابير وعربات ومخصصات وقومة وقعدة سعادة اللوء حريقة قال لسعادة الفريق صيد في بيت سعادة العميدغابات وبحضور سعادة الفريق سجان وجنابو قال وجنابو قعد............يعني بلد سجمانة مترهلة بشكل غير مسئول والوزارات في البلد ما بتنحسب من وزارات اتحادية واقيليمية ووزراء دولة الواح فيهم لمن اسافر خارج السودان تصل مخصصاتو اليومية اي النثريات حوالي خمسمائة دولار في اليوم........... يعني مجموعة عطالة وفروا ليهم رتب ومخصصات وانشتاحات.........ما شافوا في امريكا الكبيرة دي الوزارات تحسب علي اصابع اليد وما في حاجة اسمها وزير دولة واما البوليس اخو البنات هنا في امريكا زي الجوكر بلفق مع كل حاجة بشتغل كل الحاجات البشتغلوها السجمانين العطالة بتاعننا ديلك شرطي مرور وسجان ومتحري جنائي وشرطي قضائي ومرات تلقاهو منحشر في ا########## تحت عربية بساعد ليهو في زول عربيتو خسرانة........ ولا بتعرف رتبتو ذاتها شنو ولا قبيلتو من وين ولا ود جيرانهم منو يعني عالم عالم غريبة.....يا ود غريبة...ارحمونا يا جماعة وخلوا الانشتاحات الفارغة دي ومدوا كرعينكم قدر لحافاتكم؟؟؟
هباني ظاااطو
(عدل بواسطة هشام هباني on 04-01-2006, 05:20 PM) (عدل بواسطة هشام هباني on 04-01-2006, 07:18 PM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
فيس بوك
تويتر
انستقرام
يوتيوب
بنتيريست