|
|
|
 Re: لن ننسى ابدا ذلك الريال الفرينى (Re: النصرى أمين)
|
الظاهر الواحد اتلحس
انا بتكلم عن الريال اب عشره وليس الفرينى
لكن لخبتنى ال Dime وهو عشره سنت وهو يشبه الفرينى تماما
فى شكله ولونه وحجمه ..
بما انو مافى طريقه نغير العنوان فحنصتك بيهو
شكرا على المرور والتنيه اخ احمد
| |
 
|
|
|
|
|
|
|
|
Re: لن ننسى ابدا ذلك الريال الفرينى (Re: saif massad ali)
|
النصري امين اخوي
الليلة جبتا حاجة عجيبة رغم انها غلطة لكن عجبتني
الفريني
يا سلام على الفريني
اذكر انه في ذالكم الزمن الجميل في طفولتي الباكرة.
كنت اظن ان القرش اعلى قيمة من الفريني حيث كان في ذلك الزمن يتلبسني منطق
ان الاكبر دائما اعلى قيمة. ولكم استفاد اخي الذي يكبرني بغشامة الاكبر اعلى قيمةهذه
واخذ مني عددا لا يحصى من الفرينات,, بحيل مختلفة
مرة عندما قال لي ان القروش تزرع . ناتي ونضع الفريني في حفرة
اتعهدها بالسقيا ردحا من الزمن ثم ناتي ونفتح الحفرة واجد فيها قرشا ماكنا يفوق حجمه حجم الفريني
فتغمرني السعادة والاحساس بالظفر..
آههههههههههههههه يا زمن
بالله من زمن محي الدين صابر الناس بتجيب قروش لحاجات ما بتشوفها
انا قايلة ديل الجماعة ديل بس..
| |
|
|
|
|
|
|
|
|
|
Re: لن ننسى ابدا ذلك الريال الفرينى (Re: النصرى أمين)
|
سلام دكتوره بيان
نحن من زمن كنا بنمشى الدكان ونشترى لبن بدره بالقطاعى بتعريفه
وبختوه لينا فى فنجان ..نزيد عليهو شويه مويه واحلى
تحليه فى الدنيا ...
اذكر ان احد الاعمام طلب منى ان اذهب للدكان واشترى
صابون واعطانى جنيه للاسف سمعت كلمة صابون كانها صعود
وعندما طلبت من سيد الدكان صعود بجنيه اندهش واعطانى
كميه من الصعود تكفى الحله كلها ..
ايام والله
ولكن والله بالجد حارقنى ريالى ده حرقه
شكرا على المرور
| |
|
|
|
|
|
|
|
|
|
Re: لن ننسى ابدا ذلك الريال الفرينى (Re: النصرى أمين)
|
سلام ياعادل
ومرحب يا بهنس
وحبابك يا مشرف
ياهو زاتو ريالى الرايح من زمن طويل..
اذا كذبنا على اطفال فى "المدرسه" ماذا نتوقع ان يصيرو فى المستقبل!!!
فى الارجح اجيال بلا ضمير او مبادئ ..
اجيال تجنح الى الظلم والتعسف ...
الامه السودانيه كلها فى حالة غياب ضمير كامل ..
كلهم يبحثون عن ريالهم الضائع ....
كما قلت فى بوست سابق نحتاج فى السودان لبطل قومى
يقود الامه الى الصلاح والاخلاق والشرف
بطل قومى لا يهتم بعشيره او حزب
بطل قومى همه السودان فقط
بطل قومى بدون اتحاد اشتراكى او مؤتمر شعبى ..
بطل قومى يدافع عن حقوق الفقراء والمحتاجين..
بطل قومى يمنع حوادث الريالات المنهوبه...
ويربى داخل نفوس الاطفال معنى الشرف والامانه ...
| |
|
|
|
|
|
|
| |
saif massad ali
bayan
Adil Osman
فيس بوك
تويتر
انستقرام
يوتيوب
بنتيريست