|
|
|
 Re: يعلم الديان .. مثلت فينا فصول . (Re: عمر ادريس محمد)
|
اصل الحكايه
يوميا بمشى الارشيف والمكتبات ...احب الارشيف والحاجات القديمه حد الوله ...حتى لاحظت فى الفترات الاخيره بقيت اجمع المسامير, والهتش الموقع فى الشارع ,والحكايه دى داسيها خايف من سوؤال ولدى.. يابابا انت متاكدانك كويس؟ المهم ....اقضى اغلب الوقت فى ارشيف سودانيز اونلاين اضحك ,ومرات ابكى..اشاكل بعض الناس, وازعل من واحدين ...وانعل خاش البعض الاخر
واقول لى صاحبى واحد ياخى دى لو كان كتبتها كدا مش كان احسن .. اما راجل "طربنش" تمام: ...والله اقول شنو فى الشاعره الرقيقه البقيت حافظ كلامها صم ولمن ما اغشاها يجينى (وكس)
قاطعت ناس رسمى بسبب الارشيف ,لما اشوف بوست ليهم اقول.. والله لو كسرت رقبتك ما اقرى ليك حرف (ياجبان) تنط البنيه من هناك يابابا انت بتتكلم مع منو ...انتبه مافى حاجه! اتخارج منو ., واشبك فى واحد تانى , لغته عصيه لكن حكمة ربنا بحب كتابته, ومرات اتجول فى عالم كتاب القصص والحكاوى .. ودائما اشيل كلمات اختها محل التانيه, او ارجع فقرات كامله ومرات امسح نص القصه وعيييييييييك.... بقت عندى علاقه خاصه وحميميه مع عدد كبير من الكتاب فى المنبر العام بسبب كتاباتهم القديمه فى الارشيف.
الليله مشيت كالعاده بى متعه شديده "شادهانى" عباره لمحسن خالد افتش فيها
كان لقيت أسمى.....!!
مكتبة.....الخ
اتحرجت شديد وحسيت انى احتليت مكان زول تانى
انا بشكرك كتير
يابكرى
واقدر مجهودك .. ياخى مش كفايه فتحت لينا درب ,ومعرفه
جديده , وعلاقات انسانيه
وصداقات
وبلد من مافى
؟
| |
 
|
|
|
|
|
|
|
|
Re: يعلم الديان .. مثلت فينا فصول . (Re: عمر ادريس محمد)
|
شكرا
يابيان
يعلم الله ماعندى بلاك لست ...بعدين
نحنا موش اعلنا عليه الحب ؟
انتى مع الجماعه ديل ودائما اشيل كلمات اختها محل التانيه, او ارجع فقرات كامله
......غيرت ليك... واحد من عناوينك "بكل عدم ذوق ماركسى لينينى.. منى" ..
الى
ملمح لعبادة الشخصيه" صلاح احمد ابراهيم و د. نجاة محمود"
وحالتى دى لسه بنقب فى الموضوع !..شفتى التطاول دا كيف ؟
يازمـيلـه
وياما شكرتك ...وغنيت ليك
فى
دى ....
قصة من أم درمان
***************
و رميت رأسي في يدي
ما تنفع الشكوى ، وشعرك
جف بالشعر الخيال
و كأن راسي في يدي
روحي مشقشقة بها عطش
شديد للجمال
وعلى الشفاه الملح واللعنات
و الألم المحنط بالهزال
وكان رأسي في يدي
ساقاي ترتجفان من جوع
ومن عطش ومن فرط الكلال
وأنا أفتش عن ينابيع الجمال
... وحدي بصحراء المحال
...بسراب صحراء المحال
...بسموم صحراء المحال
أنا والتعاسة والملال
وكان رأسي في يدي
والمركبات تهزني ذات
اليمين أو الشمال
والمركبات تغص بالنسوان
واللغط الشديد وبالرجال
وكان رأسي في يدي
مازال يقذفني اللعين كأنه
الغربال من أقصى
اليمين إلى الشمال
وبقلبي الأمل المهشم والحنين
إلى الجمال
والوحشة الغرَّاء والنور
المكفن بالطلال
وخلو أيامي ورأسي في يدي
* * *
ورفعت رأسي من جحور كآبتي
وأدرت عيني في المكان
وكنت أنت قبالتي
عيناك نحوي تنظران
عيناك ... وأخضر المكان
وتسمرت عيناي في عينيك
ماعاد المكان أو الزمان
!! عيناك بسْ
ومسكت قوس كمانتي
عيناك إذ تتألقان
عيناك من عسل المفاتن جرتان
عيناك من سور المحاسن
آيتان
عيناك مثل صبيتين
عيناك أروع ماستين
( هذا قليل )
عيناك أصدق كلمتين
عيناك أسعد لحظتين
( هذا أقل )
عيناك أنضر روضتين
عيناك أجمل واحتين
( ما قلت شئ )
عيناك أطهر بركتين من
، البراءه
نزل الضياء ليستحم بها
فألقى عند ضفتها رداءه
الفتنة العسلية السمراء
والعسل المصفى والهناء
وهناك أغرق نفسه
( عجز الخيال )
عيناك فوق تخيلي
فوق إنطلاق يراعتي
فوق إنفعال براعتي
عيناك فوق تأملي
ومضيت مأخوذاً وكنت قد
اختفيت
من أنت ؟ ما اسمك يا جميل ؟
وكنت من أي الكواكب قد أتيت
وقد اختفيت
* * *
مازلت تملأ خاطري مثل
الأريج
كصدى أهازيج الرعاة تلمه
خضر المروج
كبقية الحلم الذي ينداح عن
صبح بهيج
ومضيت مأخوذاً وكنت قد
اختفيت
ومضت ليال كالشهور فما
ظهرت ولا أتيت
وأنا أسائل عنك في الليل
القمر
وأنا أفتش في ابتسامات
الرضا ... لك عن أثر
في كل ركن سعادة لك عن أثر
في كل نجم خافق
في كل عطر عابق
في كل نور دافق
لك عن أثر
حتى لقيتك أنت تذكر في
ضحى من غير ميعاد وغير تعمد
ولمحت وجهك فجأة وظللت
مشدوهاً بهول المشهد
وتزلزلت روحي ونطَّ القلب
يهتف صائحاً
هو نفسه ... هو نفسه
وتفتَّح
وكأن ليلاً أصبح
ووقفت في أدب وفي فرط
إحتشام
ومددت كفي بالسلام
لكن كفك في الطريق ترددت
وتعثرت
وامتد في عينيك ظل توجس
وكأنما كفي حرام
وكأنما قتلت حسيناً ، أو رمت
بالمنجنيق قداسة
البيت الحرام
لكنني لم أنبس
وخنقت في صدري كلام
وحبست في حلقي ملام
ومضيت مغتاظاً أضمد
مهجتي
ألم من فوق التراب كرامتي
وأسب يوماً كنت تجلس
أنت فيه قبالتي
* * *
ولكم دعوتك .. كم دعوتك
بيد أنك لم تلبي
مازلت تخشى أن ترى
نوري وتغرق نورك الوضاح في
أرجاء قلبي
وتخاف لمس أناملي
وتخاف قلبك أن يجيب ،
تخاف من خطوات حبي
لك ماتشاء !! .. فلسوف
أغلق جنتي
ولسوف أطفئ نورك الخابي
وأوقد شمعتي
ولسوف أطرد طيفك المغرور
أنفيه لأقصى بقعة
ولسوف أتركه لتنهشه
مخالب غضبتي
والمُّ من فوق التراب
كرامتي
وأسب يوماً كنت تجلس
أنت فيه قبالتي
* * *
حتى لقيتك أنت تذكر من
جديد
في ذلك الركن القصي بذلك
البلد البعيد
إذ جئت تخطر نحونا وكان
وجهك يوماً عيد
ماذا يريد ؟
وهفا الفؤاد ... هفا ؟ فقمت
نهرته
...وهتفت ماشأني به
وزجرته
وذكرت أنك طالما عذبته
وأهنته
ولويت رأسك يا عنيد
وأتيت مبتسماً وفي عينيك
ألوان الحنان
مذا هناك ؟
ومددت كفك بالسلام
لا لم تعد تلقي يداه الإتهام
وتقول كفاه بأن يدي حرام
لا لم يعد
ودفنت في أرجاء كفك
راحتي
وضممتها ... وضممتها
ورميت قلبي في ذراعي بهجة
وحمدتُ يوماً كنت تجلس
أنت فيه قبالتي
_____________
أمدرمان 1964م
| |
|
|
|
|
|
|
|
|
|
Re: يعلم الديان .. مثلت فينا فصول . (Re: عمر ادريس محمد)
|
Quote: واحد من عناوينك "بكل عدم ذوق ماركسى لينينى.. منى" ..
الى
ملمح لعبادة الشخصيه" صلاح احمد ابراهيم و د. نجاة محمود" |
بنموت فيكم لما تقعدو تمارسو النقد الذاتي لي سنين ما كيفتني عبارة قدر دي
| Quote: بكل عدم ذوق ماركسى لينينى.. منى" .. |
عجبني العنوان شديد انا معترفة اني احب هذا الصلاح لحد الثمالة..
لاجله احببت سنوات الستين. ولأجله بقرب اللبس ميني جوب واسرح شعري فرح ديبا.
لآعيش زمنه(هستريا تحولية)
ولاجله حبيت شيبون ولاجله حبيت ام درمان.ولاجله كرهت من كرهت وعاديت من عاديت
اقضي وقتا طويلا رغم الصدر الضعيف في دار الوثائق صباحات عطلتي السنوية
للبحث عن كل ما كتبه..قريبا سيعود حبيبي الى الذاكرة كطائر الفينيق
ولن يموت ابدا..
لكن انتو كيف في عبادة الفرد؟
مزيدا من النقد الذاتي لن يقتل احدا
يا فردة يا حمرة
تعرف بكري ما بيجي هنا كان تكتب نعي ولا تهنئة هو بقى بتاع اعراس ومآتم
الله يديه العافية انا لقيت برضو عملو لي مكتبة.
| |
|
|
|
|
|
|
|
|
|
Re: يعلم الديان .. مثلت فينا فصول . (Re: عمر ادريس محمد)
|
| Quote: بنموت فيكم لما تقعدو تمارسو النقد الذاتي |
هو يادكتوره النقد الذاتى دا زاتو كان ما نحن حطب النار ديل ياعملاتك
تطير عيشتنا..نجيكم تكوركو نخليكم تسكلبو
غير محاولات صغيرونه فى مملكة سنار, وجزء من صراع الخليفه عبد الله مع اهل المهدى الكان عارفو منو
ماكلها...ياها عمايل الدوله السودانيه مما الخواجه خت برينيطه فوق راسو وفات خلاها..للبديل
المدجن الملهوف على الدنيا
اصلها ما مرقت من
عفا
وسلف عما لغف
وقعد فى الكنبه خلف
وكلام عايم فى كوز صلصه ملان مويه
الى ...هى لله حاليا.. والدوام لله
النقد ومناهجه وممارسته جزء اصيل من كينونة وخلايا وشرايين الحركه الثوريه السودانيه وفى قلبها الحزب الشيوعى السودانى
خليك حنينه ياخ
وش محنبك حبه
انا معترفة اني احب هذا الصلاح لحد الثمالة..
لاجله احببت سنوات الستين. ولأجله بقرب اللبس ميني جوب واسرح شعري فرح ديبا.
لآعيش زمنه(هستريا تحولية)
ولاجله حبيت شيبون ولاجله حبيت ام درمان
كلام صادق ونبيل
كنت داير اقول تعليق... سحبتو ...وقلت اخير اول
ارجع اذاكر كويس ...ولو بريتنى
بكتابتك عنو "صلاح" او دليتينى القاهاوين كلها؟
تكونى كيتا ليك
ساهمتى فى
اذا انتكست قوى التقدم مره فانتصاراتها لاتتوقف
تحياتى
والشكر الجزيل
| |
|
|
|
|
|
|
|
|
|
Re: يعلم الديان .. مثلت فينا فصول . (Re: عمر ادريس محمد)
|
مــقــاطــع
من
يا قائد الإسطول
.. تخضع لك الفرسان ..
يا ذو الفخار والطول.. أرحم بني الإنسان ..
مين لي سماك يطول ..
مابطولك اللمسان ..
معناك شرحو يطول ..
والله يا إنسان ..
أصدق كفاك مطول ..
يا ذو الحسن وحسان ..
أنا عقلي بيك مشغول..
والناس عقول ولسان ..
يا الفي سماك مفصول
..تتشاف عيان بيان ..
ما عرفنا ليك وصول..
وما دنيت أحيان ..
يعلم الديان ..
مثلت فينا فصول..
| |
|
|
|
|
|
|
|
|
|
Re: يعلم الديان .. مثلت فينا فصول . (Re: عمر ادريس محمد)
|
طيب يا عميرة يا اخوي
لي كم سنة قاعدة الم والم ما انت براك بتاع الروبوبكيا
اها جمعت كميات وحادات غريبة خلاس
المهم عندي مقالات ناقصة
مرة رسلتها لاسامة الخواص وعد خير وطنش
في مكتبة الكونقرس سنة 1967
في الراي العام والصحافة
بتلقي ليك شكلة كاربة
وحملة اغتيال شخصية مع سبق الاصرار و الترصد
اشترك فيها غالبية مثقفي الحزب الشيوعي من اللجنة
المركزية لغاية الفتى خالد المبارك آنذاك من جانب
وصلاح وحده يا وحده يا حر قلبي من جانب..
في ذلك المكان الكئيب الاسمه دار الوثائق
قريت الحاجات دي خد وهات وخد وهات كوع كاع
وبكيت
اختك رومانسسية شديد بتحب الفرسان النبلاء الجرحى
ومن ديك يا عميرة وقعت في حب زول ميت
جابني ليه درب الغابة و الصحراء
قلت لازم انصفو
وقررت انه اكرس حياتي لجمع تراثه وما اتعبه من
درب.. هذه الصحف رغم لطف ناس دار الوثائق.
الا ان بها كل الهوانات الارضة والعتة الخ
كل سنة برجع هنا عندي مرض جلدي
اعالجو بالشهور..
دا كلو لو لقيت زول يساعدني قاعد في امريكا
اكون فرحان..لانه في مكتبة الكونقرس يرسلوها ليك لو كنت مسجل
في جامعة في مايكروفلم ذي العجب..
اها انا محتاجة
لسلسلة مقالات
اسمها صلاح الدين و وليالي الحشاشين
هي خمسة ليالي على حسب علمي
انا عايزة نمرة واحد واثنين واربعة..ويستحسن كلهم لانه العندي باهتة
بعداك عايزة
مقال نحن عرب العرب دا في الصحافة
نشر بتأريخ الاربعاء 25 اكتوبر 1967
بعداك المقالات العندي اسع كلها بتطبع ونسبة لانها باهتة
ليها سنة عند الطابع وما خلصت. لانه بس انا لاييييووووووووووقة
لو ما كدا كان رفض يطبعها..
المهم بعد تقراهم يا عميرة حتشق شعرك
ابراهيم عوض وتلبس بنلطون جيب بندقية
وحتبكي.
وتبقى ظلامي..
او تنتظر لما الله يهون الكتاب دا يطلع اللي كان لو كل شئ مشى على ما يرام
يطلع في يونيو لكن الا يونيو سنة 2007 لو الموت خلانا..
| |
|
|
|
|
|
|
|
|
|
Re: يعلم الديان .. مثلت فينا فصول . (Re: bayan)
|
هاجناودادريس ..
سلام من هنا لعندك ..
المكتبة بتستحقها وزيادة ..الشهادة
لله (نضمك ) سمح بالحيل وروحك حلوه
ماك بتاع مشاكل ..ونفسك طويل(سلبة ) ..
وطول النفس كمان انتو (بتكوسوهو ) ياالزملاء؟ ..
مبروك عجبنا وسر بالنا والله ..
ودى لك ..
| |
|
|
|
|
|
|
|
|
|
Re: يعلم الديان .. مثلت فينا فصول . (Re: bayan)
|
| Quote: السؤ هذا نسبيا ام سوء قاطع؟ |
والله يا دكتوره بيان
كلما اقول الشى دا بسيط ونسبى ...ومقدور عليه القاه ليك كتير فايت الحد.. وداير تعب
اقول لها يانفس السجم والرماد عاينى للفضل العند الناس والخير الفيهم.. واقعدى فى محلك
توافقنى يومين تلاته, وتانى تغفلنى وتقوم ....الله ..لا كسبها...
اقول لك
سؤ قاطع مويه ونور
ويامعين ..تعين
لك التحايا والشكر الجزيل
| |
|
|
|
|
|
|
| |
عمر ادريس محمد
bayan
خدر
محمد عبدالرحمن
Najat Al-Bashir
فيس بوك
تويتر
انستقرام
يوتيوب
بنتيريست