|
|
|
 Re: محمد حسن العمدة عجبني ليك وربنا يتم على خير (Re: bayan)
|
بيان الحبيبة ام الزهرات الثلاثة
انتى يادكتورة موش ود العمدة ده زماااااااااااااااان كده فى المنبر ده زاتو قال عرس خلاص وانتهى ؟!!
انا متزكرة انى باركت ليهو العرس قبال ده اقايتو !!
لكن ليس هناك اى مانع من ان نبارك له هذه الخطبة المباركة الجليلة ايضا
نعم يابنى اى والله خطبة مباركة
وياعمدة زمانك ايامك والله متجدع سااااااااااااااااى الايام دى !!
الف مبرووووووووووووووووووووووووووووووووووووووووووووووووووك
ويابيان عقبال نفرح بى بناتنا قولى امين ..
| |
 
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: نادية عثمان)
|
العمده الحنين
الشوق ضل نيمتين
مبرووووووك يا يابا
وان شاءالله بالعديل والزين
والفال السمح تفرحوا الدارين
دار العروس ودارك
بيت مال وعيال ان شاء اللهتسلمى نجاة الحبيبه
ست البشاره ديمه
تخريمه
العمده ياخوى كان جيت داخل البوست ده
جيب معاك طوبه ..بقاى ياخوى شايفه وما شاء الله وعينى بارده
لى هسه حريم ساااااااااااى
شكرا نجاة
وسلامات ناديه السمحه وظريفه .. الشوق حنين
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: نادية عثمان)
|
Quote: انتى يادكتورة موش ود العمدة ده زماااااااااااااااان كده فى المنبر ده زاتو قال عرس خلاص وانتهى ؟!!
انا متزكرة انى باركت ليهو العرس قبال ده اقايتو !!
|
ندوية سلام
انتي يا شيخة بتبحتي مالك موش بيقولو الفات مات ؟؟؟ حسي ست الحسن والجمال لو جات مارا بالبوست ده تقول شنو ؟؟؟ غايتو لو زروني شيلي شيلتك - جنس شمارات غايتو يا ندوية
سالت عنك ناس الخرتوم قالو رجعتي
قلت اكيد نادية ما محظوظة
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: gamal elsadig)
|
Quote: مليون مبروك ياحبيب
وربنا يتمم على خير ويسعدك
من اي مدينة هي العروس من المدن الكثر التي تنتمي اليها
لعلها من اكثر المدن محافظة البيئة ... |
دائما ما تذكرني بها فاغني مع بن عفان
كانت لنا ايام ..في قلبي ذكراها
ما زلت اطراها
ياليتنا عدنا..او عادت الأيام
ايام الفاروق عمر وصحبه
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: حمزاوي)
|
Quote: الحبيب محمد حسن العمدة
مسكاقمي
تهانينا والف الف مبروك
الله يتم ليك
وتطلع السيرة بالبابور
اها قول لي العروسة من أندنا |
حبيبنا حمزاوي
سلااااااام
السيرة بالبابور ؤبث ؟؟
ده قطر بدايتو في حلفا ونهايتو في نمولي
يلا فتش العروس شوفا في ياتو عربية وياتو قمره - تعرف القمره ؟؟ يااااا حليل الSR
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: Dr.Mohammed Ali Elmusharaf)
|
Quote: الاخ العزيز ود العمدة
الف مبروك وما تنسانا في العقد.
معزتي لك وللعروسة والفاضلة بيان
محمد علي المشرف مختار |
الحبيب د المشرف
الله يبارك فيك واهديك
هجرة عصافير الخريف/اسحاق الحلنقي
هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: صديق الموج)
|
ود العمـدة يـا وغـد ...
أتـاريـك إنـت زايـغ مننـا ، وبتتجنـب أمـاكن الرجـال فـوق راي ..!!
وكـل مـرة تلفـونك يـا مقفـول يا مشغـول ..
وأتـاريك جيت حفلتنا فوق راي ...
ويا دوب أنا فهمـت مالك اليوم داك كنت بتتلفت ..
وبعد ما قلت لي مع السلامة ، جيتني تاني ، لمن كنا أنا وشيخون خالطين !!
أيوااا...
طيب ما كان تقول يا وغد ..؟؟
تهانينا يا ود العمـدة ..
بس عليك الله الفدائية دي من وين !!؟؟
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: ثروت سوار الدهب)
|
Quote: اتاري ود العمدة لابتلو فوق راي
مبروك و بيت مال و عيال يا ود العمدة |
.
الرائع دوما ثروت
سلام يا سليم الذوق
سليم الذوق لو تعرف الشوق
ابقى انزل يوم من علاك الفوق
شوف عمايل الحب في الحشا المحروق
انا كالأنسام لم تهدا تروق
وان كالأضواء بعد كل شروق
لو بتذكرنا كنا نحنا ندوق
للسعادة طعم في رضا المعشوق
انحنا حلفناك بالغرام والريد
بي صفا الأحلام في عيون الغيد
وبالقليب الضاق لذة التسهيد
ابقى زاورنا حتى يوم العيد
ياأمل بسام دابو هال جديد
تخلي شوقنا الضال في ثواني يزيد
بعتاب صامت يشبه التغريد
نبقى نار في نارو لي لهيبا نزيد
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: محمد عبدالرحمن)
|
Quote: تهانينا والف مبرك لود العمدة وامنياتى بحياة زوجية سعيدة ..
سلام وشكر يادكتورة |
الحبيب محمد سلام
ربنا يحقق امانينا كلنا
وهاك رائعة ابو صلاح
قسم بمحيك البدري
غرامك منو ضاق صدري
حبيبي البي العلي تدري
المحينون ليلة القدرِ
نصب فوق حاجبو لي غدرِ
معاك في داخل الخدرِ
فؤادي المالكو من بدري
حبيبي البي العلي تدري
حياتي ونعمتي ويسري
رضيت لو يرض بي اسري
فريض يا دموعي تنتثري
إذا منو النسيم يسري
حبيبي البي العلي تدري
حمام الأيك والقمري
يصيح ينبيك عن أمري
وبين عواسلك السمري
روايحي وفاكهتي وخمري
حبيبي البي العلي تدري
قبالك وين أجيل فكري
مصافحة اليمين سُكري
في بالك هل يمر ذكري
وامامك شكوتي وشكري
حبيبي البي العلي تدري
صحيح لجروحي لا تبري
هواك برضاي ما جبري
بسيمات فاهك التبري
ياجميل كم قللت صبري
حبيبي البي العلي تدري
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: حسين يوسف احمد)
|
الرفيق حسين يوسف
Quote: وكـل مـرة تلفـونك يـا مقفـول يا مشغـول ..
وأتـاريك جيت حفلتنا فوق راي ...
ويا دوب أنا فهمـت مالك اليوم داك كنت بتتلفت .. |
ياخوي عاوز تجيب لي الهوا مالك ؟؟؟
قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين
في اللون الأسمر ذوبت شبابي
وعشقت الجنة وفي الجنة عذابي
صابر وبتألم ولمر دا شرابي
ياحليل الراحو ياحليل احبابي
يا نور العين
يا نور العين انت وينك وين
الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين
انا والنغام والعود في ايدي
بحكيلو حكايتي ويعيد ترديدي
واشكيلو همسة أوهبتو نشيدي
ياما الأوتار تفضحني من ريدي
يا نور العين
يا نور العين انت وينك وين
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: صديق الموج)
|
| Quote: العمدة مبروك ...غايتو المال فارقتوا نسال الله ان يعوض اكلافك عيال |
العم صديق الموج خبرة مجرب ولا شنو 
يا سليم الذوق لو تعرف الشوق
ابقى انزل يوم من علاك الفوق
شوف عمايل الحب في الحشا المحروق
انا كالأنسام لم تهدا تروق
وان كالأضواء بعد كل شروق
لو بتذكرنا كنا نحنا ندوق
للسعادة طعم في رضا المعشوق
انحنا حلفناك بالغرام والريد
بي صفا الأحلام في عيون الغيد
وبالقليب الضاق لذة التسهيد
ابقى زاورنا حتى يوم العيد
ياأمل بسام دابو هال جديد
تخلي شوقنا الضال في ثواني يزيد
بعتاب صامت يشبه التغريد
نبقى نار في نارو لي لهيبا نزيد
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: محمد حسن العمدة)
|
Quote: الف مبروك الاخ الفاضل ود العمده وربنا يتمم ليكم على خير
وشكرا الخاله الحبيبه بيان وعقبال بناتك وتفرحى بيهم دايما
وفى امان الله
لا اله الا الله |
الاخت الفاضلة بنت الاحفاد اللهم امين والعقبال ليك ربنا يديك اليسعدك ويهنيكي ويكون زو خلق ودين
في امان الله ومحمد رسول الله
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: kamalabas)
|
Quote: مبروك وربنا يتممه بخير وعلي خير وعوداحميدا ياود العمدة
كمال |
اخي الفاضل زو القلم الرفيع والكلمة الانيقة والخلق الطيب كمال عباس لك شكري وتقديري ووافر احترامي
من ديم مدينة ... وديم عرب ... وديم اب حشيش
للمينا... لي رامونا... او من اربعات لتراب هدل
ومن انقوياي ميل جاي وشيل عند الاصيل لمصفى شل
بالله هل...
شفت الورد في باقة ماشي وفي شفافيو بيندي طل
او لمحة من شباك اطل
شباكو شيش
ياقلبي دق لكن بشيش
لا ينفضح للناس هواك
قول ليه ناشدك من هناك
شايلني ليك براق شلع عبادي
شققني الاراك
دوخ شذاه الفجري من الاتبراوي
لحد جبيت
وقفني فوق جبل اركويت
قال لي دير عينيك تحت
شوف السما النزلت
وعامت في البحر
خذ ليك نفس املأ
شعاب رئتيك بشر
واسجد وطوف من بيت لبيت
تلقى الامل بالفرحة قوم ليهو ريش
اهدي الجواهر والحرير
بنت الامير
شقيانة في الحر لابسة خيش
نقرش قليبك بس بشيش
كم فيهو قاطع ليك وتر
قل للملاك وقتين سفر
سيد مهجتي الما ساد سواك
جاييك اموت مرتاح حداك
سميهو حب، سميهو جن ، سميهو طيش
اموت وتسلم لينا يا غالي وتعيش
اموت لبسمة تضوي في الثغر الجميل
زي نيل تبهرج بالقمر
الرملة والقيف والشدر
ليلك طويل بالغربة جاريها السهر
مانسيت مواثيقنا القبيل
اصدح بفرحتنا القلوب تصدح معاك
واموت وفي شفتي غناك
قرقورة لاصقة على الحجر
عصفورة ضاميها الوكر
مطمورة فضت ليها عيش
شبورة نازلة على الاراك
شبورة نازلة على الحشيش
وياقلبي دق لكن بشيش
شعر:صلاح احمد ابراهيم
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: محمد حسن العمدة)
|
Quote: الف مبروك ود العمدة
وربنا يتمم على خير |
اللهم امين واليك اهدي مرية صلاح
يامريّه:
ليت لي ازْميل((فدياس)) وروحاً عبقرية
وأمامى تل ُ مرمر
لنحت الفتنة الهوجاء في نفس مقاييسك
تمثالاً مُكبر
وجعلت الشعر كالشلال : بعضُُ يلزم الكتف
وبعض يتبعثر
وعلى الأهداب ليلاً لا يُفسر
وعلى الخدين نوراً يتكسر
وعلى الأسنان سُكر
وفماً كالأسد الجوعان زمجر
يرسل الهمس به لحنا معطر
وينادى شفة عطشى وأخرى تتحسر
وعلى الصدر نوافير جحيم تتفجر
وحزاماً في مضيقٍ ، كلما قلتُ قصيرُُ هو،
كان الخصر أصغر
يا مريه
ليت لي إزميل ((فدياس)) وروحاً عبقرية
كنت أبدعتك يا ربة حسنى بيديَّ
يا مريه
ليتني في قمَّةِ ((الأولمب)) جالس
وحواليَّ العرائيس
وأنا في ذُروة الإلهام بين المُلهماتْ
أحتسي خمرةَ ((باخُوس)) النقيَّة
فإذا ما سرتْ النّشْوةُ فيَّ
أتداعى ، وأُنادى : يا بنات
نقٍّّروا القيثار في رفقٍ وهاتوا الأغنياتْ
لمريه
يا مريه
ما لعشرينين باتت في سعير تتقلب
ترتدى ثوب عزوف وهي في الخفية ترغب
وبصدرينا ((بروميثيوس)) في الصخرة مشدوداً يعذب
فبجسم الف نار وبجسم الف عقرب
أنتِ يا هيلينُ
يا من عبرت تلقاءها بحر عروقي ألفُ مركبْ
يا عيوناً كالينابيعِ صفاءْ...ونداوة
وشفاهاً كالعناقيدِ امتلاءْ...وحلاوة
وخُدوداً مثل أحلامي ضِياءْ ....وجمالا
وقواماً يتثنّى كبرياءْ...واخْتيِالا
ودَماً ضجَّتْ به كلُّ الشرايينِ اشتهاءْ..يا صبيَّة
تَصْطلي منهُ صباحاً ومساءْ....غجريَّة
يا مريّه
أنا من إفريقيا صحرائها الكبرى وخطِّ الإستواءْ
شحنتْني بالحراراتِ الشُموسْ
وشوتني كالقرابينِ على نارِ المجُوسْ
لفحتني فأنا منها كعودِ الأبنوسْ
و أنا منْجمُ كبْريت سريعِ الإشتعالْ
يتلظَّى كلًّما اشتمّ على بُعدٍ  (تعالى))
يا مريه:
أنا من إفريقيا جوْعانُ كالطِّفلِ الصَّغيرْ
و أنا أهْفو إلى تُفاحة حمراء من يقربها يصبح مذنب
فهلُمي ودعي الآلهةَ الحمقاءَ تغضبْ
وانْبئيها أنها لم تحترم رغبة نفسٍ بشرية
أيُّ فردوسٍ بغيرِ الحبِّ كالصَّحراءِ مُجدبْ
يا مريه
وغداً تنفخُ في أشرِعتي أنفاسُ فُرْقة
و أنا أزدادُ نأياً مثْل ((يوليس)) وفي الأعماق حرقة
رُبما لا نلتقي ثانيةً
يا ....مريه
فتعالى وقّعي أسمك بالنار هُنا في شفتي
ووداعاً يا مريه
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: محمد الواثق)
|
Quote: مبروك يا حبيب
والظاهر انو نحن آخر من يعلم
الخبر ده ما جاء بهناك |
الحبيب محمد الواثق الله يبارك فيك وانشاء الله في الكبيرة
واهديك رائعة خليل فرح امدرمان
أذكر بقعة أم درمان
وأنشر في ربوعها أمان
ذكر يا شبابي زمان
دارنا ودار أبونا زمان
فيها رفات جدودنا كمان
ما بنساك خلقه ضمان
جنة وحور حماك أمان
ذكر يا شبابي زمان
بطرا الأسسوك زمان
كانوا يحلحلوا الغرمان
يساهروا يتفقدوا الصرمان
ذكر يا شبابي زمان
في السودان فتيح معروف
ولسه أب عنجه خوره سروف
ود نوباوي زول معروف
باقى وديك مشارع أبروف
ذكر يا شبابي زمان
كانوا جبال تقال ومكان
نزلوا اتربعوا الأركان
خلوا البقعة كل مكان
آهلة وزارة بالسكان
ذكر يا شبابي زمان
ليه يا كعبة العربان
غاضبة وفين عريسك بان
قبال نسأل الركبان
حبك من حسودك بان
ذكر يا شبابي زمان
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: نهال كرار)
|
| Quote: ألـ1000ــف مبرووك للأخ محمد حسن العمدة |
الاخت الفاضلة جدا نهال كرار
تشكري على الطلة والمباركة ودائما ايامك كلها افراح
ومدي يدك على الشيالة وخدي حلاوتك ويلا نفرح مع خليل فرح
زاهى فرعك نما وسما
تشبهى الضو فى السما
الخدود نارها مضرمة
فى حشاى واضعة مفرمة
بي هلاكنا أنت مغرمة
طرفك الساهى كم رمى
سمحة قامتك على التما
فاهك البسمة خاتما
للبدور خدك إنتمى
فى العيون شلخك احتمى
يالقلب تقسما
وحبيب تبسما
بدر تم وقد سما
اه ما أبعد السما
يا نسيم أمشى سالما
بى لطيف شيشا حلما
بالعلى أ[قى كلما
وهاك رويحتى سلما
مجلس الأنس ضمنا
نحنا والكانو يمنا
والسرور كله عمنا
مافى هم لا همنا
مافى جاهل بذمنا
يا شقاوة البشمنا
العيون هادرة دمنا
أصله ما بيبرأ سمنا
وقفت بانة النقا
ديسا طاويها فالقا
النظر راح يسارقا
صد قال فوق خالقا
الحرير ماله خانقا
والحجيل يمشى زانقا
صيدة روايها ما اتلقى
كل شىء فيها قالقا
جلست شوف تأملا
وقفت ضجت الملا
صاح شاديها وإتملى
متنا ما سمعنا ململة
شوف وريدا وسوالفها
شوف صديرا المزالفا
شوف ضميرا الموالفا
من كفيلا المخالفا
ليلة فى غاية الصفا
حفلة معدومة الصفة
يا نديم عقب أوصفا
وأقطف أزهارها صفصفا
غصن بان إذا مشى
واذا مال واختشى
فضح الغصن والرشا
لك يا غصن مافشى
لك يا ريم ما تشا
لك فى داخل الحشا
روضة طيبة وشى
الحسان تمشى قادمة
يضوى العتمة كالدما
يا عيومى تهدما من
صياح أزرفا دما
كوكب السعد إنتمى
لك يا صاحب النما
فسلام عليك ما
لبس الروض نمنما
العيون ناعسة صاحية
والخدود يقطرن حيا
البصيبن ما حيا
ما بتزيل عطشته الحيا
إنت يابر يا سلام
للجميع أكتب السلام
وأحفظهم فى صلا وسلام
مع أحمد عبد السلام
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: Agab Alfaya)
|
Quote: الف مبروك وربنا يتم علي خير
يا عمدة |
استاذنا الكبير وكبير قوي زي ما بيقولوا اهلنا الصعايدة عجب الفيا
مرورك للتهاني وسام اتشرف به كثيرا ولك اغني مع ود فرح
في الضواحى وطرف المداين
يلا ننظر شفق الصباح
قوموا خلو الضيق في الجناين
شوفوا عز الصيد في العساين
يله نقنص نطرد نعاين
النهار أن حر الكماين
كلبي يا جمجوم أصله خاين
شوفوا كيفن يبرأ الملاين
هب شال وكشح المراح
للقنيص الخيل خف راسن
نحن ما بنخاف من مراسن
المكارم غرقنا ساسن والمجاهل
مين غيرنا ساسن
ان عطشنا نمز مر وآسن
وأن عشقنا بنعشق محاسن
فى المحاسن كفي يومنا راح
في الخميلة انجلت المحاسن
عيني حايرة ومشي قلبي جاسن
بعض حسنك هي يا محاسن
الحرير حين قدميك داسن
والزهور حين شفتيك باسن
والغصون من لدنك مياسن
والنسيم فاح بكر الملاح
يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيخ والبراح
شوف صباح الوادي وجماله
وشوف خضاره وصيده ورماله
شوف يمينه وعاين شماله
شوف نسيم الليل صاحي ماله
شوف فريع الشاو مين أماله
القمر خجلان من كماله
والصباح لا بهل الوشاح
يا أم لسانا لسع معجن
كلمة كلمة وحروفه ضجن
ديل خدودك غير داعي وجن
ديل عيونك من غير سبه لجن
ديل دموعك من نظرة شجن
ده دلال ايه ده دلال معجن
محن الامات يا رداح
ماك نسيم الليل بي برودك
نامت الازهار فوق خدودك
غرد العصفور فوق عودك
النفوس ما اتعدت حدودك
ما عرفنا عدوك من ودودك
بس أنا المقسوم لي صدودك
يا حياتي وأملي اللي راح
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: قرشـــو)
|
Quote: الأخ محمد حسن العمدة
ألف مبروك يا سيدى وربنا يسعدكم ويهنيكم ويجعله منزلا مباركا تعمه الفرحة والبهجة والالفة والسرور ويغطيه الحب الأبدى الدائم ...
وعقبال نفرح بكل عزابة البورد من الاناث والذكور |
العمدة قرشو سلام وربنا يفرحنا بكل عذابي وعذابية - لزوم التجندر وكده - اللهم امين
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: ايوب عبدالرحيم)
|
Quote: الحبيب الغالي ود العمدة ألف مبروك وربنا يتم علي خير وتغلبك بالعيال وتغلبها بالمال وريتنا يلا كده همتك
مشكورة اخت بيان على هذه الاخبار الحلوة ومزيد منها وبالذات لعزابة المنبر الذين يزدادون يوما بعد يوم |
Quote: العزيز والاخ والزميل والدفعة (16) محمد حسن ...
سعدت جدا بهذا الخبر ...
رغم انو ما عارفين موبايلك وياريت ترسلو بالماسنجر ...
الف الف مبروك وربنا يتمم بخير |
الاحباب ابراهيم علي وايوبي
تشكرو وربنا يديم افراحكم
مدن عينيك
لمحتك
قلت بر آمن .. بديت أحلم
ألملم قدرتى الباقية
وأشد ساعد على المجداف
تلوّح لى .. مدن عينيك
وترفع لى منارة بسمتك .. سارية
وبديت أحلم
***
كل ما الريح .. تطارد الموج
أزيد إصرار وأحلف بيك
أغير سكة التيار
وأقول يا إنتى .. يا أغرق
أخاف
غيم المنى الشايل
تسوقو الريح .. ويتفرق
أخاف .. وأخاف
***
وأشد ساعد على المجداف
وأجيك بى قدرتى الباقية
حطام إنسان موسّم بى شقا الدنيا
ومقسّم قلبو فى الأحزان
أجيك فنان
أشد أوتارى .. وأحكيلك
حكاية إنسان وهب لى سكتك نفسو
ورسم صورتك على حسّو
وربط ساعد على المجداف
وقال يا إنتى يا أغرق
أخاف
الضفة ترجع بيك .. قَبـُل ألحق
أخاف
غيم المنى الشايل
تسوقو الريح وإتفرق
وألاقيك يا أمانى سراب
مواهبى عليهو تتدفـّق
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: عبدالرحمن عزّاز)
|
Quote: الف مبروك
بيت مال و عيال يا ود العمدة
علي قول حبوباتنا
(تغلبها بالمال و تغلبك بالعيال) |
حبيب نوبي سلام
كمان الشغلانة فيها غولب ؟؟؟ انا بغلبا بالحنان غايتو
Quote: ألف مبروك للحبيب،
محمد حسن العمدة وعقبال الفرح الكبير
ربنا يتمم على خير.
الشكر موصول لدكتورة بيان. |
حبيب عزاز سلام
ومعك اشكر الدكتورة الرائعة نجاة محمود وعلى حضوركم الرائع فلها الشكر
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: Anwar Ahmed)
|
Quote: يا زول انت معرسها والله سارقها لامن تجي داخل بالدس
يعنى كان ما زغاريد لنا بت مهدي بعد 33 يوم باتمام والكمال ما كنا عرفنا
أكاد اطير فرحا
شمس الدين السنوسى |
الحبيب شمس الدين السنوسي زهرة البورد ونورها كان ما نورتنا نور تاور جات زاحمتك
قلت لي سارقا دي هي السرقت قلبي وخلتني اهاتي وامطشش عشان كده ما عرفتو
Quote: محمد حسن ( ود العمدة )
ألف مبروك وربنا يتمم بخير
|
الحبيب انور
سلام وليك اهدي وشمس الدين
من غير ميعاد
واللقيا أجمل في الحقيقة بلا اتظار
صحّيتي في نفسي الوجود
ورجّعتي لعيوني النهار
كل الطيوب الحلوة يا مولاتي والجيد الرقيق
واللفتة والخصل اللي نامت فوق تسابيح الغريق
وخطاك والهدب المكحل وفتنة التوب الأنيق
في لحظة مرت كالظلال تعبر رؤاي إحساس عميق
فتحتي جرح الليل عسى من صمتي ما قادر أطيق
صحّيتي في نفسي الوجود
ورجّعتي لعيوني النهار
لو مرة بعدك يا زمان الغربة تجمعنا الصدف
أنا كيف اعود من طيبة أول نظرة للدار منكسف
وا ضيعة الوتر اللي ما غنيت معاهو ولا عزف
من صدفة عابرة بلا سلام قلبي الغريق في الهم نزف
ياريتني ما شفتك ربيع ولا كان يلازمني الأسف
صحّيتي في نفسي الوجود
ورجّعتي لعيوني النهار
ضاع الكلام ماتت حروف اللقيا قبال اهمسا
والله ما غابت محاسنك لحظة لا الجرح اتنسى
للّيلة ما وشوش نسيم في روضو وما غرد مسا
للّيلة ما سافر عبير في الطيب يغازل نرجسة
للّيلة يا حبي الكبير في حرقة لافيني الأسى
صحّيتي في نفسي الوجود
ورجّعتي لعيوني النهار
التجاني سعيد
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: Abdelrahman Elegeil)
|
Quote: تهانينا والف مبروك
للاخ ود العمدة
وامنياتى بحياة زوجية سعيدة |
Quote: الحبيب ود العمدة
ألف مبروك وربنا يتمم بخير |
الاحباب عمر ادريس وباشمهندس عبد الرحمن العجيل
بارك الله فيكم وفي ذريتكم وجعل الله ايامنا وايام المسليمن كلها افراح
عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عزة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما أشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال
***
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عزة في حذا الخرطوم قبال
وعزة من جنان شمبات حبال
وعزة لي ربوع ام در جبال
وعزة في الفؤاد دوا يشفي الوبال
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: Mahadi)
|
مع انني لا أصدق موضوع الخطبة
عشان عارف التكاكوة ما عندهم حاجة أسمها خطبة
والمولود مخطوب من يوم ميلاده والعرس دخول طوالي
مع ذلك نقول مبروك
يمكن الموضوع فيه انتخابات وتصويت
وانت باشرت الداية الانتخابية في زيارتك ( لدار جعل)
وأنا أقول العمدة ده قردب لي وين ياربي؟؟
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: Tumadir)
|
استاذتنا بنت استاذنا وعمنا شيخ الدين جبريل
سعيد جدا بمرورك وشاكر ليك كتير
التكاكوة ديل قصتهم طويلة حتى بروفنا عليه رحمة الله عون الشريف مالحق حدهم واخونا المسافر ده زول غرقان في الانساب خاصة الجهات ايانا وحقو يفتح لينا بوست عن الانساب السودانية , شاكر ليك مرة اخرى يا ام سارية وسيرين
أحلى فصول العمر حنانك
أجمل حتة لقيتَ مكانك
أجمل سكة مشيتَ عيونك
أحبك أحبك أنا مجنونك
ساكن فيني هواك وبريدك
جوا القلب النبض يصونك
معاك معاني حياتي تبدا
وافتح باباً ياما انسدَّ
أشوف العالم ربوة جميلة
عليها نسيم الصبح مخدّة
وبيني وبين النهر عشانك
عشرة بتبدا
وبين عينية وخد الوردة
تبقى مودة
أصالح روحي
تبرا جروحي
ابشر باسمك اهلل أغني
أقيف اتحدى
أديتيني مشاعر حية
عوضتيني الزمن الماضي
زمن الجرح الأكبر مني
وقاسي علية
وبيك صادفني ولقى عنواني
رزاز الفرح الخلَّى الجية
أريت صادفني حنانك بدري
لو لاقيتك بدري شوية
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: المسافر)
|
الحبيب العريس مهدي
ياخي لفيت راسنا مشينا نفتش فيك في الخرطوم وانت معسل في القاهرة يوم 31 اتصلت عليك طلع الرقم ناقص اخبارك شنو يا حبيب ووين انت حسي رجعت ولا لساتك في السودان
وأنا أقول العمدة ده قردب لي وين ياربي؟؟
حبيبنا المسافر
عارف العمدة متبني اجندة قومية تجديدية عشان كده فارق التكاكوة 
وجاب ليهم حبيبنا مهدي العريس
مالي ومال الملاحة قرقرقر ما يسمعنا ود الباوقة
وطالما جابت اهل الجناين ....
بين جناين الشاطىء وبين قصور الروم
حي زهرة روما وأبكي يا مغروم
دره سالبه عقولنا لبسوها طقوم
ملكة باسطة قلوبنا تبين عليها تقوم
في الطريق ان مرت بالخلوق مزحوم
كالهلال الهل الناس عليها تحوم
شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار
شوف جبينا الهل ضو فوقه فنار
منه هل الشارع منه بق ونار
طالعة ما بتقابل زي لهيب النار
تحرق البتهابل والبعيد في نار
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: محمد حسن العمدة)
|
Quote: ياخاين مش متواعدين على الاخوات
عشان نوفر فى السكن |
قرقرقرقرقر يا جلده قايل نفسك في الهند ولا شنو
انت اقعد اتلفت لي زي ده لحدي ما اديك بتي
أول غرام
يا أجمل هدية
يا أنبل مودة
يا نور عينية
حبي ما هديتو
وغيرك ماصطفيتو
واجمل من عيونك في الكون ما رأيتو
***
لونك أبهى لون
وكفاك العيون
آه للإبتسامة
كالنغم الحنون
نظراتك لهيب
وتثير الشجون
ليه قلبي سليتو
وبالآم رميتو
قول لي يا شرود ايه ذنبي الجنيتو
***
نسيت ضو القمر
في أجمل ليالي
وشعاع النجوم
يبهر كاللآلي
كيف تنسى النسايم
وانا حبي المثالي
قول ليه نسيتو
مع إنك رويتو
جورك يا ظلوم لله اشتكيتو
انا ما زلت هايم
اذكر طيف جمالك
اواصل الليل نهار
اسبح بخصالك
وماضي الذكرى عاد
يسجد لدلالك
تعال يا من هويتو
وشوف حالي الأذيتو
رفقا بدموعي والحب البنيتو
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: AnwarKing)
|
Quote: العمدة ...
ياخي الف الف مبروك وربنا يتم على خير...وعقبال ناجي الملك...
الشكر موصول لبيان... |
الله يبارك فيك يا انور يا ملك ومن قلبي عقبالو الملك ناجي وعقبال الجميع 
عارف انا بعشق وردي حتى التاء المكتفينها في الثمالة
وعشان كده نديك ذات الشامة واسماعيل حسن شاعر الاولين والسابقين
وحياة الأحلام القلبي سقاها
وحياة أجمل بسمة عرف معناها
وحياة سمر اللون وحاة محياها
وحياتك
وحياتي عندك
وحياة حبي
النار صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
وحياتك
وحياتي عندك
وحياة حبي
النار صدك
وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة
وحياتك
وحياتي عندك
وحياة حبي
النهار صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة
وحياتك
وحياتي عندك
وحياة حبي
النار صدك
وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة
وحياتك
وحياتي عندك
وحياة حبي
النار صدك
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: jini)
|
حبيبو سجيمان - د عادل -
يا راجل انا منتظر تلفونك عشان نمشي التشليح تخوزقني زي ده ؟؟؟؟؟؟؟
بعدين ياخي ما مفروكة بث دي معاها ملاح تقليه
الحبيب جني ملازمين وامراء وكل السودان
يا جني يا راجل يا طيب الف شكر ليك ولبيان الجمعتنا من تاني
وعقبال كل الشباب العذوبي تتفتح زهرات قلوبهم وليك اهدي اجمل التحايا واصدقها
| |
|
|
|
|
|
|
|
|
|
Re: محمد حسن العمدة عجبني ليك وربنا يتم على خير (Re: lana mahdi)
|
Quote: ما شفتو ود العمدة في الخرطوم طاير بالريش الدقاق
وتغيير الأولوليات و المواعيد
والأناقة "على سنجة 100"
ومع دعوة بيان ربنا يتمم على خير
خالص المحبة |
الكنانية ست الناس لااااااااااااحدهم
شرفتينا وآنستينا وسعدنا كتيييييييييير باطلالاتك خرطوما ومنبرا وبيك اكتملت سعادتنا
علا ياخيتي وين حبيبنا ومتاقل علينا
ليك وليهو وخالتو ودكتورنا كل الامنيات الطيبة
واليومين دي مختفية ماسنجريا انشاء الله المانع خير الصحافة والاعلام ما ياخدوك من احبابك
| |
|
|
|
|
|
|
| |
bayan
يازولyazoalيازول
تولوس
معتصم الطاهر
gamal elsadig
البحيراوي
ابو جهينة
انعام عبد الحفيظ
إسماعيل وراق
صديق الموج
حسين يوسف احمد
محمد عبدالرحمن
bint_alahfad
saif massad ali
القلب النابض
HOPEFUL
kamalabas
الملك
محمد الواثق
Agab Alfaya
قرشـــو
ebrahim_ali
ايوب عبدالرحيم
فيصل نوبي
عبدالرحمن عزّاز
طارق جبريل
عبد الله عقيد
فارس موسى
Frankly
نيازي مصطفى
Shams eldin Alsanosi
عمر ادريس محمد
Abdelrahman Elegeil
Mahadi
المسافر
Tumadir
abuguta
AnwarKing
سجيمان
jini
محسن عبدالقادر
lana mahdi
مهيرة
فيس بوك
تويتر
انستقرام
يوتيوب
بنتيريست