|
|
 المختصر المفيد..فيما حدث في البورد من حاجات حلوة في 33 يوماً بالتحديد
|
هي فترة غيابي عنكم أيها الأحباب الأصدقاء الغاليين في إجازة بالسودان الحبيب بمعية زوجي العزيز يعقوب البشير البوردابي بالأصالة
وهناك صادفنامن بورداب الأمة" عبدالرحمن العجيل"الولايات المتحدة"و محمد العمدة "السعودية"الذي اكمل ربع دينه وكلاهما التقيناه للمرة الأولى.
وقد سبقنا من بورداب الأمة أيضاً الحبيب مهدي"ناصر" الذي أكمل نصف دينه وفر قبل أن نلتقيه..
كانت إجازة حلوة جداً سأحدثكم عنها تفصيلياً و سافرت فيها إلى ولاية سنار"الدالي" مسقط رأس "أبو وليداتي"
لذلك
وعليه
أرجو ان تمدوني
بالمختصر المفيد..فيما حدث في البورد من حاجات حلوة في 33 يوماً بالتحديد
|
|
 
|
|
|
|
|
|
|
 Re: المختصر المفيد..فيما حدث في البورد من حاجات حلوة في 33 يوماً بالتحديد (Re: tmbis)
|
| Quote: كنت مفتكر أنو اصابتك ( انفلونزا ) البورد في الايامات الفاتت ومشيتي بي ( وشك ).. |
أخي الحبيب تمبس
نحنا محصنين بأمصال و لقاحات كثيرة و سرها باتع
بس ما تقول لي جاتكم انفلونزا العصافير بي هنا
Quote: نعمل مقايضة
ادينا اسبوع من حاجات السودان الحلوة .. ( وركزي لي على معتصم دفع الله )
وبنشوف ليك 66 يوم من الحاجات الحلوة جدا في البورد .. |
ما بتنقع المقايضة بدون معتصم لاني ما لاقيتو؟؟خلاص خليها أسبوع من حاجات السودان الحلوة مقابل 64 يوم من الحاجات الحلوة جداً في البورد
وخلي بالك
جرابي من حاجات السودان الحلوة مليان جد جد
وتسلم أخي الحبيب تمبس
| |
|
|
|
|
|
|
|
|
 Re: المختصر المفيد..فيما حدث في البورد من حاجات حلوة في 33 يوماً بالتحديد (Re: lana mahdi)
|
الحبيبة لنا
بعد حمدللاك بالسلامة
اقوليك
دا
| Quote: محمد العمدة "السعودية"الذي اكمل ربع دينه |
خبر بمليون يورو.. يفسر سر الغياب الحمدلله غيابا فوق راي
الف مبروك يا محمد,,
بعداك
انا رجعت لما رايته من محبة من اعضاء هذا البورد حين مرضي
حيث اتصل بي وارسل لي وكتب لي عشرات من كل الوان الطيف.. فكسرو عيني و جبروقلبي
وتاني
دكتور ابو شوك انضم الى البورد
وتاني الناس كلها بقت اثنين اثنين..
اعراس بالجملة..
نسيت اقوليك مشتاغون
| |
|
|
|
|
|
|
|
|
 Re: المختصر المفيد..فيما حدث في البورد من حاجات حلوة في 33 يوماً بالتحديد (Re: lana mahdi)
|
Quote: لنا..
معليش ..سؤال..أو ..استشارة..
(33 يوم )..قاعدة تلحقي تحومي (البكيات)..؟؟
و لا ما شايلة المادة دي؟؟!
أعفي لي عشان جايبة ليك السؤال ده في عز الأخبار الحلوة!!
(وجه شايل الهم من إجازة شهر بعد 4 سنين غياب)! |
سناء يا حبيبة
البكيات دي المادة الرئيسية في منهج الإجازة
بالله تأملي المشاوير دي و بالمناسبة دي مشاوير يوم واحد :
المؤسسة/كوبر/الكدرو/الدروشاب/الرياض/الشجرة/الحماداب الخرطوم/ود نوباوي"عدد 2 منزل"/العرضة/الثورة ال13
غير البكيات خارج الخرطوم
ولاحظي انا كنت في السودان قبل سنة و نص و يعقوب قبل سنيتين و نص
أما أنت يا ذات الأربعة أعوام غياب
فأنصحك بالسكنى داخل سيارة
| |
|
|
|
|
|
|
|
|
 Re: المختصر المفيد..فيما حدث في البورد من حاجات حلوة في 33 يوماً بالتحديد (Re: lana mahdi)
|
لنوية الحبيبة..
(أسمحي لي أقول ليك لنوية..عشان حبيب و حبيبة الإنتي بتقوليهم ديل..بيملو الدنيا دفء..و بيخلوك
قريبة لأي زول)
..
أولاً أشكرك كتير على فرحتك معاي بأخوي..
إن شاء الله تفرحوا انت و يعقوب بأولادكم و أخوانكم..
..
لكن في موضوع الإجازة ما طمنتيني..!!
| Quote: المؤسسة/كوبر/الكدرو/الدروشاب/الرياض/الشجرة/الحماداب الخرطوم/ود نوباوي"عدد 2 منزل"/العرضة/الثورة ال13 |
| Quote: دي مشاوير يوم واحد |
!!!!!!!!!
كان نفسي تقولي لي إنك ما شايلة المادة دي..
لأني ناوية أتمرد على العادة الغياظة دي..
و ما عايزة أكون براي..!!
المشكلة إنو ما فيها أي فايدة لأي زول..!
يعني أهل المرحومين بيكونوا زمان سكتوا ..و نسوا حزنهم..أجي أنا أقلب ليهم المواجع..!!
و أنا المسكينة..
ما بأكون شفت أهلي و لا اتونست معاهم..لأني معدياها جري..
و بعد ده..
لازم أخلي زول زعلان عشان ما قدرت أصله...!!
لنا..رأيك شنو أفتح للموضوع..
و أستثمر التذاكر سياحة في هاواي؟
| |
|
|
|
|
|
|
|
|
 Re: المختصر المفيد..فيما حدث في البورد من حاجات حلوة في 33 يوماً بالتحديد (Re: نهال كرار)
|
لنويه الحبيبه مشتاقين شديد وفقدتك كثير كمان
لم اجدك فى البورد خلال الايام الماضيه رغم انى كنت غايبه من البورد لثلاثه اسابيع او اكثر
اجمل خبر عندى انى حجيت يالنويه تصدقى? والله العظيم حجيت 
شفتى ربنا ده كريم وعظيم كيف ولا يرد يد من يدعو له بصدق واخلاص???
عايزه منك زغروده طويله يا لنا وما بقبل بأقل منها كفايه انك ماكنتى هنا لتشارككينى الفرحه بتحقيق حلم حياتى
الف مبروك للأخوان ود العمده ومهدى وان شاء الله بيت مال وعيال
محبتى دوما وتحياتى لكل المتواجدين هنا
وفى امان الله
لا اله الا الله
| |
|
|
|
|
|
|
|
|
|
Re: المختصر المفيد..فيما حدث في البورد من حاجات حلوة في 33 يوماً بالتحديد (Re: Kostawi)
|
بت مهدى
حمدالله على السلامة وعودا حميدا ...
انت عارفة فى غيابكم لقيت مافى طريقة غير العب (فردة باك )
ودى كمان خانة مامتعود عليها غايتو لى اسى يمكن جابو
فينا قريب خمسة اقوان ..لكن خلاص بعد جيتك والعمدة الواحد
ممكن يقعد فى كنبة الاحتياط (بمزاااج ) وهاك ياتنظير وماينبغى
ان يكون ...
ياعمر ادريس
سلام ليك ..والله الجبة لبسها مكلف جدا ..أها اهلها البعرفو
ليها جو شدو حيلكم بس ...
ودى لكم
| |
|
|
|
|
|
|
|
|
|
Re: المختصر المفيد..فيما حدث في البورد من حاجات حلوة في 33 يوماً بالتحديد (Re: محمد عبدالرحمن)
|
Quote: بت مهدى
حمدالله على السلامة وعودا حميدا ...
انت عارفة فى غيابكم لقيت مافى طريقة غير العب (فردة باك )
ودى كمان خانة مامتعود عليها غايتو لى اسى يمكن جابو
فينا قريب خمسة اقوان ..لكن خلاص بعد جيتك والعمدة الواحد |
لنا ما تشوفى للزول دا كان بت حلال كانت نص نص ..
قروشو كملها هدايا للعرسان والسمايات بقى يخجل منها ..
وما عايزين ندخل فى الغريق ..
ما يدعيه من شروط
هى شرايط ..
| |
|
|
|
|
|
|
| |
lana mahdi
ابو جهينة
Abureesh
Hussein Mallasi
الخير محمد عوض
tmbis
عبداللطيف خليل محمد على
عبدالرحمن الحلاوي
bayan
انعام عبد الحفيظ
معتصم الطاهر
Waly Eldin Elfakey
بلدى يا حبوب
Mohamed Abdelgaleel
bint_alahfad
عمر ادريس محمد
Tragie Mustafa
القلب النابض
Sakotaweya
صلاح الدين عبدالله محمد
خدر
Tumadir
طارق جبريل
حسين يوسف احمد
Kostawi
محمد عبدالرحمن
الملك
سيد محمد احمد سيدنا
Mahadi
فيس بوك
تويتر
انستقرام
يوتيوب
بنتيريست