كتب الكاتب الفاتح جبرا المتوفرة بمعرض الدوحة
|
Re: بالنسبة للاغانى ... شعراء و نظامين (Re: Amira Hussien)
|
ازيك يا اميره
معاهم كمان ناس الحلنقى و محمد يوسف موسى و ابراهيم الرشيد و التجانى حاج موسى
مع احترامنا ليهم و لمساهماتهم الكتيرة و غزيرة
وعبد المنعم عبد الحى عنده كمان مشكلة اكبر،و اعظم وهى
محاولة سودنة بعض الاغنيات المصرية، بمعنى تغيير بعض الكلمات فقط
ممكن زول بقول لى ده اتهام خطير و كبير فى حق الشاعر المشهور
لكن انا قبل فترة و هنا فى سودانيزاونلاين كتبت و وثقت الموضوع ده ب امثلة و ادلة واثباتات و الموضوع موجود فى الموقع
كل ديل نظامين فقط و بعرفو ينظمو و يصنعو الشعر
لكن ما شعراء
| |
|
|
|
|
|
|
Re: بالنسبة للاغانى ... شعراء و نظامين (Re: Amira Hussien)
|
سلام ابو ذر و عيد سعيد توفيق صالح جبريل ... كسلا الحسين الحسن ... حبيبة قلبى عبد العزيز جمال ... لو تصدق سعد الدين ابراهيم .. العزيزة سهام السر ... بخاف عبد العال السيد ... زهرة السوسن و غيرهم كتير ياخى دى اشعار تقول للشعر انت شنو
| |
|
|
|
|
|
|
Re: بالنسبة للاغانى ... شعراء و نظامين (Re: جلالدونا)
|
ازيك يا جلال
العيد مبارك و سعيد و بعيد عليك
تهنئة سومبهار
هههه
قصدك بخاف بتاعة عركى ؟ شاعرها حسن السر
سهام منو ؟
ههههه
ناس اغنية واحدة او اغنيتين ديل غالبا بكونو ما مهتمين بالشعر الغنائي
زى شيخنا مصطفى سند
| |
|
|
|
|
|
|
Re: بالنسبة للاغانى ... شعراء و نظامين (Re: Osman Musa)
|
حبيبنا عوسمان الفنان الطعمان
ديل فعلا شعراء جد جد والله
بس مقلين خالص فى الشعر الغنائي
صديق مدثر ده ما اظن زول يكون سمع ليه شى غير ضنين الوعد
اما حميد ف ده عالم تانى
كنت ناوى اعمل شعراء اغنية الطمبور فى كاتيقورى منفصل براهو لأنهم بمثلو كون هائل من الشعر السمح نبداهم حتى من حسونة مرورا ب حسن الدابى و خضر محمود و نور الهدى كنة و ابراهيم ابنعوف لغايةمحمد سعيد دفع الله و خاله السر عثمان
| |
|
|
|
|
|
|
Re: بالنسبة للاغانى ... شعراء و نظامين (Re: أبوذر بابكر)
|
انا غايتو بشوف شعراء اليسار هم اجمل من كتب وقصائدهم الاتغنت هي الاكثر ابداعا رغم التفوق الكمي الكاسح للشعراء العاطفيين .ناس الحلنقي وبازرعة وعوض احمد خليفة والرائع صاحب السهل االممتنع عبدالرحمن الريح واالكثيرين .
وما بحب اغلب شعر الحقيبة ، يلا واحد ود حلال يلحقني نعلاتي
| |
|
|
|
|
|
|
Re: بالنسبة للاغانى ... شعراء و نظامين (Re: أبوذر بابكر)
|
عان يا اب ذر . جيتك تاني كنت كل ما الغربة تحر علينا اقوم ادور ليك كلام الراحل المقيم علي عبدالقيوم ساعة يقول : في قصيدة بسيماتك بشم ريحة الجروف مغسولة بي وهج القناديل . والله يا اب ذر مع السرحة مع تصوير عبدالقيوم انا كنت جد بشم ديك الريحة . وصف يطوي المسافة البين القرير و مانهاتن . وريحة الجروف تبقالك منك فركة كعب . زولك يا اب ذر شاعر صعب صعب . و وردي عارف و ربك عارف وانت عارف .
| |
|
|
|
|
|
|
|