بالنسبة للاغانى ... شعراء و نظامين

08:57 PM June, 09 2018 سودانيز اون لاين
أبوذر بابكر-
مكتبتى
رابط مختصر

بدون ترتيب تمييزى
ما عدا ابو صلاح

صالح عبد السيد أبو صلاح
عمر محمد عمر البنا
خليل فرح بدرى
مصطفى بطران
عبيد عبد الرحمن
سيد عبد العزيز
محمد البشير عتيق
محمد على الامى
أحمد عبد المطلب حدباى

عبد الرحمن الريح

==========

اسماعيل حسن
حسين بازرعة
محمد عوض الكريم القرشى
عوض أحمد خليفة
ع. ا. الدوش
صديق مدثر
محجوب سراج
محمد عثمان كجراى
ادريس جماع
هاشم صديق
سيف الدسوقى
ابو قطاطى
الجيلى محمد صالح
التجانى سعيد
قاسم ابوزيد
حسن السر
ازهرى محمد على
محمد طه القدال
يحي فضل الله

ديل الشعراء

وغيرهم نظامين

مع تفاوت الناظمية

الناظمية دى صفة منجورة مقابل الشاعرية

سقط نسيا

إسم واحد من اجمل شعراء الأغنيات الحقيقيين

كامل عبد الماجد

كل من لم يرد اسمه فى قائمة الشعراء المذكورين، مهما ذاع صيته و انتشر اسمه وكثر انتاجه، فهو ناظم

يجيد النظم و صنع القوافى وصناعة القصائد

ولكن بلا روح وبلا خلق شعرى ابداعى حقيقى

أبوذر سلامات
اظنك نسيت ود الرضي .
تحياتي

تحياتى يا احمد

لا و الله ما نسيت شيخنا محمد ود الرضى

وإبراهيم العبادى كمان

وحسن عوض ابو العلا و ألجاغريو واحمد ابراهيم الطاش عبد المنعم عبد الحى

ازيك يا اميره

معاهم كمان ناس الحلنقى و محمد يوسف موسى و ابراهيم الرشيد و التجانى حاج موسى

مع احترامنا ليهم و لمساهماتهم الكتيرة و غزيرة

وعبد المنعم عبد الحى عنده كمان مشكلة اكبر،و اعظم وهى

محاولة سودنة بعض الاغنيات المصرية، بمعنى تغيير بعض الكلمات فقط

ممكن زول بقول لى ده اتهام خطير و كبير فى حق الشاعر المشهور

لكن انا قبل فترة و هنا فى سودانيزاونلاين كتبت و وثقت الموضوع ده ب امثلة و ادلة واثباتات و الموضوع موجود فى الموقع

كل ديل نظامين فقط و بعرفو ينظمو و يصنعو الشعر

لكن ما شعراء

اهلًا وسهلا أباذر اتفق معاك جدا طبعا فى شعراء رغم انها قصيدتهم تكون مكتملة مماجميعو لكن مافيها روح ولاحس مرصوصة بس
ممكن ترفع البوست القديم مشكور

سلام ابو ذر و عيد سعيد
توفيق صالح جبريل ... كسلا
الحسين الحسن ... حبيبة قلبى
عبد العزيز جمال ... لو تصدق
سعد الدين ابراهيم .. العزيزة
سهام السر ... بخاف
عبد العال السيد ... زهرة السوسن
و غيرهم كتير
ياخى دى اشعار تقول للشعر انت شنو

حميد ..محمد سالم ياخ
و الشريف محجوب ياخى .. و كمان ده اشعر من الشريف الرضى ذات نفسو ياخى

سلام يا أباذر

ياخ المساح دمع البكى وكجراي وعثمان خالد ومحمد يوسف موسى وجيلي عبدالرحمن وأبو أمنة حامد الخ

الشعراء اكتر من الفنانين

ازيك يا حمد

المساح شاعر والله، بس مقل جدا

يكفى انه عمل غصن الرياض المايد

ازيك يا جلال

العيد مبارك و سعيد و بعيد عليك

تهنئة سومبهار

هههه

قصدك بخاف بتاعة عركى ؟
شاعرها حسن السر

سهام منو ؟

ههههه

ناس اغنية واحدة او اغنيتين ديل غالبا بكونو ما مهتمين بالشعر الغنائي

زى شيخنا مصطفى سند

كيف الحال يا اميره

بإذن الله افتش ليك الموضوع فى الارشيف هنا

ومن الشعراء المبدعين المقلين

الصلاحين الاتنين

صلاح احمد محمد صالح
نابك ايه فى هواه
و
مات الهوى

ومعاهو اخو فاطنة

صلاح احمد ابراهيم

الطير المهاجر

عزيزنا الشاعر اب ذر سلامات وينو اسم عزيزنا الشاعر علي عبدالقيوم وعزيزنا صديق مدثر والشاعر الغخيم النجم السفير حردلو و وينو حامل الاختام النجم محمد الحسن سالم حميد . و ابوقطاطي . و وين القايد علي المساح .
..
يا اب ذر الناس ديل لو ما كتبتهم ح نكلم ليك بشقارنكوف يقطع منكم
الارسال لمشاهدة المشاهدات لكاس العالم .

حبيبنا عوسمان الفنان الطعمان

ديل فعلا شعراء جد جد والله

بس مقلين خالص فى الشعر الغنائي

صديق مدثر ده ما اظن زول يكون سمع ليه شى غير ضنين الوعد

اما حميد ف ده عالم تانى

كنت ناوى اعمل شعراء اغنية الطمبور فى كاتيقورى منفصل براهو
لأنهم بمثلو كون هائل من الشعر السمح
نبداهم حتى من حسونة مرورا ب حسن الدابى و خضر محمود و نور الهدى كنة و ابراهيم ابنعوف لغايةمحمد سعيد دفع الله و خاله السر عثمان

يا زول كان كلمت شقارنكوف ولا ود ابنعوف

انا ماش المونديال عند الموسكوفاب عدييييل بى رقبتى

عازمانى شارابوفا
ههههههههه

انا غايتو بشوف شعراء اليسار هم اجمل من كتب وقصائدهم الاتغنت هي الاكثر ابداعا رغم التفوق الكمي الكاسح للشعراء العاطفيين .ناس الحلنقي وبازرعة وعوض احمد خليفة والرائع صاحب السهل االممتنع عبدالرحمن الريح واالكثيرين .

وما بحب اغلب شعر الحقيبة ، يلا واحد ود حلال يلحقني نعلاتي

انا ذاتى يا عبد الله شايف كده

شعر اليسار حقيقى و مبدع سواء فى الأغانى او فى غيى الأغانى

عليك الله كان لقيت فرصه و وقت
اسمع او اقرا اغنيات ابو صلاح
وعبيد عبد الرحمن

اقرا وتامل و استمتع

وادعى لى

حبيبنا كدي في أول التبادي باصر لي الصادق الياس بعداك بتفاهم معاك في و احدين كتااار سقطوا حبا.

وين يا ابو السوس

يمين بالله وعلى الانطلاق

الصادق الياس الجريفاوى
اسمو اتلخبت واتشبك مع اسم ابو قطاطى

حصل كيف ده الله يعلم

زى البسوسة و السمبوسه

هههههههه

عان يا اب ذر . جيتك تاني
كنت كل ما الغربة تحر علينا اقوم ادور ليك كلام الراحل المقيم علي عبدالقيوم
ساعة يقول : في قصيدة بسيماتك
بشم ريحة الجروف مغسولة بي وهج القناديل .
والله يا اب ذر مع السرحة مع تصوير عبدالقيوم انا كنت جد بشم
ديك الريحة . وصف يطوي المسافة البين القرير و مانهاتن .
وريحة الجروف تبقالك منك فركة كعب .
زولك يا اب ذر شاعر صعب صعب . و وردي عارف و ربك عارف
وانت عارف .