طبعاً في ناس مسكتُن أُم فِريحانة ؤ قالوا، السغيّل دا خليهو يشتِت، لكن أنا بطلُب منكم مُدة عشرة يوم ألملِم حِويجاتي وشوّف باقي بوستاتي ؤ مداخلآتي المشتتة هنا وهناك الناس الديرين المواجبا أوآجِبُن باقي ما قصرتو معاي طول ما كنت بينكم. أها بعد أقضى بدوركم تدوني خاتِركُم ؤ لي قِدآم ...
05-04-2018, 11:33 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
يجوز يا بكوّر إن أردتَ أن تطلب منهم العفو والعافية، ويصح العنوان علي هيئته إن أردت أن تنسبهم للعفو والعافية وتجعلهم أهل لذلك . تحريك الشولة هنا بمثابة علآمات التعانق في تلآوة القرآن .
عِلَّ ما قلت لي، رايك شنو في إني مرَكّبِ مكنتك ؟...
05-05-2018, 10:04 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
برآحة ؤ بكل صرآحة أن أرجع للشارلستون 40 سم والشعر الخُنفُس . يأخي الجكس بِقى يجي فايت فينا زي الما حصل شي !، و اللحظة البشعر فيها إني جلكنت وابدأ إتحسس شعري لمان يلوحو لي بإبتسامة وأرد بأحسن منها وفجأة إكتشف إنها لشاب علي قارعة الطريق من الناحية الأُخرى . هسّع في داعي للتصريحات دي !، ما كان تشوف لي سؤال غير دا ...
05-05-2018, 10:47 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
انا بطلت التدخين ١٢ابريل ٢٠٠١ لحدت هسع خرمان؛ وكثيرا ما اتساءل ليه عملت كدا؟ شخصيا اقرا كل بوستاتك واستمتع بها ايما متعة النصيحة بتجاوز مداخلات جلالدونا؛ خليك قريب واكان علي الوهم داك خلاص قطرو صفر او كما قال الحضيف عبداللطيف وصحبه تحياتي لكل أهل الباوقة اللذيذ تفاحا؛ اضحكتني حكاية خنفس دفع الله ود الأصيل قلبتا فيها الهوبا وسلملم....
05-05-2018, 03:51 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
Quote: برآحة ؤ بكل صرآحة أن أرجع للشارلستون 40 سم والشعر الخُنفُس . يأخي الجكس بِقى يجي فايت فينا زي الما حصل شي !، و اللحظة البشعر فيها إني جلكنت وابدأ إتحسس شعري لمان يلوحو لي بإبتسامة وأرد بأحسن منها وفجأة إكتشف إنها لشاب علي قارعة الطريق من الناحية الأُخرى .
هنا تعريف بالكاتبة Pamela Druckerman is a contributing opinion writer and the author of the forthcoming “There Are No Grown-Ups: A Midlife Coming-of-Age Story,” from which this essay is excerpted.
05-05-2018, 05:47 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
باجلال ياخ انت حساس شديد كدة ليه هسع دا كلو عشان قتا بتجاوز مداخلات جلال نعم بتجاوزا انا حر ياخ وبعدين حرام عليك قال قطيعة واتساب شوف يا زول انا ما عندي وكت لأي قطيعة وما عندي اي واتساب لأي واحد عشان اقطع معاهو فيك بعدين انا لو عاوز اقطع ما بقطع فوقكك انت انت لا تشكل بالنسبة لي اي حاجة والمداخلة الاوردتها دي عشان شنو مثلا انا نصرتك وتكلمت بالحق عنك عشان الفحل وصل معاك مواصيل مبالغة في النبز وما خلالك طرف ترقد عليه انا ناشدته ان يسحب المداخلات المسيئة لك ودا موقف مبدئي ولكن فعلها الان الفحل لك او لغيرك لكتبت ذات المناشدة .............. وكوني بفط مداخلاتك هذا لايعني انك غير محترم ما زلت اراك محترما ان كنت ترى نفسك غير ذلك فدا امر يعود لك،
............... عاوزك تركز وتثبت انا قطعت فيك بالواتساب مع منو وكيف وتجيب القطيعة ول تعتذر افهمت!!! ...........
05-05-2018, 09:42 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: يا مدير لكن بتمشي ساي كدا لا بكى لا نخجي قلبكم قاسي خلاس
هي نآن يا حمد انا لي هسّع زول عشمني ؤ قال لي أقعُد بالغلت مافي بتدورني إتنخج فوق الفارغة !، غايتو وكِت ابقى علي المرقة بعصِر علي رِويحتي باقي فراقكم صعيّب الحيّل ...
05-06-2018, 06:26 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
فايت مروح وين لسع الزمن بدري خليك شوية عشان سلمت ليك أمري . الحلنقي مع التاج مكي . ******************** تشكري يا أمتثال على المطايبة على قول الغائب الكبير ( كبر )
يا ود المدير
حكاية قديمة قريبنا في الشمالية كان موظف حكومة وهو زول مسكين مع شوية دروشة جاته نقلية للخرطوم كلم بها كل أهل البلد . لمن حددوا له تاريخ السفر يوم أحد .أمه نصحته قالت له أوعى تقول لزول سفري يوم الأحد مواعيد السفر دي تدسها عشان ما يردموا لك الطرود والمراسيل .أها بقى لافي في السوق يجهز في في أغراضه .أي واحد يلاقيه يسألوا أها السفر متين ياطه . يقول لهم يوم الأحد لكن داسو . طه السفر متين .الاحد لكن داسو .. وشغال الأحد لكن داسو . يوم السبت بالليل الحاجة تفاجأت بالحوش اتملا طرود منقة لفلان وتمر لعلانة وحلومر وبقنية وطلح .أمه دا شنو يا طه أت قتلهم سفرك يوم الأحد؟ .أيوا لكن قتلم داسو . الله يخربك يا الطيرة .هههههههههههههههههههه
يوم أربعة خمسة لو أضفنا ليه ١٠ يوم نخت الواحد ونطلع بالطلطاشر ببقى ١٥ وهو أول أيام الشهر الذي يصفد فيه الجماعة هل الكلام ده من قبيل الصدفة هل ولا ما هل
05-06-2018, 10:48 AM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
جلالدونا يابتاع القوالات منتظرك تجي تثبت كلامك الفوق بتاع قطيعة الواتساب او تكون عندك الشجاعة وتعترف بكذبك أوعك تعمل رايح كما فعلت مع الدكتور امير منظرك كان بايخ اوي؛
حكمة اليوم: عالم دمها تخين!!!
05-06-2018, 11:19 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: سلام معاوية المدير و ضيوفك الكرام العفو سمح خاسة قبل رمضان . العفو و العافية، علا ماف داعي لقطع الوش . ،،،،،،،،،،،،،،،، ممكن أضيف زول في بوست الرش ؟ 🙆
نعمات !، إنت أكِنّك لي هسّع ما مشيتي ضِفتِ الزول !؟، وحات ربي الختيتِيها رقدت، غايتو لوّم السيّح والريّح . كِدي هسّع خلّي العفو ؤ قطع الوِش وأمشي من دربِك دا ضيفي الزول ؤ رُشيهو ما تخليلُو صفحة يرقُد عليها حتي بعد دآك تجي تِتفاصحي بي جاي . يهوووووون الله !، يا قول حبوبتي ...
05-06-2018, 11:48 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
==================== حبيبنا ود المدير .. لغتك العامية فيها بلاغة وتوشيح مثل عبارة (( غايتو لوّم السيّح والريّح .)) صدقني لم افهمها .. وكمان من مواطني العالم الأول شرح مفرداتك برجع للحبيب قرشي زميل العمل .. كلامك زي شعر البطانة وأنا أدخل بوستاتك وأختبر مقدراتي في العامية
اسمع يا زول انت احتجيت على كوني بفطك ولا اقرا مداخلاتك البايخة واقتبست مداخلة لي أدافع عنك وهذا امر مبدئي كون الفحل مسح بيك الارض انا كإنسان كريم لا اقبل ان يكتب في حق اي زميل كما كتب الفحل طلبت من الفحل ان يسمح المداخلات فهي خطا فادح في حق زميل دا براهو ودا براهو قمتا انت قارنت بين هذه المداخلة المحتفظ بيها ما عارف ليه وكتابي الأخير كوني بتجاوز مداخلاتك نعم بتجاوزا أصلا ما عندي وكت ولا مود لسفاسف الامور وكتابتك المدورة المملة وقتا سبحان الله مغير الأحوال وهكذا تعمل قطيعة الواتساب تصدق انا عمري ما قطعت في زميل في الواتساب او غيره ولو في المستقبل عملتها لن تكون انت الشخص المقصود كونك مسيكين ساكت انت اقل من افتح محادثة مع اي شخص بخصوصك ليه ما عاوز تفهم!!! اها الحكاية واضحة ما تقعد تبطبط ساكت اثبت أني قطعتا فيك في الواتساب ومع منو وجيب القطيعة او اعتذر ياخ لا تكابر كما مسكوك بالثابتة قبل كدة من قبل الدكتور امير .............
05-06-2018, 05:56 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
ما شاء الله، جلال ؤ عبد المنعم رش تقيّل ؤ ضرب في الأُونكِل، عليكُن الله سخِنو الحكاية شوية خلونا نستمتع قبل رمضان يجي يطفيها . توقيت غلط ؤ زي الزفت ...
05-06-2018, 07:32 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
هوى ها اتكلّم بى ادب مفترى و كضاب قاعد تقرا اة كلمة بكتبا انا هنا و الدليل هوجتك دى قراية لى كتابة لى ثم لا انت لا الفحل لا غيرك يقدر يمسح بى الارض و لا زلت بقول ليك اتكلّم بى ادب عشان ارد عليك بى ادب داير تعمل فيها شفت و ترباية مصريين تلقانى جاهز تب بالمناسبة الفحل دليل رميو للناس بالباطل تحت ايدى السكوت عنّو كان لى ستر الحال فقط و هو لو راجل خلّيهو يطالب بالدليل ده بختّو ليهو زى السلام عليكم عشان نشوف مسح الارض ده
05-06-2018, 07:58 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
والله واضح انك انتا غبي وبليد جدا وواضح كمان انك بتاع قوالات وشمارات وقالوا اي زول بعمل حاجة بتوقعا انت بتاع نميمة في الواتساب وغيره وما قاعد اقرا ليك اي حاجة لأنك بايخ وبتتعصر على الناس وبتفرض نفسك وكتابك بايخ ودمك تقيل وانت حقير جدا لا تكابر اثبت قطيعة الواتساب او اعتذر تفاااا عليك يا وهم
05-06-2018, 08:27 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
الأخوة الأعزاء ، جلالدونا و عبد المنعم، يبدو ان بيناتكم سوء تفاهم بسيط أتمنى ان تحلو المشكلة بطريقة ودية و متحضرة لأن الغضب سيعقدها أكثر. مع خالص إحترامي لكما. ___________________________ يا ود المدير ، الشئ الوحيد العايز قطع هو هذا البوست.
05-07-2018, 06:46 AM
ابراهيم عبد الوهاب
ابراهيم عبد الوهاب
تاريخ التسجيل: 08-20-2015
مجموع المشاركات: 609
والله اکان شعرة معاوية ما عارف الهج أووضه ,,,, السطر دا يلزمو تشكيل إجباري عشان ما نقراهو علي حسب هوانا ,,, بعدين ما تحلف علي قريبي دا ,,, ياكا كبيرنا ,,, أنا ما شفتا لي زول ماشي ببكي ويجرس قدر دا ,,,,
05-09-2018, 04:03 PM
كمال طيفور
كمال طيفور
تاريخ التسجيل: 03-17-2017
مجموع المشاركات: 106
سلامات يا مدير لفت نظري احد الاصدقاء انك عملت بوست و عايز تغادر ....لو سالتني رغم قلة معرفتي بسودانيز اون لاين و دروبها ...خلي الباب متاقي ...
اهم من دا كله جاني لنك لبوست تدعو فيه لتكوين لرابطة عطبرة العالمية ...كان في استجابة و ردود موضوعية من المتداخلين...لو عندك طريقة المجهود داك يمشي و بعد داك ادمس الموقع اذا عايز تدمسو
ود المدير وانت لسع ما كونت رابطة عطبرة العالمية يا ود عطبرة...واذا لسع امسك في اقتراح كمال طيفور قوي وقوم بتسجيل الرابطة وسجل اسمي و ورينا شروط العضوية والاشتراك الشهري ..وبعدين ما تفكر تقفل الباب
05-10-2018, 00:25 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: المنبر دا جماله في تنوعه .... شخصيا اتابع كل بوستاتك واستمتع بلغتك ، اما لوكان علي السغيل داك تكون بالغت ، هو اصلا قطروا مصفر
عبد اللطيف يا حبيب . متعك الله بالصحة والعافية، والله يا عبد اللطيف لو إجتمع سغلا الجن والإنس علي ان أترك هذا المكان ما تركته والسغيل يروح يشوف شُغلو ...
05-10-2018, 02:41 AM
adil amin
adil amin
تاريخ التسجيل: 08-01-2002
مجموع المشاركات: 36828
Quote: عبد اللطيف ود المدير ما بهتم بكلام السغلا ، وبيعتبر كلامهم كلام ساكت،،، الا اذا جاهو السغيل الجد الجد..واظنك عارفه... ود المدير اذا قطع وشه من المنبر ترانا كلنا القاطعين وشنا....ونحن زيك بنستمتع بكتاباته زي ما بنستمتع بكتابات ود ابو سن وود الاصيل وحكاوي شاهين والدرديري وشعر كبار شعراء المنبر واخبار ابو الزهور وبوستات عواطف ادريس الروعة(ان شاء الله ترجع لينا بالسلامة للمنبر العام)، مع وافر التقدير والاحترام
إمتثال يا بنتنا، متّعك الله بالصحة والعافية . أهو نفر كلآمكم دا البخلينا متمسكين بالحوش دا، أما ما يخطه السغلآ فلآ يعدو كونه هباءً منثورا . أنا معكم وبِكم ولا أسوى شي من دونكم .
مع وآفر التقدير والإحترام ...
05-10-2018, 09:16 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: انا بطلت التدخين ١٢ابريل ٢٠٠١ لحدت هسع خرمان؛ وكثيرا ما اتساءل ليه عملت كدا؟ شخصيا اقرا كل بوستاتك واستمتع بها ايما متعة النصيحة بتجاوز مداخلات جلالدونا؛ خليك قريب واكان علي الوهم داك خلاص قطرو صفر او كما قال الحضيف عبداللطيف وصحبه تحياتي لكل أهل الباوقة اللذيذ تفاحا؛ اضحكتني حكاية خنفس دفع الله ود الأصيل قلبتا فيها الهوبا وسلملم....
منعم يا صديق، تقبّل عاطر التحايا من أهالي الباوقة اللذيذ تُفاحا وإن شئت حدثتك حديث يذيّب الجبال عن أهل وآوِسي وكيف كان إستقبالهم لنا في ظروف سيول 88، وما جلال إلا هو بضعة منهم . والله صحي ...
05-10-2018, 09:21 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
والله يا قريبي احبطني شديد فرحنا قلنا احسن كان تزاور الارحام في الشهر الفضيل ... اصلك بتاع مقالب ... يافرحة ما تمتش أو كما يقول اولاد بمة المسكو مننا ابو الزوز ... اوعي تتأخر ... : : : : : مع التحيات لله الزاكيات
05-11-2018, 02:44 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: شنو يا زول ؟ المقعد ك شنو ؟ ما قالوليكن التمر حمر و جاب أم رأس داير ؟ . و المنقة يا جنا صفرت . والحالة الاقتصادية برضو صفرت . دحين اقطع وشك تعال .
وحات ربي يا عثمان إنت طايح فوقك بخت ود الكاسر، يا زوّل بس لا نسحرك في مساسقتك علي البلد، عِلآ يا عثمان أنا نويت تب عيد الضحية المرّة دي في البلد إن شاء الله . قالو لي يا قول ود الحوري، اليومين ديّل قالب دآبو ود لقاي ؤ فوقو الطير يسوي الوآي ...
05-11-2018, 02:56 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: الحكاية المتواترة الزول المشى حج وطبعا وقف من المريسة مدة طويلة. اها جاء يوم في بيت عرس والمرايس تقول ياليل. الراجل ماصبر دخل اصبعوا في واحد من الجرار وضاقها ثم خاطبها بلهجة سودانية فصحى: " انت لسه في حلاتك دي؟" اوع تبقى عليك يا ودخالي
ههههههههههههه،
وحات الله يا ود عَمتي أنا المريسة الهنا دي تب ما ببقى بلآها، لا تشوّف النفخ البنفُخ فيهو دا !...
05-12-2018, 07:42 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: يا ود المدير ياخي .. فايت مروح وين ؟ عاوز تضر بكري ولا شنو .. الكلكات التي تنشأ بسبب بوستاتك يقال إنها بتدخل آلاف الدولارات سنوياً الأنا بعرفهم بس كل يوم بيدخلوا المنبر عشان يشوفوا ود المدير بقول في شنو ما ساهلين دا غير الما بعرفهم وغير الحساد المتواجدين هنا البجوا يتاوقوا بس تحياتي
حيّاك الله يا عاصم . يأخي أتمنى أن أكون عند حُسن ظن الناس وإن شاء الله ما أخذل زول، أما كان لـ أب صلعة بقيّف حسادة عشان هو يخسر بس ...
05-12-2018, 07:55 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: حكاية قديمة قريبنا في الشمالية كان موظف حكومة وهو زول مسكين مع شوية دروشة جاته نقلية للخرطوم كلم بها كل أهل البلد . لمن حددوا له تاريخ السفر يوم أحد .أمه نصحته قالت له أوعى تقول لزول سفري يوم الأحد مواعيد السفر دي تدسها عشان ما يردموا لك الطرود والمراسيل .أها بقى لافي في السوق يجهز في في أغراضه .أي واحد يلاقيه يسألوا أها السفر متين ياطه . يقول لهم يوم الأحد لكن داسو . طه السفر متين .الاحد لكن داسو .. وشغال الأحد لكن داسو . يوم السبت بالليل الحاجة تفاجأت بالحوش اتملا طرود منقة لفلان وتمر لعلانة وحلومر وبقنية وطلح .أمه دا شنو يا طه أت قتلهم سفرك يوم الأحد؟ .أيوا لكن قتلم داسو . الله يخربك يا الطيرة .هههههههههههههههههههه
ههههههههههههههههههه، أها يا الدرديري أنا سفري في رمضان العلينا دا عِلآ دآسو نعمنّكُم ما بتريحو .
ذكرتني حامد ترا مِتِل زولكم دا، أدوهو قُفة تمر عشان يبيعا في السوق ؤ وصوهو قالولو، القفة دا أكان ما جابت 35 قرش لا تبيعا . أها إتلمو فوقو السبابة و اوّل وآحد قالو، نديك فيها 40 قرش . قال، لا . أها وآحد قالو، 45 قرش . قال، لا . أدوهو 50 قال، لا . وآحد قالو يا حامد بالخمسين دي بِيّع . حامد قالو، علي بالطلآق ما تجيب 35 قرش ما ابيعا ...
05-14-2018, 12:24 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: يوم أربعة خمسة لو أضفنا ليه ١٠ يوم نخت الواحد ونطلع بالطلطاشر ببقى ١٥ وهو أول أيام الشهر الذي يصفد فيه الجماعة هل الكلام ده من قبيل الصدفة هل ولا ما هل
ما هل، الكلآم مقصوّد ؤ خبرتو إنت يا الشديّد ؤ لضيّض، بس الشي مُو تصفيّد وقد يكون مشروع إعتكاف ؤ كِدا ...
05-14-2018, 12:45 PM
Sudany Agouz
Sudany Agouz
تاريخ التسجيل: 04-28-2002
مجموع المشاركات: 9014
عندما قرأت عنوان البوست قبل أسبوع تقريباً .. لم أستطع الرد الفورى .. وقلت .. لا .. القصة دى .. دايرليها قعدة خاصة .. أيه الحكاية ... !! .. صدقنى يا معاوية .. الواحد فينا .. هنا كأننا عايشين فى حلة واحدة .. ومش كده وبس .. كأننا عايشين فى بيوت ملتصقة ببعضها البعض .. الحيطة بالحيطة .. ولا تدرى مدى حزنى عندما أسمع .. بأن واحد فينا داير يترك بيته ويرحل .. أرجو .. أرجوك .. وأرجوك العدول عن هذا القرار .. بل أرجوك .. ألا يكون مثل هذا القرار أن يتكرر .. من فضلك .. من فضلك ..
ولهذا .. وددت أن أريد أوضح هذا الشعور المجسم فى الأغنية التالية .. للفنان المبدع .. محمد الأمين ..
من فضلك أريد ردك بالعدول عن هذا القرار المؤلم .. الرب يبارك حياتكم .. أخوكم وعمكم العجوز .. ارنست +++
05-15-2018, 08:34 AM
عمر دهب
عمر دهب
تاريخ التسجيل: 10-19-2014
مجموع المشاركات: 2010
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة