طبعاً في ناس مسكتُن أُم فِريحانة ؤ قالوا، السغيّل دا خليهو يشتِت، لكن أنا بطلُب منكم مُدة عشرة يوم ألملِم حِويجاتي وشوّف باقي بوستاتي ؤ مداخلآتي المشتتة هنا وهناك الناس الديرين المواجبا أوآجِبُن باقي ما قصرتو معاي طول ما كنت بينكم. أها بعد أقضى بدوركم تدوني خاتِركُم ؤ لي قِدآم ...
Post: #2 Title: Re: هوّي يا ناس العفُو والعافية، أنا قاطع وَش� Author: ABUHUSSEIN Date: 05-04-2018, 11:33 PM Parent: #1
قوم لف ... خلينا نرتاح من واوك ام همزة المرضتنا بيها دي ...
Post: #4 Title: Re: هوّي يا ناس العفُو والعافية، أنا قاطع وَش� Author: جلالدونا Date: 05-05-2018, 00:40 AM Parent: #3
شنو يا زول ... بقيت مستنير
Post: #5 Title: Re: هوّي يا ناس العفُو والعافية، أنا قاطع وَش� Author: أبوبكر عباس Date: 05-05-2018, 01:10 AM Parent: #4
أقترح وضع شولة بعد كلمة ناس في العنوان
Post: #6 Title: Re: هوّي يا ناس العفُو والعافية، أنا قاطع وَش� Author: حسن حماد محمد Date: 05-05-2018, 01:29 AM Parent: #1
يامدير بدورلك عشرة يوم تلملم عفشك
دحين ما عصرت علينا شوية
Post: #7 Title: Re: هوّي يا ناس العفُو والعافية، أنا قاطع وَش� Author: عبدالحفيظ ابوسن Date: 05-05-2018, 04:21 AM Parent: #6
عشرة الايام مابتصح تنساها البكان دة انا مسميهو
لابدورك ولا بحمل بلاك
او كما قال حار هو ولا حار فراقو
Post: #8 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-05-2018, 09:45 AM Parent: #7
Quote: قوم لف ... خلينا نرتاح من واوك ام همزة المرضتنا بيها دي ...
بالله اقفل معاك الباب
يلِفّك البخَت، أنا عارفك حا تكون مبسوط شديد يا سغيّل .
أبيّت تعالو اقِفلُو برآكُم ...
Post: #9 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-05-2018, 09:51 AM Parent: #8
Quote: شنو يا زول ... بقيت مستنير
عم بحاول يا زلما .
حا توحشوني ...
Post: #10 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-05-2018, 09:53 AM Parent: #9
فرصة آخيرة، إن كان لكم سؤال فسألوني قبل أن تفقدوني ...
Post: #11 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-05-2018, 10:00 AM Parent: #10
Quote: أقترح وضع شولة بعد كلمة ناس في العنوان
يجوز يا بكوّر إن أردتَ أن تطلب منهم العفو والعافية، ويصح العنوان علي هيئته إن أردت أن تنسبهم للعفو والعافية وتجعلهم أهل لذلك . تحريك الشولة هنا بمثابة علآمات التعانق في تلآوة القرآن .
عِلَّ ما قلت لي، رايك شنو في إني مرَكّبِ مكنتك ؟...
Post: #13 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-05-2018, 10:04 AM Parent: #11
Quote: يامدير بدورلك عشرة يوم تلملم عفشك دحين ما عصرت علينا شوية
والله أكان عشرة أكان شهرين بس اصبرو عليّ اللملِم حِويجاتي .
كوز نيويورك، أها ...
Post: #12 Title: Re: هوّي يا ناس العفُو والعافية، أنا قاطع وَش� Author: زهير عثمان حمد Date: 05-05-2018, 10:01 AM Parent: #10
معاوية المدير تحياتي أقعد في الحوش ماشي وين بالله ما تعمل مجنون أنا ذاتي صبري كمل خلاص بس الحل شنو ما تضعوا أيمان ورمضان نقوم نفطر كمان
Post: #14 Title: Re: هوّي يا ناس العفُو والعافية، أنا قاطع وَش� Author: معاوية الزبير Date: 05-05-2018, 10:07 AM Parent: #10
ما هي أمنيتك المفضلة؟
Post: #15 Title: Re: هوّي يا ناس العفُو والعافية، أنا قاطع وَش� Author: Kostawi Date: 05-05-2018, 10:19 AM Parent: #14
أدينا قروشنا قبال ما تمشي...إنت قايل الدنيا مهدية؟ نحن أولاد ترمب القال ليكم we make sudan great again
Post: #16 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-05-2018, 10:21 AM Parent: #14
Quote: عشرة الايام مابتصح تنساها البكان دة انا مسميهو لابدورك ولا بحمل بلاك او كما قال حار هو ولا حار فراقو
غايتو اكان جِيّت للنصيحة، البَكان دا مِتل آتكِنّك داير تخلي العرقي تقعُد تزوزي تزوزي تزوزي والفكرة حايصة في راسك والتنفيذ صعب خاسة لآمِن ضنب الكديس يِتغتا والكاروشة تبدأ .
عِلآ انا الدورة دي بخليهو، تشارط ...
Post: #17 Title: Re: هوّي يا ناس العفُو والعافية، أنا قاطع وَش� Author: حمد عبد الغفار عمر Date: 05-05-2018, 10:27 AM Parent: #16
يا مدير لكن بتمشي ساي كدا لا بكى لا نخجي قلبكم قاسي خلاس
Post: #18 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-05-2018, 10:27 AM Parent: #16
Quote: معاوية المدير تحياتي أقعد في الحوش ماشي وين بالله ما تعمل مجنون أنا ذاتي صبري كمل خلاص بس الحل شنو ما تضعوا أيمان ورمضان نقوم نفطر كمان
حيّاك الغمام يا ابو الزهرا . شايفك قبل كم يوم جابوك من خشُم باب الشارع، /
Post: #19 Title: Re: هوّي يا ناس العفُو والعافية، أنا قاطع وَش� Author: عبدالحفيظ ابوسن Date: 05-05-2018, 10:29 AM Parent: #16
شراط شنو يا زول اقعد ليهم في نفسهم ماشايف كوستاوي جاب ليك تهمة كمان وحات الله تمرق تبقا زي الدبيب الحارقو السم
Post: #20 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-05-2018, 10:44 AM Parent: #19
Quote: ما هي أمنيتك المفضلة؟
برآحة ؤ بكل صرآحة أن أرجع للشارلستون 40 سم والشعر الخُنفُس . يأخي الجكس بِقى يجي فايت فينا زي الما حصل شي !، و اللحظة البشعر فيها إني جلكنت وابدأ إتحسس شعري لمان يلوحو لي بإبتسامة وأرد بأحسن منها وفجأة إكتشف إنها لشاب علي قارعة الطريق من الناحية الأُخرى . هسّع في داعي للتصريحات دي !، ما كان تشوف لي سؤال غير دا ...
Post: #21 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-05-2018, 10:47 AM Parent: #20
عبد اللطيف ود المدير ما بهتم بكلام السغلا ، وبيعتبر كلامهم كلام ساكت،،، الا اذا جاهو السغيل الجد الجد..واظنك عارفه... ود المدير اذا قطع وشه من المنبر ترانا كلنا القاطعين وشنا....ونحن زيك بنستمتع بكتاباته زي ما بنستمتع بكتابات ود ابو سن وود الاصيل وحكاوي شاهين والدرديري وشعر كبار شعراء المنبر واخبار ابو الزهور وبوستات عواطف ادريس الروعة(ان شاء الله ترجع لينا بالسلامة للمنبر العام)، مع وافر التقدير والاحترام
Post: #26 Title: Re: هوّي يا ناس العفُو والعافية، أنا قاطع وَش� Author: عبدالمنعم الطيب حسن Date: 05-05-2018, 02:49 PM Parent: #24
انا بطلت التدخين ١٢ابريل ٢٠٠١ لحدت هسع خرمان؛ وكثيرا ما اتساءل ليه عملت كدا؟ شخصيا اقرا كل بوستاتك واستمتع بها ايما متعة النصيحة بتجاوز مداخلات جلالدونا؛ خليك قريب واكان علي الوهم داك خلاص قطرو صفر او كما قال الحضيف عبداللطيف وصحبه تحياتي لكل أهل الباوقة اللذيذ تفاحا؛ اضحكتني حكاية خنفس دفع الله ود الأصيل قلبتا فيها الهوبا وسلملم....
Post: #27 Title: Re: هوّي يا ناس العفُو والعافية، أنا قاطع وَش� Author: جلالدونا Date: 05-05-2018, 03:51 PM Parent: #26
سبحان الله مغير الاحوال من حال الى حال نميمة الواتساب تعمل اكتر من كده
Quote: برآحة ؤ بكل صرآحة أن أرجع للشارلستون 40 سم والشعر الخُنفُس . يأخي الجكس بِقى يجي فايت فينا زي الما حصل شي !، و اللحظة البشعر فيها إني جلكنت وابدأ إتحسس شعري لمان يلوحو لي بإبتسامة وأرد بأحسن منها وفجأة إكتشف إنها لشاب علي قارعة الطريق من الناحية الأُخرى .
هنا تعريف بالكاتبة Pamela Druckerman is a contributing opinion writer and the author of the forthcoming “There Are No Grown-Ups: A Midlife Coming-of-Age Story,” from which this essay is excerpted.
Post: #29 Title: Re: هوّي يا ناس العفُو والعافية، أنا قاطع وَش� Author: عبدالمنعم الطيب حسن Date: 05-05-2018, 05:47 PM Parent: #27
باجلال ياخ انت حساس شديد كدة ليه هسع دا كلو عشان قتا بتجاوز مداخلات جلال نعم بتجاوزا انا حر ياخ وبعدين حرام عليك قال قطيعة واتساب شوف يا زول انا ما عندي وكت لأي قطيعة وما عندي اي واتساب لأي واحد عشان اقطع معاهو فيك بعدين انا لو عاوز اقطع ما بقطع فوقكك انت انت لا تشكل بالنسبة لي اي حاجة والمداخلة الاوردتها دي عشان شنو مثلا انا نصرتك وتكلمت بالحق عنك عشان الفحل وصل معاك مواصيل مبالغة في النبز وما خلالك طرف ترقد عليه انا ناشدته ان يسحب المداخلات المسيئة لك ودا موقف مبدئي ولكن فعلها الان الفحل لك او لغيرك لكتبت ذات المناشدة .............. وكوني بفط مداخلاتك هذا لايعني انك غير محترم ما زلت اراك محترما ان كنت ترى نفسك غير ذلك فدا امر يعود لك،
............... عاوزك تركز وتثبت انا قطعت فيك بالواتساب مع منو وكيف وتجيب القطيعة ول تعتذر افهمت!!! ...........
Post: #32 Title: Re: هوّي يا ناس العفُو والعافية، أنا قاطع وَش� Author: اْسامة اْباّرو Date: 05-06-2018, 01:47 AM Parent: #30
كدى ركًز معانا شويًه فى اللًوًل كانت
Quote: جاي بعد 10 ساعات ...
عديًناها مخانقه أها هسًى
Quote: بجيكم بعد 11 ساعة إن شاء الله...
ورديًة Truck؟؟ أقرب موتيل فيهو Wi-Fi
Post: #33 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-06-2018, 05:56 AM Parent: #32
Quote: أدينا قروشنا قبال ما تمشي...إنت قايل الدنيا مهدية؟ نحن أولاد ترمب القال ليكم we make sudan great again
هههههههههههههه،
ياخ بقيتو مسلبطين خلاس !، حرّم ما تجيب هاشم الحسن هنا تعريفة ما تاخُدا، أنا مُش قُتلك عرفني بالزول دا . رئيسكم دا هرآط زي رئيس السودان ...
Post: #34 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-06-2018, 06:01 AM Parent: #33
Quote: يا مدير لكن بتمشي ساي كدا لا بكى لا نخجي قلبكم قاسي خلاس
هي نآن يا حمد انا لي هسّع زول عشمني ؤ قال لي أقعُد بالغلت مافي بتدورني إتنخج فوق الفارغة !، غايتو وكِت ابقى علي المرقة بعصِر علي رِويحتي باقي فراقكم صعيّب الحيّل ...
Post: #35 Title: Re: هوّي يا ناس العفُو والعافية، أنا قاطع وَش� Author: Osman Musa Date: 05-06-2018, 06:26 AM Parent: #34
شنو يا زول ؟ المقعد ك شنو ؟ ما قالوليكن التمر حمر و جاب أم رأس داير ؟ . و المنقة يا جنا صفرت . والحالة الاقتصادية برضو صفرت . دحين اقطع وشك تعال .
Post: #36 Title: Re: هوّي يا ناس العفُو والعافية، أنا قاطع وَش� Author: MOHAMMED ELSHEIKH Date: 05-06-2018, 06:35 AM Parent: #35
الحكاية المتواترة الزول المشى حج وطبعا وقف من المريسة مدة طويلة.
اها جاء يوم في بيت عرس والمرايس تقول ياليل.
الراجل ماصبر دخل اصبعوا في واحد من الجرار وضاقها ثم خاطبها بلهجة سودانية فصحى:
" انت لسه في حلاتك دي؟"
اوع تبقى عليك يا ودخالي
Post: #37 Title: Re: هوّي يا ناس العفُو والعافية، أنا قاطع وَش� Author: Asim Fageary Date: 05-06-2018, 06:48 AM Parent: #36
يا ود المدير
ياخي .. فايت مروح وين ؟
عاوز تضر بكري ولا شنو .. الكلكات التي تنشأ بسبب بوستاتك يقال إنها بتدخل آلاف الدولارات سنوياً
الأنا بعرفهم بس كل يوم بيدخلوا المنبر عشان يشوفوا ود المدير بقول في شنو ما ساهلين دا غير الما بعرفهم وغير الحساد المتواجدين هنا البجوا يتاوقوا بس
تحياتي
Post: #38 Title: Re: هوّي يا ناس العفُو والعافية، أنا قاطع وَش� Author: درديري كباشي Date: 05-06-2018, 07:29 AM Parent: #37
فايت مروح وين لسع الزمن بدري خليك شوية عشان سلمت ليك أمري . الحلنقي مع التاج مكي . ******************** تشكري يا أمتثال على المطايبة على قول الغائب الكبير ( كبر )
يا ود المدير
حكاية قديمة قريبنا في الشمالية كان موظف حكومة وهو زول مسكين مع شوية دروشة جاته نقلية للخرطوم كلم بها كل أهل البلد . لمن حددوا له تاريخ السفر يوم أحد .أمه نصحته قالت له أوعى تقول لزول سفري يوم الأحد مواعيد السفر دي تدسها عشان ما يردموا لك الطرود والمراسيل .أها بقى لافي في السوق يجهز في في أغراضه .أي واحد يلاقيه يسألوا أها السفر متين ياطه . يقول لهم يوم الأحد لكن داسو . طه السفر متين .الاحد لكن داسو .. وشغال الأحد لكن داسو . يوم السبت بالليل الحاجة تفاجأت بالحوش اتملا طرود منقة لفلان وتمر لعلانة وحلومر وبقنية وطلح .أمه دا شنو يا طه أت قتلهم سفرك يوم الأحد؟ .أيوا لكن قتلم داسو . الله يخربك يا الطيرة .هههههههههههههههههههه
Post: #39 Title: Re: هوّي يا ناس العفُو والعافية، أنا قاطع وَش� Author: muntasir Date: 05-06-2018, 07:51 AM Parent: #38
يوم أربعة خمسة لو أضفنا ليه ١٠ يوم نخت الواحد ونطلع بالطلطاشر ببقى ١٥ وهو أول أيام الشهر الذي يصفد فيه الجماعة هل الكلام ده من قبيل الصدفة هل ولا ما هل
Post: #40 Title: Re: هوّي يا ناس العفُو والعافية، أنا قاطع وَش� Author: عبدالمنعم الطيب حسن Date: 05-06-2018, 10:48 AM Parent: #39
جلالدونا يابتاع القوالات منتظرك تجي تثبت كلامك الفوق بتاع قطيعة الواتساب او تكون عندك الشجاعة وتعترف بكذبك أوعك تعمل رايح كما فعلت مع الدكتور امير منظرك كان بايخ اوي؛
حكمة اليوم: عالم دمها تخين!!!
Post: #41 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-06-2018, 11:19 AM Parent: #40
Quote: شراط شنو يا زول اقعد ليهم في نفسهم ماشايف كوستاوي جاب ليك تهمة كمان وحات الله تمرق تبقا زي الدبيب الحارقو السم
هههههههههههههه،
وحات الله حآرة يا حفيض، غايتو بعد أمرُق أكان في زوّل رماني بي تُهمة واللآ سوالو فوقي كلآمات إياني الماشي نآدِه جدي ود فلآتي التور العاتي ...
Post: #42 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-06-2018, 11:37 AM Parent: #41
Quote: سلام معاوية المدير و ضيوفك الكرام العفو سمح خاسة قبل رمضان . العفو و العافية، علا ماف داعي لقطع الوش . ،،،،،،،،،،،،،،،، ممكن أضيف زول في بوست الرش ؟ 🙆
نعمات !، إنت أكِنّك لي هسّع ما مشيتي ضِفتِ الزول !؟، وحات ربي الختيتِيها رقدت، غايتو لوّم السيّح والريّح . كِدي هسّع خلّي العفو ؤ قطع الوِش وأمشي من دربِك دا ضيفي الزول ؤ رُشيهو ما تخليلُو صفحة يرقُد عليها حتي بعد دآك تجي تِتفاصحي بي جاي . يهوووووون الله !، يا قول حبوبتي ...
Post: #43 Title: Re: هوّي يا ناس العفُو والعافية، أنا قاطع وَش� Author: جلالدونا Date: 05-06-2018, 11:48 AM Parent: #41
ده كلامى و بى حط كيبوردى
Quote: نميمة الواتساب تعمل اكتر من كده
وعشان نكون واقعيين تعال ورينى وجاهة اعتراضك على الكلام ده شنو و بى منطق لو سمحت بدل الطار البتدق فيهو ده
==================== حبيبنا ود المدير .. لغتك العامية فيها بلاغة وتوشيح مثل عبارة (( غايتو لوّم السيّح والريّح .)) صدقني لم افهمها .. وكمان من مواطني العالم الأول شرح مفرداتك برجع للحبيب قرشي زميل العمل .. كلامك زي شعر البطانة وأنا أدخل بوستاتك وأختبر مقدراتي في العامية
Post: #46 Title: Re: هوّي يا ناس العفُو والعافية، أنا قاطع وَش� Author: عبدالمنعم الطيب حسن Date: 05-06-2018, 01:07 PM Parent: #43
اسمع يا زول انت احتجيت على كوني بفطك ولا اقرا مداخلاتك البايخة واقتبست مداخلة لي أدافع عنك وهذا امر مبدئي كون الفحل مسح بيك الارض انا كإنسان كريم لا اقبل ان يكتب في حق اي زميل كما كتب الفحل طلبت من الفحل ان يسمح المداخلات فهي خطا فادح في حق زميل دا براهو ودا براهو قمتا انت قارنت بين هذه المداخلة المحتفظ بيها ما عارف ليه وكتابي الأخير كوني بتجاوز مداخلاتك نعم بتجاوزا أصلا ما عندي وكت ولا مود لسفاسف الامور وكتابتك المدورة المملة وقتا سبحان الله مغير الأحوال وهكذا تعمل قطيعة الواتساب تصدق انا عمري ما قطعت في زميل في الواتساب او غيره ولو في المستقبل عملتها لن تكون انت الشخص المقصود كونك مسيكين ساكت انت اقل من افتح محادثة مع اي شخص بخصوصك ليه ما عاوز تفهم!!! اها الحكاية واضحة ما تقعد تبطبط ساكت اثبت أني قطعتا فيك في الواتساب ومع منو وجيب القطيعة او اعتذر ياخ لا تكابر كما مسكوك بالثابتة قبل كدة من قبل الدكتور امير .............
ما شاء الله، جلال ؤ عبد المنعم رش تقيّل ؤ ضرب في الأُونكِل، عليكُن الله سخِنو الحكاية شوية خلونا نستمتع قبل رمضان يجي يطفيها . توقيت غلط ؤ زي الزفت ...
Post: #48 Title: Re: هوّي يا ناس العفُو والعافية، أنا قاطع وَش� Author: جلالدونا Date: 05-06-2018, 07:32 PM Parent: #47
هوى ها اتكلّم بى ادب مفترى و كضاب قاعد تقرا اة كلمة بكتبا انا هنا و الدليل هوجتك دى قراية لى كتابة لى ثم لا انت لا الفحل لا غيرك يقدر يمسح بى الارض و لا زلت بقول ليك اتكلّم بى ادب عشان ارد عليك بى ادب داير تعمل فيها شفت و ترباية مصريين تلقانى جاهز تب بالمناسبة الفحل دليل رميو للناس بالباطل تحت ايدى السكوت عنّو كان لى ستر الحال فقط و هو لو راجل خلّيهو يطالب بالدليل ده بختّو ليهو زى السلام عليكم عشان نشوف مسح الارض ده
Post: #49 Title: Re: هوّي يا ناس العفُو والعافية، أنا قاطع وَش� Author: عبدالمنعم الطيب حسن Date: 05-06-2018, 07:58 PM Parent: #48
والله واضح انك انتا غبي وبليد جدا وواضح كمان انك بتاع قوالات وشمارات وقالوا اي زول بعمل حاجة بتوقعا انت بتاع نميمة في الواتساب وغيره وما قاعد اقرا ليك اي حاجة لأنك بايخ وبتتعصر على الناس وبتفرض نفسك وكتابك بايخ ودمك تقيل وانت حقير جدا لا تكابر اثبت قطيعة الواتساب او اعتذر تفاااا عليك يا وهم
Post: #50 Title: Re: هوّي يا ناس العفُو والعافية، أنا قاطع وَش� Author: جلالدونا Date: 05-06-2018, 08:27 PM Parent: #49
تصدق انت اتفه من ان يرد عليك
Post: #51 Title: Re: هوّي يا ناس العفُو والعافية، أنا قاطع وَش� Author: عبدالمنعم الطيب حسن Date: 05-06-2018, 08:45 PM Parent: #50
يا سافل قدامك حلين اما تثبت فطيعة الواتساب او تعتذر خليك شجاع مرة في حياتك تب عليك يا مريض
Post: #52 Title: Re: هوّي يا ناس العفُو والعافية، أنا قاطع وَش� Author: عبدالحفيظ ابوسن Date: 05-07-2018, 03:54 AM Parent: #51
آمنتو بي الله حفلة الوداع بقت دواس الدرب خش الشوك
Post: #53 Title: Re: هوّي يا ناس العفُو والعافية، أنا قاطع وَش� Author: نعمات عماد Date: 05-07-2018, 04:11 AM Parent: #52
سلام عليكم
الأخوة الأعزاء ، جلالدونا و عبد المنعم، يبدو ان بيناتكم سوء تفاهم بسيط أتمنى ان تحلو المشكلة بطريقة ودية و متحضرة لأن الغضب سيعقدها أكثر. مع خالص إحترامي لكما. ___________________________ يا ود المدير ، الشئ الوحيد العايز قطع هو هذا البوست.
Post: #54 Title: Re: هوّي يا ناس العفُو والعافية، أنا قاطع وَش� Author: ابراهيم عبد الوهاب Date: 05-07-2018, 06:46 AM Parent: #1
انتوا الحديث بتاع (تصفيت) ربط الشواطين في رمضان دا حديث صحيح ولا ضعيف
Post: #55 Title: Re: هوّي يا ناس العفُو والعافية، أنا قاطع وَش� Author: ابراهيم عبد الوهاب Date: 05-07-2018, 06:50 AM Parent: #1
تصدق انت اتفه من ان يرد عليك
روق واهدا ياخي ما خليت ليك زول ما شاكلتو ما بتتعب اتا نحنا تعبنا من مشاكلك دي اصووووو ما ممكن
Post: #56 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-07-2018, 09:19 AM Parent: #55
الأحباب جلال وعبد المنعم، تعلمان مودتي لكما عليهِ فأرجو منكما التصافي ولا أقول عدم التداخُل، يا هِيما إنت كمان أقعُد ساكت هي ...
Post: #57 Title: Re: هوّي يا ناس العفُو والعافية، أنا قاطع وَش� Author: Asim Fageary Date: 05-07-2018, 09:28 AM Parent: #56
انتوا الحديث بتاع (تصفيت) ربط الشواطين في رمضان دا حديث صحيح ولا ضعيف
غايتو يا إبراهيم كان سألتني أنا .. بقول ليك دا حديث موضوع
والدليل أظنك عارفو !
Post: #58 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-07-2018, 09:37 AM Parent: #57
هي (تصفيد) الشياطين وليس (تصفيت) يا هِيما . الخِلاف والشقاق في رمضان وغير رمضان ما حبابو ...
Post: #59 Title: Re: هوّي يا ناس العفُو والعافية، أنا قاطع وَش� Author: ابراهيم عبد الوهاب Date: 05-07-2018, 11:39 AM Parent: #58
كلامك صاح (تصفيد) طبعا ما حبابو والله
Post: #60 Title: Re: هوّي يا ناس العفُو والعافية، أنا قاطع وَش� Author: ابراهيم عبد الوهاب Date: 05-07-2018, 11:49 AM Parent: #57
غايتو يا إبراهيم كان سألتني أنا .. بقول ليك دا حديث موضوع والدليل أظنك عارفو !
هههههههههه اي بكون موضوع وموضوع شديد كمان اضحكتني ، اضحك الله سنك شكرا يا عاصم
Post: #61 Title: Re: هوّي يا ناس العفُو والعافية، أنا قاطع وَش� Author: عمر عثمان عبد الوهاب Date: 05-07-2018, 12:20 PM Parent: #60
Quote:
حفلة الوداع بقت دواس الدرب خش الشوك
من يومو كوج في حله وترحاله
Post: #62 Title: Re: هوّي يا ناس العفُو والعافية، أنا قاطع وَش� Author: أحمد الشايقي Date: 05-07-2018, 12:35 PM Parent: #61
أخونا العزيز
سودانيز أون لاين دي أرض محررة
ومع ذلك الفشلـة ما مخلينها لينا
والعكاز مــدور
تمشي وين تخلي الشكلة دي ؟؟؟
Post: #63 Title: Re: هوّي يا ناس العفُو والعافية، أنا قاطع وَش� Author: MOHAMMED ELSHEIKH Date: 05-07-2018, 12:38 PM Parent: #61
العبد الوهابات اتخلبتن علي
Post: #64 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-09-2018, 11:52 AM Parent: #63
Quote: ماذا تعرف عن شعرة معاوية ؟.
الصادق يا صديق يا صادق .
يا سلآم علي الإيحاء الجميل، فشعرة معاوية هنا منهجي وديدني، لكن رغم ذلك فسأخذها وصية من زول سمح بالحيّل مِتلك .
يأخ ألف شكراً لك ...
Post: #65 Title: Re: هوّي يا ناس العفُو والعافية، أنا قاطع وَش� Author: Osman Awoda Date: 05-09-2018, 01:22 PM Parent: #1
معاوية وين لقی الشعر والله اکان شعرة معاوية ما عارف
Post: #66 Title: Re: هوّي يا ناس العفُو والعافية، أنا قاطع وَش� Author: Salah Zubeir Date: 05-09-2018, 01:34 PM Parent: #65
والله اکان شعرة معاوية ما عارف الهج أووضه ,,,, السطر دا يلزمو تشكيل إجباري عشان ما نقراهو علي حسب هوانا ,,, بعدين ما تحلف علي قريبي دا ,,, ياكا كبيرنا ,,, أنا ما شفتا لي زول ماشي ببكي ويجرس قدر دا ,,,,
Post: #67 Title: Re: هوّي يا ناس العفُو والعافية، أنا قاطع وَش� Author: كمال طيفور Date: 05-09-2018, 04:03 PM Parent: #66
رابطة عطبرة العالمية
سلامات يا مدير لفت نظري احد الاصدقاء انك عملت بوست و عايز تغادر ....لو سالتني رغم قلة معرفتي بسودانيز اون لاين و دروبها ...خلي الباب متاقي ...
اهم من دا كله جاني لنك لبوست تدعو فيه لتكوين لرابطة عطبرة العالمية ...كان في استجابة و ردود موضوعية من المتداخلين...لو عندك طريقة المجهود داك يمشي و بعد داك ادمس الموقع اذا عايز تدمسو
ود المدير وانت لسع ما كونت رابطة عطبرة العالمية يا ود عطبرة...واذا لسع امسك في اقتراح كمال طيفور قوي وقوم بتسجيل الرابطة وسجل اسمي و ورينا شروط العضوية والاشتراك الشهري ..وبعدين ما تفكر تقفل الباب
Post: #69 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-10-2018, 00:25 AM Parent: #68
Quote: المنبر دا جماله في تنوعه .... شخصيا اتابع كل بوستاتك واستمتع بلغتك ، اما لوكان علي السغيل داك تكون بالغت ، هو اصلا قطروا مصفر
عبد اللطيف يا حبيب . متعك الله بالصحة والعافية، والله يا عبد اللطيف لو إجتمع سغلا الجن والإنس علي ان أترك هذا المكان ما تركته والسغيل يروح يشوف شُغلو ...
Post: #70 Title: Re: هوّي يا ناس العفُو والعافية، أنا قاطع وَش� Author: adil amin Date: 05-10-2018, 02:41 AM Parent: #1
انت لسه ما مشيت يا عتود بالله اطفي معاك النور
Post: #71 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-10-2018, 09:09 AM Parent: #70
Quote: عبد اللطيف ود المدير ما بهتم بكلام السغلا ، وبيعتبر كلامهم كلام ساكت،،، الا اذا جاهو السغيل الجد الجد..واظنك عارفه... ود المدير اذا قطع وشه من المنبر ترانا كلنا القاطعين وشنا....ونحن زيك بنستمتع بكتاباته زي ما بنستمتع بكتابات ود ابو سن وود الاصيل وحكاوي شاهين والدرديري وشعر كبار شعراء المنبر واخبار ابو الزهور وبوستات عواطف ادريس الروعة(ان شاء الله ترجع لينا بالسلامة للمنبر العام)، مع وافر التقدير والاحترام
إمتثال يا بنتنا، متّعك الله بالصحة والعافية . أهو نفر كلآمكم دا البخلينا متمسكين بالحوش دا، أما ما يخطه السغلآ فلآ يعدو كونه هباءً منثورا . أنا معكم وبِكم ولا أسوى شي من دونكم .
مع وآفر التقدير والإحترام ...
Post: #72 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-10-2018, 09:16 AM Parent: #71
Quote: انا بطلت التدخين ١٢ابريل ٢٠٠١ لحدت هسع خرمان؛ وكثيرا ما اتساءل ليه عملت كدا؟ شخصيا اقرا كل بوستاتك واستمتع بها ايما متعة النصيحة بتجاوز مداخلات جلالدونا؛ خليك قريب واكان علي الوهم داك خلاص قطرو صفر او كما قال الحضيف عبداللطيف وصحبه تحياتي لكل أهل الباوقة اللذيذ تفاحا؛ اضحكتني حكاية خنفس دفع الله ود الأصيل قلبتا فيها الهوبا وسلملم....
منعم يا صديق، تقبّل عاطر التحايا من أهالي الباوقة اللذيذ تُفاحا وإن شئت حدثتك حديث يذيّب الجبال عن أهل وآوِسي وكيف كان إستقبالهم لنا في ظروف سيول 88، وما جلال إلا هو بضعة منهم . والله صحي ...
Post: #73 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-10-2018, 09:21 AM Parent: #72
Quote: طاير وين الله لا شكرك
هههههههههههههه،
يا الجميعابي قالو في نصيّبة بيقُوُلُولآ الفيس بُوك قلت أخفِس أجربا كان تنفع معاي ...
Post: #74 Title: Re: هوّي يا ناس العفُو والعافية، أنا قاطع وَش� Author: محمد حمزة الحسين Date: 05-10-2018, 01:31 PM Parent: #73
Quote: الظاهر عليَّ حا أأجِل قطع الوش .
والله يا قريبي احبطني شديد فرحنا قلنا احسن كان تزاور الارحام في الشهر الفضيل ... اصلك بتاع مقالب ... يافرحة ما تمتش أو كما يقول اولاد بمة المسكو مننا ابو الزوز ... اوعي تتأخر ... : : : : : مع التحيات لله الزاكيات
Post: #75 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-11-2018, 02:44 AM Parent: #74
Post: #76 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-11-2018, 02:50 AM Parent: #75
Quote: شنو يا زول ؟ المقعد ك شنو ؟ ما قالوليكن التمر حمر و جاب أم رأس داير ؟ . و المنقة يا جنا صفرت . والحالة الاقتصادية برضو صفرت . دحين اقطع وشك تعال .
وحات ربي يا عثمان إنت طايح فوقك بخت ود الكاسر، يا زوّل بس لا نسحرك في مساسقتك علي البلد، عِلآ يا عثمان أنا نويت تب عيد الضحية المرّة دي في البلد إن شاء الله . قالو لي يا قول ود الحوري، اليومين ديّل قالب دآبو ود لقاي ؤ فوقو الطير يسوي الوآي ...
Post: #77 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-11-2018, 02:56 AM Parent: #76
Quote: الحكاية المتواترة الزول المشى حج وطبعا وقف من المريسة مدة طويلة. اها جاء يوم في بيت عرس والمرايس تقول ياليل. الراجل ماصبر دخل اصبعوا في واحد من الجرار وضاقها ثم خاطبها بلهجة سودانية فصحى: " انت لسه في حلاتك دي؟" اوع تبقى عليك يا ودخالي
ههههههههههههه،
وحات الله يا ود عَمتي أنا المريسة الهنا دي تب ما ببقى بلآها، لا تشوّف النفخ البنفُخ فيهو دا !...
Post: #78 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-12-2018, 07:42 AM Parent: #77
Quote: يا ود المدير ياخي .. فايت مروح وين ؟ عاوز تضر بكري ولا شنو .. الكلكات التي تنشأ بسبب بوستاتك يقال إنها بتدخل آلاف الدولارات سنوياً الأنا بعرفهم بس كل يوم بيدخلوا المنبر عشان يشوفوا ود المدير بقول في شنو ما ساهلين دا غير الما بعرفهم وغير الحساد المتواجدين هنا البجوا يتاوقوا بس تحياتي
حيّاك الله يا عاصم . يأخي أتمنى أن أكون عند حُسن ظن الناس وإن شاء الله ما أخذل زول، أما كان لـ أب صلعة بقيّف حسادة عشان هو يخسر بس ...
Post: #79 Title: Re: هوّي يا ناس العفُو والعافية، أنا قاطع وَش� Author: معاوية المدير Date: 05-12-2018, 07:55 AM Parent: #78
Quote: حكاية قديمة قريبنا في الشمالية كان موظف حكومة وهو زول مسكين مع شوية دروشة جاته نقلية للخرطوم كلم بها كل أهل البلد . لمن حددوا له تاريخ السفر يوم أحد .أمه نصحته قالت له أوعى تقول لزول سفري يوم الأحد مواعيد السفر دي تدسها عشان ما يردموا لك الطرود والمراسيل .أها بقى لافي في السوق يجهز في في أغراضه .أي واحد يلاقيه يسألوا أها السفر متين ياطه . يقول لهم يوم الأحد لكن داسو . طه السفر متين .الاحد لكن داسو .. وشغال الأحد لكن داسو . يوم السبت بالليل الحاجة تفاجأت بالحوش اتملا طرود منقة لفلان وتمر لعلانة وحلومر وبقنية وطلح .أمه دا شنو يا طه أت قتلهم سفرك يوم الأحد؟ .أيوا لكن قتلم داسو . الله يخربك يا الطيرة .هههههههههههههههههههه
ههههههههههههههههههه، أها يا الدرديري أنا سفري في رمضان العلينا دا عِلآ دآسو نعمنّكُم ما بتريحو .
ذكرتني حامد ترا مِتِل زولكم دا، أدوهو قُفة تمر عشان يبيعا في السوق ؤ وصوهو قالولو، القفة دا أكان ما جابت 35 قرش لا تبيعا . أها إتلمو فوقو السبابة و اوّل وآحد قالو، نديك فيها 40 قرش . قال، لا . أها وآحد قالو، 45 قرش . قال، لا . أدوهو 50 قال، لا . وآحد قالو يا حامد بالخمسين دي بِيّع . حامد قالو، علي بالطلآق ما تجيب 35 قرش ما ابيعا ...
Quote: يوم أربعة خمسة لو أضفنا ليه ١٠ يوم نخت الواحد ونطلع بالطلطاشر ببقى ١٥ وهو أول أيام الشهر الذي يصفد فيه الجماعة هل الكلام ده من قبيل الصدفة هل ولا ما هل
ما هل، الكلآم مقصوّد ؤ خبرتو إنت يا الشديّد ؤ لضيّض، بس الشي مُو تصفيّد وقد يكون مشروع إعتكاف ؤ كِدا ...
عندما قرأت عنوان البوست قبل أسبوع تقريباً .. لم أستطع الرد الفورى .. وقلت .. لا .. القصة دى .. دايرليها قعدة خاصة .. أيه الحكاية ... !! .. صدقنى يا معاوية .. الواحد فينا .. هنا كأننا عايشين فى حلة واحدة .. ومش كده وبس .. كأننا عايشين فى بيوت ملتصقة ببعضها البعض .. الحيطة بالحيطة .. ولا تدرى مدى حزنى عندما أسمع .. بأن واحد فينا داير يترك بيته ويرحل .. أرجو .. أرجوك .. وأرجوك العدول عن هذا القرار .. بل أرجوك .. ألا يكون مثل هذا القرار أن يتكرر .. من فضلك .. من فضلك ..
ولهذا .. وددت أن أريد أوضح هذا الشعور المجسم فى الأغنية التالية .. للفنان المبدع .. محمد الأمين ..
من فضلك أريد ردك بالعدول عن هذا القرار المؤلم .. الرب يبارك حياتكم .. أخوكم وعمكم العجوز .. ارنست +++
Post: #82 Title: Re: هوّي يا ناس العفُو والعافية، أنا قاطع وَش� Author: عمر دهب Date: 05-15-2018, 08:34 AM Parent: #81
Re: هوّي يا ناس العفُو والعافية، أنا قاطع وَش� (Re: معاوية المدير) بالله شوف حلاه كلام الجميعابى دا تفوته كيف طاير وين الله لا شكرك
