مشروع السودان200 وجدول الأعمال مع نظرة تقييمية شاملة حول المشروع كتابة وتسجيلات صوتية!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-11-2018, 06:00 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
13-02-2018, 04:52 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


مشروع السودان200 وجدول الأعمال مع نظرة تقييمية شاملة حول المشروع كتابة وتسجيلات صوتية!

    تعارف أشمل: ما السودان200، من نحن، ماذا نريد، كيف نحقق هدفنا ومتى ؟:

    السودان200 .. مشروع توثيق السودان في 200 سنة، كتابة وتوثيق السودان المعاصر 1821-2021

    في خلال تلات سنوات من الان اي في سنة 2021 سيصبح عمر السودان المعاصر 200 سنة.. نحن نعمل تضامنياً إلى إنجاز المشروع في هذا المدى الزمني لنقدمه هدية للسودان في عيد ميلاده ال200 وهدية لشعبنا وللأجيال المقبلة.

    السودان200 هو مشروع الوعي العلمي بالذات الجماعية لشعبنا والبيئة المحيطة الخاصة بنا. نتعرف علينا ونعرف العالم بنا.. نسجل و ننقل مساهمة حضارية تضاف للتجربة البشرية.

    كلنا نستطيع أن نعمل في المشروع.. جميع الأيادي الخيرة والعقول المخلصة عندها فرصة مؤكدة للتعاون والعمل.

    السودان200 حركة أمل وعمل ومحفل
    للتلاقي الموجب، خطة عمل مصممة لتناسب جميع المستويات الأكاديمية الممكنة ومرسومة ضد الخسارة وضد الفرز وضد الإقصاء وضد الإحتكار.

    السودان200 سيمفونية للأمل في مستقبل وطني وإجتماعي أفضل سيمفونية نستطيع ان نعزفها معاً محتفلين بشعورنا المشترك وحلمنا المشترك وعملنا المشترك.

    السودان200 مشروع سوداني وطني، مدني، طوعي غير رسمي/غير حكومي غير حزبي غير سياسي غير آيديولوجي يتأسس وينفذ تضامنياً عبر جهود ذاتية سودانية مخلصة.

    وهذا نداء عام لتضافر الجهود المخلصة!.

    ما المشروع؟:
    توثيق الماضي وفهم الحاضر وتخطيط المستقبل.

    من نحن؟
    شباب من السودان من مختلف الجهات والتوجهات والأعراق والثقافات، ناس عاديين ولو اننا نعلم اننا نعمل في مشروع غير عادي من حيث الخطة والطموح.. مشروع مفتوح للجميع.. ونحن المبادرون نعمل ما نستطيع في سبيل انجاز المشروع وفي ذات الوقت نبحث عن أصحاب المشروع غير العاديين وعندنا ثقة أننا سنجدهم يوما ما!.

    ماذا نريد "ما هو هدفنا الأسمى"؟:

    خلق صورة جديدة مشرقة للسودان في الواقع والاذهان.

    كيف نحقق هدفنا: عبر تضامن الجهود المدنية الشعبية المخلصة.

    متى؟: سبتمبر 2021

    مبادئنا في السودان200: الاحترام المشترك، لا تمييز على اي اساس كان، لا عنصرية او جهوية، لا إقصاء لا احتكار.. مشروعنا مدني شعبي لا سياسي لا أيديولوجي غير حزبي غير حكومي.. نعمل بجد وصبر ومثابرة في روح الفريق.. ولا تكليف فوق طاقة اي زول ولا مهمة من المفترض تتعارض مع عمل او حياة العاملين الخاصة .. أنت تعمل بقدر ما تستطيع افضل ما يكون وبقدر إيمانك كفرد حر وصاحب حلم مشترك.. والأهم المقدرة على المبادرة والصبر والمثابرة.. وعدم الانتظار تحديدا عدم انتظار الجماعة او الاخرين انت تعمل ولو جميع الناس تراجعت .. انت تعمل كفرد وظف نفسه في خدمة هدف نبيل.. هذا المشروع عاطفة ووجدان مثلما هو عقل وخطة مرسومة.. تلك هي المبادىء!.

    لمزيد من المعلومات حول السودان200 راجع لطفاً بعض وثائق المشروع الأساسية.. هنا أدناه:

    السودان200 في ملف شامل (وثيقة كتابية إضافة إلى تسجيلات صوتية ومرفق في الختام إستمارة العضوية لمن أقتنع فعلياً بالمباديء.

    الوثيقة الكتابية
    هذا الملف الاكثر شمولا من الوثائق السابقة يبدأ بمحاور ومناشط عمل مشروع السودان200 .. 27 محوراً للعمل تغطي مجمل عناصر الحياة في الماضي والحاضر .. ويوجد في الختام سرد لاهداف ومبررات المشروع ومبادىء العمل والعاملين كما هناك ملاحظات هامة وتسجيلات صوتية متعلقة.. ( نستطيع لطفا أن نشارك هذا الفايل مع الاقارب والأهل والأصدقاء والزملاء ومع جميع من قد يهتم بغرض تحقيق اكبر إنتشار ممكن للفكرة وعبر كل الوسائل السايبرية والاعلامية الممكنة وتقديم المشروع وشرحه للناس فمشروعنا مدني شعبي يعتمد على جهدنا الذاتي غير سياسي غير ايديولوجي غير حزبي غير حكومي).

    تمهيد:
    السودان200 .. مشروع توثيق السودان في 200 سنة، كتابة وتوثيق السودان المعاصر 1821-2021

    في خلال تلات سنوات من الان اي في سنة 2021 ح يصبح عمر السودان المعاصر 200 سنة.. نحن نعمل تضامنيا إلى إنجاز المشروع في هذا المدى الزمني لنقدمه هدية للسودان في عيد ميلاده ال200 وهدية لشعبنا وللأجيال المقبلة.

    السودان200 هو مشروع الوعي العلمي بالذات الجماعية لشعبنا والبيئة المحيطة الخاصة بنا. نتعرف علينا ونعرف العالم بنا.. نسجل و ننقل مساهمة حضارية تضاف للتجربة البشرية.

    كلنا نستطيع أن نعمل في المشروع.. جميع الأيادي الخيرة والعقول المخلصة عندها فرصة مؤكدة للتعاون والعمل.

    السودان200 حركة أمل وعمل ومحفل
    للتلاقي الموجب، خطة عمل مصممة لتناسب جميع المستويات الأكاديمية الممكنة ومرسومة ضد الخسارة وضد الفرز وضد الإقصاء وضد الإحتكار.

    السودان200 سيمفونية للأمل في مستقبل وطني وإجتماعي أفضل سيمفونية نستطيع ان نعزفها معاً محتفلين بشعورنا المشترك وحلمنا المشترك وعملنا المشترك.

    السودان200 مشروع سوداني وطني، مدني، طوعي غير رسمي/غير حكومي غير حزبي غير سياسي غير آيديولوجي يتأسس وينفذ تضامنياً عبر جهود ذاتية سودانية مخلصة.

    وهذا نداء عام لتضافر الجهود المخلصة!.

    محاور ومناشط عمل مشروع السودان200 .. كالتالي:

    1- المحور الإجتماعي
    كتابة وتوثيق المرويات الشعبية الشفاهية وتحقيق المكتوب منها (قصص البطولات و الحروب والمعارك والثارات والثورات والهجرات والكوارث البشرية والطبيعية).
    كتابة وتوثيق الأحاجي والأساطير والغلوطيات والحكم الشعبية وما شابهه.
    كتابة وتوثيق الأكلات والمشروبات الشعبية والبلدية والحديثة
    وتحديد مكوناتها الغذائية وفوائدها الطبية والصحية والعكس وكتابة وتوثيق الألعاب الشعبية ووسائل التسلية المشابهة (للرياضة الحديثة محور منفصل) وأي ثيمات أخرى متعلقة بالاجتماعي.

    2- المحور الإقتصادي
    كتابة وتوثيق الإرث الشفاهي للحرف والمهن (مثال الصيد والرعي والزراعة والتجارة والصناعة) وكتابة وتوثيق السوق ورأس المال وتداخلات الاقليم والعالم مع السودان

    3- المحور السياسي
    كتابة وتوثيق كل المراحل السياسية المختلفة التي مر بها السودان في ال 200 سنة الاخيرة. بدءاً بالعام 1821
    ونعني هنا كتابة وتوثيق الإرث الشفاهي وتحقيقه بطريقة علمية إحترافية.. وفحص المكتوب ومقارنته بالإرث الشفاهي.

    4- محور الآيديولوجيات والرؤى السياسية والحزبية في 200 سنة (هناك تصور مكتوب).

    5- محور الدبلوماسية والعلاقات الخارجية في 200 سنة

    6- محور الأنماط العسكرية والأمنية في 200 سنة
    كتابة وتوثيق تاريخ البنيات العسكرية والأجهزة الأمنية والحركات المسلحة في السودان منذ العام 1821 (السودان الحديث) وحتى إنشاء الكلية الحربية عام 1905 في السودان وما بعدها والحروب والإنقلابات والأنظمة والعقائد العسكرية والأمنية المتبعة والعقليات والشخصيات المؤثرة في تاريخ تلك المؤسسات ومكامن قوتها وضعفها في 200 سنة

    7- محور العقائد والمعتقدات
    كتابة وتوثيق الإرث الشفاهي للتصوف والمسايد والكنيسة والكجور إلخ وجمع وتحقيق المكتوب.

    8- المحور الجغرافي
    صناعة أطلس شامل لكل قرى ومدن ومعالم السودان مع نبذه قصيرة لكل قرية ومدينة ومعلم من المعالم. وتحديد الموقع ومميزاته إن وجدت وتاريخ نشأته ولو تقريبياً. (هناك تصور مكتوب)

    9- محور البيئية/الطبيعة والحياة البرية والمائية
    كتابة وتوثيق الاحوال الطبيعية والمناخية والبيئية والحياة البرية والمائية التي مر ويمر بها السودان في الماضي والراهن.

    10- المحور الديمغرافي (السكان عبر القرون)
    كتابة وتوثيق تاريخ سكان السودان عبر كل الأوقات الممكنة وحتى تاريخ التركيبة السكانية الراهنة. ويشمل هذا المحور التفتيش الآثاري والخارطة الجينية (يوجد تصور مكتوب لهذا المحور).

    11- المحور المدني
    ويشمل توثيق وكتابة وتحليل البنيات الإجتماعية الطبيعية كالأسر الممتدة والعشائر والقبائل والأعراق إضافة إلى بنيات الغيب (مثال الطوائف والطرق الصوفية وغيرها) كما البنيات الحديثة كالنقابات والنوادي والإتحادات والمنظمات الطوعية والخيرية والحقوقية ومنظمات المرأة إلخ.

    12- محور السياحة في 200 سنة .. السياحة بمعناها الاصطلاحي وكمنشط اقتصادي.. ويشمل ذلك إنشاء متحف لحضارات السودان (يوجد تصور مفصل لهذا المتحف المقترح).

    13- محور آنثروبولوجيا السودان في 200 سنة
    ويشمل العقليات والسايكلوجيات الإجتماعية واللغويات والعادات والتقاليد والأعراف والمثل والقيم الإجتماعية والتحولات التي جرت وتجري في الفضاء الإجتماعي وفي مخيال الناس في 200 سنة.

    14- محور حقوق الإنسان الشعبية والتراثية والمعاصرة في السودان

    15 - محور الأزياء والأحذية و"الإكسسوارات" والعطور ومواد التجميل إلخ في التاريخ والراهن!.

    16- محور الاسرة النووية والعلائق الاجتماعية والنزعات والمشاعر الإنسانية وممارسة الجسد .. وعقد مقارنات بين المراحل التاريخية المختلفة مبنية على المعلومات المتحقق منها بالقدر الممكن.

    17- المحور الأدبي والفني والاعلامي
    كتابة وتوثيق تاريخ الآداب والفنون كالشعر والغناء مع تأطير البنيات الداخلية والأوزان الشعرية والألحان والإيقاعات والقصة والرواية والأهازيج والترانيم الشعبية وإلخ. ويشمل هذا المحور مقترح بإنشاء فضائية ثقافية مستقلة غير رسمية غير حزبية لا سياسية (يوجد تصور مكتوب لهذا المحور).

    18- محور لغات وألسن السودان

    19- المحور العلمي والأكاديمي
    كتابة وتوثيق العلوم كما الأكاديميا في السودان ويشمل ذلك تاريخ الخلاوي ورياض الأطفال والمدارس والجامعات ودور البحث العلمي وما إلى ذلك.

    20- محور الطب الحديث والصحة العامة والعلاج الشعبي

    21 - محور القانون والقضاء والشرائع في السودان200

    22- المحور الرياضي
    ويهتم اكثر بأنواع الرياضات الحديثة والوافدة وتاريخ الرياضة والأندية الرياضية وما إلى ذلك وتوثيق أعمال وإنجازات وخسارات الأندية والشخصيات الرياضية كما المدربين والعقليات التي سادت وتسود في الوسط الرياضي (للألعاب الشعبية وتاريخها محور منفصل).

    23- محور الأعياد الوطنية والإحتفاليات العامة الدورية الرسمية والمدنية/الشعبية (ماهيتها، طبيعتها، خلفياتها ومناسباتها في 200 سنة)

    24- محور البناء والتشييد والمعمار في 200 سنة (كل ما يتعلق بماهية وطبيعة البناء/العمارة وفنها في االمكان والتطورات التي حدثت في الزمان 200 سنة)

    25- محور البريد والبرق والاتصالات في 200 سنة

    26- محور النقل البري والبحري والجوي والطرق و الكباري في 200 سنة

    27- ثيمات أخرى بدورها مهمة لتكملة الشمول:
    أ- محور صور السودان القديمة والمواد المسجلة والمصورة
    ب- محور جمع التحف والمواد الطبيعية أو الصناعية المميزة أو أي شيء ملموس له قيمة تاريخية أو إبداعية أو جمالية
    ج- محور توثيق الذات "السير الذاتية بكل اشكالها وصورها ومعانيها" كتاريخ الأسر أو الجماعات أو الطوائف وإلخ.
    د. محور خاص بتأسيس أطلس السودان الشامل وقناة فضائية ثقافية مستقلة غير سياسية ومتحف حضارات السودان (توجد تصورات وخطط مكتوبة لهذه الأعمال المقترحة).

    توضيحات وملاحظات عملية ونذهب إلى الأمام:
    1-هذا العمل قابل للنقاش والتطوير والتكميل.
    2-مناشط العمل تتضمن جمع المعلومات والتوثيق عبر الكتابة/التسجيل/التصوير/"الفيلمنق" والتحقيق والتحليل والتقييم إلخ (الطباعة والنشر تكون مهمة المؤسسة بشكل مباشر) كما المساهمات اللوجستية والمالية.
    3- العمل يتم بشكل فردي أو جماعي ولكن في كل الاحوال في إطار الخطة الكلية وبالتنسيق مع الجهاز الإداري لمشروع السودان200
    4- هناك البعض منا بدأ العمل بالفعل إستجابة للنداءات الأولى التي وصلتهم
    5- هناك لجان تمهيدية مهمتها الجوهرية التمهيد لأرضية العمل (رابطة طوعية ومفتوحة العضوية).
    6- وأخيراً هناك أعمال تجري بالفعل في تسعة من المحاور المقترحة نشتغل عليها منذ عدة اشهر في محاور مثل سكان السودان وآنثروبولجيا السودان ومتحف حضارات السودان والقناة الفضائية الثقافية. هذا طبعاً لا يعني أننا نستطيع أن ننجز هذه الأعمال التي نشتغل عليها وحدنا كمبادرين.. فقط نخبركم مقدماً بما بما يجري في الواقع.
    7- الحقوق القانونية والأدبية لأي عمل في إطار المشروع تكون لصاحبها الذي أنتجها وكلنا في النهاية نرسم لوحة السودان200 معاً ونضع إمضائنا عليها جميعا.

    وتلك هي القضية الكبيرة التي نظنها تحتاج العزائم والهمم الكبيرة والترفع عن الصغائر.

    لنعمل منذ الآن ما قنعنا وآمنا بالفكرة "كلنا نستطيع، اي زول قدر قدرته" وما لجان هذا المشروع إلا مجرد آليات لتنسيق الجهود من أجل توثيق السودان في 200 سنة (السودان الحديث).

    وكل منا حر في "الدومين" الذي يعمل فيه في كتابة وتوثيق السودان200 أي نعمل كلنا بحرية ووفق خياراتنا الذاتية كلما أمكن. فقط ننسق جهودنا عشان ما يحصل دبل شغل وعشان تبادل المراجع والمعلومات وترتيب الأوليات وتلك هي المبررات التي تدعونا للحديث عن مؤسسة للعمل ونعمل لذلك بجدية تامة.. وكله يحدث في نفس الوقت وبالتوازي دون توقف او انتظار او اعذار!.

    الأمر كل يوم يتضح أكثر واي مساعدة من اي نوع مطلوبة ومثمنة مقدماً.. افعل بلا تردد ما دام لديك القناعة.. هذا العمل يحتاج الشعور به والإنتماء إليه.. وأظن هذا حال كل المشاريع الطموحة التي تشبه الثورات العظيمة التي تغير وجه التاريخ برغم بساطتها الظاهرية وعدم منطقيتها احياناً.. ربما الثورات كلها رومانسية وكذا الثوار وإلا لما عرفنا عزائم جبارة وتضحيات سخية.. نقول هذا الكلام الطموح عله يجلب لنا الإرادة الخلاقة!.

    مشروع ربما طموح جدا لكنه ممكن التحقق عبر الصبر والعزيمة والمثابرة!.. مشروع عملي ويتقصد الإجابة على الأسئلة الحرجة التي ربما تعنينا كلنا كسودانيين او/و مهتمين بالقضية العامة الثقافية والسياسية والحضارية في السودان.

    نحن هنا من اجل حلم كبير يحتاج صبرا كبيرا وتعاونا حرا وغير هياب يقوم على تلمس الرؤية والمصلحة المشتركتين: "كتابة وتوثيق السودان في 200 سنة، السودان الحديث/المعاصر) الوعي به، بالذات الجمعية، في سبيل تشكل كتلة وطنية تاريخية كهدف عملي .. كتلة تاريخية تجعل من فعلها الناجز اضافة موجبة للحضارة الإنسانية!.

    النظرة الأكاديمية العامة تقر أن تاريخ السودان الحديث يبدأ بالعام 1821م عام توحيد السودان عسكرياً تحت بداية الحملة التركية العثمانية ممثلة في أسرة محمد علي باشا حكام مصر الخديوية/التركية.. هنا لا نتحدث عن السودانات القديمة أو ذلك شأن آخر ينظر إليه في سياقه ووفق المعطيات التاريخية المتاحة والمستقبلية بل يهدف المشروع في الأساس إلى توثيق السودان الحديث. وإن توحد السودان عبر القوة المادية نستطيع أن نوحده ولو معنوياً عبر الوعي بالذات. والمعنى العملي للوعي بالذات يعني معرفة المصلحة المشتركة والتحديات المشتركة وماذا يجمع شعوب السودان وماذا يفرقها والبناء على ذلك. تلك من أهم أهداف هذا العمل.

    مشروع توثيق السودان في 200 سنة، كتابة وتوثيق السودان المعاصر (1821-2021 )

    مشروع السودان200 ذو هدف "مركب" يتمثل في جمع وتوثيق إرث الحاضر وتراث الماضي المعنوي والمادي لشعوب السودان وبصورة شاملة عبر الكتابة والتسجيل والتصوير وال"فيلمنق" والتصميم والطباعة والنشر والترجمة وكل الوسائل والوسائط التي من شأنها تأطير الإرث والتراث وتوصيله لنا ولسوانا. كما هناك محاور عملية مصاحبة كمتحف مجسمات حضارات السودان وأطلس السودان والمسح الجيني لسكان السودان وتأسيس راديو وقناة فضائية ثقافية مستقلة كجزء من المشروع الكلي.

    جمع الإرث والتراث هدف وغاية ولكنه أيضاً نتيجة في ذات الأوان ستؤدي إلى الوعي العلمي بالذات الجماعية. الوعي العلمي بالذات هدف وغاية ولكنه ايضأ نتيجة نسعى بها إلى الهدف الأسمى وهو مجتمع "سعيد" مسالم ومنسجم في أصله ومتصالح مع ذاته وفي حالة عيش سلمي مشترك بين مكوناته المختلفة. كما عند تلك اللحظة نستطيع أن نعرف ذاتنا بالعالم من حولنا بصورة أفضل ونسجل وننقل تجربة حضارية جديدة تضاف إلى تجارب الإنسانية الثرة. تلك هي أهداف المشروع!.

    الأفراد والأحزاب والحركات والجامعات والمؤسسات الشعبية والرسمية والدولة كلنا نستطيع أن نتعاون أو/و نعمل معاً في إطار هذا المشروع ونربح شيئا ما صغيرا أو كبيرا وتجربة جماعية ومتعة العمل المشترك في ثنايا تجربة وطنية وإنسانية نأملها ثرة.. جميع الأيادي الخيرة والعقول المخلصة عندها فرصة للتعاون والعمل.. هذا المشروع مصمم ضد الخسارة وضد الفرز وضد الإقصاء وضد الإحتكار!.

    مشروع السودان200 حركة أمل وعمل ومحفل
    للتلاقي الموجب، مرسوم عمداً ليناسب جميع المستويات الأكاديمية الممكنة وجميع العقليات والمزاجات والأعمار والخلفيات العرقية واللونية والمناطقية.
    هذا المشروع سيمفونية للأمل في مستقبل أفضل نستطيع نعزفها معاً محتفلين بشعورنا المشترك وحلمنا المشترك وعملنا المشترك.

    مشروع السودان200 خارطة طريق:

    1- يتم: إعتماد المشروع كمؤسسة مدنية غير ربحية داخل وخارج السودان يتضمن ذلك إنشاء قناة فضائية ثقافية مستقلة (عربي/انجليزي) وراديو "إيف إيم" وأطلس السودان الشامل والمسح الجيني لسكان السودان ومتحف مجسمات حضارات السودان "هناك خطط تفصيلية وتصورات مكتوبة لهذه المحاور العملية".

    2- إنشاء وتصميم 27 موقعاً على الانترنت أو بقدر محاور المشروع المعلنة "النظرية والعملية" مع تخصيص موقع رئيس شامل مع منبر خاص بالحوار المتخصص لدى كل موقع.

    3- السعي في ذات الأوان إلى إنجاز المحاور النظرية كما العملية ومنها اطلس السودان الشامل والمسح الجيني والقناة الفضائية المستقلة والراديو ومتحف مجسمات حضارات السودان.

    4- توزيع الأيادي الراغبة في العمل على المحاور المقترحة وتفعيل الطاقات الخاصة بكل فرد منا في مكانها الصحيح.

    5- إنشاء فروع في صيغة مكاتب فاعلة في عدد من أماكن تواجد الثقل السوداني بالخارج في أوروبا والخليج وأميركا وعدد من العواصم الأخرى العربية والافريقية بهدف المساهمة الفاعلة في إنجاز المشروع وفق خطته المرسومة وأهدافه المعلنة.

    6- يتواصل الحوار والتشاور حول تطوير وتنفيذ المشروع وتحسين آليات إدارته بالتوازي مع العمل على إنجاز محاوره بلا توقف أو إنتظار أو أعذار!.
    كما أن هذا المشروع غير تقليدي ولا مسبوق لذا قد يحتاج أقصى درجات التفهم والتسامح والترفع عن الصغائر ويحتاج الإيمان به كما يحتاج الشفافية والمصارحة.

    7- نحتاج مصادر مالية لإكمال المرحلة التأسيسية على الوجه الأكمل.. وجب النظر في الكيفية وتطوير الآليات المتاحة.. تتأسس لجنة مالية متخصصة لهذا الشأن.

    8- التأكيد على أن السودان200 مشروع سوداني وطني، مدني، طوعي غير رسمي/غير حكومي غير حزبي غير سياسي غير آيديولوجي يتأسس وينفذ تضامنياً عبر جهود ذاتية سودانية مخلصة.

    فبحلول العام 2021 أي بعد ثلاث سنوات فقط من الآن سيبلغ عمر السودان الحديث 200 سنة. وهذا هو الوقت المقرر لإنجاز المشروع. وتلك هي أهداف ومبررات ومحاور عمل السودان200.

    و هذه هي مبادئنا "وهي أهم شيء":
    مبادئنا في السودان200: الاحترام المشترك، لا تمييز على اي اساس كان، لا عنصرية او جهوية، لا إقصاء لا احتكار.. مشروعنا مدني شعبي لا سياسي لا أيديولوجي غير حزبي غير حكومي.. نعمل بجد وصبر ومثابرة في روح الفريق.. وبكل الممكن من الصراحة والشفافية.. ولا تكليف فوق طاقة إي منا، ولا مهمة من المفترض تتعارض مع عمل او حياة العاملين الخاصة .. أنت تعمل بقدر ما تستطيع افضل ما يكون وبقدر إيمانك كفرد حر وصاحب حلم مشترك.. والأهم المقدرة على المبادرة والصبر والمثابرة.. وعدم الانتظار تحديدا عدم انتظار الجماعة او الاخرين انت تعمل ولو جميع الناس تراجعت .. انت تعمل كفرد حر وظف نفسه بنفسه في خدمة هدف نبيل.. هذا المشروع عاطفة ووجدان مثلما هو عقل وخطة مرسومة.. تلك هي المبادىء!.

    التسجيلات الصوتية:

    وهنا تسعة تسجيلات صوتية مرفق روابطها ادناه من ساوندكلاود.. هذه التسجيلات شارحة لفكرة السودان200 بطريقة إضافية وهي عفوية وإرتجالية وليست بالضرورة رسمية قصد بها مشاركة الفكرة بصيغة مختلفة عن الكتابة. مرفق ايضا في الختام استمارة عضوية المشروع.

    1- مشروع السودان200 أهدافه ومبرراته

    https://soundcloud.com/user-639092537/200-m4a-1https://soundcloud.com/user-639092537/200-m4a-1

    2- دراسة الجدوى.. كلنا نستطيع أن نعمل معا في مشروع السودان200 بلا إقصاء ولا احتكار!
    https://soundcloud.com/user-639092537/200-2https://soundcloud.com/user-639092537/200-2

    3- جائزة نوبل لمشروع السودان200.. للمشروع والافراد.. تسجيل صوتي عفوي وارتجالي عبر ساوندكلاود.. هناك حلم وتشجيع للذات مع شرح جديد متقدم لطبيعة المشروع من حيث كونه نقل لتجربة انسانية وبشرية كثيفة وأجابة على سؤال حق الملكية وحقوق الأفراد في إطار المشروع!

    https://soundcloud.com/user-639092537/200-1https://soundcloud.com/user-639092537/200-1

    4- متلازمة الشعور بنقص الاعتراف عند المتعلم/المثقف السوداني ستكون اهم تحديات وعقبات المشروع (ملاحظات ذاتية هدفها العصف الذهني إن لم تصح لا الجدل)

    https://soundcloud.com/user-639092537/200-3https://soundcloud.com/user-639092537/200-3

    5- هل مشروع السودان200 ترف فكري ام ضرورة؟.. تسجيل صوتي!

    https://soundcloud.com/user-639092537/200-4https://soundcloud.com/user-639092537/200-4

    6- أمثلة لأعمال تجري على أرض الواقع وجب ان نمضي بها الى الامام بشكل افضل!

    https://soundcloud.com/user-794076678/08m3js6x957zhttps://soundcloud.com/user-794076678/08m3js6x957z

    7- تسجيل صوتي 14 ابريل 2018.. نداء وملاحظات عامة حول السودان200

    https://soundcloud.com/user-794076678/14-2018-200https://soundcloud.com/user-794076678/14-2018-200

    8- دور المؤسسات الاكاديمية في السودان200 : جامعة الخرطوم مثال.. عصف ذهني في تسجيل صوتي قصير!

    https://soundcloud.com/user-794076678/200-2https://soundcloud.com/user-794076678/200-2

    9- من نحن في مشروع السودان200؟ ماذا نفعل؟ وما تأثير فعلنا على أرض الواقع؟ وما هي القوة الاجتماعية المحددة التي قد تنجز وتنفذ سياسات واستراتيجيات المشروع اي خلاصاته؟

    https://soundcloud.com/user-794076678/200-1https://soundcloud.com/user-794076678/200-1

    وهنا في الختام إستمارة العضوية أو التعاون أو التعاطف مع مشروع السودان200

    https://docs.google.com/forms/d/1Fg79yXjFREGDkeDtD-LDc6OyK04zK3NxYTLhDReHNRk/edit

    لمزيد من المعلومات والرؤية راجع لطفاً وثائق المشروع الأساسية.

    للتواصل معنا:

    السودان200 .. اللجنة التأسيسية
    تلفون: +31685369261
    واتساب: +31684688891
    إميل: [email protected]

    انتهى.. ارجع ان شئت الى الاعلى.

    (عدل بواسطة محمد جمال الدين on 14-02-2018, 10:54 PM)
    (عدل بواسطة محمد جمال الدين on 16-02-2018, 09:22 PM)
    (عدل بواسطة محمد جمال الدين on 05-09-2018, 11:19 AM)

                   |Articles |News |مقالات |بيانات

13-02-2018, 10:10 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    عارف الناس لا بتقدر تعلق ولا بتقدر حتى تعمل لايك لانو لما الزول يصل للنهاية دا لو اصلا في زول صبر بتكون جاتو فلايت :) كلام كتير لكنه شرح ضروري في تقديري لمشروع يبدو صعب وربما طموح اكثر من اللازم!.. "بوست من الفيسبوك".. طابت أيامكم صحاب سودانيز


    بس لو في زول مقتنع اتمنى أن لا يتردد او يتاخر في تسجيل إسمه.. تحرك عمليا!.
                   |Articles |News |مقالات |بيانات

13-02-2018, 10:13 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    السودان200 (مشروع توثيق السودان في 200 سنة/السودان المعاصر)

    واتصاب: +31684688891
    إميل: [email protected]

    فيسبوك: https://www.facebook.com/Md.Gamaleldinhttps://www.facebook.com/Md.Gamaleldinhttps://www.facebook.com/Md.Gamaleldinhttps://www.facebook.com/Md.Gamaleldin
                   |Articles |News |مقالات |بيانات

14-02-2018, 00:56 AM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    نتابع من هنا التفاصيل!
                   |Articles |News |مقالات |بيانات

14-02-2018, 07:34 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 479

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    تسجيل متابعة واهتمام بالغ بهذا المشروع الحيوي.

    لك التقدير على المبادرة والنشاط الدؤوب

    معتصم الحارث الضوّي
    كاتب ومترجم- بريطانيا

                   |Articles |News |مقالات |بيانات

14-02-2018, 11:04 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: Moutassim Elharith)

    اهلا بيك معتصم. . الامل ان يكون بالفعل شيء يمكن ان ننجزه معا بعدالة.. انا على ثقة ان امثالك يستطيعون!.. تحية طيبة وسعادة بيك والله
                   |Articles |News |مقالات |بيانات

15-02-2018, 02:49 AM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    مشروع السودان200.. قلة قليلة منا ولكن صبورة هي التي ستنجز المشروع!

    اتصور أن النشاط العملي اي الهدف من قروبات مشروع السودان200 في الفيس والواتساب واينما كان ليس النقاش من اجل النقاش.. ولكن كلنا امل في العمل الدؤوب والصبور من اجل إنجاز مشروع السودان200 بواسطة الناس المقتنعة بجدواه بلا تردد وقادرة على تحمل اعباء العمل على تحقيق حلم مشترك فيه فائدة لنا اجمعين بلا فرز وفق اهدافنا المعلنة.. ولكن لكل عمل مهما ظهر خيرا قد يكون عنده عقبات وعنده حظ من عداوة البعض تلك اظن من بديهيات الحياة.. ليس بعد لحسن الحظ! .. عليه لنعمل وفق القناعة بلا انتظار او اعذار او اعطاء مساحة لسماع اصوات جبلت لتكون في الضد من كل شي بغض النظر عن معناه ذلك مبرر بظروف الصراع الراهن في السودان الراهن .. لحسن الحظ حتى الان كل شي يجري على ما يرام في الصورة المرئية.. فقط علينا ان نحتاط للمستقبل على امل ان نستطيع تجاوز كل العقبات المحتملة في سبيل إنجاز مشروع السودان200.. بالإصرار والمثابرة التي لا تعرف الملل ننجح!.
    هذا المشروع ليس صفويا بل حقنا كلنا. . نستطيع إنجازه بلغتنا البسيطة المشتركة وفهمنا الكبير المشترك!
                   |Articles |News |مقالات |بيانات

19-08-2018, 00:00 AM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    بوست إخباري قديم.
    ---
    معليش للبوستات قليلة القيمة.. والا لرفع البوست غيري.. مررت عليه اليوم صدفة، بعد 6 أشهر من بدايته.. قلت امزح شوية مع من يمر من هنا والحال معلوم!.. (طبعا أعرفكم صحابي وأهلي وأعرف المأساة، ولا أتذمر).. هذا فقط من باب الود والتحية لمن مر من هنا.. أسمى معاني الإحترام
                   |Articles |News |مقالات |بيانات

05-09-2018, 11:23 AM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    دا واحد من بوستات السودان200.. لمزيد من الانتشار .. و اظهار الإصرار.
                   |Articles |News |مقالات |بيانات

07-09-2018, 07:05 AM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    هدفنا من كل البوسات هنا هو شرح أهمية فكرة مشروع السودان200 كعمل وطني إستراتيجي لصناعة الحضارة.. بهذا الطموح!
                   |Articles |News |مقالات |بيانات

10-09-2018, 10:28 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    هذا الطموح!
                   |Articles |News |مقالات |بيانات

12-09-2018, 00:03 AM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    و هذه هي مبادئنا "وهي أهم شيء":
    مبادئنا في السودان200: الاحترام المشترك، لا تمييز على اي اساس كان، لا عنصرية او جهوية، لا إقصاء لا احتكار.. مشروعنا مدني شعبي لا سياسي لا أيديولوجي غير حزبي غير حكومي.. نعمل بجد وصبر ومثابرة في روح الفريق.. وبكل الممكن من الصراحة والشفافية.. ولا تكليف فوق طاقة إي منا، ولا مهمة من المفترض تتعارض مع عمل او حياة العاملين الخاصة .. أنت تعمل بقدر ما تستطيع افضل ما يكون وبقدر إيمانك كفرد حر وصاحب حلم مشترك.. والأهم المقدرة على المبادرة والصبر والمثابرة.. وعدم الانتظار تحديدا عدم انتظار الجماعة او الاخرين انت تعمل ولو جميع الناس تراجعت .. انت تعمل كفرد حر وظف نفسه بنفسه في خدمة هدف نبيل.. هذا المشروع عاطفة ووجدان مثلما هو عقل وخطة مرسومة.. تلك هي المبادىء!.
                   |Articles |News |مقالات |بيانات

12-09-2018, 00:06 AM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    الولاء شغل وبس
    كما هو الاتفاق
    لذا المستقبل للعاملين منا!
                   |Articles |News |مقالات |بيانات

12-09-2018, 07:02 AM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    السودان200: التسجيلات الصوتية في صيغة كتابية.. وتهدف إلى شرح فكرة السودان200 بطريقة إضافية وهي عفوية وإرتجالية قصد بها مشاركة الفكرة بطريقة أكثر تفصيلية وداعمة للوثائق المكتوبة في البدء .. وأعتقد أن من يطلع عليها بروية سيأخذ فكرة أدق وأشمل عن مشروعنا لأنها عمدت للإجابة على الاسئلة الجديدة التي واجهتنا أثناء المسير في طريق إنجاز المشروع.. أدناه تسجيلان والبقية تأتي لاحقاً بالتتابع في بوستات أخرى خاصة.

    وارجو من كل المهتمين وناس ادارة المشروع بالذات والمكاتب الخارجية الوقوف على هذا المكتوب كما التسجيلات الأخرى التي تحولت بدورها إلى صيغة كتابية وسننشرها تباعا.
    "1"

    مشروع السودان 200، مشروع توثیق السودان في 200 سنة، كتابة وتوثیق السودان المعاصر 1821-2021

    في خلال ثلاث سنوات من الآن، أي في سنة 2021 سیصبح عمر السودان المعاصر 200 سنة . نحن نسعى بحزم إلى إنجاز المشروع في هذا المدى الزمني لنقدمه هدیة للسودان في عید میلاده ال200 وهدیة لشعبنا وهدية للأجیال المقبلة.

    السودان 200 هو مشروع الوعي العلمي بالذات الجماعیة لشعبنا والبیئة المحیطة الخاصة بنا، نتعرف علینا ونعرف العالم .بنا، نسجل وننقل مساهمة حضاریة تضاف للتجربة البشریة .
    كلنا نستطیع أن نعمل في المشروع ؛جمیع الأیادي الخیرة والعقول المخلصة عندها فرصة مؤكدة للتعاون والعمل.
    السودان 200 حركة أمل وعمل ومحفل للتلاقي الموجب، مشروع مرسوم لیناسب الجمیع ومصمم ضد الخسارة وضد الفرز وضد الإقصاء وضد الاحتكار.
    السودان 200، سمفونیة للأمل في مستقبل وطني واجتماعي أفضل، سمفونیة نستطیع أن نعزفها معا محتفلین بشعورنا .المشترك وحلمنا المشترك وعملنا المشترك
    السودان 200 مشروع سوداني وطني مدني طوعي غیر رسمي غیر حكومي غیر حزبي غیر سیاسي غیر أیدولوجي، .یتأسس وینفذ تضامنیا عبر جهود ذاتیة سودانیة مخلصة ...وهذا نداء لتضافر الجهود المخلصة

    "2"

    مشروع السودان 200/ تسجیل صوتي

    أتوقع انو یكون دا تسجیل هام من وجهة نظري لاني ح أحاول أعمل رؤیا شاملة بشكل أفضل من التسجیلات الماضیة وهي تسجیلات مهمة برضو ولكن هذا التسجیل بتمنى من زملائي و أصدقائي أن یسمعوهو للنهایة لأنو بیدي فكرة أفضل وبخلینا متابعین بشكل لصیق أفضل. ویجاوب على أسئلة كتیرة جدیدة سمعتها.

    في البدایة ح أعید نفس الحاجات البنقولها دائما لأنو دایما في ناس بیجو جدیدین بمر علیهم التسجیل مهم جدا الناس تعرف الأساسیات دائما.
    ومن أهم هذه الاساسیات هي الإجابة على السؤال: شنو یعني 200 ؟ ضروري جذا أنو دائما نوضح للناس شنو یعني 200.
    بمشروع السودان 200 نعني السودان المعاصر، السودان الحدیث، الذي نشأ حسب وجهة النظر الأكادیمیة العامة سنة 1821 .
    وبعد 3 سنوات، في سنة 2021 ح یبقى عمر السودان 200 سنة، ح یكون تاریخ میلاد السودان ال 200 .

    نحنا دایرین یوم عید میلاد السودان 200 نقدم لیهو المشروع دا هدیة للسودان، وهدیة لشعبنا، وهدیة للأجیال المقبلة.
    طبعا كان في سودانات عدیدة في الماضي قبل العام 1821، كان في سودانات أكبر مساحة أو أصغر مساحة حسب اللحظة التاریخیة المحددة لكن السودان المعاصر الذي نعیشه والذي انفصل سنة 2011 بسبب أن الناس في العهد المستقل ما لقت طریقة إنها تعمل عیش سلمي مشترك ومصلحة مشتركة، هذا السودان تأسس سنة 1821 عبر العسف المادي. نحن نأمل دائما أنو نقعد فیهو ونوحدو ونعمل دولة وطنیة حدیثة تسعنا جمیعا، ونعمل مجتمع مسالم ومنسجم مع ذاته ونعمل عیش سلمي مشترك عبر الوعي بالذات ويعني عملياً الإحاطة بالمصلحة المشتركة والتحديات المشتركة والمصير المشترك وشنو البجمعنا وشنو البفرقنا.
    وهذا من أهداف المشروع دا. دا من أهداف مشروع السودان 200.
    بهذا حاولت أشرح لماذا سمیناه مشروع السودان 200 وهو عبارة عن كتایة وتوثیق للحاضر للراهن، وكتابة وتوثیق للناقص من التاریخ ، وإعادة قراءة التاریخ بطریقة احترافیة و أیضا هناك جوانب كتیرة لإكمال الناقص من صورة السودان بقدر الإمكان في الواقع والأذهان.

    عمل سنعمله نحن ، عمل شعبي مدني عمل حر عمل مستقل عمل غیر سیاسي غیر أیدیولجي مفتوح للجمیع ما فیهو إقصاء ولا فیهو تمییز على أي أساس كان وفي نفس اللحظة إنو الناس لا تمیز داخله إلا بجهدها والعمل الذي تعمله وإیمانها بالمشروع.

    قلنا أنوهناك جوانب عملیة عدیدة غیر الكتابة والتوثیق، نحنا ح نعمل أشیاء عملیة في الواقع عدیدة. ضربت أمثلة في التسجیلات السابقة أعیدها الآن بشكل عاجل، ح نعمل أطلس شامل متكامل للسودان یتحدث عن كل معالم وقرى ومدن وأثار وودیان ومناخ وأنهار السودان والمزید، كل حاجة عن السودان.
    ح نعمل قناة فضائیة مستقلة غیر سیاسیة تهتم بإرث السودان وهي جزء من المشروع ، ح نعمل متحف لحضارات السودان ، متحف مجسمات لكل حضارات السودان التاریخیة:
    الكوشیة والحضارات اللاحقة لها زي المرویة والمرحلة المسيحية ومملكة علوة في سوبا والحضارات الأحدث في السودان الوسیط زي السناریة والحضارة الفوراویة والحضارات التي نشأت في منطقة جبال النوبة والتي نشأت في منطقة شرق السودان كذلك الحضارات التي نشأت في مناطق الُشلك في لحظة ما محددة ، نحن نتحدث عن تاریخ السودان ، نتحدث عن السودان في 200 سنة ، نتحدث عن تاریخ وحاضر السودان في 200 سنة بالتالي حتى مافي إقصاء للجغرافیا أعني الجنوب وكل أرجاء السودان هي جزء من الأحداث التي مرت خلال هذه ال200 سنة.

    من أهم أهداف المشروع – هدف المشروع مركب أي لیس له هدف واحد بسيط – لكن في تقدیري الهدف الاول هو الوعي العلمي بالذات الجماعیة، هذا هدف مباشر ونأمل أن یقودنا إلى تشكل كتلة تاریخیة تساهم في توطید دولة وطنیة حدیثة وتعمل عیش سلمي مشترك عبر الوعي بالذات، عبر الوعي بالمصلحة المشتركة والتحدیات المشتركة و شنو البجمعنا وشنو البفرقنا. وأیضا نقدر نوضح نفسنا للشعوب الأخرى ونقدر نبیع أدبنا، نبیعو بكل المعاني، ونقدر نوصل تراثنا وشعرنا وغنانا وفننا وأساطیرنا وحجاوینا ، ده كلو لمن ندونو ونترجمو بنقدر نوصلو للأخر، بالتالي هناك أهداف إقتصادیة ، وهناك أهداف سیاحیة كما قلت في السابق ح نعمل متحف لحضارات السودان ، دا مثال للحاجات العملیة وهي كثیرة . نأمل ، ودا جزء من خطتنا أن نعمل متحف كبیر، ربما هو الأكبر في العالم، متحف مجسمات لجمیع حضارات السودان

    حقیقة السیاحة في السودان غير مزدهرة طبعاً ودا بالإضافة للأسباب والمعوقات الإداریة والظرفية، هناك علة اخطر وهي بعد المسافات. فنحنا ما عندنا زي أهرامات الجیزة موجودة في الخرطوم أو أم درمان ، نحنا عندنا الأهرامات والإرث العظیم بتاع حضارات السودانات القديمة موجودة في الأطراف البعیدة ، كالدفوفة في أقصى الشمال ، والبركل وشرق السودان وجبال النوبة وجبال الفور والفاشر وسنار.

    بالتالي المسافات بعیدة لذلك أنا بفكر إنو نحنا نستقل المساحة خلف أم درمان، 5 كیلو متر مربع ، نعمل فیها نماذج بالضبط بنفس الاحجام ونفس الصورة الموجودة لهذه الاثار في مناطقها وأن یكون الناس الحارسنها أو قاعدین فیها في اللحظة المحددة یلبسو نفس اللبس بتاع المرحلة التاریخیة ویتصرفو بنفس الطریقة اذا كان ممكن ویتحدثو نفس اللغة إن كان ممكنا أو على الأقل نماذج منها.
    من الناحیة العملیة هذا سیبرز الحضارات السودانیة ومن المحتمل أن ینعش السیاحة بشكل أفضل، لأن الناس لمن یجو ویشوفو ویتعرفو على النماذج دي ممكن یرغبو إنهم یشوفو الأصول فنعمل طریقة منظمة لتوصیلهم إلیها ودا أيضاً سيقود إلى تشجيع البحث الأثري كما الحفاظ على الأثار المكتشفة عبر توفير ميزانية ورسم خطط إستراتيجية للسياحة والبحث العلمي والجيني. في المستقبل سنبحث و سنتحدث عن كل هذا ومسألة التموین ح نجیبا من وین والمعوقات الإداریة والمعوقات الأخرى كلها سنتحدث عنها مع بعض وسنتعاون مع جمیع الجهات الممكنة لإنجاز مثل هذه المشاریع الوطنیة الكبیرة الإستراتیجیة التي لا تهم الحاضر فقط بل أيضاً الأجیال المقبلة.

    لیس من أهداف عملنا الحصول على معلومات سریة أوأمنیة أیا كانت ، نحن مجالنا العام هو التحدث عن إرثنا و تراثنا وجغرافیتنا والأحداث التي مرت ببلادنا السودان في ال200 سنة الماضیة وحتى العام 2021 عام ميلاد السودان ال200.
    وسنتعاون مع جمیع المؤسسات السودانیة ذات الصلة وبالذات الأكادیمیة الراغبة في التعاون أو المؤمنة بهذا العمل.

    هذا العمل صدر من شباب موجیدین في الخارج، أنا منهم مثلا موجود في هولندا، طبعاً لست وحدي، فقط أتخذني مثال للإيضاح، یعني المبادرة بدأت من هنا لكن هذه المبادرة حقت الناس كلهم، تبنوها الناس كلهم، نحنا سودانیین جینا هولندا كمثال، لأنو عندنا قضیة في بلدنا، هذه القضیة في الأساس سیاسیة. ولكن عملنا هذا غیر سیاسي غیر أیدیولوجي غير حزي غير حكومي، مدني شعبي. هولندا فیها وجود سوداني، نحن موجودین وننشط لأجل السودان، نعمل والناس قاعدة تعمل لأجل السودان في مستویات كتیرة ، مستوى الاقتصاد، مستوى التعاون، نقل الخبرات إلى السودان وبالعكس أو كلما سمحت الظروف العامة وهي معلومة. هولندا فیها 22 حزب سیاسي، یعني التشكیلة السودانیة كلها ممثلة وموجودة في الجالیة السودانیة ، هولندا فیها 42 منظمة مدنیة یعني بتمثل جمیع أطیاف واعراق السودان، هولندا فیها سفارة سودانیة في كل الأوقات وفي كل الحكومات (هنا اعني الوجود الفيزيائي للسودانيين بكل أطيافهم وأعراقهم وتوجهاتم). نحن ننشط من أجل السودان كل بطريقته الخاصة وهذه المبادرة جاءت من هنا ولكنها من أجل السودان ومركزنا الأساسي دائما ح یكون السودان و حیكون عندنا فروع برا و ح ننظم شغلنا وأي زول مرحب بیهو هذا نكرره دائما.

    الشغل دا مفتوح ولكن عندو أجسام إداریة، هذه الأجسام مرنة و تتكون من 3 أجسام أو أجزاء، في منها .أجزاء إتغذت وإتعملت وقابلة للتطویر دائما: الجسم الأول هو جسم إداري یعني ینسق ویدیر العمل من شباب معظمهم صغار في السن وهذا الجسم قابل للتطویر دائما و للتعدیل للأفضل، وهناك مجلس خبراء لغایة الأن في أسماء ولكن نحن نأمل في المزید من الخبراء والعارفین والعالمین، .وهناك لجنة اللوجستیات والمالیة ونحن نغذي فیها الان وزي ما قلت أنو العمل دائما قابل للتطویر وللتكمیل.
    محاور العمل: هناك في الحقیقة 27 محورا للعمل كل محور حاجة كبیرة جدا لكن لدینا شكل تنظیمي لیهو ولدینا تصور لكیفیة عمل الناس وعندنا لكل محور 5 أنماط أو أعماق للعمل مثلا :
    الأول هو جمع المعلومات والتسجیل والتصویر والفيلمنق والتصمیم دا قد نحتاجه لكل محور من المحاور.

    الثاني هو الكتابة والتدوین ، الثالث هو التحلیل والمقارنات ودي بعملوها خبراء. مثلا جمع المعلومات دا كلنا ممكن نعملو، یعني عایز اقول أنو الأعماق المختلفة دي ممكن كل زول یلقى مكان یشتغل فیهو. المستوى الرابع هو البحث العلمي وهنا نحتاج طبعاً لخبراء. الخامس التقییم والمتابعة . والمستوى السادس هو الدعم اللوجستي والتمویل ، هذا كلو منظم بطریقة محددة وأنو اللجنة الإداریة ح تشتغل مع الناس وتتابع و حنعمل غرفة عملیات یومیة قاعدة یومیا، شعارنا مافي نوم في شغل ح ننجز الشغل الذي یتراءى كبیرا وشبه مستحیل دا ح ننجزو في 3 سنوات!.

    أنا واثق بالعزیمة والإیمان والإصرار وعدم الخوف وعدم التردد ، نشتغل ، نشتغل ، نشتغل ، ح نعملو ، ح نعملو، الآن نحن نعمل وبعرف شباب كتار شغالین ، وأنا أعمل لوحدي في 9 محاور رغم كل ظروفي وقلة تجربتي بالمقارنة والزحمة العایشها لكن مفرغ نفسي للشغل دا.. وهناك الكثيرين يعملون الأفضل وسيعملون.

    ح نعملو ح نعملو، انا واثق اننا ح ننجزو ما تترددو، أي زول عندو شك عندو سؤال أو متردد یخاطبنا مباشرة، أي ناس برا بتكلمو أنو دا ما ممكن دیل ما معانا دیل ما ناسنا .
    نحنا بنشتغل وبس، بنعرف نشتغل و حننجز المشروع دا ح نعمل البنقدرو أنا واثق إنو ح نعملو كلو بمحاوره كلها، المحاور العملیة والمحاور النظریة كلها ح ننجزها في 3 سنوات و أنا أكرر دائما انو في اللحظة التي سننجز فیها هذا المشروع ح نغیر كتیر في تصورنا لبعضنا.

    ح نفهم بعضنا أفضل كسودانیین و ح نفرح ببعضنا أفضل لأننا ح نكتشف الجمالیات المخفیة والمخبئة كما أحزاننا التي سنحولها إلى أغاني وأشعار نبيلة ولوحات فنية سنعلقها على جدار التجربة الإنسانية!.

    یعني ح نرى أنفسنا من الخلف و ح نشوف الإنسان السوداني الغائب البنفتش عنو السوداني الاصیل دا وین، مشى وین، قاعد هو قاعد في إرثنا قاعد في خیالنا قاعد في مخیالنا مندس فینا.
    ح نعمل تصالح وسلام مع الذات. ح نقدم وجهنا الحضاري للعالم. أنا واثق بأن الشغل دا ح یساهم في توحیدنا والتوحید لیس بمعناهو الجغرافي فقط. ح یخلینا نحس مع بعض أفضل نحس بتراثنا، نحترم بعض أفضل و ح یخلینا نقدم صورة أفضل للأجیال المقبلة بدل هذه الهزائم الكتیرة والهزات والإحباطات، ونقول للأجیال الجدیدة نحنا عملنا شيء، نفرح بیهم ونفرحهم بينا.
    كمان للأمم الأخرى ، الصورة العامة للسودان للأسف سیئة جدا الآن، أمة متحاربة أمة مریضة مجتمع متشقق الناس ما بتسمع عننا خیر للاسف.

    نحنا دایرین نسمع العالم خیر ودایرین نفرح نفسنا بینا ، نحنا عندنا حاجات عظیمة ولازم نعمل مع بعض. هذا العمل أیضا جزء من أهدافه أنو نحنا كلنا نعمل مع بعض بكل ألواننا السیاسیة بكل أطیافنا بكل خلفیاتنا العرقیة والجهویة ، كلنا نكون مع بعض بكل أعمارنا بكل تنوعنا نساء رجال ألوان مختلفة من حتات مختلفة في السودان ، من الغرب من الشرق من الوسط من أقصى الشمال من الجنوب من جبال النوبة ، كلنا بأعراقنا كلها بعشائرنا كلها .بمواقعنا السیاسیة كلنا نشتغل مع بعض، فقراء وأغنیاء كلنا نشتغل مع بعض دا الحلم بتاعنا نحن.
    هذا المشروع ح يساهم في التغيير للأفضل حتى قبل إنجازه هذا الملتقى الموجب في غاية الخطورة!.
    أنا واثق بأن هذا المشروع لما ننجزه بساوي مفاعل نووي سوداني عملناهو بأیادینا وعقولنا وحدنا.

    هذا المشروع عظیم، وأنا أقول هذا الكلام وأكرره لأن المشروع دا كبیر جدا وفي المبادرات الكبیرة الزي دي القناعات العقلیة بس ما كفایة، لازم تؤمن لأن المشروع دا بحتاج تضحیة والتضحیة تحتاج إیمان.
    وأنا شخصیا جاهز لأضحي لأني مؤمن وعایز الناس المؤمنین كلهم یقیفو مع المشروع دا بلا تردد ولا خوف.. ونحنا نملك الإرادة وح نعمل المشروع تحیاتي وحبي لكم والسلام.

    تسجیل صوتي 26/12/2017
                   |Articles |News |مقالات |بيانات

18-09-2018, 11:23 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    هنا دوما.. ونواصل!
                   |Articles |News |مقالات |بيانات

30-10-2018, 10:01 PM

محمد جمال الدين
<aمحمد جمال الدين
تاريخ التسجيل: 28-10-2007
مجموع المشاركات: 2569

للتواصل معنا

FaceBook
تويتر Twitter
YouTube


Re: الخطوات العملية لمشروع السودان200 ونظرة شا (Re: محمد جمال الدين)

    هنا كل الوقت المقبل!
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de