كتب الكاتب الفاتح جبرا المتوفرة بمعرض الدوحة
|
Re: استقبله شقيقه الامنجي في صالة كبار الزوار (Re: قصي محمد عبدالله)
|
تحس الأمر فيه نوع من التنطّع والاصطناع .. يعني أخوي لو اشتغل في الامن مطلوب مني أخليهو أو أقاطعو .. !!! .. عشان شنو مثلا ؟ .. ده كلام غير مقبول لا عقلا ولا منطقا .. هو يتحمل وزر عمله في الأمن ده شي اصلا ما بيخصني .. ولو جاء قابلني في المطار مافي أي مشكلة .. لكن سارفض استخدامه لصلاحيات عمله لمساعدتي .. وساصر إني أكمل اجراءتي زيّ وزي أي زول .. ولو أصر ومن بعيد رغم رفضي له .. ووصي معارفه واصدقاءه في العمل بتسهيل اجراءاتي .. ليس لي حيلة في أن رفض .. غايتو الشغلة دي تحس فيها طفولية كده ..
بالمناسبة مواقف زي دي مرت على الواحد .. وكان تصرفه عادي جدا لا تخبر أي أحد بمواعيد سفرك ولا قدومك ..
| |
|
|
|
|
|
|
Re: استقبله شقيقه الامنجي في صالة كبار الزوار (Re: جمال ود القوز)
|
مع إننى قبل سفرى كتبت فى هذا المنبر بوست بعنوان كلنا البشير وبكرى من أجل سودان يسع الجميع ============== غايتو يا صديق الفيك اتعرفت يعني قعدت تشتم في حكومتنا عشر سنوات و لما جات لحظة سفرك للسودان و عارف انو الناس ديل صارين ليك, قلت احسن تهادنهم فترة السفر و لما رجعت امريكا سالما قلت تاني ترجع المعارضة.
لكن برضو حريف
| |
|
|
|
|
|
|
Re: استقبله شقيقه الامنجي في صالة كبار الزوار (Re: Mahjob Abdalla)
|
حباب محجوب المن العين محجوب والله قولت اخوى بعد بوستى داك عندما أصل مطار الخرطوم اطلع بصالة كبار الزوار كما طلعت تراجى وصحبها لكن للاسف طلعت زى زولا جايى من سفرية داخلية المهم حمدت الله على ذلك وذهبت مع اهلى اها رايك شنو يا محجوب ؟ تحياتى يا غالى ولكل سوداني يعمل من أجل السودان لا حبا فى جاه ولا مال ولاطمعا فى منصب والحمد لله الغبش بخير صديق مهدى على
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
الاخ هباني ، اختصر ليك الموضوع، مسألة يخدمك واحد دي عادية، وكلما علا شأن المعارض زاد اختفائه عن الانظار، وقام غيره بالاجراءات اللازمة من توثيق و انهاءات وغيره. فما تتظاهر و تعمل فيها معارض نزيه .. .أكيد عندك رؤوس كبار في الحكومة (كيزان) يقومون بالاجراءات عنك وانت في مكاتبهم، ان لم تكن في بيتك العامر... ....
| |
|
|
|
|
|
|
Re: استقبله شقيقه الامنجي في صالة كبار الزوار (Re: قصي محمد عبدالله)
|
اخونا العزيز قصي انا لا اغالط فيما هو واقع وهو امر لا يمكن انكاره بل أقر بأنه واقع معاش وتطبع الناس به.. لكن السؤال هنا مدى رفضنا او قبولنا له كواقع من منطلق قيمي أخلاقي ومدى التزامنا بهذا الموقف المبدئي منه....هنا المحك.....فاذا انت كقصي لامانع ان يكون لديك شقيق يعمل في مثل هكذا مؤسسة بشعة لاتمتهن غير تنفيذ اوامر القتل والتعذيب والترويع وانتهاك حرمات العباد وبمقابل من فئة ظالمة فاسدة هي المسيطر على حكم البلاد فانت للاسف هنا في مازق اخلاقي لطالما تقر الظلم والفساد وفاعليه وهذا ماقصدته من مداخلتي اي بالضرورة نحن كبشر ملزمون دينيا واخلاقيا وعرفيا ان نتصالح ونتماهى في حياتنا مع قيمنا واخلاقنا بما يتسق مع الحق والحقيقة وليس العكس.
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
فالمجتمع الذي يرفض وينبذ بشدة (المومس او المثلي) من منطلقات قيمية أخلاقية فمن باب أولى ان يرفض ( الامنجي) الذي اكثر شرورا من هاتين الشريحتين لانه يمكن بامر السلطة الحاكمة باسم الدين ان يقتل ويعتقل ويعذب وينتهك حرمات خصومه وفق قانون ظالم يشرعن كل اثامه. لذلك كل داعم للتطبيع مع ( الامنجي) الكيزاني المعلوم عليه ان يتحسس منظومة القيم والاخلاق التى ينطلق منها قبل ان يصدر احكامه كي يتبين صحة او خطا موقفه واتساقه مع الحق والفطرة السليمة.
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
اختنا العزيزة منى بت عمسيب قد سألت صديقي لطالما قرر طرح الامر في العام للفائدة مع التحفظ على اسمه هل في الاساس استنكر كموقف وطني مبدئي التحاق شقيقه بالجهاز عندما علم بذلك وهل حاول اثناءه عن التورط في هذا الجهاز الاجرامي وهل طلب من شقيقه قبل عودته للوطن الا يستقبله ابدا في المطار وبهذه الطريقة المحرجة والا يدعو زملاءه في ذات الجهاز الاجرامي للعزومةفي البيت...اعترف لي بانه لم يفعل اي شيء من هذا القبيل ....واخيرا قد سالته سؤالا محرجا ان كان على جاهزية لضرورة وطنية اخلاقية ان يفشي باسم شقيقه الامنجي كي يتقى الاخرون الذين يعيشون بالقرب منه شروره...رفض ذلك الامر رفضا قاطعا بل غضب منى وانتهى الحوار. نعم هذه هي العواطف الاجتماعية الهدامة التي احتمى من ورائها هؤلاء الاوغاد وتوغلوا من خلالها الي داخل نسيجنا الاجتماعي كما السرطان وبذلك تمكنوا من السيطرة الامنية علينا من داخل هذه الاواصر المقدسة وغير مستعدين ابدا للتضحية بمصالحهم حتى لو يفنى من منحوهم هذه الحماية الاجتماعية العاطفية عن بكرة ابيهم وفي ذات الوقت يرغبون في حمايتهم بهذه العواطف الجاهلية الهدامة وهذا للاسف هو الاختراق القاتل الذي مكنهم من التجسس علينا والسيطرة علينا الي درجة انهم ما توانوا في اغتيال اخوتهم بدم بارد في سبتمبر 2013 من داخل هذه الاحياء الاهلية التى منحتهم الحماية والملاذ الامين....ابعد هذا تريدون ان تستمروا في منحهم هذا الحضن الامين الغبي!!؟
| |
|
|
|
|
|
|
Re: استقبله شقيقه الامنجي في صالة كبار الزوار (Re: اخلاص عبدالرحمن المشرف)
|
تخيلوا ان منسوبي هذا الجهاز الاجرامي اللعين حوالي 30 الف منتسب من ضابط الي مخبر صغير وكل واحد فيهم ينتسب الى اسرة واغلبهم بالمصاهرات ينتسبون لاسر جديدة ..فتقريبا ان هنالك حوالي خمسين الف اسرة ترتبط بهذا الكائن ( المنحط) بل تمنحه الملاذ والحماية اذا اقتضى الامر بجاهلية عواطفهم السودانية الهادمة للحق والحقيقة ...هذا هو الاختراق الذي اعنيه اذا ظل هكذا يوفر الملاذ لهؤلاء الاشرار فلا تتوقعوا ان تتم ساعة التغيير محاكمات ومحاسبات وقصاص لعتاة مجرمي الطغمة لطالما توافرت لهم هذه المظلات الاجتماعية الحامية وكاننا ياوابوزيد ........ما غزينا بل سيتم اجهاض كل احلامنا بهذه العواطف السودانية الشوهاء.
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
كيف سيئين؟ عندما تحصل فوضى بسبب المعارضين والمناضلين يُسب الأمن من قبل الشعب ويُقال الدولة هاملة! وعندما يبطش الامن بالفوضى يبرز المحتجين من الشعب في شكل معارضين ومناضلين! ليعود الامن محاولا انهاء الفوضى، ويعود النضال ك اولا انهاء دولة الامن القاسي.... ونقد في ... البيضة أصل الدجاجة ولا الدجاجة أصل البيضة !
| |
|
|
|
|
|
|
Re: استقبله شقيقه الامنجي في صالة كبار الزوار (Re: اخلاص عبدالرحمن المشرف)
|
سؤال معقد هل وصل المناضل السوداني لمرحلة التفريق بين مصلحة الوطن العليا وبين مصلحة الأسرة الخاصة؟ وهل وصل الأمنجي السوداني لمرحلة التمييز بين ما يمليه عليه النظام من ان كل من يعترض عليه هو عميل خائن وبين ما يراه من منتسبي عائلته ممن يرون المصلحة العليا للوطن هي محاربة هذاالنظام؟ على الأمنجي السوداني ان يعتقد ان مصلحه وطنه تختلف تماما عن مصلحة النظام الحاكم وهذا ما فشلت فيه المعارضة حتى الآن على الأقل
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
سلام أخي هباني أرى أخي هباني إنك قد تناولت الموضوع من زاوية واحدة فقط وصبيت جام غضبك على الأمنجية وجرمهم الذي يرتكبونه في حق هذا الشعب الصابر وهذا شيء يعرفه الجميع ولا يخفى على أحد، كما لم ينجو من غضبك أيضاً عواطفنا وروابطنا الاجتماعية ووصفتها بأنها هدامة وجاهلية، ولكنك تجاهلت تصرف صديقك المعارض ولم تعلق، تجاهلت قبوله الاستفادة من وضع أخيه الأمنجي القذر، قَبِل وهو بكامل قواه العقلية أن يدخل من صالة كبار الزوار والتي نعلم أن الشخص لا يُجر إليها جراً، كما نعلم ويعلم الفوائد المجنية من ذلك من اعفاءات جُمركية وتجاوز لكل الإجراءات التي يمر بها الغبش الذين يعارض باسمهما. ثم بعد ذلك قَبِل هدايا وذبائح يعلم علم اليقين أنها مجلوبة بأموال ملوثة بدماء هذا الشعب المطحون بين مطرقة الحكومة وسندان المعارضة، ليأتي بعد ذلك مطالباً بصك براءة ؟ أن كيفية التصرف في مثل هذه الموقف لا تحتاج إلى تفكير عميق من أي مناضل شريف.
| |
|
|
|
|
|
|
Re: استقبله شقيقه الامنجي في صالة كبار الزوار (Re: Fatima Alhaj)
|
السؤال هو هل صالة كبار الزوار مخصصه للكيزان فقط؟ هل المواتر ام سارينا حقت الكيزان؟ وهل مرتب الامنجي ومخصصاته من جيب الكيزان؟ علي حسب علمي ضباط الامن بكونو خريجي كلية الشرطة او الكلية الحربية وقياس النجاح في الكليتين يتم بمدي استيعابك للأوامر وحرفيتك في تنفيذها ... ديل اكل عيشم ياهو دا. خت في بالك الدولة وحوجتها للأمن بغض النظر عمن هو الحاكم. وللمعلومية قانون جهاز الأمن تم وضعه بمعرفة الحركة الشعبية وياسر عرمان بالإسم كان مشارك في اللجنة. بعدين بما انك قاعد في بلد الحرية والديمقراطية كدي النسعلك هل الامنجيه بتاعين السي اي ايي ما قاعدين يكتلو ويعذبو ويهتكو الأعراض بي صورة أبشع من أمنجية الكيزان ولا لا أظن التاريخ الحديث لي ال CIA مليء بالمخازي التي يندي لها الجبين ... وثقافة تحديث طرق وادوات التعذيب ثقافة متعارف عليها في كل الاجهزة الأمنية الأمريكية وما حصل سمعنا او شاهدنا محاكمة أخلاقية لما يقومون به ولا عايلة امريكية نبذت ابنها لأنه يعمل أمنجي. ابن خالتي لزم ونديدي وصديق عمري منذ الطفولة الي الان ونحن علي مشارف الستين ضابط جيش اعلي بي كتير من الأمنجية مكانة ورتبه .. وما كوز .. دائما بلاقيني في صالة الوصول بالعمه والجلابيه وبقعد في الكنبات لغاية ما استلم عفشي الما فيهو حاجه تهم الجمارك وبنطلع نركب عربية الميري المخصصه له يوصلني البيت ويعلم تماما" رأي في الكيزان ومعارضنهم ... اصلهم من طينه واحدة ... هذا الصديق متاح ليهو يعمل زي ما عمل الامنجي لي اخوه لكن لم يفكر ولو مرة واحدة يعملها بدون ما يسألني .. مع العلم بكون في استقبالي دائما لتواجده في الخرطوم في السنوات الاخيرة ... تحياتي مستر هباني ...
| |
|
|
|
|
|
|
Re: استقبله شقيقه الامنجي في صالة كبار الزوار (Re: Salah Zubeir)
|
Quote: السؤال هو هل صالة كبار الزوار مخصصه للكيزان فقط؟ هل المواتر ام سارينا حقت الكيزان؟ وهل مرتب الامنجي ومخصصاته من جيب الكيزان؟ علي حسب علمي ضباط الامن بكونو خريجي كلية الشرطة او الكلية الحربية وقياس النجاح في الكليتين يتم بمدي استيعابك للأوامر وحرفيتك في تنفيذها ... ديل اكل عيشم ياهو دا. خت في بالك الدولة وحوجتها للأمن بغض النظر عمن هو الحاكم. وللمعلومية قانون جهاز الأمن تم وضعه بمعرفة الحركة الشعبية وياسر عرمان بالإسم كان مشارك في اللجنة. بعدين بما انك قاعد في بلد الحرية والديمقراطية كدي النسعلك هل الامنجيه بتاعين السي اي ايي ما قاعدين يكتلو ويعذبو ويهتكو الأعراض بي صورة أبشع من أمنجية الكيزان ولا لا أظن التاريخ الحديث لي ال CIA مليء بالمخازي التي يندي لها الجبين ... وثقافة تحديث طرق وادوات التعذيب ثقافة متعارف عليها في كل الاجهزة الأمنية الأمريكية وما حصل سمعنا او شاهدنا محاكمة أخلاقية لما يقومون به ولا عايلة امريكية نبذت ابنها لأنه يعمل أمنجي. ابن خالتي لزم ونديدي وصديق عمري منذ الطفولة الي الان ونحن علي مشارف الستين ضابط جيش اعلي بي كتير من الأمنجية مكانة ورتبه .. وما كوز .. دائما بلاقيني في صالة الوصول بالعمه والجلابيه وبقعد في الكنبات لغاية ما استلم عفشي الما فيهو حاجه تهم الجمارك وبنطلع نركب عربية الميري المخصصه له يوصلني البيت ويعلم تماما" رأي في الكيزان ومعارضنهم ... اصلهم من طينه واحدة ... هذا الصديق متاح ليهو يعمل زي ما عمل الامنجي لي اخوه لكن لم يفكر ولو مرة واحدة يعملها بدون ما يسألني .. مع العلم بكون في استقبالي دائما لتواجده في الخرطوم في السنوات الاخيرة ... تحياتي مستر هباني ... |
اخونا العزيز صلاح زبير
قبل ان اعلق على مداخلتك اعلاه ارجوك ان توضح لي كيف وصلت بهذا التعميم الجائر لقناعة ان الكيزان ومعارضيهم من طينة واحدة؟
| |
|
|
|
|
|
|
Re: استقبله شقيقه الامنجي في صالة كبار الزوار (Re: Fatima Alhaj)
|
الاخت الكريمة فاطمة تحياتي ارجو ان تعيدى الاطلاع علي بداية الخيط لتعلمي ان صديقي ايضا مثلك قابل بالامر الواقع ويرى انه امر لافكاك منه.... ولكن عندما انتقده اصدقاؤه وانا واحد منهم طلب ان يحتكم الي الراي العام في هذا الامر وسيقبل بحكمه اذا ايد راي منتقديه او موقفه. واؤكد لك مرة اخري بانه لاخير في عواطف واواصر اجتماعية يمكن ان توفر ملاذا امنا لجاسوس نذل لايرحم حتى من منحوه هذه الحماية الاجتماعية ساعة المفاصلة الوطنية لانه صمم ليلعب هذا الدور القذر في خدمة اهداف الفاشيين لانه ليس بضابط قوات مسلحة او شرطة او جمارك بل ضابط في مؤسسة قمعية مهمتها القتل والتعذيب والاغتصاب.
| |
|
|
|
|
|
|
Re: استقبله شقيقه الامنجي في صالة كبار الزوار (Re: اخلاص عبدالرحمن المشرف)
|
Quote: قبل ان اعلق على مداخلتك اعلاه ارجوك ان توضح لي كيف وصلت بهذا التعميم الجائر لقناعة ان الكيزان ومعارضيهم من طينة واحدة
|
يا عمدة تكساس ... تحياتي ... ركز معانا ياخي ... دا ما موضوع البوست ... خلينا في الشعب السوداني دا الخليت الملايين منه عديمي أخلاق لتعامله مع الأمنجية (جيش+امن+شرطه) مضروب في عدد عوائلهم مضروب في عدد اهلهم ومن يمت اليهم بصله ... اهو نوع التفكير الإقصائي دا عامل مشترك بين الكيزان والمعارضين ودا مثال وااااااحد.
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
ههههه والله يا عمدة متواطيء في أي الاتجاهين افضل لي من يقولو علي كوز ولا معارض بعدين انديك رايي الواضح والصريح فيهم اللتنين ... كسوداني ومعارض بتعرف معني القلوط ... شفتا الكيزان والمعارضه قلوط واحد إتقسم بي خيت لي نصفين متساويات في الحجم (اللتنين ما تجو 10% من تعداد الشعب السوداني) ومتساويات في العفن .... بعدين حكاية مع او ضد بتاعت كيزان وبتاعت معارضين شيوعيين ... اتا شيوعي يا عمدة ... اها النجيضه اقولا ليك انا دا ... شفتا 90% من السودانيين ما عندهم شغله لا بي كيزان لا بي معارضين وفي المعارضين كمان شيوعيين ههههه ... يخسيييييييي.
Quote: ..وللاسف حتي مداخلتك التبريرية اعلاه قد وضحت سعيك اذ تودنا ان نطبع مع جهاز القتل والقمع والاغتصاب مثله ومثل الشرطة والقوات المسلحة بل اكدت على ذلك ليس سهوا بل عن قصد بمعلومة مغلوطة وهي ان منسوبي هذا الجهاز القذر هم في الاساس من ضباط الجيش والشرطة بينما نعلم علم اليقين ان كل من تعاقبوا علي رئاسته لم يكن فيهم واحدا خريج احدى الكليتين ( الشرطة والحربية) اعني ( نافع وقوش وعطا) أليس كذلك ؟!! |
هههه إنتا بتتكلم عن ثلاثه اشخاص وأنا بتكلم عن اكثر من 60 ألف سوداني وسودانية في الجهاز تلقي كل ضباطهم التدريب والدراسة في الكليتين المذكورات والتلاته بتاعنك ديل سياسين كيزان اكان قدرتا مسكتوهم حشوهم ثم افرموهم .... بعدين الطلب منك تطبع منو ... انا وصفتا طبعكم كمعارضين المتطابق مع طبع الكيزان الذميم في فن الاقصاء... اللتنين فاكرين البلد دي مافيها زول غيركم واللتنين كضابين ... القاعد في الكرسي عايز يواصل للأبد والمعارض ليهو عايز يصل للكرسي حتي لو حرق الشعب السوداني كلو ... داهية تاخدكم اللتنين ... تحياتي
| |
|
|
|
|
|
|
Re: استقبله شقيقه الامنجي في صالة كبار الزوار (Re: Salah Zubeir)
|
هههههههههههه شفت يا صلاح اخوي الزيك ده عندنا بنضرب بالقاضية من قولة تيت لانو لمن اتذاكى واعمل لامعارض ولا مع الحيكومة بنجيب اخرو وكمان بنسميهو ( ......كلب السرة لا داير .........ولا داير ).والباقي انت عارفو....هههههه بالمناسبة عرفنا رايك في الكيزان والمعارضة بس ما وريتنا رايك في (عمر البشير واخوه عبد الله البشير والعباس البشير ) تحديدا ضروري جدا جدا ههههههعه.
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
كااااااااااااااااااااااااااااااك وقرقرقرقرقرقرقرقرقرقر هههههههههههههههههههههه اها دا العيب الثاني المشترك بينك وبين حبيبك الكوز .... الشخصنه ... الشخصنه ... الشخصنه. كل ما كيسك وكيس الكوز يفضي من الأفكار طوالي تجري لي كسر العين والقلم. معارصتك دي زكرتني الجماعه ... الشريف وعلق جدة والعتود ... صبرا" طولنا من الضقيل ... جاييييييييك ... الي حين ميسرة
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
اغلب البيوت تلقي واحد من الاخوة راس هوس حرامي عديل يخش السجن يخلي ناس بيتهم يبيعوا البيت ويبيعوا الوراهم والقدامهم عشان اخوهم ويطلعوا ويكرر نفس القصة وبرضو يقيفوا معاهو واذا كانت الامور تقاس بالطريقة الوهمية دي لكان (نص) السودان مقاطع النص التاني لانه لا يخلو بيت من وجود فرد شرطي او ضابط او عسكري او امنجي او ككو او كوز
| |
|
|
|
|
|
|
Re: استقبله شقيقه الامنجي في صالة كبار الزوار (Re: هجو الأقرع)
|
Quote: تحياتي وسلامي لكل المتداخلين رايي في هذا الموضوع المعقد الحساس ينطلق من وجهة نظر وطنية مبدئية كشخص مرتبط بقضية وطنية نذرت لها نفسي في مواجهة عصبة مجرمة فاسدة دمرت كل شيء جميل ومن ضمن ادوات تدميرها هذا الجهاز الملعون الذي يعمل فيه هذا الشقيق الامنجي السوداني (ود البلد الاصيل) والذي قام بكل واجبه الاجتماعي الاخوي تجاه شقيقه المعارض.. ويعلم ذات الشقيق المجرم علم اليقين ان ذات شقيقه المعارض اذا وقع تحت رحمة بقية رفاقه من كلاب ذات الجهاز سيء الصيت في اي معركة وطنية ضدهم قطعا لن يقصروا في تنفيذ كل واجباتهم الرسمية القذرة المأمورين بها حسب درجة ( جرمه الوطني) والواجبات القذرة تتدرج بدءا بالقتل ومرورا بالاعتقال والتعذيب والاغتصاب وانتهاء بتشريد الشقيق المعارض من وظيفته ليغادر الوطن مجبرا.. هنا ينبغي ان يكون معيار التعامل مع هذا الشقيق المنضوى تحت هذا الجهاز الفاشي اخلاقيا وبشكل صارم يجرم التعامل معه لانه في الاساس ينبغي ان نصنفه مجرما لمجرد انضمامه لهذه المؤسسة الاجرامية وبالتالي ينبغي ان ننبذه اجتماعيا باضعاف اضعاف ما نمارسه تجاه اي مومس ينبذها اهلها كما نفعل ذلك بكل اريحية في مجتمعنا لان هذا الكائن احط اخلاقيا من المومس لانه يقتل ويعذب ويغتصب ويقطع رزق شخص بينما المومس لا تفعل كل ذلك بل كل جرمها انها تبيع اللذة وهو بكل المقاييس سلوك لا يعادل ذرة مما يرتكبه هذا الكائن المنحط انسانيا واخلاقيا..ولذلك التعامل معه ينبغي ان يكون صارما لان ضرره هنا يصيب كل الوطن بينما المومس ضررها يصيب بضعة افراد وليس وطنا فهي لاتقتل ولاتعذب ولا تغتصب ولا تقطع رزق احد !!!!لذلك ارى ان هذه العواطف الاجتماعية الهدامة اذا ظللنا اسرى لها فانها قطعا ستدجن ضمائرنا لتنحاز مجبرة لاصرة القربى لتعلو فوق اصرة الوطن وبالتالي من الصعب مستقبلا اذا اسفطنا النظام ان تتخذ ضمائرنا مواقف حقانية ضد هؤلاء الاقارب المجرمين لتنصف اهالي الاف الضحايا الاموات والضحايا الاحياء من المعذبين والمغتصبين وملايين المشردين بل ستسعي بذات الاصرة الجاهلية الهدامة لتبرئتهم من كل تهمهم وبالتالي ستضيع الحقوق وحينها سنعجز عن صناعة التغيير المنشود لطالما القتلة واللصوص سينجون من الحساب والقصاص لانهم سيعملون بكل السبل على اجهاض اي تغيير يستهدف نزع مصالحهم وبذلك ستكون عواطفنا الجاهلية الهدامة هي السبب في فشل مشروع التغيير.....فانبذوها انها نتنة!! |
عمدة تكساس ... يا كبير اتا بتقول كلامك دا من تكساس زي الزول المتغطي بي بطانية وقام ظرط ليهو ظرطه واستمتع بي عفنتا براهو ...تعال هنا و واجه الامنجيه والجيش والشرطة وديل المسؤلين من امن البلد ... إنتا بتفتش للتغيير من تكساس ... هههه ... والله في تكساس دي ما تغير الا البامبرز بتاعك ... زكرتني مومسات زقاق اب صليب ساعة تقوم شكلة بيناتم وفيهم الفاتية ام لسانا" سليط وسنين وتشيل وتشتم في الطرف الاخر وتوصف بي يدينا وتدفر في صاحباتا للشكلة .... تحمد الله بي تكساس دي مالك ومال حك الركبين ...
Quote: يا صلاح لدواعي الشفافية انشر لينا صورتك في العام لانو لدي احساس انك( كجر ) |
خخخخخخخ قاعده والله شوف بوست ملهم كردفان ..... قايلني كرمبا ولا مزعمط زيك. يتبع ........
| |
|
|
|
|
|
|
Re: استقبله شقيقه الامنجي في صالة كبار الزوار (Re: Salah Zubeir)
|
Quote: لان مثل هذا القول الجائر لايصدر الا من هو احط من الكيزان!! |
يا عمدة زي قولك دا بقولوهو اخر الليل مش من المغرب ... كدا انا خايف علي صحتك .... انا ما اعتقلتك ولا اغتصبتك ولا عذبتك ولا كتلتك عشان اكون احط من العملو الحاجات دي فيك ... فشنو ما تحترمني لكن احترم الجمهور ....
| |
|
|
|
|
|
|
Re: استقبله شقيقه الامنجي في صالة كبار الزوار (Re: Salah Zubeir)
|
Quote: هههههههههههه شفت يا صلاح اخوي الزيك ده عندنا بنضرب بالقاضية من قولة تيت لانو لمن اتذاكى واعمل لامعارض ولا مع الحيكومة بنجيب اخرو وكمان بنسميهو ( ......كلب السرة لا داير .........ولا داير ).والباقي انت عارفو....هههههه . |
العمدة هباني ... تاني خليك دقيق وما تقولني كلام ما قتو ... أنا قتا اللتنين معفنين ولو يطلع في ايدي اركبم التونسية عشان خاطر 90% من الشعب السوداني الما ليهو علاقة بي كيزان او معارضه ... ديل برضو اديهم القاضية ... هههههه بعدين حكاية كلب السرة دي ما استوعبتها ممكن تشرح.
Quote: بالمناسبة عرفنا رايك في الكيزان والمعارضة بس ما وريتنا رايك في (عمر البشير واخوه عبد الله البشير والعباس البشير ) تحديدا ضروري جدا جدا ههههههعه |
يعني البشير واخوانو لا هم كيزان ولا هم معارضين .... هههههه استعمل الكباية ... مافي داعي تشرب بالبوز ... الدنيا ايرلي مورنيق.
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
ارجو ان تعيدى الاطلاع علي بداية الخيط لتعلمي ان صديقي ايضا مثلك قابل بالامر الواقع ويرى انه امر لافكاك منه.... ولكن عندما انتقده اصدقاؤه وانا واحد منهم طلب ان يحتكم الي الراي العام في هذا الامر وسيقبل بحكمه اذا ايد راي منتقديه او موقفه.
لا يا هشام ياخي أنت ما فهمت كلامي..أنا ليست مثل صديقك المعارض.. مختصر كلامي هو؛ من حق صديقك أن يحتفظ باواصر الأخوة مع أخيه .. ولكن وبما أنه معارض فليس له وتحت أي ظرف أن ينتفع بامتيازات منتسبي جهاز الأمن وعائلاتهم .. كان عليه أن ينأى بنفسه عن ذلك . مثل هذا المواقف توضح انتهازية بعض المعارضين.
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
ايضا يستوى عندي في ذات السقف الانساني المنحط مع الامنجي ذلك الطيار العسكرى الذي يذهب بكامل قواه العقلية منطلقا في مهمة هجومية بطائرة ثمنها مدفوع من كدح الشعب فبدلا من ان تستخدم لحماية ذات الشعب في مواجهة اعدائه يستخدمها ذات الطيار لحماية الحاكم وعصبته في مواجهة ذات الشعب وهو بدم بارد يقصف قرى امنة لم يذهب اهلها البسطاء الفقراء لمهاجمة الحكومة في الخرطوم بل فقط حملوا البنادق يدافعون عن حقهم في الحياة الحرة الكريمة بمايليق وانسانيتهم الطيبة ولذلك ينبغي ان نناصح مثل هذا الطيار الغافل كي يرفض مثل هكذا اوامر اجرامية لقتل شعبه واذا رفض النصح ينبغي ان نتعامل معه بمايليق وموقفه السلبي حيال قضية شعبه اي ان نعزله اجتماعيا حتي يدرك سوءة موقفه وبالتالي يمكن ان ينصلح كي يعود مواطنا سويا.
| |
|
|
|
|
|
|
Re: استقبله شقيقه الامنجي في صالة كبار الزوار (Re: هشام هباني)
|
عدنا
Quote: استقبله شقيقه الامنجي في صالة كبار الزوار بالاحضان!! |
إتو الواحد ساعة يمشي أمريكا من ضمن شروط القرين كارد اتعمل ليك فورماتنق ويمسحو قيمك وأخلاقك وينزلو ليك حاجات جديدة ... الزول دا بيستنكر لقاء الاخوة بالأحضان والمسكين نسي معاها بكا بي نخجيهو ...
Quote: واخيرا قد سالته سؤالا محرجا ان كان على جاهزية لضرورة وطنية اخلاقية ان يفشي باسم شقيقه الامنجي كي يتقى الاخرون الذين يعيشون بالقرب منه شروره...رفض ذلك الامر رفضا قاطعا بل غضب منى وانتهى الحوار. |
يا سلام علي الأخلاق ... هههه قال سؤال محرج ... ههههه ياخي دا شغل أمنجي (معارض) محترف ... معقوله ... عايز الأخو يبلغ سعادتك عن إسم أخوهو شقيقو ... يا إما تكون مخبول ولا صلتك بالسودان مقطوعة من زمن طويل جدا" ولا معمول ليك نظام جديد غير الطلعتا بيهو من السودان. ههه عايز تبلغ شعب المعارضه ... يا زول ... ها ... حقو تراجع منظومة اخلاقك وقيمك وحقو تعرف إن الله اراد وجا العمدة هباني عشان يحكم السودان ما حا يجيب شعب جديد من تكساس يحكمو داخل السودان .. حا تلقي الشعب السوداني زاتو البيقدس العلاقات الأسرية لي الجد التاسع عشر .. لو كان اخوك امنجي ولا قاتل ولا حرامي ولا .... الخ يظل أخوك ومن أوجب واجباتك الوقوف معه والدفاع عنه ... لا أظنك لا تعرف ما هو الواجب عند السوداني .... اوب سوري ... نسيت إنك أمريكي... سبحان الله ...
| |
|
|
|
|
|
|
|