|
|
|
 Re: في سيرلانكا سعدنا بلقيا حيدر حسن ميرغني: ث (Re: عبدالله عثمان)
|
شي طبيعي لما تلتقي زول في حتة بعيدة وغميسة زي دي تقول ليهو الجابك هنا شنو
حيدر زول وناااس ويا ريت لو يحكي لكل الناس زي ما حكى لينا
عطبرة والبدايات الأولى
ببو جاك يا شعوطة ( وجه باسم)
مصر
النقاذ وما ادراك ما الانقاذ والهروب من البلد
العمرة والزوغة
الوصول للارخبيل من ربع قرن وتزيد
طوكيو
الارجنتين قرررررربت ولكن
| |
  
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: عبدالله عثمان)
|
هذا الرجل بطعم ومذاق ... يأنفان على العادة
جميل أن نلتقيه من خلالكم ... واصل الحكي
أخي عثمان ... ونتابع بشدة أشواقنا للرجل
ولهفتنا لأن نستبصر أعماقه التالدة الوضيئة
... فهنا رحلة مختلفة وهنا تجربة أوقع في
الخيال عن الواقع ... لكنها بعزمه ... واااقعة
حبيبنا ... حيدر حسن ... تسلم يابا, ولا بأس
من عيدية متأخرة ... فكل سنة وإنت طيب
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: HAYDER GASIM)
|
First imperssion lasts
تعرف يا حيدر رغم ضيق الفترة التي التقيناهو فيها
الا انو الواحد وبالبصيرة يعرف اي معدن من الناس هو
احبنناهو في الله ولله
زوجتي جات من الخرطوم ولا خديث لها الا عن الكوشة هناك
جات للبلد دي وقالت لي رغم انو في ذهننا انو دي بلد تعبانة
واهلها في الخليج عمال بسيطين لكن فوجئت بنظافتها وترتيبها
وجمالها
بعد لاقينا حيدر قلت ليها لكن بلدنا البنضفها منو ما دام نوع حيدر ده وعشرات
زيو في هذا الجزء من العالم هجروها بعد جية المجرمين ديل
أخشى أن يطول بنا زمان ولا نعود لتلك البلاد التي اليها نحن
سعدنا يا حيدر الثاني بمروركم من هنا مثلما سعدنا بمعرفة حيدر الأول
سيد اللسم
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: بكرى ابوبكر)
|
عبد الله عثمان
ما دام انت بتقول حيدر من عطبرة ..صدقناك ووصفك ليه حقيقة
واحتمال تكون قصرت وما وصفت كل الصفات الطيبة المحبوبة..
..لكن من الاثنين ديل ياتو فيهم حيدر ود عطبرة....ويا ريت يجينا
ويحكي لينا ...
والوداكم سيريلانكا البعيدة دي شنو...ونطيتو دول الخليج واوروبا ...
لكن اظن عندكم حق لاننا سمعنا السودانيين وصلوا الاسكا..
وكل سنة وانتو طيبين
ودمتم بالف خير
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: بكرى ابوبكر)
|
شكرا استاذنا عبدالله
للكتابة عن رجل لطيف وودود وحبوب
ياجماعة طيب انا اللاقيتو عشرومية مرة في تجمعات بورداب
الرياض دا اطلع منو؟
طوالي بسلم عليهو بحرارة وباسمه وبرد....
ونقرب نتونس مع بعض
والغريبة اعرف ان الرجل له علاقة بسيريلانكا
كدة انا متوهدب شديد
هل لحبيبنا حيدر علاقة بالرياض وبودرابها؟
ان كانت الإجابة نعم أكون انا في السليم...
الصورة الجابا الاخ بكري زادت وهدبتي
زولي الهنا دائماً بقابلو لابس جلابية سودانية
وبلا طاقية
سلام للاخ والحبيب حيدر
ولَك يا استاذي عبدالله
سي سي
للاخ الحبيب
بكري ابوبكر
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: سيف النصر محي الدين)
|
مرحب بيك تاني يا عبد الله
تحيايا بطعم البهار Spicy Greetings
انا الأسعد بلقاءك وزوجتك الفضلى
يمن الله علينا من حين لآخر بمرور مخاليق رائعين مثلكم بهذه الجزيرة التي أصبحت مستقرا لي طيلة الـ 20 سنة الماضية
إستقرار متقطع بحكم العمل ، أغادرها احيانا لسنوات لكني اعود إليها لان لي فيها أسرة واصحاب وذكريات جميلة
كنت اتمنى ان يسعدكم الحظ بلقاء اخواننا السودانيين المقيمين هنا أيضا منذ فترة طويلة (لسه مارجعوا من اجازة العيد)
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: عبدالحفيظ ابوسن)
|
اتفق مع كل ما سطّره الزملاء الافاضل في مآثر الأخ حيدر لأن شهادتي فيه مجروحة، بحكم الزمالة في العمل والصداقة التي ربطتنا في طوكيو سنينا ممتدة.
وحيدر إلى جانب ثقافته العميقة وسعة أفقه وإطّلاعه، فهو عازف عود ماهر وذوّاق للغناء النضيف!
شكرا عبد الله عثمان مع أطيب الأمنيات بإجازة سعيدة.
محبتي
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: عبد العزيز محمد عمر)
|
التحية لكل البورداب حول العالم فعلا هم نعم لإخوان. وبهم نفاخر
قابلت الصديق حيدر حسن ميرغني قبل اكثر من سبعة أعوام
تقريبا تزيد أو تنقص المهم انه إنسان فاضل وحبوب وأخو اخوان
التحية له وللاخ عبدالله عثمان غايتوا انا الاخ عبدالله كنت متوقع
انه شيخ كبير لكن ماشاء الله شباب ربنا يحفظكم يا اخوان
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: محمد المسلمي)
|
سلام يا قوم
كل المتداخلين فردا فردا
انا بين السماء والأرض
لما أرك كويس في "باندونق الفتية"
زي ما قال الحسين الحسن بقى ناقابل
سلام كبير
لكن على جنية يا ود اب سن الله يبارك فيك
وسلامة سامية اب سن
على جنبة كدة تاني يا بسمات
لكن تفاخرو بحيدر
واضح انو ورشة مرّمة وسيمافور وشيخ دريسة
سلام كبير لما نرك
| |
|
|
|
|
|
|
|
|
 Re: في سيرلانكا سعدنا بلقيا حيدر حسن ميرغني: ث (Re: Nasser Amin)
|
الحبيب عبد الله عثمان
و الحبيب ( ابو النسب ) حيدر
لكما التحايا الصادقة والامنيات الطيبة
كل سنة وانتم بالف خير
الله يجعل فيكم الخير الدائم والمحبة الخالصة
تحياتى لكم مثنى وثلاث ورباع
( يا عبد الله كان تكلمنى الاقيك هنالك ) ......... المرات المقبلة
شكرا يا بكرى نشوف صورة لعبدالله عثمان بعد ( كم سنة ...... هو يقول ليك ) هههههههه
وايضا حبيبنا حيدر
الله يكرمكم اجمعين
.............
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: محمد المرتضى حامد)
|
الشكر لكل المشاركين فردا فردا واعتذر اني ما زلت على سفر وآمل أن أعود
أثني الحديث الطيب لمولانا المرتضي فأنا واحد من الناس تزعجني العبارة
التي يوصي بها بعض السودانيين مسافريهم
"أوعكم من السودانيين"
هذه عبارة غياظة وكثيرا، وتعميمها فيه تجن كبير
اذكر في العم ١٩٩٧ التقت شقيقة زوجتي سيدة سودانية في مول في واشنطون
كلمة والتانية طوالي مشن على الفندق جابن شنطة هذه السيدة
ثم صارت علاقة اسرية ممتدة ولا أحلى وحقو ده يكون السايد بيناتنا ما امكن ذلك
سعدنا جدا، زوجي وأنا برؤيا حيدر وودنا ألو ألتقينا كل السودانيين في هذا الأرخبيل
حكيت اللقاء الذي تم بفرح غامر لأخ كريم يجول العالم كثيرا فقال لي أكان كدي دي
رحلتي الجاية اتعرف محلها وين
نحيي بكري مرة اخري فقد صارت له قبيلة تهز وترز
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: حيدر حسن ميرغني)
|
صديقنا عبد الله عثمان..
حبابك وكتر خيرك على هذه اللفتة..
وربنا يوصلك بالسلامة..
التحية لصديقنا ول ابا حيدر حسن ميرغني..
عارف يا حيدر ، لمن قريت البوست ده قبل كم ساعة ، كنت بسمع في حوار في الببي سي مع المغنية السودانية المهاجرة الشابة اميرة خير والعازف نادر رمزي..يدي اكلتني وقلت اخت غنية..ولكن..!
ان شاء الله يوم شكرك ما يجي يا صديقي ، وكلما اخش البورد قاعد اقرا سطورك ومشاركات ودايما عندي انطباع واحد: الزول ده ليه مزاجو رايق في كل الفصول والمواسم؟..
اتاريك يا قريبي قاعد في محل الشاي ذاتو..!!
كبر
| |
|
|
|
|
|
|
|
|
|
Re: في سيرلانكا سعدنا بلقيا حيدر حسن ميرغني: ث (Re: Kabar)
|
نحي بكري مرة ثانية فقد صارت له قبيلة تهز وترز (Quote)
...... """"""""""""""""""""""".........
عبد الله عثمان
غايتو في العبارة دي اصلك ما قصرت....وصف رائع وممتع لاسفير بكري ابوبكر..
وانا ازيد ..فلنحي بكري فقد صار له درع وسيف....(كتاب وادباء وفلاسفة وعلماء
يقفون الى جانبه وقت الشدة، وله اعوان واصدقاء في كل بقعة من بقاع الارض ..ففي
كل دولة هناك عضو من اعضاء المنبر....
( عبارة درع وسيف استلفتها من خطاب الرئيس السادات الذي كنت استمع اليه قبل قليل
الذي القاه بمناسبة نصر اكتوبر عام ١٩٧٣م وهو يحي القوات المسلحة
وهو يقول ..ان لهذا الشعب ان يطمئن بان اصبح له درع وسيف..
مع وافر الاحترام..
| |
|
|
|
|
|
|
|
|
 Re: في سيرلانكا سعدنا بلقيا حيدر حسن ميرغني: ث (Re: امتثال عبدالله)
|
سلآمات يا عبد الله،
ثم بختك يأخ وهنيئاً لك مقابلة الزول دا،
بس إن شاء الله تكون سعلتو من السينما الجمهورية .
حنين يا لغم، يأخ ما أرحكاكَ اتبرا في العيد الكبير .
ملحوظة يا عبد الله،
شاعر اسيا وأفريقيا تاج السر الحسن
وليس أخيهِ الحسين الحسن لهما الرحمة من ربٍ غفور رحيم ...
| |
|
|
|
|
|
|
| |
عبدالله عثمان
HAYDER GASIM
بكرى ابوبكر
عبدالمنعم الطيب حسن
سيف النصر محي الدين
حيدر حسن ميرغني
عزالدين عباس الفحل
Gaafar Ismail
علي دفع الله
عبدالحفيظ ابوسن
الفاتح ميرغني
أبوبكر عباس
محمد المسلمي
Nasser Amin
عبدالعظيم عثمان
ANWAR SAYED IBRAHIM
MOHAMMED ELSHEIKH
Muhib
Biraima M Adam
جمال ود القوز
محمد المرتضى حامد
Kabar
معاوية المدير
فيس بوك
تويتر
انستقرام
يوتيوب
بنتيريست