في سيرلانكا سعدنا بلقيا حيدر حسن ميرغني: ثانكس تو بكري ابوبكر

00:02 AM July, 04 2017

سودانيز اون لاين
عبدالله عثمان-
مكتبتى
رابط مختصر

أن تلتقي أخا لطيفا في اي مكان حاجة لطيفة
والألطف أن تلتقيه في أرخبيل بعيييييد مثل سيرلانكا
ثم اكثر من ذلك أن يكون زول لطيف ووناااااس مثل حيد
الشكر للباشمهندس بكري ابو بكر ان جعل هذا ممكنا

شي طبيعي لما تلتقي زول في حتة بعيدة وغميسة زي دي تقول ليهو الجابك هنا شنو
حيدر زول وناااس ويا ريت لو يحكي لكل الناس زي ما حكى لينا
عطبرة والبدايات الأولى
ببو جاك يا شعوطة ( وجه باسم)
مصر
النقاذ وما ادراك ما الانقاذ والهروب من البلد
العمرة والزوغة
الوصول للارخبيل من ربع قرن وتزيد
طوكيو
الارجنتين قرررررربت ولكن

هذا الرجل بطعم ومذاق ... يأنفان على العادة

جميل أن نلتقيه من خلالكم ... واصل الحكي

أخي عثمان ... ونتابع بشدة أشواقنا للرجل

ولهفتنا لأن نستبصر أعماقه التالدة الوضيئة

... فهنا رحلة مختلفة وهنا تجربة أوقع في
الخيال عن الواقع ... لكنها بعزمه ... واااقعة

حبيبنا ... حيدر حسن ... تسلم يابا, ولا بأس
من عيدية متأخرة ... فكل سنة وإنت طيب

First imperssion lasts
تعرف يا حيدر رغم ضيق الفترة التي التقيناهو فيها
الا انو الواحد وبالبصيرة يعرف اي معدن من الناس هو
احبنناهو في الله ولله
زوجتي جات من الخرطوم ولا خديث لها الا عن الكوشة هناك
جات للبلد دي وقالت لي رغم انو في ذهننا انو دي بلد تعبانة
واهلها في الخليج عمال بسيطين لكن فوجئت بنظافتها وترتيبها
وجمالها
بعد لاقينا حيدر قلت ليها لكن بلدنا البنضفها منو ما دام نوع حيدر ده وعشرات
زيو في هذا الجزء من العالم هجروها بعد جية المجرمين ديل
أخشى أن يطول بنا زمان ولا نعود لتلك البلاد التي اليها نحن
سعدنا يا حيدر الثاني بمروركم من هنا مثلما سعدنا بمعرفة حيدر الأول
سيد اللسم

عبد الله عثمان
ما دام انت بتقول حيدر من عطبرة ..صدقناك ووصفك ليه حقيقة
واحتمال تكون قصرت وما وصفت كل الصفات الطيبة المحبوبة..
..لكن من الاثنين ديل ياتو فيهم حيدر ود عطبرة....ويا ريت يجينا
ويحكي لينا ...
والوداكم سيريلانكا البعيدة دي شنو...ونطيتو دول الخليج واوروبا ...
لكن اظن عندكم حق لاننا سمعنا السودانيين وصلوا الاسكا..
وكل سنة وانتو طيبين
ودمتم بالف خير

شكرا استاذنا عبدالله
للكتابة عن رجل لطيف وودود وحبوب

ياجماعة طيب انا اللاقيتو عشرومية مرة في تجمعات بورداب
الرياض دا اطلع منو؟
طوالي بسلم عليهو بحرارة وباسمه وبرد....
ونقرب نتونس مع بعض
والغريبة اعرف ان الرجل له علاقة بسيريلانكا

كدة انا متوهدب شديد
هل لحبيبنا حيدر علاقة بالرياض وبودرابها؟
ان كانت الإجابة نعم أكون انا في السليم...
الصورة الجابا الاخ بكري زادت وهدبتي
زولي الهنا دائماً بقابلو لابس جلابية سودانية
وبلا طاقية
سلام للاخ والحبيب حيدر
ولَك يا استاذي عبدالله
سي سي
للاخ الحبيب
بكري ابوبكر

حيدر حنين حبيب الكل.. مافي زول عاصره في الزقازيق الا و اعتبره
صديقه الأوحد .
حنين دي بالمناسبة لقب و ليست اسم. حيدر كان ينادي اي زول يا حنين
ولو خت فيك راي بناديك ب يا لغم :)

مرحب بيك تاني يا عبد الله
تحيايا بطعم البهار Spicy Greetings
انا الأسعد بلقاءك وزوجتك الفضلى
يمن الله علينا من حين لآخر بمرور مخاليق رائعين مثلكم بهذه الجزيرة التي أصبحت مستقرا لي طيلة الـ 20 سنة الماضية
إستقرار متقطع بحكم العمل ، أغادرها احيانا لسنوات لكني اعود إليها لان لي فيها أسرة واصحاب وذكريات جميلة
كنت اتمنى ان يسعدكم الحظ بلقاء اخواننا السودانيين المقيمين هنا أيضا منذ فترة طويلة (لسه مارجعوا من اجازة العيد)

الجميلين حيدر وعبد المنعم ود. سيف وسيد الحوش
بتنا العزيزة بسمات
دمتم طيبين
-
عبد المنعم
أخوك شبح .. أعمل حسابك (تصدق عمري ما لبست جلابية)

فعلا الاخ حيدر حسن مرغني.
زول حبوب من كتاباته.
First imperssion lasts
دي موجودة حتي في كتابات الأفراد.
لا تخيب ابدا.
حيدر مرغني زولا .
عذب و جميل .
اشواقي






عزالدين عباس الفحل
ابوظبي

الأخ عبدالله عثمان وضيوفه الكرام
انت بلا شك محظوظ إذ جمعتك الظروف بالرجل الحبوب الخلوق حيدر
أمضى معنا أيام جميلة في اليابان لا تنسى كان خلالها نعم الأخ ونعم الصديق
ويا حيدر كل عام وانت والأسرة الكريمة بألف خير .

الاستاذ عبد الله عثمان لك التحية والاحترام
فعلا حيدر حسن من الناس البتمنى الاقيهم

تحية ليهو
وليك
ومبروك لي اختك العرس
حيدر من الذين تحس بوجودهم

سلام يا عود،
دا فعلا لقاء الصٌلاح
كنت ناوي أرسل ليك واتساب يا عبد الله، عشان ترسل لي صورة "للحنين" حيدر
سعيدين يا حيدر بشوفة الصورة والشوفة بعيون عبد الله عثمان

سريلانكا دي بعيدة ... عليك يا حيدر لو ماشي السودان في أي لحظة ادينا خبر...

بين الحصايا والشرقي خور بس ...




الشغيل

التحية لكل البورداب حول العالم فعلا هم نعم لإخوان. وبهم نفاخر
قابلت الصديق حيدر حسن ميرغني قبل اكثر من سبعة أعوام
تقريبا تزيد أو تنقص المهم انه إنسان فاضل وحبوب وأخو اخوان
التحية له وللاخ عبدالله عثمان غايتوا انا الاخ عبدالله كنت متوقع
انه شيخ كبير لكن ماشاء الله شباب ربنا يحفظكم يا اخوان

سلام يا قوم
كل المتداخلين فردا فردا
انا بين السماء والأرض
لما أرك كويس في "باندونق الفتية"
زي ما قال الحسين الحسن بقى ناقابل
سلام كبير
لكن على جنية يا ود اب سن الله يبارك فيك
وسلامة سامية اب سن
على جنبة كدة تاني يا بسمات
لكن تفاخرو بحيدر
واضح انو ورشة مرّمة وسيمافور وشيخ دريسة
سلام كبير لما نرك

على حنبة سريعة تالت
يا مسلمي الله يفرحك
ياخ انا على اعتاب معاش العم سام خلاص
شوف لينا بس سكن بستاني في ود العقلي ولا غرسلي
الله يفرحك بشباب دايم
انا دفعة اخو ود اب سن الأكبر من الأكبر منو
وود اب سن ذاتو جلكن فما بالك

تحياتي للاخوان عبد الله و حيدر
بركة الشفناكم وربنا يديم الخوة و المحبة

سلامات يا عبالله

شكرا علي أشراكنا في الكلام السمح دا
التحية للزميل حيدر

الزوول الخاتي النضارة في قميصه
وغازي يدينه الإثنين في جيوبه دا منو ؟

الحبيب عبد الله عثمان

و الحبيب ( ابو النسب ) حيدر

لكما التحايا الصادقة والامنيات الطيبة

كل سنة وانتم بالف خير

الله يجعل فيكم الخير الدائم والمحبة الخالصة

تحياتى لكم مثنى وثلاث ورباع

( يا عبد الله كان تكلمنى الاقيك هنالك ) ......... المرات المقبلة

شكرا يا بكرى نشوف صورة لعبدالله عثمان بعد ( كم سنة ...... هو يقول ليك ) هههههههه

وايضا حبيبنا حيدر

الله يكرمكم اجمعين

.............

حيدروف
الزمن عاملك بي لطف
على غير العادة

التحية لكم حيدر وعبد الله
بس محتار في انو السودانيين
مرقوها في "سيلان" !!!!

جميله تلك البلاد
كنت هنالك الصيف الماضي لحضور حفل زواج صديق من تلك البلاد
وزرنا بالقطار مدينه كندي
هنيئا لكم

الشعب هنلك نظيف وبلدهم طيبه
امشي مطعم الكريكت في العاصمه

شكرا يا باشمهندس بكري على الصورة
أهو طلعنا شباب ننافس حيدر
بختنا
ممتنون يا حبيب
حيدر قال لي اهلو رحلو من اتبرا للحلفاية يعني بقى من "اندكم" يا باش

يا سلام لهذا الأنسان الرائع .. الأخ حيدر ..

شكراً يا عبد اللهبريمة

ماعدمناكم ياشباب
وربنا يديم المحبة
-
يامحب ياريت عرفنا بمجيئك ياخ
نادي الكريكت ده على بعد خطوات من المحل اللي التقطنا فيه الصورة المرفقة في البوست ( في شارع فرعي)

مرحبا حيدر وعبد الله ..

(البورداب) منظمة قوية تنتشر مكاتبها في جميع القارات وهذه حقيقة
معروفة للكافة كثيرا ما تطرق إليها بعض كتاب المنبر وغيرهم ولي تجارب
شخصيه في هذا الإتجاه في القارات الست خلصت منها إلى
أن بكري قام بعمل فشلت فيه وزارات وأجهزه حكومية نيط بها القيام بهذا الدور
الذي أشار إليه صاحب البوست.
عزيز الجميع حيدر حسن ميرغني، مندوبنا في حواكير السنهال والتاميل ،
يتمركز في خارطة من الأصحاب هنا أراهم من المفوضين بإزالة الكآبة،
ودرء إحساس الغربة حين تقدم جواز سفرك إلى موظفي الهجره
في ( بلدن طيرا عجم) فتغمرك ، بصوره فوريه الأثر كلمسة ميدوزا ، سكينة
بطعم الفجر في المساجد ، وهذا عين ما لقيته في كافة أركان الدنيا حيث شملني
زملاء وزميلات بكريم لطفهم ورعايتهم ووفروا لي وثيقة تأمين سودانية شاملة ضد
التوجس والتحسس والتوحد و(الترقب وانتظار المستحيل) .
يقول محمود درويش:
أخاف المطارات التي يودعني في أحد وتلك التي لايستقبلني فيها أحد.
شكرا لك يا عبدالله ولأخي حيدر أنكما ببساطه أعليتما قيمة سودانيه بوردابية
تذكرنا بمقوله بسيطة لا تمل لهاتنا من بثها وهي أننا ما زلنا بخير،
وشكرا لكما ثانية لإفشائكما المحبة العابرة للقارات .

الشكر لكل المشاركين فردا فردا واعتذر اني ما زلت على سفر وآمل أن أعود
أثني الحديث الطيب لمولانا المرتضي فأنا واحد من الناس تزعجني العبارة
التي يوصي بها بعض السودانيين مسافريهم
"أوعكم من السودانيين"
هذه عبارة غياظة وكثيرا، وتعميمها فيه تجن كبير
اذكر في العم ١٩٩٧ التقت شقيقة زوجتي سيدة سودانية في مول في واشنطون
كلمة والتانية طوالي مشن على الفندق جابن شنطة هذه السيدة
ثم صارت علاقة اسرية ممتدة ولا أحلى وحقو ده يكون السايد بيناتنا ما امكن ذلك
سعدنا جدا، زوجي وأنا برؤيا حيدر وودنا ألو ألتقينا كل السودانيين في هذا الأرخبيل
حكيت اللقاء الذي تم بفرح غامر لأخ كريم يجول العالم كثيرا فقال لي أكان كدي دي
رحلتي الجاية اتعرف محلها وين
نحيي بكري مرة اخري فقد صارت له قبيلة تهز وترز

شكرا ود المرتضى الانيق رسما وحرفا
اسعدتني كلماتك في شعب البورد
لك الشكر ياشفيف

صديقنا عبد الله عثمان..
حبابك وكتر خيرك على هذه اللفتة..
وربنا يوصلك بالسلامة..

التحية لصديقنا ول ابا حيدر حسن ميرغني..

عارف يا حيدر ، لمن قريت البوست ده قبل كم ساعة ، كنت بسمع في حوار في الببي سي مع المغنية السودانية المهاجرة الشابة اميرة خير والعازف نادر رمزي..يدي اكلتني وقلت اخت غنية..ولكن..!

ان شاء الله يوم شكرك ما يجي يا صديقي ، وكلما اخش البورد قاعد اقرا سطورك ومشاركات ودايما عندي انطباع واحد: الزول ده ليه مزاجو رايق في كل الفصول والمواسم؟..

اتاريك يا قريبي قاعد في محل الشاي ذاتو..!!

كبر

نحي بكري مرة ثانية فقد صارت له قبيلة تهز وترز (Quote)
...... """"""""""""""""""""""".........
عبد الله عثمان

غايتو في العبارة دي اصلك ما قصرت....وصف رائع وممتع لاسفير بكري ابوبكر..

وانا ازيد ..فلنحي بكري فقد صار له درع وسيف....(كتاب وادباء وفلاسفة وعلماء

يقفون الى جانبه وقت الشدة، وله اعوان واصدقاء في كل بقعة من بقاع الارض ..ففي

كل دولة هناك عضو من اعضاء المنبر....

( عبارة درع وسيف استلفتها من خطاب الرئيس السادات الذي كنت استمع اليه قبل قليل

الذي القاه بمناسبة نصر اكتوبر عام ١٩٧٣م وهو يحي القوات المسلحة

وهو يقول ..ان لهذا الشعب ان يطمئن بان اصبح له درع وسيف..

مع وافر الاحترام..

سلآمات يا عبد الله،
ثم بختك يأخ وهنيئاً لك مقابلة الزول دا،
بس إن شاء الله تكون سعلتو من السينما الجمهورية .

حنين يا لغم، يأخ ما أرحكاكَ اتبرا في العيد الكبير .



ملحوظة يا عبد الله،
شاعر اسيا وأفريقيا تاج السر الحسن
وليس أخيهِ الحسين الحسن لهما الرحمة من ربٍ غفور رحيم ...

شهادتنا في حيدر حنين مجروحة ..
ومع ذلك ..
حيدر حنين زول نقي وجميل و مدهش ..
و مثقف لامن بهناك ..