اعتذار عن خطأ في موضوع موصللي /حاتم

Quote: سلام ي شباب ورمضان كريم ما داخل هنا لي لي حاجة غير اقول للاخ الشبلي ان الدكتور امير بوب ليس هو الاخ حاتم اعرف الاخ والصديق امير بوب وهو انسان دوغري وما بحب اللف والدوران لو كان هو حاتم كان طوالي اقر بالحاجة دي .اقول الكلام دة وانا ( بعد قرايتي للبوست دة وبوستات تانية واقف مع موصلي ) . الاستاذ موصلي تحية طيبة اول اقدر المجهود الذي بذله الاخ حاتم وجعلك ( تفتش وتحفر ) وتبحث عن مصادر ودة في حد زاتو محمدة وايضا تناقش - بس كنت اتمنى انو يكون نفسك بارد اكتر من كدة . لانه حتى لا قدر الله لو كان مقصد الاخ حاتم غير المعرفة والوصول للحقيقة انت المستفيد. الاخ حاتم الشكر لك ايضا على المجهود في تنويع ونقل النقد للحوار السوداني - نحتاج الحاجات الزي دي والناس الزييك . بس كنت اتمنى حتى ولو الاستاذ يوسف ومناصرية اساؤوا ليك انك تبعد من السخرية وبرضو ي حاتم الكبير كبير والموصلي كبيرنا . ما ارمي اليه هو عودة الاحترام بين المفاوضين والمتناقشين. . ملحظة : موضوع اللحن المقابل دة ما اعتقد يكون كترجمة ماخوذ بها مع كلمة counterpoint (راي دارس لغات ونقد ادبي ). طيب عشان ما يجيني زول تاني يقولني كلام ما قلتو 1- الدكتور امير بوب والاخ حاتم ليسا شخصية واحدة يا شبلي وانا هنا رغم اني واقف مع موصلي ( بعد القراية المكثفة لكل -الجنجال-) بالواضح كدة الراجل دة ما بكذب من يوم عرفتي ليهو وراجل بحب النقد شديد ودايما يسعى للمعرفة وانا متاكد لو فضا للمنبر دة ح نكسب كاتب متميز . 2- اقدر استمرار الاستاذ الموصلي في دعم النقاش ومحاولة البحث والتمحيص والتدقيق. الجيل الجديد يا موصلي ما بقتنع بي سهولة وذلك لسهولة ويسر اقتناء المعلومات ولانهم وبالذات الناس المهتمة درسو بعقلية نقدية وليس بعقلية الحفظ والتسليم ( يعني دايما بسالو : لـــــــيه؟ why؟ ) 3- اثمن واقدر المجهود النقدي والحواري لمعظم المشاركين وايضا اثمن وقوف الاخ امير بوب مع الغائب حتى يعود . 4- ما عارف الاخ كبر ( تحية وتقدير ) علاقتو شنو بالموسيقى بس مرات كتيرة بحس انو كلامو جايط ( دة احساس بس ما راي عشان ما يجيني واحد يقول لي المصدر هههه). ودمتم ودام الحوار النقدي المفيد .

Quote: كدا اقتنعنا إنّو بوب شخصية حقيقية سؤال جمجرة يا اسامة: هل بوب بحب وردي جدا جدا؟

Quote: لكن ملاحظتي إنه بعد الرسائل والتواصل التم كتل حيلو شويه .. هههههه .. وهسه شايفه مافي شكلو شتت وكبر اللفة من موضوع الكاونتربوينت ..

Quote: ملحوظة : ههه دنقلاوي بالله ممكن براحة تكون يا خالي يا ود خالي او ود خالتي . كوريج آجا نالوووويه (واحدة من الجمل القليلة البعرفها ف لغتنا الجميلة ).