|
Re: الموقف السوداني الرسمي ..... من الازمة القط� (Re: الشامي الحبر عبدالوهاب)
|
شيخ الشامي. سلام.
نخشي. من. رجل. الإمارات والسعودية القوي. طه عثمان ان يؤثر علي الدولة ويعلن. انحيازه معهم وكما تعلم. أن طه عثمان. ممسك. بموضوع العلاقات مع السعودية ورفع الحظر. الامريكي. فهو مابين ابن سلمان وابن زايد. والإنقاذ البيع. عندها. عادي. والمتضرر الاول والأخير. المواطن السوداني
/----- كل مرة نتوقع. الجديد.
| |
|
|
|
|
|
|
Re: الموقف السوداني الرسمي ..... من الازمة القط� (Re: محمد المسلمي)
|
الاخ الشامى وضيوفه الموقف السودانى كالماء ..... اما بخصوص مايدعى الفريق طه هو ليس الا شخصيه علاقات عامه وفقاعه لشغل الراى العام ......واحسب ان الملفات يمسك بها اشخاص غير معروفين اعلاميا يديرون ملفاتهم واتصالاتهم فى الظل . موضوع قطر ارتباط اساسى بقطر(الاخوان المسلمين ) كالارتباط بتركيا مع محاوله الحفاظ على التوازن فى التصريح لحفظ المصالح مغ الجانب الاخر. ياجماعه دا موضوع مفروغ منو مامحتاج حتى الناس تعملو موضوع نقاش . اللعبه فيها اطرا ف اساسيه واى مواقف وانحيازات مخالفه وغريبه معناها مخادعه ومهادنه لااكثر.
| |
|
|
|
|
|
|
Re: الموقف السوداني الرسمي ..... من الازمة القط� (Re: Asim Ali)
|
غايــتو اذا البيان دا هو موقف الحكومة السودانية بتكون حفرت لنفسها حفرة كبيرة ضمن المجموعات الأرهابيه ومجموعات الأخوان المسلمين ودا حيكون أكثر القرارات كارثية علي الحكومة السودانيه قد يؤي الي طردها من تحالف عاصفة الحزم " أفضل السيناريهات أن تكون موضع شك" فقط دخول قوات مصرية علي الأرض ويصبح السودان كرت محروق
جاتكم مقنطرة تنفضوا يدكم من قطر زي ما نفضتوها من إيران وبهذا الموقف تكون الحكومة السودانية إختارت مصلحة التنظيم الأممية ولم تراعي مصلحة شعب السودان في عدم توريط الدوله السودانيه في التحالف مع جماعات ودول ترعي الإرهاب ...
وبالموقف دا رفع العقوبات الإقتصاديه بصورة نهائية بات من المستحيلات أما رفع إسم السودان من قائمة الدول الراعية للإرهاب فهو المستحيل بعينه
| |
|
|
|
|
|
|
Re: الموقف السوداني الرسمي ..... من الازمة القط� (Re: مني عمسيب)
|
سلام ياشامى ,, لا ليس ضرورياَ ان ينحاز السودان الى هذا المعسكر او ذاك. الموقف السليم ان يقف السودان على مسافة واحد من طرفى الازمة. وعليه ان يستدعى موقفه من غزو العراق للكويت وما ترتب عليه فى الحسبان ,, إذا لم يقدر السعوديون والاماراتيون الظروف التى تحيط بالسودان فلن يكونوا حلفاء موثوق بهم ,, وحتى لا يخسر علاقته بقطر بسبب ازمة خلقتها الموازنات العالمية المُتأرجحة دوماً عليه اتخاذ موقفاَ وسطاً فهولاء العرب مثل الثعلب توقع منهم اى شيئ.
| |
|
|
|
|
|
|
Re: الموقف السوداني الرسمي ..... من الازمة القط� (Re: عبدالعزيز الفاضلابى)
|
شكرا لكم جميعا اخوة واخوات على المرور الكريم واثراء البوست بهذه المداخلات القيمة وبالتأكيد سيحاول السودان تعزيز موقفه المعلن بالموقف الكويتي الساعي لتهدئة الأزمة والاستفادة كذلك من تحركات عالمية روسية وامريكية لاحتواء الازمة وقد يشفع للسودان وجود قواته داخل اليمن ضمن عاصفة الحزم.. ويا ريت مواقف السودان دائما تتميز بهذا الهدوء...في التعامل مع كافة القضايا
| |
|
|
|
|
|
|
Re: الموقف السوداني الرسمي ..... من الازمة القط� (Re: الشامي الحبر عبدالوهاب)
|
Quote: كل يوم في ورطة جديدة خليهم يتوتروا كدا |
يامنى اول شيئ رمضان كريم. تانى شيئ سياسة عجبنى للمرقوت دى جابتنا ورا. حكاية الزول القالوا ليهو سَمى عشان الشيطان ماياكل معاك فقام ختَّ سم فى الاكل عشان يمَوِّت الشيطان فاتلحس هو نتيجة حماقتو. الراجل الخَصا نفسه نكاية فى مرتو ,, مرتو إطَّلقت وعرست غيره وهو قعد واشتغل فرتاك حفلات ,, وكل مرة ياخِد عكاز ولا سكين. يا عالوووووم عشان بنكره الحكومة ده ما معناتا نفرح بأخطائها. عشان اخطاءها دى بتخصينا نحن. الغاية لاتبرر الوسيلة.
| |
|
|
|
|
|
|
Re: الموقف السوداني الرسمي ..... من الازمة القط� (Re: عبدالعزيز الفاضلابى)
|
سلامات شيخنا الشامي وضيوفه
الفاضلابي كيف حالك
موضوع الحياد في الموضوع الحاصل دا خطير جداً
لانو اساس المقاطعة هو دعم قطر للارهاب .. يعني يا اما تكون مع قطر
وبي كدا تكون داعم للارهاب يا اما تكون ضد الارهاب وضد من يدعمه
وخاصة بالنسبة للسودان في هذا الظرف السياسي الحاصل
لا تنسى موضوع رفع العقوبات كل هذه الظروف
تحتم على السودان اخذ موقف واحد وصارم وهو مقاطعة قطر
دا اذا حكومتنا الارهابية دي عايزة مصلحة البلد والشعب
ولكن حكومة البشير ما قادرة تتخلى عن الارهاب وداعمي الارهاب
عشان كدا عايزة تقيف موقف محايد ودا موقف ما بأكل عيش
يا ابيض ... يا اسود
تحياتي
| |
|
|
|
|
|
|
Re: الموقف السوداني الرسمي ..... من الازمة القط� (Re: الشامي الحبر عبدالوهاب)
|
الأخ الشامي وضيوفك الكرام رمضان كريم أتفق مع جلالدونا ومعك في ضعف البيان وفعلاً عند الضرورة سيكون السودان مضطراً للأنحياز لمعسكر السعودية ستعود قطر للحظيرة بقناعة أو بغيرها في الظرف الراهن لن يقبل من السودان - خليجياً -سياسة مسك العصا من المنتصف تحية رمضانية وشكراً على وجهات نظرك التي تتطابق مع وجهات نظري سنتابع معك التطورات الجديدة _ الحليلة
| |
|
|
|
|
|
|
Re: الموقف السوداني الرسمي ..... من الازمة القط� (Re: الشامي الحبر عبدالوهاب)
|
صاحب البوست وصحبه الكرام تحياتي ، ، ،
بما أن السودان الآن هو عضو فاعل في حلف عاصفة الصحراء ، وبما أنه له علاقات متجذرة مع النظام القطري فالموقف الضبابي الذي ظهر من خلال البيان لا يمكن أن يقعنع السعوديين ولا القطريين ، فالأمر الآن أصبح واضح جداً يا معانا يا ضدنا !!!!!! وفي الحالتين الحكومة السودانية متضررة وده حار وده ما بنكوي بيه ... وهذا هو جزاء من لا يجيد لعبة البيضة والحجر ..
| |
|
|
|
|
|
|
Re: الموقف السوداني الرسمي ..... من الازمة القط� (Re: Othman Al-Hasan Babikir)
|
شكرا أخ الشامي
رأيي الشخصي أن السودان رسميا يجب أن يكون أقرب لموقف السعودية والامارات من موقف قطر خاصة وأن الازمـة أثارتها قطر
بنفض يدها عن ما تم الاتفاق عليه في قمة تمثل الاتجاه السني الغالب بين جماهير المسلمين والدفاع عن مقدراتهم الحيوية في تحالف
دولي ما كان سهلا الوصول إلى تحقيقه وخرج من القمة بيان معلن للمواطنين في كل هذه الدول المساهمة في التحالف وبالتالي لا بد وأن
يتم الإقرار بالخروج القطري عن هذا الاجماع وبالتالي تشكيل ضغط رأي عام يجبرها على الرجوع لهذا الوضع أو ان تبحث عن خيارات
أخرى في غير هذا المحيط. يمكن طبعاً اتخاذ هذا الموقف النصوح ورمي الثقل السوداني خلف جهود الكويت للإصلاح ولكن بأجندة
واضحة تدين الخروج على الاجماع السني ... فحي على الفلاح ..
هي فرصة تاريخية لاتخاذ الموقف الصحيح
أحمد الشايقي
| |
|
|
|
|
|
|
Re: الموقف السوداني الرسمي ..... من الازمة القط� (Re: أحمد الشايقي)
|
الكويت أعلنت صراحة ووجهت أمير قطر بنزع أسباب الأزمة والتهدية يعني اذا لم يستجيب أمير قطر سيكون لموقف الكويت ما بعده وبالامس كانت هناك زيارة لأحد مستشاري الملك سلمان للكويت اما موقف الحكومة السودانية فهو موقف كمن بحاول اللعب على حبلين القضية واضحة قطر تدعم الإرهاب والجماعات الإرهابية ولها علاقات مريبة مع إيران تضر بدول الخليج فلا يحتاج لوساطة أو اجاويد بدون موجهات بتجفيف أسباب الأزمة السودان واقع بين نارين إرضاء التنظيم العالمي للجماعة والسعودية معا وهذا أمر مستحيل
| |
|
|
|
|
|
|
Re: الموقف السوداني الرسمي ..... من الازمة القط� (Re: فرح الطاهر ابو روضة)
|
الأخ الفاضل الشامي لك التحية و الإحترام
يا جماعة .. ورطة الإنقاذ ورطة عميقة .. عنق الفساد و الما عارف ... يقول قطر
ليس بتلك السهولة أن يعلن النظام قطع علاقاته مع قطر و الغنحياز للسعودية
لأن هناك تبعات مالية و قانونية معقّدة ستنفجر في وجه النظام
هناك فساد رهيب في مليارات الودائع القطرية للنظام .. فقط كمثال ...
https://www.alrakoba.net/news-action-show-id-256739.htmتفاصيل أكثر هنا
| |
|
|
|
|
|
|
Re: الموقف السوداني الرسمي ..... من الازمة القط� (Re: Abureesh)
|
Quote: لانو اساس المقاطعة هو دعم قطر للارهاب |
هيثم ياغالى ,, رمضان كريم. ياهيثم ياخ نحن مالنا ومال قطر تدعم الارهاب تدعم ناس صاحبك عوضة ده شهراً ماعندنا فيه نفقة ,, خلينا نباصر نمرق من كِتير بله ده ياخ. حكاية قطر بتدعم الارهاب دى زى الحكايات البحكوها للشفع عشان ينوموا. لوكانت بتدعم الارهاب ماكان الامريكان متضَّرعين فيها الزمن ده كله. موضوع الارهاب ده بقا ابتزاز دولى كل العايز تاكلو تجلط فيه تهمة الارهاب دى ,, وبعدين هو الارهاب ذاتو تعريفه شنو؟ وهل تعريف الارهاب اصبح عرف دولى ارتضاه المجتمع الدولى ولا زى التاريخ بفصِّلو المنتصر على مقاسه؟ خلونا فى الحياد احسن ماتبقى علينا حكاية العريان من صُلبو ولابس سديرى.
| |
|
|
|
|
|
|
|