صابونة ابوغزالتين يا سلام قباني زكرتنا الزمن الجميل والمدرسة والتحلية قراصة نبق وحلاوه عكاز (بسكويت كوكو وحلاوه حربة للحناكيش) ما في واحد كان بقدر يكمل السندوتش وحيطة المدرسة في اعلاها ملانه بقايا السندوتشات الان جزء كبير من الاطفال ما بيمشو المدارس لانو ما عندهم حق الفطور
الله يجازي الكان السبب
07-27-2017, 06:47 AM
اسامه العريفي
اسامه العريفي
تاريخ التسجيل: 02-28-2014
مجموع المشاركات: 754
سلام اشرف الان جزء كبير من الاطفال ما بيمشو المدارس لانو ما عندهم حق الفطور
وانحنا في الابتدائي الناظر كان عامل ليه قفص دجاج قبل فسحة الفطور بيوزع لكل واحد بيضة لكي يضمن ان جميع طلابة قد اخذوا وجبة الافطار لك الرحمة استاذي محمد الهادي
تحياتي قباني
07-27-2017, 06:52 AM
Deng
Deng
تاريخ التسجيل: 11-28-2002
مجموع المشاركات: 52548
قباني يا صحبي وضيوفه سبر العاشق كتر الليمة ولم الشمل الروح شت كما غني مصطفي سيد احمد كم تمنيت وكم من آمال مر الخداع .. لو داير تكون بسيط ما يخلوك هنا .. تحاصر بي احلام غيرك . وانك ما طموح ضاربين الامثلة بي علان وفلان انا جوة السودان وبتمني اكون ساكن في قرية بيوتها من الطين وحيطانها شرقانية و طرور .. وراكوبتها معروشة بالنال
07-27-2017, 06:52 AM
walid taha
walid taha
تاريخ التسجيل: 01-28-2004
مجموع المشاركات: 4202
Quote: صابونة ابوغزالتين يا سلام قباني زكرتنا الزمن الجميل والمدرسة والتحلية قراصة نبق وحلاوه عكاز (بسكويت كوكو وحلاوه حربة للحناكيش) ما في واحد كان بقدر يكمل السندوتش وحيطة المدرسة في اعلاها ملانه بقايا السندوتشات الان جزء كبير من الاطفال ما بيمشو المدارس لانو ما عندهم حق الفطور
الله يجازي الكان السبب
اشرف سلامات يا خي ...
انا غايتو بديت فطور المدرسة بي بستلة ...
بعد داك قرش الفطور ... و بعدها غشونا ناس نميري قالو قرش محاربة العطش ...
فو الله ما ظنيت ابهاتنا و جدودنا جرو جنس جرينا ده ...
حكومة السجم دي فاتت غادي من سرقة ناس بهاء و حرامية النميري المساكين ...
غنوا و افقروا الشعب و شردونا ...
07-27-2017, 11:34 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: سلام اشرف الان جزء كبير من الاطفال ما بيمشو المدارس لانو ما عندهم حق الفطور
وانحنا في الابتدائي الناظر كان عامل ليه قفص دجاج قبل فسحة الفطور بيوزع لكل واحد بيضة لكي يضمن ان جميع طلابة قد اخذوا وجبة الافطار لك الرحمة استاذي محمد الهادي
تحياتي قباني
شوف الكلام العجيب ده يا عريفي ...
لما قالو ( تربية و تعليم ) ما كضبوا ...
الان لا تربية لا تعليم ...
07-27-2017, 11:37 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: مرات أقول اركب طيارة امشي جزيرة في الكاريبي ...
في نفس كل منا "مصطفى سعيد" سغمبوووتي كدة ومرات كبيييييير أكبر من مصطفى سعيد أول مجييء أمريكا منذ نحو ربع قرن تقريبا اتصلت بسوداني في "واغ واغ" حقتو براهو أهلو أدوني ليهو رقم تلفون وقالو طووووووول ما عارفنو في ولا مافي لما اتصلت عليه بالعربي اتخلع وقال لي أييييك!! لي زمن ما سمعت لي كلمة بالعربي!! أوعى تبقى عليك يا قباني ركّز على حسن عطية والفول بالزيت الإتنين مفيدات للصحة (:)
07-27-2017, 12:42 PM
يوسف الطيب احمد إدريس
يوسف الطيب احمد إدريس
تاريخ التسجيل: 03-03-2014
مجموع المشاركات: 1226
تعرف مرات بتجيني صحية بليل فجأة بتذكر كلامك انك ليك 30 سنة ما مشيت السودان ، بنط سؤال في رأسي يا ربي الزول دا قدر يصبر ال30 سنة غربة كيف ؟! نحن الواحد يا دوب في ال5 سنين ومتجرسين
ربنا يمتعك بالصحة والعافية ..!!
07-27-2017, 12:43 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20358
امبارح دي عملت deactivation لحسابي في الفيسبوك .. وقررت تأجيل الكلام ده في المنبر ليومين تلاته .. والفكرة اجازة طويله من هذا الفراغ الاسفيري المخيف جدا ..
تعرف يا قباني .. دورة حياة الزول مننا مفروض تكون كما أنزلت .. دار الرياضة .. نادي التاج .. حفلة للبلابل .. فسحه في الخرطوم .. سمك في الموردة .. رحله في الباقير .. لمة أهل .. صلاة جمعة مع حسن ابوسبيب .. قعده (بريئة) في القلعة غنا حقيبة وعصير كهرباء يا عملات الكتيابي.. وهكذا
ليس فردوسا يا صديقي ولكنها النكهة !!!
07-27-2017, 12:57 PM
عادل الباهي عبدالرازق
عادل الباهي عبدالرازق
تاريخ التسجيل: 10-18-2010
مجموع المشاركات: 4905
ورب الكعبة نفس أفكارك دي بتراودني ليها سنين ، كلمت أخوي قلت ليهو عندي تفكير ارجع ومش الخرطوم بيت الاسرة ارجع البلد وافتح بيت جدي وازرع ارضو واعمل لي حمار وعراقي وسروال وسوط عنج وبس الوفاة الفي تشيل صينيتك وبراد الشاي وتتوكل علي الصيوان والعرس الفي تتغدا وتمشي علي الكشف ، أنوم بدون منبه واصحي بدون منبه لا لستك نزل ولا زول يقول ليك إستيضاح تآخير مالك أخوي قال لي يا جنيت يا ماشي في طريق الجن
07-27-2017, 12:58 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
الحبيب قباني .. ما تنسي كمان ميز المدرسين في الضواحي البعيدة كان شعار الميز
الخميس صفقة ورقيص ما عدا مولانا ( أستاذ عربي والدين ) أزهريين .
أكلنا كان مجان في الداخليات من الاولية إلى الثانوية كنا من بداية السنة نستلم 2 بطانية عشان الشمالية برد ، وسرير ، دولاب ، وصابونة غسيل كل أسبوع فطور ( فول عدس ) غداء ( فصوليات ، قرع ، طماطم أسود كنا نسميه براطيش لأنه غير مرغوب ) فنايل لكل داخلية مختلف الالوان ..
وأخيراً بعد الانفتاح شوية .. صابون صافي .. الحير أوصافي
ليت الشباب يعود يوماً واحداً ...فقط
07-27-2017, 01:46 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4468
وردي مرة قال كلام فيما معناه ان له بيت الف متر في الكلاكلة؛ وله شقة في القاهرة وإسكندرية وإقامة في السعودية وأمريكا وزار معظم دول العالم؛ وختم ان هذا كله لا يساوي نومة ليلة في صواردة... ........ انا غايتو من هنا؛ واوسي طوالي؛ وسريعاً جدا... دا ردي علي صديق اقترح ان نمشي امريكا...
07-27-2017, 01:53 PM
Deng
Deng
تاريخ التسجيل: 11-28-2002
مجموع المشاركات: 52548
تعرف يا قبانى استحضرت المشهد التالى الوالدة رحمة الله عليها تقطّعو بى سكين لى مربعات صغيرة و بستلة كبير متروعة موية لا نصّها و تغليه فيها و يتحول لى سائل يريّحك من الدعك الشديد عشان يصبّن كانت محرّمة علينا صابون البدرة الاسمو اومو داك كانت ايام ياخى
07-27-2017, 07:23 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: قباني يا صحبي وضيوفه سبر العاشق كتر الليمة ولم الشمل الروح شت كما غني مصطفي سيد احمد كم تمنيت وكم من آمال مر الخداع .. لو داير تكون بسيط ما يخلوك هنا .. تحاصر بي احلام غيرك . وانك ما طموح ضاربين الامثلة بي علان وفلان انا جوة السودان وبتمني اكون ساكن في قرية بيوتها من الطين وحيطانها شرقانية و طرور .. وراكوبتها معروشة بالنال
كمان ما قدر ده يا اب سن ... :)
سكن بُستاني قلنا ليك ...
07-27-2017, 10:03 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
تعرف مرات بتجيني صحية بليل فجأة بتذكر كلامك انك ليك 30 سنة ما مشيت السودان ، بنط سؤال في رأسي يا ربي الزول دا قدر يصبر ال30 سنة غربة كيف ؟! نحن الواحد يا دوب في ال5 سنين ومتجرسين
ربنا يمتعك بالصحة والعافية ..!!
الحقيقة يا يوسف و ما عليك غتوة و الله ...
القصة بدت تحدي و حليفة اني ما ماشي لو ما الكيزان ديل فاتو ...
و انا مرقت قبال جيتهم طبعاً ... و لي يومنا هذا ...
ما كنت قايل السودان ممكن يحكموا العواليق ديل ...
السودان بلد البهجة و الونسات ...
السودان الجميل الكانت الشربة فيه نظام حياتي ...
و القعدات مسألة اجتماعية مهمة ...
لمات الكشاتين يوم الجمعة ...
كانت الأيام كلها مباركة ... و فت يوم ما قلنا جمعة مباركة ... :)
الناس كلها كانت تحب البهجة ... و في نفس الوقت ماسكين صلاتهم و صيامهم ...
ده برا و ده برا ...
يقوم يجو المسخ ديل يشروني ...!!!
بقينا في اللفة الأخيرة و هم لسة خانقينها و ما دايرين يغوروا ...
والله هسي نديك عراقي وسروال ونفكك في ابروف لا تعرف الداخل عليك ولا البجيك بيعرفك و شهرين تجي فاكي البيرق فشنو خليك في منافيك دي سودانك ده في ذاكرتك بس قال غزالتين قال الغزيزيل ال😀
07-28-2017, 08:57 AM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: امبارح دي عملت deactivation لحسابي في الفيسبوك .. وقررت تأجيل الكلام ده في المنبر ليومين تلاته .. والفكرة اجازة طويله من هذا الفراغ الاسفيري المخيف جدا ..
تعرف يا قباني .. دورة حياة الزول مننا مفروض تكون كما أنزلت .. دار الرياضة .. نادي التاج .. حفلة للبلابل .. فسحه في الخرطوم .. سمك في الموردة .. رحله في الباقير .. لمة أهل .. صلاة جمعة مع حسن ابوسبيب .. قعده (بريئة) في القلعة غنا حقيبة وعصير كهرباء يا عملات الكتيابي.. وهكذا
ليس فردوسا يا صديقي ولكنها النكهة !!!
مشرف يا صديقي ...
من اجمل ما اعطانا هذا الفراغ الاسفيري المخيف ...
معرفة ناس سمحين ...
و لكني اتفق معك ... هو مخيف و مخيف جداً ...
اما دورة الحياة يجب ان تكون كما انزلت ...
كلمة انزلت دايما تذكني الكروان بادي ...
سأله مقدم البرنامج انو يغني شيء قديم ...
فقال ليه أغني دمعة الشوق ... بطريقتها الصحيحة ... و انا شايف شباب الزمن ده بقوا يلخبطو غنا الحقيبة و الغنا ده يجب ان يغنى كما ( انزلوه ) اسيادو ... سرور و كرومة و اللمين برهان ...
فهو يا صديقي و دورة حياتنا ... في لوحٍ محفوظ ... و لو في الذاكرة ...
07-31-2017, 01:58 AM
Kabar
Kabar
تاريخ التسجيل: 11-26-2002
مجموع المشاركات: 18537
كانت استاذتنا ، لغاية المقام وصل بيها انها تبقى استاذة سيكولوجي بجامعة الدلنج..!!
كنت بتكلم معاها لأخر لحظة ، والناس بتدغمس وتدس مني الحقيقة..وتاريها كانت راقدة ومشلولة..!!
سمعنا مع بعض غنية لإبراهيم عوض..!!..الليلة شوفتك مستحيلة..!!
ضحكت ، وهي على فراشة الموت ، قالت لي: حصل سمعتها بصوت حمد الريح..!!
عم حمد الريح ، ..كنت ذات لحظة ح اضيع بت عمي مواهب..في بابونسة..ولمن جيت داخل عليها..كانت بتسمع في كاسيت بيغني فيهو حمد الريح..!! والها صحي يا عم حمد الريح..حيلي مات..وعدلت عن فكرة العنف..!!
ده سودان صابون اب غزالتين يا يحي..!!!
حصل يا يحي ، زولة تجيب ليها صابون اب غزالتين..تغسلك وانت عاري في طشت.عشان تجففك وتسوقك ..تخطك تحت اشجار المهوقني وترسمك..وانت عاري تماما..!!!
ولمن ، بعد سنين ، تقول ليها تعالي نسمع : الليلة شوفتك مستحيلة..!! بكل بساطة تقول ليك: هل سمعت حمدالريح بيغنيها؟.. ولمن قلت ليها: الليلة شوفتك مستحيلة..!
ضحكت وقالت لي: انا،في ترابك يا حنين ، قاعدة في امسودان ، الكلام فيك يا المرقتها في ام طرقا عراض..!! This is real story يا يحي قباني..!!
هل تصدق يايحي ، ومن زمن الصابون اب غزالتين..اخر ناس اتكلمت معاي بالتلفون..الحناكيش ناس محمد المرتضى حامد (اخر زول ضرب لي تلفون واتونس معاي) ، ويحى قباني..!!
وانا الحمموني بصابون اب غزالتين..وجففوني بالبشاكير..عشان يسوقوني لغابة المهوقني والبان في جنوب مدينة الدلنج..عشان يرسموني ، وانا عاري كما ولدتني امي..!!
كل الحب ليها ، اميرة سودانية ، فنانة تشكيلية بتحلم بسودان عصى..سودان التسامح..!!
قسمتي الريد معاي..ولكن عمري ما كنت متخيل انو شوفتك ح تبقى مستحيلة..!!
ليك السلام يا اميرة..وح احتفى بيك ، مع قريبي يحي قباني بالصابون اب غزالتين..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة