حتى المنبر ... البوست اول ما يعدي 2000 مشاهدة .. تعرف طوالي في شكلة و كلام فارغ ...
و لازم واحد من الخمسة يكون هناك ....
Post: #2 Title: Re: يا جماعة و الله فترته ... زول يشوف لي صابونة Author: يحي قباني Date: 07-27-2017, 04:40 AM Parent: #1
عندي صاحبي ...
كانت اقصى امانيهو في الدنيا دي ان يلعب وست بي كشتينة بلاستيك ...
حسي جاري جري الوحوش و ما لاحق شي ...
و ما عارف يتمنى شنو زاتو ...
Post: #3 Title: Re: يا جماعة و الله فترته ... زول يشوف لي صابونة Author: يحي قباني Date: 07-27-2017, 04:42 AM Parent: #2
لو مركبين لي عداد ...
يا ربي مشيت كم كيلو في الدنيا دي ؟
Post: #4 Title: Re: يا جماعة و الله فترته ... زول يشوف لي صابونة Author: Ashraf El Bagir Date: 07-27-2017, 06:41 AM Parent: #3
صابونة ابوغزالتين يا سلام قباني زكرتنا الزمن الجميل والمدرسة والتحلية قراصة نبق وحلاوه عكاز (بسكويت كوكو وحلاوه حربة للحناكيش) ما في واحد كان بقدر يكمل السندوتش وحيطة المدرسة في اعلاها ملانه بقايا السندوتشات الان جزء كبير من الاطفال ما بيمشو المدارس لانو ما عندهم حق الفطور
الله يجازي الكان السبب
Post: #5 Title: Re: يا جماعة و الله فترته ... زول يشوف لي صابونة Author: اسامه العريفي Date: 07-27-2017, 06:47 AM Parent: #4
سلام اشرف الان جزء كبير من الاطفال ما بيمشو المدارس لانو ما عندهم حق الفطور
وانحنا في الابتدائي الناظر كان عامل ليه قفص دجاج قبل فسحة الفطور بيوزع لكل واحد بيضة لكي يضمن ان جميع طلابة قد اخذوا وجبة الافطار لك الرحمة استاذي محمد الهادي
تحياتي قباني
Post: #6 Title: Re: يا جماعة و الله فترته ... زول يشوف لي صابونة Author: Deng Date: 07-27-2017, 06:52 AM Parent: #5
سلامات يا يحيى.
هههههههه
شايف المشاكل والدواس الأيام دي كلو من كندا.
زي ما بقول لود الباوقة.
أركــــــــــــــــــــــــــــــز
Post: #8 Title: Re: يا جماعة و الله فترته ... زول يشوف لي صابونة Author: عبدالحفيظ ابوسن Date: 07-27-2017, 06:58 AM Parent: #5
قباني يا صحبي وضيوفه سبر العاشق كتر الليمة ولم الشمل الروح شت كما غني مصطفي سيد احمد كم تمنيت وكم من آمال مر الخداع .. لو داير تكون بسيط ما يخلوك هنا .. تحاصر بي احلام غيرك . وانك ما طموح ضاربين الامثلة بي علان وفلان انا جوة السودان وبتمني اكون ساكن في قرية بيوتها من الطين وحيطانها شرقانية و طرور .. وراكوبتها معروشة بالنال
Post: #7 Title: Re: يا جماعة و الله فترته ... زول يشوف لي صابونة Author: walid taha Date: 07-27-2017, 06:52 AM Parent: #1
أنا غايتو نومة بدون فريون تحت شجرة لبخ كمان لو فيها (كابد بالأوجوّر) كملت الشغلة
صعبة دى؟
Post: #9 Title: Re: يا جماعة و الله فترته ... زول يشوف لي صابونة Author: محمد عمر ابراهيم Date: 07-27-2017, 07:26 AM Parent: #7
سلامات جميعا صدق حميد لما قال : وإيه الدنيا غير لمت ناس في خير أو ساعة حزن
Post: #10 Title: Re: يا جماعة و الله فترته ... زول يشوف لي صابونة Author: يحي قباني Date: 07-27-2017, 11:32 AM Parent: #9
Quote: صابونة ابوغزالتين يا سلام قباني زكرتنا الزمن الجميل والمدرسة والتحلية قراصة نبق وحلاوه عكاز (بسكويت كوكو وحلاوه حربة للحناكيش) ما في واحد كان بقدر يكمل السندوتش وحيطة المدرسة في اعلاها ملانه بقايا السندوتشات الان جزء كبير من الاطفال ما بيمشو المدارس لانو ما عندهم حق الفطور
الله يجازي الكان السبب
اشرف سلامات يا خي ...
انا غايتو بديت فطور المدرسة بي بستلة ...
بعد داك قرش الفطور ... و بعدها غشونا ناس نميري قالو قرش محاربة العطش ...
فو الله ما ظنيت ابهاتنا و جدودنا جرو جنس جرينا ده ...
حكومة السجم دي فاتت غادي من سرقة ناس بهاء و حرامية النميري المساكين ...
غنوا و افقروا الشعب و شردونا ...
Post: #11 Title: Re: يا جماعة و الله فترته ... زول يشوف لي صابونة Author: يحي قباني Date: 07-27-2017, 11:34 AM Parent: #10
Quote: سلام اشرف الان جزء كبير من الاطفال ما بيمشو المدارس لانو ما عندهم حق الفطور
وانحنا في الابتدائي الناظر كان عامل ليه قفص دجاج قبل فسحة الفطور بيوزع لكل واحد بيضة لكي يضمن ان جميع طلابة قد اخذوا وجبة الافطار لك الرحمة استاذي محمد الهادي
تحياتي قباني
شوف الكلام العجيب ده يا عريفي ...
لما قالو ( تربية و تعليم ) ما كضبوا ...
الان لا تربية لا تعليم ...
Post: #12 Title: Re: يا جماعة و الله فترته ... زول يشوف لي صابونة Author: يحي قباني Date: 07-27-2017, 11:37 AM Parent: #11
Quote: سلامات يا يحيى.
هههههههه
شايف المشاكل والدواس الأيام دي كلو من كندا.
زي ما بقول لود الباوقة.
أركــــــــــــــــــــــــــــــز
انت يا جورج عليك الله ما ذاتك فترت ...
السنة كلها معلق في الجو ماشي جاي ....
و شايفك فترت من الدواس انت في رقبتك ... لقيت فايدة مافي هههه
حزب الونسة غلب ....
Post: #13 Title: Re: يا جماعة و الله فترته ... زول يشوف لي صابونة Author: عبدالله عثمان Date: 07-27-2017, 12:31 PM Parent: #12
Quote: مرات أقول اركب طيارة امشي جزيرة في الكاريبي ...
في نفس كل منا "مصطفى سعيد" سغمبوووتي كدة ومرات كبيييييير أكبر من مصطفى سعيد أول مجييء أمريكا منذ نحو ربع قرن تقريبا اتصلت بسوداني في "واغ واغ" حقتو براهو أهلو أدوني ليهو رقم تلفون وقالو طووووووول ما عارفنو في ولا مافي لما اتصلت عليه بالعربي اتخلع وقال لي أييييك!! لي زمن ما سمعت لي كلمة بالعربي!! أوعى تبقى عليك يا قباني ركّز على حسن عطية والفول بالزيت الإتنين مفيدات للصحة (:)
Post: #14 Title: Re: يا جماعة و الله فترته ... زول يشوف لي صابونة Author: يوسف الطيب احمد إدريس Date: 07-27-2017, 12:42 PM Parent: #13
سلام قباني وضيوفه
تعرف مرات بتجيني صحية بليل فجأة بتذكر كلامك انك ليك 30 سنة ما مشيت السودان ، بنط سؤال في رأسي يا ربي الزول دا قدر يصبر ال30 سنة غربة كيف ؟! نحن الواحد يا دوب في ال5 سنين ومتجرسين
ربنا يمتعك بالصحة والعافية ..!!
Post: #15 Title: Re: يا جماعة و الله فترته ... زول يشوف لي صابونة Author: محمد حيدر المشرف Date: 07-27-2017, 12:43 PM Parent: #1
امبارح دي عملت deactivation لحسابي في الفيسبوك .. وقررت تأجيل الكلام ده في المنبر ليومين تلاته .. والفكرة اجازة طويله من هذا الفراغ الاسفيري المخيف جدا ..
تعرف يا قباني .. دورة حياة الزول مننا مفروض تكون كما أنزلت .. دار الرياضة .. نادي التاج .. حفلة للبلابل .. فسحه في الخرطوم .. سمك في الموردة .. رحله في الباقير .. لمة أهل .. صلاة جمعة مع حسن ابوسبيب .. قعده (بريئة) في القلعة غنا حقيبة وعصير كهرباء يا عملات الكتيابي.. وهكذا
ليس فردوسا يا صديقي ولكنها النكهة !!!
Post: #16 Title: Re: يا جماعة و الله فترته ... زول يشوف لي صابونة Author: عادل الباهي عبدالرازق Date: 07-27-2017, 12:57 PM Parent: #15
العزيز قباني تحياتي ليك ولضيوفك
ورب الكعبة نفس أفكارك دي بتراودني ليها سنين ، كلمت أخوي قلت ليهو عندي تفكير ارجع ومش الخرطوم بيت الاسرة ارجع البلد وافتح بيت جدي وازرع ارضو واعمل لي حمار وعراقي وسروال وسوط عنج وبس الوفاة الفي تشيل صينيتك وبراد الشاي وتتوكل علي الصيوان والعرس الفي تتغدا وتمشي علي الكشف ، أنوم بدون منبه واصحي بدون منبه لا لستك نزل ولا زول يقول ليك إستيضاح تآخير مالك أخوي قال لي يا جنيت يا ماشي في طريق الجن
Post: #17 Title: Re: يا جماعة و الله فترته ... زول يشوف لي صابونة Author: علي عبدالوهاب عثمان Date: 07-27-2017, 12:58 PM Parent: #15
الحبيب قباني .. ما تنسي كمان ميز المدرسين في الضواحي البعيدة كان شعار الميز
الخميس صفقة ورقيص ما عدا مولانا ( أستاذ عربي والدين ) أزهريين .
أكلنا كان مجان في الداخليات من الاولية إلى الثانوية كنا من بداية السنة نستلم 2 بطانية عشان الشمالية برد ، وسرير ، دولاب ، وصابونة غسيل كل أسبوع فطور ( فول عدس ) غداء ( فصوليات ، قرع ، طماطم أسود كنا نسميه براطيش لأنه غير مرغوب ) فنايل لكل داخلية مختلف الالوان ..
وأخيراً بعد الانفتاح شوية .. صابون صافي .. الحير أوصافي
ليت الشباب يعود يوماً واحداً ...فقط
Post: #18 Title: Re: يا جماعة و الله فترته ... زول يشوف لي صابونة Author: عبدالمنعم الطيب حسن Date: 07-27-2017, 01:46 PM Parent: #17
وردي مرة قال كلام فيما معناه ان له بيت الف متر في الكلاكلة؛ وله شقة في القاهرة وإسكندرية وإقامة في السعودية وأمريكا وزار معظم دول العالم؛ وختم ان هذا كله لا يساوي نومة ليلة في صواردة... ........ انا غايتو من هنا؛ واوسي طوالي؛ وسريعاً جدا... دا ردي علي صديق اقترح ان نمشي امريكا...
Post: #19 Title: Re: يا جماعة و الله فترته ... زول يشوف لي صابونة Author: Deng Date: 07-27-2017, 01:53 PM Parent: #18
Quote: انت يا جورج عليك الله ما ذاتك فترت ...
السنة كلها معلق في الجو ماشي جاي ....
و شايفك فترت من الدواس انت في رقبتك ... لقيت فايدة مافي هههه
حزب الونسة غلب ....
يحيى
ياخ دي بسموها "أستراحة محارب"
Post: #20 Title: Re: يا جماعة و الله فترته ... زول يشوف لي صابونة Author: مني عمسيب Date: 07-27-2017, 02:10 PM Parent: #19
التحية للجميع ..
الاصلي داير يكب الزوغة لكن ما عرف كيف ؟
آآآآآآناس العندو صابون لوكس يلحقنا بيهو . ههههههه
يا اصلي لو داير تمشي لو سمحت ..
Post: #21 Title: Re: يا جماعة و الله فترته ... زول يشوف لي صابونة Author: امتثال عبدالله Date: 07-27-2017, 03:34 PM Parent: #20
هذه الدنيا يا استاذنا يحى قباني حركتها اصبحت متسارعة ومع سرعة الحركة تتحرك الهموم - هموم الدنيا المابتنتهي- وتنساب
داخل النفوس وتحقيق الآمال والأهداف تنساب ايضا من بين النفوس ويشعر المرء بالإحباط واليأس ،،،
وانتم الآن تتكلمون عن الزمن الجميل وتصفونه بكل ما هو جميل وشعرت الآن ان ذلك الزمن الجميل الذي تتحدثون عنه كان جميلا لأنه
كان خاليا من الموبايلات والواتساب ومن القيل والقال، واهم شئ كان خاليا من مسؤولين يسرقون الكحل من العين ويتلذذون بتعذيب الناس
ولم يكن المرء يجري فيه جري الوحوش، كما تقولون، من اجل لقمة العيش وأن الخير كان موجود محل ما تقبل..
وأظن ان الذي يريد صفاء العيش وراحة البال عليه ان يتخلى عن بعض ادوات العصر مثل الموبايل والحاسوب ويتخلى عن السكن في المدن
الكبيرة ويختار قرية صغيرة فيها ناس طيبين ومسالمين وما فيها ناس من نوع الإنت أشرت ليهم في سطرك الأخير،،
يا منى ما أظن هسع أغنية الحجل بالرجل ،، سوقني معاك بتنفع،،، الدنيا اتغيرت وبقت زي يوم القيامة والمودة والرحمة اصبحت نادرة وكادت ان تختفي
والمروءة والشهامة السودانية في تراجع مستمر،، ولكن الحمد لله قرانا وبوادينا ما زالت بخير ،،،
مع وافر الاحترام والتقدير
Post: #22 Title: Re: يا جماعة و الله فترته ... زول يشوف لي صابونة Author: عبد المنعم سيد احمد Date: 07-27-2017, 05:12 PM Parent: #21
قصرنا معاك يامنى
https://up.top4top.net/
ونحن نقول بوستاتنا زول بعتب عليها مافى بعد ده ياقبانى الا نجهز عكاكيزنا المضببة
Post: #23 Title: Re: يا جماعة و الله فترته ... زول يشوف لي صابونة Author: محمد أبوالعزائم أبوالريش Date: 07-27-2017, 05:26 PM Parent: #22
ما عندكم بتاع راس الفيل داك؟
Post: #24 Title: Re: يا جماعة و الله فترته ... زول يشوف لي صابونة Author: عزالدين عباس الفحل Date: 07-27-2017, 06:06 PM Parent: #23
انا غايتو بديت فطور المدرسة بي بستلة.
يحي قباني.
^^^^_____^^^^^__^^^^____^^^^.
سلام قبة. بستلة يعني شنو ؟؟؟؟؟
عزالدين عباس الفحل ابوظبي
Post: #25 Title: Re: يا جماعة و الله فترته ... زول يشوف لي صابونة Author: جلالدونا Date: 07-27-2017, 06:31 PM Parent: #24
تعرف يا قبانى استحضرت المشهد التالى الوالدة رحمة الله عليها تقطّعو بى سكين لى مربعات صغيرة و بستلة كبير متروعة موية لا نصّها و تغليه فيها و يتحول لى سائل يريّحك من الدعك الشديد عشان يصبّن كانت محرّمة علينا صابون البدرة الاسمو اومو داك كانت ايام ياخى
Post: #26 Title: Re: يا جماعة و الله فترته ... زول يشوف لي صابونة Author: محمد أبوالعزائم أبوالريش Date: 07-27-2017, 07:23 PM Parent: #25
يا جلالدونا أومو ده دحين ما جديد؟ الصابون كان (كلين) وقبل كده لبن البودرة (جيتانا)
Post: #27 Title: Re: يا جماعة و الله فترته ... زول يشوف لي صابونة Author: يحي قباني Date: 07-27-2017, 10:02 PM Parent: #26
Quote: قباني يا صحبي وضيوفه سبر العاشق كتر الليمة ولم الشمل الروح شت كما غني مصطفي سيد احمد كم تمنيت وكم من آمال مر الخداع .. لو داير تكون بسيط ما يخلوك هنا .. تحاصر بي احلام غيرك . وانك ما طموح ضاربين الامثلة بي علان وفلان انا جوة السودان وبتمني اكون ساكن في قرية بيوتها من الطين وحيطانها شرقانية و طرور .. وراكوبتها معروشة بالنال
كمان ما قدر ده يا اب سن ... :)
سكن بُستاني قلنا ليك ...
Post: #28 Title: Re: يا جماعة و الله فترته ... زول يشوف لي صابونة Author: يحي قباني Date: 07-27-2017, 10:03 PM Parent: #27
Quote: أنا غايتو نومة بدون فريون تحت شجرة لبخ كمان لو فيها (كابد بالأوجوّر) كملت الشغلة
صعبة دى؟
ما صعبة يا ولدنا ...
شد القِدة بس ...
Post: #29 Title: Re: يا جماعة و الله فترته ... زول يشوف لي صابونة Author: يحي قباني Date: 07-27-2017, 10:05 PM Parent: #28
Quote: سلامات جميعا صدق حميد لما قال : وإيه الدنيا غير لمت ناس في خير أو ساعة حزن
صحي و الله ...
هي كده ...
Post: #30 Title: Re: يا جماعة و الله فترته ... زول يشوف لي صابونة Author: يحي قباني Date: 07-28-2017, 01:40 AM Parent: #29
صابونة ابوغزالتين جا بعدها صابونة الصافي ...
و كانت صابونة الصافي طفرة في عالم الصابون ...
يمين بالله ...
الدش البي مويتنا ديك ... اعجب من العجب ...
و الاعجب لو كان في الحمام صابونة ( بوكيه ) ذات الرائحة الفواحة ...
اما الفنيك ... أبو تعريفة ... لقى عظمته هنا و بقى اسمو صابون طبيعي Organic
الحبة يبيعوها بي خمسة دولار ...
يومداك اشتريت لي واحده من مزرعة ( لافندر ) ... او مزرعة خزام يعني لانو عندنا ناس اصاحبنا كدي من كوستي قصة لافندر دي ما قسمت معاهم ...
ده موقع المزرعة عشان تعيشو معانا اللحظة ... http://terrebleu.ca/http://terrebleu.ca/
صابونتنا العفينة الكانت بتنعمل في مصانع بلدية و تتقطع مكعبات بالسكين !!! بقى عندها قيمه ...
Post: #31 Title: Re: يا جماعة و الله فترته ... زول يشوف لي صابونة Author: يحي قباني Date: 07-28-2017, 04:21 AM Parent: #30
Quote: سلام قباني وضيوفه
تعرف مرات بتجيني صحية بليل فجأة بتذكر كلامك انك ليك 30 سنة ما مشيت السودان ، بنط سؤال في رأسي يا ربي الزول دا قدر يصبر ال30 سنة غربة كيف ؟! نحن الواحد يا دوب في ال5 سنين ومتجرسين
ربنا يمتعك بالصحة والعافية ..!!
الحقيقة يا يوسف و ما عليك غتوة و الله ...
القصة بدت تحدي و حليفة اني ما ماشي لو ما الكيزان ديل فاتو ...
و انا مرقت قبال جيتهم طبعاً ... و لي يومنا هذا ...
ما كنت قايل السودان ممكن يحكموا العواليق ديل ...
السودان بلد البهجة و الونسات ...
السودان الجميل الكانت الشربة فيه نظام حياتي ...
و القعدات مسألة اجتماعية مهمة ...
لمات الكشاتين يوم الجمعة ...
كانت الأيام كلها مباركة ... و فت يوم ما قلنا جمعة مباركة ... :)
الناس كلها كانت تحب البهجة ... و في نفس الوقت ماسكين صلاتهم و صيامهم ...
ده برا و ده برا ...
يقوم يجو المسخ ديل يشروني ...!!!
بقينا في اللفة الأخيرة و هم لسة خانقينها و ما دايرين يغوروا ...
البقت بقت ... اها يا انا يا هُم ...
Post: #32 Title: Re: يا جماعة و الله فترته ... زول يشوف لي صابونة Author: muntasir Date: 07-28-2017, 06:40 AM Parent: #31
والله هسي نديك عراقي وسروال ونفكك في ابروف لا تعرف الداخل عليك ولا البجيك بيعرفك و شهرين تجي فاكي البيرق فشنو خليك في منافيك دي سودانك ده في ذاكرتك بس قال غزالتين قال الغزيزيل ال😀
Post: #33 Title: Re: يا جماعة و الله فترته ... زول يشوف لي صابونة Author: محمد أبوالعزائم أبوالريش Date: 07-28-2017, 08:57 AM Parent: #32
نسيت أقول ليك يا قباني،
الغزالتين بدل صابون بقت شاي
والشامبيون بدل سجاير، بقت مشروب
Post: #34 Title: Re: يا جماعة و الله فترته ... زول يشوف لي صابونة Author: Haytham Ghaly Date: 07-28-2017, 11:25 AM Parent: #33
كلنا مصطفى سعيد يا قبة
الحياة ليست في المدن .. سواء ان كانت هذه المدن في المنافي البعيدة او داخل الوطن
الحياة الحقيقية يا قبة موجودة في تلك القرى الصغيرة
تلك القرى الراحت كما غناها مصطفى
التكنلوجيا يا قبة خربت حياة الانسان ونشرت الشر في كل مكان
تحديداً يا قبة مجتمعنا السوداني كان صاحب القدح المعلى في الضرر
ايضاً مثل الكثيرين هنا كنت اتمنى ان اكون راعياً في الخلاء
لا اعلم في هذه الدنيا شيء غير ما يفيد اغنامي التي هي كل معارفي
فيا صديقي من تلوث مثلنا بكل هذه الافكار المتشابكة دين سياسة سجم رماد من الصعب ان يهرب مثل مصطفى سعيد
يمكنك تغيير الاماكن ولكن كيف حا تتصرف منا بجول من افكار في الخاطر والبال
ياخي القيامة القاعد يقولوها دي زاتا ابت تقوم وتريحنا
Post: #36 Title: Re: يا جماعة و الله فترته ... زول يشوف لي صابونة Author: يحي قباني Date: 07-28-2017, 02:29 PM Parent: #34
Quote: امبارح دي عملت deactivation لحسابي في الفيسبوك .. وقررت تأجيل الكلام ده في المنبر ليومين تلاته .. والفكرة اجازة طويله من هذا الفراغ الاسفيري المخيف جدا ..
تعرف يا قباني .. دورة حياة الزول مننا مفروض تكون كما أنزلت .. دار الرياضة .. نادي التاج .. حفلة للبلابل .. فسحه في الخرطوم .. سمك في الموردة .. رحله في الباقير .. لمة أهل .. صلاة جمعة مع حسن ابوسبيب .. قعده (بريئة) في القلعة غنا حقيبة وعصير كهرباء يا عملات الكتيابي.. وهكذا
ليس فردوسا يا صديقي ولكنها النكهة !!!
مشرف يا صديقي ...
من اجمل ما اعطانا هذا الفراغ الاسفيري المخيف ...
معرفة ناس سمحين ...
و لكني اتفق معك ... هو مخيف و مخيف جداً ...
اما دورة الحياة يجب ان تكون كما انزلت ...
كلمة انزلت دايما تذكني الكروان بادي ...
سأله مقدم البرنامج انو يغني شيء قديم ...
فقال ليه أغني دمعة الشوق ... بطريقتها الصحيحة ... و انا شايف شباب الزمن ده بقوا يلخبطو غنا الحقيبة و الغنا ده يجب ان يغنى كما ( انزلوه ) اسيادو ... سرور و كرومة و اللمين برهان ...
فهو يا صديقي و دورة حياتنا ... في لوحٍ محفوظ ... و لو في الذاكرة ...
Post: #37 Title: Re: يا جماعة و الله فترته ... زول يشوف لي صابونة Author: Kabar Date: 07-31-2017, 01:58 AM Parent: #36
صابونة وبترغي وصابون فينك اب غزالتين؟..الشي شنو..دق حلاوة يعني؟..!!
كااااااااااااااك..وتاني كااااااااااااااااااك يا قريبي..!!
صاحبك وصاحبنا محمد المرتضى حامد..بنزوغ منو عديييل..!!
يعني مثلك يا يحي ، ود الحلة الشفت الممكن نلاقيهو ذات مطب..نجضمو ، يجضمنا..وتبقى اللحظ التاريخ اللحظة الأنيقة..اللحظة المفارقة..!!
هدية لحبيبنا محمد المرتضى...!!
اوعك تسال يا يحي نحن جابونا من وين..!!
Post: #38 Title: Re: يا جماعة و الله فترته ... زول يشوف لي صابونة Author: Kabar Date: 07-31-2017, 02:52 AM Parent: #37
عارف يا يحي ، كنت زيك ، زول بتاع زمان..!!
كانت استاذتنا ، لغاية المقام وصل بيها انها تبقى استاذة سيكولوجي بجامعة الدلنج..!!
كنت بتكلم معاها لأخر لحظة ، والناس بتدغمس وتدس مني الحقيقة..وتاريها كانت راقدة ومشلولة..!!
سمعنا مع بعض غنية لإبراهيم عوض..!!..الليلة شوفتك مستحيلة..!!
ضحكت ، وهي على فراشة الموت ، قالت لي: حصل سمعتها بصوت حمد الريح..!!
عم حمد الريح ، ..كنت ذات لحظة ح اضيع بت عمي مواهب..في بابونسة..ولمن جيت داخل عليها..كانت بتسمع في كاسيت بيغني فيهو حمد الريح..!! والها صحي يا عم حمد الريح..حيلي مات..وعدلت عن فكرة العنف..!!
ده سودان صابون اب غزالتين يا يحي..!!!
حصل يا يحي ، زولة تجيب ليها صابون اب غزالتين..تغسلك وانت عاري في طشت.عشان تجففك وتسوقك ..تخطك تحت اشجار المهوقني وترسمك..وانت عاري تماما..!!!
ولمن ، بعد سنين ، تقول ليها تعالي نسمع : الليلة شوفتك مستحيلة..!! بكل بساطة تقول ليك: هل سمعت حمدالريح بيغنيها؟.. ولمن قلت ليها: الليلة شوفتك مستحيلة..!
ضحكت وقالت لي: انا،في ترابك يا حنين ، قاعدة في امسودان ، الكلام فيك يا المرقتها في ام طرقا عراض..!! This is real story يا يحي قباني..!!
هل تصدق يايحي ، ومن زمن الصابون اب غزالتين..اخر ناس اتكلمت معاي بالتلفون..الحناكيش ناس محمد المرتضى حامد (اخر زول ضرب لي تلفون واتونس معاي) ، ويحى قباني..!!
وانا الحمموني بصابون اب غزالتين..وجففوني بالبشاكير..عشان يسوقوني لغابة المهوقني والبان في جنوب مدينة الدلنج..عشان يرسموني ، وانا عاري كما ولدتني امي..!!
كل الحب ليها ، اميرة سودانية ، فنانة تشكيلية بتحلم بسودان عصى..سودان التسامح..!!
قسمتي الريد معاي..ولكن عمري ما كنت متخيل انو شوفتك ح تبقى مستحيلة..!!
ليك السلام يا اميرة..وح احتفى بيك ، مع قريبي يحي قباني بالصابون اب غزالتين..!!
