|
Re: واحدة واحدة سيادة الوزيرة (Re: عبدالحفيظ ابوسن)
|
السم في الدسم مافي زول بقيف مع التسول ومافي زول بقيف مع المجانين المطلوقين في ارجاء المدن ولافي زول بقيف مع التشرد ومافي زول بقيف مع التسرب من المدارس بقيف دي بي لغة سودانية شعبية ما بتعني ضد بمعناه اللغوي ولا السياسي ولا القانوني بتعني حاجة واحدة اننا نتفق في مناقشة الامر ولكن بزاوية مختلفة جدا مع التذكير ان الزاوية صفر هي نفسها الزاوية 360 عشان نكون واضحين من البداية
| |
|
|
|
|
|
|
Re: واحدة واحدة سيادة الوزيرة (Re: علي دفع الله)
|
المشاكل دي كلها الفوق النبهت ليها الست الوزيرة من صنع السلطة المركزية وسياساتها . وكل وزارة بعد داك ساهمت بقدر لا يستهان به في خلق مشاكل خصت واحدة من العينات الفوق يعني العينات الفوق دي واحدة من نتائج السياسات الوزارية المحددة المستمدة من روح السياسة العامة والتوجيهات المركزية يالروح وليس نصا والحديث عن الامر كتنبيه وتوجيه هو تنصل عن الكلام العديل ممكن نقرا معاها كلام وزارة الصحة القبل كم يوم وانو الوزارة تقرع ناقوس الخطر وتنبه لكارثة قد تحدث بواسطة الاسهالات المائية وتلوث مياه الشرب
| |
|
|
|
|
|
|
Re: واحدة واحدة سيادة الوزيرة (Re: عبدالحفيظ ابوسن)
|
اليجيبو الفتوى يا علي مالو . الدين تب مامابينو . الدين البيدعو للتكافل والعون وتوقير الكبير ورحمة الصغير الدين البقول لا تنهر السائل مش تعمل ليهو قانون وتطالب الشرطة بالتعامل بحزم مع المتسول تعامل بحزم كيف يعني والدين البقول لو جاك سائل يركب علي فرس تديهو فأنت لا تعلم الظروف وفتوى التفريق بين السائل كشحاد او كمهنة دي جديدة القصة الوحيدة حسب قراءتي هي لسيدنا عمر بن الخطاب . وسيدنا عمر هو القائل لو استقدمت ما استبدرت من امري لأخذت فضول الاغنياء ووزعتها علي الفقراء لافتا للتفاوت الطبقي الحاد في ذلك الزمن
| |
|
|
|
|
|
|
Re: واحدة واحدة سيادة الوزيرة (Re: عبدالحفيظ ابوسن)
|
نمسكها من الساس من تحت . فالمتسول والمجنون والمتشرد كان طفلا الاعلان الصوري لمجانية التعليم . يقول ليك التعليم الاساسي المجاني . ثم لا يدعمون المدارس في ابسط الحاجيات من طباشير وادوات حتي الكتب . ولا يبقي امام ادارة المدرسة سوى فرض رسوم تخضع لنزاهة او عدم نزاهة الادارة تلك المصاريف المستمرة من يومي واسبوعي وشهري وموسمي لا يستطيعها كل الاباء فيتسرب الطالب بفعل السياسات الحكومية . وتلك واجب وزير التعليم ان يجعل التعليم مجانا فالطالب يدفع حتي رسوم الامتحان الرئيسي القومي دعك من امتحانات النقل ويدفع حق الورق والطباعة والطباشير
| |
|
|
|
|
|
|
Re: واحدة واحدة سيادة الوزيرة (Re: عبدالحفيظ ابوسن)
|
من المناظر المحزنة رؤية اطفال في سن الدراسة ولا يذهبون للمدرسة قدامهم طريقين يا يشتغلو شغل هامشي او يتسكعو . ودة بخليهم يحتكو بالبالغين دون حماية او رقيب . فيقودهم للتشرد او رفقاء السوء وادمان السليسيون والسرقة وغيرو ف ديل يا سيادة الوزيرة ما دايرين قانون لردعهم ديل دايرين وزارة شئون اجتماعية تدرس حالتهم وتحل مشكلتهم في صعوبة يقرأ وصعوبة يطلع الشارع مواجه بقانون يعني يعمل شنو التسول زاتو اطفال لاسر مفككة وفقيرة . فككتها وافقرتها السياسات الاقتصادية شرد بعض الاباء من غلاء المعيشة والمحليات طاردت الامهات في طرق كسب عيشهن لا تنظري لهم كنظرة سائح غني ولا كمجرمين بل انظري نحوهم كمواطنين يدفعون لك راتبك ومخصصاتك لتقومي برعايتهم لا تجريمهم فلتكن النظرة انسانية اولا ولا تكن نظرة امنية شرطية
| |
|
|
|
|
|
|
Re: واحدة واحدة سيادة الوزيرة (Re: عبدالحفيظ ابوسن)
|
الاجانب!! وحسب النص معظمهم وبي هناك وزير الاعلام يتفاخر ويدعو للمناظرة انو عندنا اربعة مليون لاجئ . ومني اتنين مليون بكونو برة الشبكة الحكومية الامر مربك اللاجئين ديل الدخلهم منو وليه خشو دون رعاية برنامج الامم المتحدة المسؤولة من معاشهم وسكنهم حتي لا يدخلوا دون رابط او ضابط ويتسولو ودي برضو رغم علامات استفهام غير بريئة الحكومة هي السبب فيها
| |
|
|
|
|
|
|
Re: واحدة واحدة سيادة الوزيرة (Re: عبدالحفيظ ابوسن)
|
في ملاحظة عامة وهي كثرة المجانين بكوستي . مش مجانين وبس وفيهم ناس شايلين سكاكين وعصي وسيخ ولافين في الاحياء والاسواق شاهدت مقتل طفل عمرو تسعة سنة بي حجر من مجنون في السوق ابوهو فارش خضار والولد قاعد جمبو . المجنون خبت الولد بي طوبة كبيرة . الابو سرت سكينو والمجنون جري . الناس بتقول للزول الساكي المجنون خليهو دة مجنون وما كانوا عارفين المجنون عمل شنو ودة نتيجة لإلغاء مجانية العلاج تكلفة علاجو او حبسو في مستوصف دايرة قروش
| |
|
|
|
|
|
|
Re: واحدة واحدة سيادة الوزيرة (Re: عبدالحفيظ ابوسن)
|
الكارثه ان الهيئات قائمه ضمان اجتماعى و زكاه وصحه ونظام عام والقوانين موجوده ....الاهمال والفساد هو سبب المشكله الوزيره لو جاده تدير اتصالات مع الجهات ذات الاختصاص ومن خلال صميم عمل كل حهه يتم وضع واداره حل للقضيه دون اعلام خروج تصريحات للاعلام معناها محاوله اقناعنا بانهم كمسئولين موجودين وشغالين يعنى (نسمع جعجعه ولانرى طحينا)
| |
|
|
|
|
|
|
|