كتب الكاتب الفاتح جبرا المتوفرة بمعرض الدوحة
|
Re: لجان العصيان (Re: معاوية عبيد الصائم)
|
Quote:
<> كفاحنا سلمي مدني ولا يعني ذلك أنه أقل بأساً من غيره ولكنه وفي ظروفنا الراهنة هو الأقل خسائراً واضعين في الاعتبار أن الكفاح المسلح جر على بلادنا وعلى حركتنا الجماهيرية ويلات كبيرة ولم يحقق بعد الأهداف الكبيرة التي أعلنها.
|
سلام يا مواطن ..
1- الكفاح المسلح و بالذات حركات دارفور المسلحة اللتي نفذت نقلات نوعية بداية بالهجوم علي مطار الفاشر و نسف عدة طائرات علي الأرض ... هو اللذي نقل وضع المشكل السوداني في خارطة الكيانات الأممية (الدول الكبري و الأمم المتحدة و الجنائية) ... بعد أن كان النظام يمارس إبادة أهل الجنوب في ظل تعتيم إعلامي دولي.
2- البشير و نظامه لا يخشون الكفاح السلمي .... و لم يروه أبداً مهدداً لبقائهم في السلطة ... لكن إزاحة النظام يحتاج الي الطرفين ( كفاح مسلح مع عظم التضحيات في أهل من حملوا السلاح و كفاح مدني - كلمة سلمي فيه تضليل و تشفير إقصائي). هذا مجهود تراكمي تكاملي و لا يجب شطب طرف علي حساب طرف.
3- هناك نغمة إقصائية و بل تسابق خبيث للإستحواذ علي زعم ملكية إسقاط النظام بإسم الكفاح السلمي ... و البدء في تلبيس كل السلبيات في الكفاح المسلح .... هذا الطريق وعر و هذه وصفة بلفنة السودان ...... لأن النازحين اللذين دفعوا أغلي الثمن من جراء الحملات العسكرية في دارفور و جبال النوبة و النيل الأزرق ... لم يشتكوا لأحد من عظم التضحية و لم يلوموا أبداً الحركات المسلحة ... لأن العالم كله يعلم وسط تخاذل بني السودان .. أن الحركات المسلحة هي اللتي وقفت حائلاً بين الإبادة الكاملة لأهل دارفور و و جبال النوبة و النيل الأزرق و بين آلة الحكومة المركزية من طيران و ترسانة الدولة و المرتزقة الجنجويد ... حتي سلط الإعلام العالمي و المنظمات الأنوار الكاشفة في جرائم النظام ... فتم لجم النظام و تحجيمه و فرض عقوبات مكبلة عليه و كان نتاجها هذا الإفلاس اللذي دفعه الي رفع الدعم عن الدواء و العجز عن تسيير دولة .
4- كل من يلوم الآن الحركات المسلحة و يعتقد أن الطريق أصبح ممهداً لإستلام السلطة من نظام البشير ... جد مخطئ .... لأننا في بداية مشوار مجهول في مصارعة نظام يستميت الآن من أجل البقاء و لا يتورع عن فعل أي شئ ليتشبث بالسلطة ... لأنهم يدركون جيداً أن السلطة هي الحصانة .. و الصراع الآن مسألة حياة أو موت بالنسبة لهم.
5- الحركات المسلحة و اهل الحركات المسلحة يملكون أوراقاً عدة لضمان عدم ضياع حقوقهم اللتي من أجلها قدموا تضحيات أكثر و أغلي من الآخرين .... يكفي أن إنهاك النظام الآن من أسبابه الرئيسية العقوبات بإسم أهلهم علي النظام و الجنائية اللتي تلاحق رأس النظام .
| |
|
|
|
|
|
|
Re: لجان العصيان (Re: Mohamed Suleiman)
|
شهادة من زوجة شهيد:
Quote:
ياريت كان العصيان ده لما رصاص النظام قتل الالاف من اولادناو بناتنا في كجبار والجبال ودارفور
07:36 PM November, 29 2016 سودانيز اون لاين مقالات سودانيزاونلاين-phoenix Arizona USA مكتبتى رابط مختصر
والله يا سودانيين يا اهلنا الطيبين الصابرين , عصيانكم المدني ده شيئ عظيم ويشرف الجوه وبره . بس يا ريت يا ريت كان يكون لما النظام قتل اهلنا في كجبار وجبال النوبة ودارفور والتمانية وعشرين ضابط في رمضان , وياريت كنا وكنتم عصينا وعصيتم لما دقوا في راس الشهيد دكتور علي فضل مسمار ستة بوصة وعذبوه عذاب الهدهد لما مات في بيوت اشباح النظام. ياريتكم وياريتنا كلنا عصينا واعتصمنا وتظاهرنا لما رصاص النظام حصد العشرات من المتظاهرين السلميين في بورسودان ونيالا والفاشر ومدني ووسط العاصمة في سبتمبر .وياما مات العشرات من طلاب الجامعات في اوكار الامن بعد خطفوهم من جامعاتهم ورموهم جثث هامدة زي الكلاب في قارعات الطرق او في الترع. لكن برضه نقول المعايش جبارة والضيق وصل الحلق وفات الحلقوم والرغيف انكمش وبقي زي بروة الصابون والزيت صار موية طين من رداءته ومن كتر ما فيه من مواد محسنة وراثيا ومسرطنا. الجوع كافر وما نطيقه الليلة ولا باكر. وعصر الطغاة من اولاد الجبهة الاسلاموية عصرنا شديد ما قادرين عشانه لكلاب امنهم وجنجويدهم ندافر ونعافر. لكن السؤال دحين يا اهلنا الحاصل بينا ده مش عشان الحصار الفرضه علينا الامريكان وحلفاؤه من الاوربيين من بريطانيا وفرنسا والالمان ؟ طيب لو طارت حكومة الكيزان وان شاء الله قريب يطيروا ويخلوا الميدان , وجات حكومة جديدة هل يترفع الحصار ولا برضه يستمر وكان شيئا ما كان؟ عشان نجاوب علي السؤال ده تعالوا نسال بصدق انفسنا ليه اصله كان في حصار علي بلادنا سنين وسنين منذ ان جاء الكيزان. اظنه الجواب كلنا عارفنه وخابرنه وبلاش استهبال ونعمل فيها واحد اطرش والتاني غبيان. الحصار جابوه لينا الكيزان من يوم وقعوا ابادة في ناس دارفور الكانوا عايشين في امان لما اتمرد شوية وليدات منهم وفلتوا فلتان . وكان مطالبهم بسيطة شوية مدارس وتصليح مستشفيات وكهرباهنا وهناك وعيشة كريمة تليق بالانسان. لكن ناس الكيزان ركبوا راسهم وقال رئيسهم ما نسمع كلام زول شايل بندقية واعلن العصيان. وفي معارك كتييرة مع حاملي السلاح المتمردين مع جيش النظام ما حصل انتصر عسكر النظام لانهم اصلا معظمهم من نفس مناطق الدشمان . بعدها جا علي عثمان بفكرة جلب الجنجويد من خارج الحدود من بوركينا فاسو والنيجر وموريتانيا وشوية عرب دارفور الما فاهمين الحاصل بعد ان غشهم النظام وقال ليهم ديل الزرقة عايزين يبيدوكم وياكلوا حقكم من بقر وابل وضان. ويلا انفلت الزمام وجاء موسي هلال وبعده حميدتي والاف الجنجويد وعاثوا الفساد تقتيل واغتصاب واشعال نيران في بوادي دارفور وجنوب كردفان. ده كله وانتم ونحن ساكتين وكان البموتوا هناك في دارفور وجبال النوبة والنيل الازرق ديل في بلاد تانية بعيدة من الخرطوم وادرمان. العقوبات ما حتترفع يا اهلنا الا ناس دارفور وجنوب كردفان يعيشوا في امان والمجرمين يلقوا جزاهم كان في لاهاي ولا الخرطوم او اي مكان. المظلوم يا اخوانا وقتين يرفع ضراعاته لرب العالمين مافي شيئ يمنع عنه عدل الاله الجبار ناصر الضعفاء علي الظلم ووقاهر الظالمين ولو بعد حين.
محاسن ام الفارس زوجة شهيد من ضحايا النظام [email protected]
|
| |
|
|
|
|
|
|
Re: لجان العصيان (Re: Mohamed Suleiman)
|
اهل المقترح قرأوا تعليقه وراجعوا الفقرة التي علق عليها وواضح انها قد جانبها الصواب من حيث خلطها مابين شكل الكفاح المسلح والحرب نفسها فالويلات جاءت من النظام والحرب التي شنها على الناس بسياسة الارض المحروقة وليس من شكل الكفاح المسلح الذي هو أمر مشروع .
..العزيز محمد سليمان دا رد كاتب المقال ..ابوبكر الامين
| |
|
|
|
|
|
|
|