وقال مدير شرطة ولاية الخرطوم، إبراهيم عثمان، إن ما يتداول بشأن الاختطاف وتجارة الأعضاء جزء من حملات تقودها المعارضة السودانية لاختراق أمن العاصمة والمواطن عبر حرب الإشاعات باعتبارها الأخطر. ورأى أن جميع حالات الاختفاء تكون عادة ناجمة عن خلافات أسرية أو أمور خاصة بالمختفين.
07-18-2017, 05:23 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
للأسف تصريح سيادتك جانبه التوفيق وللحقيقة لم تكن انت نشازا بل قرأت اظنني كم مرة تصريحا او بيانا يسير في ذات تصريحك هذا . ويمتاز تصريحك بأنه مثالي جدا في عكس رؤية سياسية للاحداث
07-18-2017, 05:25 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
لو اعدت قراءة تصريحك ستجد انك نفيت مسبقا قبل التحري . نفيت حدوث الجريمة واتهمت دون ان تعي اسر الضحايا بأن الامر خلاف داخل اسركم ومعروف تماما الخلاف داخل الاسر الذي يقود للهروب . تحديدا ان كان الهارب امرأة . مما يدخل في خانة رمي المحصنات من النساء بالريبة . وانا اتحدث عن الاسرة السودانية كما اعرفها وايضا هروب الاطفال يلقي بكثير من الاتهامات نحو الاسر
07-18-2017, 05:37 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
التصريح حاد ومتحامل لا انف حالات هروب البعض كما لا انف الاختطاف . كلها حوادث ممكن لها ان تحدث ونفي الاختطاف لا يستقيم في ظل دولة كاملة مفتوحة علي مصراعيها لدخول الاجانب بكميات كبيرة . ولا محصنة ضد التغيرات العالمية مما يدور حولنا كنت اتمني وانت كرجل محترف ان يكون حديثك مهنيا ان تذكر لنا بالارقام عدد المفقودين النجاحات في عودتهم الفشل وهكذا هل كل بلاغات الفقدان استطعتم استعادة المفقودين وكم عددهم . ليتسق قولك ان كل الحالات مشاكل اسرية اما اطلاق القول تزكية لوظيفتك راميا الاتهام علي الاسر المكلومة فهو احداث جرح غائر في جسد مريض واخشي ان يصل حد الوصمة يسكت الناس عن اختفاء اقاربهم خوفا من كشف مستور اسرهم
07-18-2017, 05:44 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
ممكن سيادتك تعرف المعارضة ماذا تقصد الاحزاب المعارضة ولا الحركات المسلحة المعارضة ولا الناس المعارضة السودان دة ما مقسم بي مسطرة والمعلرضة ما كتلة واحدة صماء ولا المعارضة بتعني العدو او الخصيم او المنافس الذي يهمه الانتصار
07-18-2017, 05:49 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
انا افهم سيادتك انو التصريح دة يقولو سياسي . اهو السياسي يغالطك في تصريحو افهم جدا .. وفهمي لا يعني الاحترام . ممكن اصنفو بيهو لكن سيادتك رجل مؤهل او هكذا يجب ان تكون . قريت كلية الشرطة والجامعة كون انو الترقية بقت مربوطة بالشهادة الجامعية . كل درجة تحتاج لنوع شهادة حتي تصل للدكتوراة او هكذا يجب ان تكون كما هو معروف في نظام الترقيات الشرطية الجديد رجل مؤهل ومحترف بروفيشينال يعني . منجض شغلك دون اي تأثيرات غيره ويفترض ان يكون تصريحك نابع من طبيعة عملك وفي التصريح المحدد في حاجات محددة تخصك كرجل مهني ومحترف في حالات اختفاء غامضة وملاحظة واجبك ان تسبر غورها وتحلها حاشا لله ان تكون كاملا ممكن تخفق . لكن حتي اخفاقك عندو تفسيرو المهني الذي اعجزك عن حل القضية انت تقيس طبيعة الاختفاءات بنجاحك وليس فشلك عشرين مختفي رجعتهم وبعد التحري معاهم والملابسات اكتشفت انهم نتيجة خلافات اسرية مقبولة كدة ممكن تقول كلو الاختفاءات لكن نقول 16 نتيجة خلافات اسرية بنقبل معظم الاختفاءات نتيجة خلافات اسرية لكن نقول من ال20 لقيت 3 بس والتلاتة خلافات اسرية ماممكن تحكم علي 17 المالقيتهم وتقول كلهم خلافات اسرية دة المنطق البسيط والمباشر ادينا سيادتك الاحصائيات عشان نحن زاتنا نكتب معاكم ونعضد رأيك
07-18-2017, 06:43 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
تتذكر سيادتك الاسهالات المائية !! الناس في كوستي والنيل الابيض كتبت عنها مبكرا كما يمكن تداركها وحصرها والقضاء عليها لكن الوالي انكرها وقال شبيه لكلامك دي معارضة وواتس اب ودعمه وزير الصحة ايضا وقال تم القضاء عليها وزرت ولفيت ماذا حدث بعدها بعد شهر بس عمت كل ارجاء السودان مجابهة الحقيقة مهما كانت مرة يمكن معالجتها يعني لو الوالي كسياسي ووزير الصحة كمسؤول من قطاع فني اعترفوا ووجهو القطاع الفني بمعالجة المشكلة كان انتهت والنار من مستصغر الشرر ف شنو سيادتك ادينا الاحصائيات عشان انتو ونحن نتساعد في حل المشكلة
07-18-2017, 06:55 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
نجي للكلام الماسخ المعارضة ياتها سيادتك كمية من احزاب المعارضة تفوق ال90% من الاحزاب المسجلة وكمعارضة واقفة مع الحكومة . نرجع تاني للنسب وبل اكبر الاحزاب المعارضة واكبر دي وفقا لاخر انتخابات مش واقفة بس بل مشاركة مع الحكومة والبقية اغلبها نرجع للنسب تاني خاشين مفاوضات ياتو احزاب سيادتك حقو تذكرها لينا اقلاها نعرفها ونعرف افرادها الذين يريدون تقويض امن العاصمة دة مفهوم المعارضة بمعناه الحزبي طيب وبدون احصائيات كجم ساكت من خلال المشاهدة والمعايشة الناس المعارضة وبدون حزب تكاد تشكل معظم الناس الما مؤتمر وطني الناس العجزت عن ان تحيا مستورة الناس الكل يوم الحكومة بتركب فيهم خازوق جديد رفع رسوم الموية ما يبرد يركبو فيهم ارتفاع اسعار الغاز اها ديل همهم معيشتهم بس وتربية وعلاج اسرهم وديل نفس الناس الملوعين من ظاهرة الاختفاءات ذات شبهة الاختطاف وديل زاتهم ما معارضة سياسية . المعارض السياسي هدفو يستلم السلطة ديل هدفهم يعيشو كرماء مستورين ولو الحكومة وفرت ليهم الامن والاستقرار والعمل والسكن والتعليم والصحة وغيرو بكونو رصيد ليها خط دفاع عكس المعارضة السياسية اها سيادتك ياتو معارضة بتقصد وبرضو بجيك لحكاية انها من المعارضة
07-18-2017, 07:44 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
معليش سيادتك انا بتكلم معاك كمحترف وعارف شفلو ورجل قانوني كل ما تقوله قد يقوم حجة عليك في المحكمة كما يقول قبيلة عمنا سام قلت ديل ناس المعارضة ذلك الثوب الذي بينا انه هلامي وفضفاض هل ؟ هل سيادتك قبضتو ناس متلبسين يسعون للفتنة وبصبغة حزبية ؟ طيب بنفس منطقك دة وانا شخص غير محترف ممكن اقول كل الناكرين للاختطاف انما يمثلون الحكومة كدة بس
07-18-2017, 07:53 AM
عثمان حسن عثمان
عثمان حسن عثمان
تاريخ التسجيل: 10-08-2016
مجموع المشاركات: 155
هههه تشكر عثمان للتشجيع تضطر تضغط تعابيرك وتجتهد في اختيار كلمة اجتهاد شديد حتي يكون قولك محددا وواضحا مش الناس ترش ساي انا غايتو لو كنت مسؤول اصدر امر بمنع التصريحات الصحفية مافي مسؤول يقيف قدام مكرفون ولا يعمل لقاء متلفز ولو لازم التصريح يراجع من قبل ثلاثة اشخاص لا علاقة لهم بالمسؤول
07-18-2017, 09:36 AM
قلقو
قلقو
تاريخ التسجيل: 05-13-2003
مجموع المشاركات: 4742
سلام يا ابوسن و سلامات لضيوفك تعرف يا عبد الحفيظ يا اخوي مشكلة بلدنا دي الفشل اي مسئول افشل من التاني، مافي اي مسئول قدر يطور المرفق المسئول منه و يمشي بيهو لي قدام، و لما الناس تسأل ليه التعليم متدهور ليه المرافق الصحية متدهورة ليه الخدمات متدهورة ليه الأمن متدهور ليه الجنيه متدهور و ليه النظافة العامة متدهورة و ليه و ليه و القائمة تطول يقولوا ليك دي المعارضة، يعني اي مسئول فاشل في شغلوا عادي جداً يعلق فشله في شماعة المعارضة، ياخي طيب وقت معارضة السجم دي قادرة تسوي ده كله ما تمسك الحكومة و تريحنا منكم؟ يعني هسه مدير الشرطة ده شال فشلو كله و جلطو في المعارضة ولم يرف له جفن و منتظرنا نحن نصدق ياخي دي حاجة تفور الدم
07-18-2017, 07:53 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
تقرير مصرى عن خطف البشر و تعذيبهم و تشليعهم التقرير صادم ... شهادة احدهم توضح بجلاء ان العملية تبدأ من السودان و تنتهى فى سيناء على الحدود مع فلسطين المحتلّة
07-18-2017, 11:15 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
هاك ده ولكن بشرط الا تحسبني مع الغير جادين ففي كثير من الأحيان نضحك من ألمنا
جعلي ركب فى الهايس وبعد ركب دخلتو خوفة وشك فى الناس الموجدين فى الحافلة ... طوالي طلع جواله وبدا يتكلم اسمع يا خضر انا ماشي لغسيل الكلي بعد ارجع باكلمك
😆😆😆
07-19-2017, 05:58 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة