وقال مدير شرطة ولاية الخرطوم، إبراهيم عثمان، إن ما يتداول بشأن الاختطاف وتجارة الأعضاء جزء من حملات تقودها المعارضة السودانية لاختراق أمن العاصمة والمواطن عبر حرب الإشاعات باعتبارها الأخطر. ورأى أن جميع حالات الاختفاء تكون عادة ناجمة عن خلافات أسرية أو أمور خاصة بالمختفين.
Post: #2 Title: Re: بهدوء يا بوليس Author: عبدالحفيظ ابوسن Date: 07-18-2017, 05:23 AM Parent: #1
للأسف تصريح سيادتك جانبه التوفيق وللحقيقة لم تكن انت نشازا بل قرأت اظنني كم مرة تصريحا او بيانا يسير في ذات تصريحك هذا . ويمتاز تصريحك بأنه مثالي جدا في عكس رؤية سياسية للاحداث
Post: #3 Title: Re: بهدوء يا بوليس Author: عبدالحفيظ ابوسن Date: 07-18-2017, 05:25 AM Parent: #2
اولا انت شرطي او هكذا يجب ان تكون . محترف مهمتك الاساسية حفظ النظام وتطبيق القانون والحفاظ علي الامن هذه مهنتك
Post: #4 Title: Re: بهدوء يا بوليس Author: عبدالحفيظ ابوسن Date: 07-18-2017, 05:30 AM Parent: #3
لو اعدت قراءة تصريحك ستجد انك نفيت مسبقا قبل التحري . نفيت حدوث الجريمة واتهمت دون ان تعي اسر الضحايا بأن الامر خلاف داخل اسركم ومعروف تماما الخلاف داخل الاسر الذي يقود للهروب . تحديدا ان كان الهارب امرأة . مما يدخل في خانة رمي المحصنات من النساء بالريبة . وانا اتحدث عن الاسرة السودانية كما اعرفها وايضا هروب الاطفال يلقي بكثير من الاتهامات نحو الاسر
Post: #5 Title: Re: بهدوء يا بوليس Author: عبدالحفيظ ابوسن Date: 07-18-2017, 05:37 AM Parent: #4
التصريح حاد ومتحامل لا انف حالات هروب البعض كما لا انف الاختطاف . كلها حوادث ممكن لها ان تحدث ونفي الاختطاف لا يستقيم في ظل دولة كاملة مفتوحة علي مصراعيها لدخول الاجانب بكميات كبيرة . ولا محصنة ضد التغيرات العالمية مما يدور حولنا كنت اتمني وانت كرجل محترف ان يكون حديثك مهنيا ان تذكر لنا بالارقام عدد المفقودين النجاحات في عودتهم الفشل وهكذا هل كل بلاغات الفقدان استطعتم استعادة المفقودين وكم عددهم . ليتسق قولك ان كل الحالات مشاكل اسرية اما اطلاق القول تزكية لوظيفتك راميا الاتهام علي الاسر المكلومة فهو احداث جرح غائر في جسد مريض واخشي ان يصل حد الوصمة يسكت الناس عن اختفاء اقاربهم خوفا من كشف مستور اسرهم
Post: #6 Title: Re: بهدوء يا بوليس Author: عبدالحفيظ ابوسن Date: 07-18-2017, 05:44 AM Parent: #5
المعارضة اختراق امن العاصمة دة كلام خطير سيادتك
Post: #7 Title: Re: بهدوء يا بوليس Author: عبدالحفيظ ابوسن Date: 07-18-2017, 05:48 AM Parent: #6
ممكن سيادتك تعرف المعارضة ماذا تقصد الاحزاب المعارضة ولا الحركات المسلحة المعارضة ولا الناس المعارضة السودان دة ما مقسم بي مسطرة والمعلرضة ما كتلة واحدة صماء ولا المعارضة بتعني العدو او الخصيم او المنافس الذي يهمه الانتصار
Post: #8 Title: Re: بهدوء يا بوليس Author: عبدالحفيظ ابوسن Date: 07-18-2017, 05:49 AM Parent: #7
اسمح لي اقول ليك جطتها
Post: #9 Title: Re: بهدوء يا بوليس Author: عبدالحفيظ ابوسن Date: 07-18-2017, 06:36 AM Parent: #8
انا افهم سيادتك انو التصريح دة يقولو سياسي . اهو السياسي يغالطك في تصريحو افهم جدا .. وفهمي لا يعني الاحترام . ممكن اصنفو بيهو لكن سيادتك رجل مؤهل او هكذا يجب ان تكون . قريت كلية الشرطة والجامعة كون انو الترقية بقت مربوطة بالشهادة الجامعية . كل درجة تحتاج لنوع شهادة حتي تصل للدكتوراة او هكذا يجب ان تكون كما هو معروف في نظام الترقيات الشرطية الجديد رجل مؤهل ومحترف بروفيشينال يعني . منجض شغلك دون اي تأثيرات غيره ويفترض ان يكون تصريحك نابع من طبيعة عملك وفي التصريح المحدد في حاجات محددة تخصك كرجل مهني ومحترف في حالات اختفاء غامضة وملاحظة واجبك ان تسبر غورها وتحلها حاشا لله ان تكون كاملا ممكن تخفق . لكن حتي اخفاقك عندو تفسيرو المهني الذي اعجزك عن حل القضية انت تقيس طبيعة الاختفاءات بنجاحك وليس فشلك عشرين مختفي رجعتهم وبعد التحري معاهم والملابسات اكتشفت انهم نتيجة خلافات اسرية مقبولة كدة ممكن تقول كلو الاختفاءات لكن نقول 16 نتيجة خلافات اسرية بنقبل معظم الاختفاءات نتيجة خلافات اسرية لكن نقول من ال20 لقيت 3 بس والتلاتة خلافات اسرية ماممكن تحكم علي 17 المالقيتهم وتقول كلهم خلافات اسرية دة المنطق البسيط والمباشر ادينا سيادتك الاحصائيات عشان نحن زاتنا نكتب معاكم ونعضد رأيك
Post: #10 Title: Re: بهدوء يا بوليس Author: عبدالحفيظ ابوسن Date: 07-18-2017, 06:43 AM Parent: #9
تتذكر سيادتك الاسهالات المائية !! الناس في كوستي والنيل الابيض كتبت عنها مبكرا كما يمكن تداركها وحصرها والقضاء عليها لكن الوالي انكرها وقال شبيه لكلامك دي معارضة وواتس اب ودعمه وزير الصحة ايضا وقال تم القضاء عليها وزرت ولفيت ماذا حدث بعدها بعد شهر بس عمت كل ارجاء السودان مجابهة الحقيقة مهما كانت مرة يمكن معالجتها يعني لو الوالي كسياسي ووزير الصحة كمسؤول من قطاع فني اعترفوا ووجهو القطاع الفني بمعالجة المشكلة كان انتهت والنار من مستصغر الشرر ف شنو سيادتك ادينا الاحصائيات عشان انتو ونحن نتساعد في حل المشكلة
Post: #11 Title: Re: بهدوء يا بوليس Author: عبدالحفيظ ابوسن Date: 07-18-2017, 06:55 AM Parent: #10
نجي للكلام الماسخ المعارضة ياتها سيادتك كمية من احزاب المعارضة تفوق ال90% من الاحزاب المسجلة وكمعارضة واقفة مع الحكومة . نرجع تاني للنسب وبل اكبر الاحزاب المعارضة واكبر دي وفقا لاخر انتخابات مش واقفة بس بل مشاركة مع الحكومة والبقية اغلبها نرجع للنسب تاني خاشين مفاوضات ياتو احزاب سيادتك حقو تذكرها لينا اقلاها نعرفها ونعرف افرادها الذين يريدون تقويض امن العاصمة دة مفهوم المعارضة بمعناه الحزبي طيب وبدون احصائيات كجم ساكت من خلال المشاهدة والمعايشة الناس المعارضة وبدون حزب تكاد تشكل معظم الناس الما مؤتمر وطني الناس العجزت عن ان تحيا مستورة الناس الكل يوم الحكومة بتركب فيهم خازوق جديد رفع رسوم الموية ما يبرد يركبو فيهم ارتفاع اسعار الغاز اها ديل همهم معيشتهم بس وتربية وعلاج اسرهم وديل نفس الناس الملوعين من ظاهرة الاختفاءات ذات شبهة الاختطاف وديل زاتهم ما معارضة سياسية . المعارض السياسي هدفو يستلم السلطة ديل هدفهم يعيشو كرماء مستورين ولو الحكومة وفرت ليهم الامن والاستقرار والعمل والسكن والتعليم والصحة وغيرو بكونو رصيد ليها خط دفاع عكس المعارضة السياسية اها سيادتك ياتو معارضة بتقصد وبرضو بجيك لحكاية انها من المعارضة
Post: #12 Title: Re: بهدوء يا بوليس Author: عبدالحفيظ ابوسن Date: 07-18-2017, 07:44 AM Parent: #11
معليش سيادتك انا بتكلم معاك كمحترف وعارف شفلو ورجل قانوني كل ما تقوله قد يقوم حجة عليك في المحكمة كما يقول قبيلة عمنا سام قلت ديل ناس المعارضة ذلك الثوب الذي بينا انه هلامي وفضفاض هل ؟ هل سيادتك قبضتو ناس متلبسين يسعون للفتنة وبصبغة حزبية ؟ طيب بنفس منطقك دة وانا شخص غير محترف ممكن اقول كل الناكرين للاختطاف انما يمثلون الحكومة كدة بس
Post: #13 Title: Re: بهدوء يا بوليس Author: عثمان حسن عثمان Date: 07-18-2017, 07:53 AM Parent: #12
كفيت و وفيت و بردت قلبي ما ح أقول قلوبنا عشان ما تقول لي عملت إحصائية؟
Post: #14 Title: Re: بهدوء يا بوليس Author: عبدالحفيظ ابوسن Date: 07-18-2017, 08:29 AM Parent: #13
هههه تشكر عثمان للتشجيع تضطر تضغط تعابيرك وتجتهد في اختيار كلمة اجتهاد شديد حتي يكون قولك محددا وواضحا مش الناس ترش ساي انا غايتو لو كنت مسؤول اصدر امر بمنع التصريحات الصحفية مافي مسؤول يقيف قدام مكرفون ولا يعمل لقاء متلفز ولو لازم التصريح يراجع من قبل ثلاثة اشخاص لا علاقة لهم بالمسؤول
Post: #15 Title: Re: بهدوء يا بوليس Author: قلقو Date: 07-18-2017, 09:36 AM Parent: #14
هل تعتقد يا سيادتو أن قرارات خواجة ترامب الأخيرة ليها علاقة بحالات الغياب القسرى والأختطافات دى ولا ياربى تكون دى مؤآمرة صهيونية ضدنا ؟
Post: #16 Title: Re: بهدوء يا بوليس Author: عبدالحفيظ ابوسن Date: 07-18-2017, 09:40 AM Parent: #14
هل قامت الشرطة بعمل تحقيق شرطي بحوداث الاختطاف واخراج احصائية من واقع البلاغات تحليل البلاغات اذا ثبت الاختطاف فهذا مؤشر لوجود تجارة اعضاء امر محتمل
Post: #17 Title: Re: بهدوء يا بوليس Author: علاء سيداحمد Date: 07-18-2017, 09:49 AM Parent: #16
شكرا يا حفيظ .. آه ياوطنى وآه ياوجعى
Post: #18 Title: Re: بهدوء يا بوليس Author: عبدالحفيظ ابوسن Date: 07-18-2017, 10:54 AM Parent: #17
هههه قلقو رغم عبثية تعليقك لكن محتمل نسمو ك تصريح رسمي وينكرو ويغالطوك ويقولو حاقد وموتور وشاذ افقيا
Post: #19 Title: Re: بهدوء يا بوليس Author: عبدالحفيظ ابوسن Date: 07-18-2017, 10:56 AM Parent: #18
تسلم علاء بموتو وبنموت ويبقي التاريخ و وطني البموت وبخلي حي عاشت الارض لافتة لنا ولأعداء العصافير كفن رحم الله حميد
سلام يا ابوسن و سلامات لضيوفك تعرف يا عبد الحفيظ يا اخوي مشكلة بلدنا دي الفشل اي مسئول افشل من التاني، مافي اي مسئول قدر يطور المرفق المسئول منه و يمشي بيهو لي قدام، و لما الناس تسأل ليه التعليم متدهور ليه المرافق الصحية متدهورة ليه الخدمات متدهورة ليه الأمن متدهور ليه الجنيه متدهور و ليه النظافة العامة متدهورة و ليه و ليه و القائمة تطول يقولوا ليك دي المعارضة، يعني اي مسئول فاشل في شغلوا عادي جداً يعلق فشله في شماعة المعارضة، ياخي طيب وقت معارضة السجم دي قادرة تسوي ده كله ما تمسك الحكومة و تريحنا منكم؟ يعني هسه مدير الشرطة ده شال فشلو كله و جلطو في المعارضة ولم يرف له جفن و منتظرنا نحن نصدق ياخي دي حاجة تفور الدم
Post: #22 Title: Re: بهدوء يا بوليس Author: Arif Nashed Date: 07-18-2017, 07:53 PM Parent: #21
تقرير مصرى عن خطف البشر و تعذيبهم و تشليعهم التقرير صادم ... شهادة احدهم توضح بجلاء ان العملية تبدأ من السودان و تنتهى فى سيناء على الحدود مع فلسطين المحتلّة
فعلا يا الصاوي محولجية بس والشماعة قاعدة المعارضة ويقول ليك ما بتملا هايس
Post: #25 Title: Re: بهدوء يا بوليس Author: بشير حسـن بشـير Date: 07-19-2017, 05:24 AM Parent: #24
سلام يا حفيظ
كتبت وحللت وأجدت
ولكن ليت قومي يفقهون
هاك ده ولكن بشرط الا تحسبني مع الغير جادين ففي كثير من الأحيان نضحك من ألمنا
جعلي ركب فى الهايس وبعد ركب دخلتو خوفة وشك فى الناس الموجدين فى الحافلة ... طوالي طلع جواله وبدا يتكلم اسمع يا خضر انا ماشي لغسيل الكلي بعد ارجع باكلمك
😆😆😆
Post: #26 Title: Re: بهدوء يا بوليس Author: عبدالحفيظ ابوسن Date: 07-19-2017, 05:58 AM Parent: #25
حبابك عارف وتسلم والله
Post: #27 Title: Re: بهدوء يا بوليس Author: عبدالحفيظ ابوسن Date: 07-19-2017, 06:00 AM Parent: #26
مرحبا جلال تشكر للتداخل اذكر انني عاجز عن رؤية مداخلتك وعارف يعني الموضوع حقيقي ولا كيف
Post: #28 Title: Re: بهدوء يا بوليس Author: عبدالحفيظ ابوسن Date: 07-19-2017, 06:04 AM Parent: #27
وكثر غيرها يا بشير كوميديا سوداء
Post: #29 Title: Re: بهدوء يا بوليس Author: عبدالحفيظ ابوسن Date: 07-19-2017, 06:35 AM Parent: #28
نحن ضد ترويع المواطنين بالاشاعات لكن ساعدنا يا بوليس ملكنا الحقايق ادينا الحقيقة طلع لينا بيان
Post: #30 Title: Re: بهدوء يا بوليس Author: عبدالحفيظ ابوسن Date: 07-19-2017, 06:43 AM Parent: #29
كدي يا بوليس عربون ثقة وقف لينا التظليل ووقف العربان البدون لوحات وبدون استثناء العسكري البقيف في الشارع يحاسب الجميع مش يوقف زول ويمرر زول
Post: #31 Title: Re: بهدوء يا بوليس Author: أحمد الشايقي Date: 07-19-2017, 09:22 AM Parent: #30
تعرف يا أخ أبو سـن
المواطن السوداني دا حصلت فيهو تحولات بسبب الناس ديل ما غيرهـم
استطاعوا جعل الناس سلبيين والتخويف المستمر خلى المواطن يفكر الف مرة قبل ما يتدخل
لنجدة أو حجازة أو إغاثة ملهوف
كذلك الخلط الكبير الحاصل في الشارع ب (برضو بسبب الناس ديل)
سياسة الباب المفتوح ..
طوالي تلقى نفسك في وسط (غاغـة) من الناس ما تعرف من وين جايين
ما تضمن انك لو تدخلت في أي (عركـة) حتنتهي كيف ووين
وعدم الثقة الطامة الكبرى .. ما تعرف لو تدخلت في أي موقف (مش حتطلع غلطان)
الخرطوم دي قبل 30 سنة مش كانت بالشكل دا
تجولنا فيها بالطول والعرض ورجعنا من دور السينما في أوقات متاخرة وركبنا القشاش
والباقي كداري
ما تلقى فيها غير خيول السواري وعربات الدورية وبعض دكاكين الفول المشهورين
بالتأخر حتى منتصف الليل
الحقيقة انه الوضع الحاصل دا (من الصعب الدفاع عنـه)