الـطـائـرة الـسـودانـيـة تـصـل ابوظـبـي بـعـد أربـعـة أيـام و لـيـالٍ عجاف،،، وعثاء السفر،،،

Quote: تاج الدين النوبي · يعمل لدى صاحب مهنة حرّة الكوز الطيرة ود الفحل أنت زمن لسع تنتظر السودانية اها الرمادة في خشمك إن شاء الله وبعدين دعاء السفر كانوا بيقولوهو لمن كان بسافروا بالبعير والجمال , بس والله يبدوا أنهم كانوا أسرع من سودانطير قال منتظر السودانية قال تاج الدين النوبي · أعجبني · رد · 3 دقيقة ،،،،،،،

Quote: أربعة أيام فقط يا عزالدين أحيانا تتاخر شهر الزموا الصبر عواطف ادريس اسماعيل ،،،،،،،

Quote: سلام عزالدين الفحل انت ما عارف الكلام ده بيحصل فى نظام عمر البشير رضى الله عنه يا سيدى هذا جزء من الفساد والاهمال وعدم احترام للانسان السودانى والذى يحدث فى كل مرافق الدولة فى عهد عمر البشير انت عايز تتكلم كأنو الخطوط السودانية دولة قائمة بذاتها او تابعة لدولة اخرى , لانك ما عايز تكون عندك الشجاعة وتنتقد وتلوم الجهة الصحيحة خالد حاكم ،،،،،،،

Quote: ود الفحل ترفق مليون سلامة .. وربنا يحفظك في سفرك .. ولو سمحت وبامانة تجي توضح لينا الحاصل وتحكي لينا عن الوضع بأمانة هههه. علا النسالك يا ود الفحل من اين لك هذا !!!!!!!!! ضحكت لما دموعي سالت ربنا يضحك سنك هههههههه هههههههههههههههههههههههههههههههههههه مني عمسيب ،،،،،،،

Quote: لا حول ولا قوّة إلاّ بالله محمد البشرى الخضر ،،،،،،،

Quote: رسالة إلى الجاهل المتجاهل ، منتقد دعاء السفر: إسمه دعاء السفر ، يعني يقال حال التحرك للسفر ، هنالك دعاء آخر لركوب وسيلة الترحال ، يركبك جن أحمر . وأضف لمعلوماتك .. القصر يحسب بالمسافة ، سواء كان السفر بحمار أو سيارة أو طائرة.. سواء كانت المسافة تقطع في ساعة أو نصف ساعة أو أيام وشهور.. قصي محمد عبدالله ،،،،،،،

Quote: سودانير انتهت ومشروع الجزيره ينعق فيه البوم والخطوط البحريه حلوها يعنى فضل لينا شنو م. سيد احمد قدورة ،،،،،،،

Quote: قيل أنه في قطار في الهند دائما يتأخر في الوصول, ومرة من المرات القطار وصل في الزمن بالضبط فالناس اندهشوا وعندما تأكدوا من الخبر علموا بأنه القطار كان متأخر أربعة وعشرين ساعة بالتمام والكمال,,,, ياهو ده حال سودانير aosman ،،،،،،،

Quote: عزالدين هى كانت ماشية كدارى؟ ......ولا فوق فو الجو. أيمن نواى على ،،،،،،،

Quote: عارف يا عزو مرة أختي كانت جايانا زيارة في أبوظبي وعرفنا إنها مشت المطار وما رجعت البيت تصور تلاتة يوم وصلت نتصل في البيت يقولوا ما رجعت .... عندنا ما وصلت .. المهم كل ساعة نتصل بالإستعلامات مرة صادفت واحدة مصري رد على بتعجب السودانية ؟ قلت ليه آه السودانية قال لي دي لو شفتها في المدرج ما اقدرش أقول إنها وصلت ... تصور .. يا قلبي ما تحزن عواطف ادريس اسماعيل ،،،،،،،

Quote: الأخ عزالدين الفحل سلام عليكم يازول الحمدالله انها وصلت أساسا :) محمود الدقم ،،،،،،،

Quote: .أول مرة اسافر الى القاهرة كان ذلك عام 86 ويشهد الله ان هذه { المبروكة } اقلعت في وقتها بالثانية والدقيقة الكابتن اسمه شيخ الدين اتمنى له طول العمر والسلامة والمضيفات كن غاية في الرشاقة والجمال رغم انه في ذلك الوقت لم يكن هناك فير آند لفلي ولا زبدة الشية والكوارع !!!! ولا حتى عشبة بن علي اليمني !!!!! الوجبة كانت دسمة جداً وكانت هذه أول مرة حياتي آآآآآآآآآآآآآكل فيها { الزيتون } !!! والذي لم استسيغه نهائيا في البداية لمرارته رغم أننا أكلنا اللالوب بكثرة وكذلك الحميض والحميض ياجماعة لغير الناطقين بها هو ثمرة برية من فصيلة التبش ما يجي واحد يقول التبش ذاتو هو شنو ؟؟؟ اوصلتنا القاهرة بسلام ومنها انطلقنا الى بلاد الله الواسعة لكن ياجماعة هذا التأخير الذي تميزت به الطائرة السودانية هو ميزة قد تفتقر لها الكثير من خطوط الطيران واضطراب المواعيد وعدم التوقيت هو الذي يجعل هذه الطائرة لايتم اختطافها نهائياً لأن اهم العوامل عند مختطفي الطائرات هو عامل الزمن وكذلك ساعة الصفر يعني مثلا المختطف يكون قد خطط بأن يفجر هذه الطائرة لاقدر الله في سماء ابوظبي بعد ساعتين ونصف وهي خلال هذه الساعتين لاتكون في سماء ابوظبي ولا حتى في سماء الخرطوم بل متوهطة وبكامل قواها العقلية في ارض المطار فهذا التأخير لخير لأن اول ثماره هو ارباك وافشال خطط المختطفين هجمة مرتدة غايتو الصورة دي لو ماكانت من فعائل عمنا الفوتوشوب والله توضح بجلاء أن السودان فيهو بنقو اصلي !!! ابوحراز ،،،،،،،

Quote: ود الفحل كيف حالك أخوي معليش ،،، حاجة كدا خارج النص كما يقولون والله أنا مُتابع ومعجب بكل كتاباتك بس عندي ملاحظة صعيرة لو تقبلها من أخوك الصغير خاصة إنك ود بلد ومتحضر وتب ما لايقة عليك حركات الفارات دي يا أخي ،،، غير نوعية الخط ( Font ) خلي خط عادي وصغير شوية بعدين ما في داعي لليافطة التحت دي ( عز الدين الفحل / أبوظبي ) لأنو أسمك أصلاً موجود في بروفايلك على اليمين مودتي ،،، وسامحنا على الصراحة سيف الدين محجوب ،،،،،،،

Quote: تحياتي تلأزمة ما أزمة سودانير وحدها أزمة بلد وحكومة وحزب كرس وشرعن لهذا الفساد والإجرام أخيرا طلعت المواني وقبلها بقليل الصمغ العربي لتطول لستة وقائمة المفقود المسروق أصول ومؤسسات وشركات هذا الشعب المغلوب على أمره لا خيارات للأسف الموت وذهاب النظام الشفيع Alshafea Ibrahim ،،،،،،،

Quote: ود الفحل سعد باشا آل ( مافيش فايدة !!!!! ) الا يوجد حكيمٌ في المنبر يحكُم بيننا ؟!!!! Alshafea Ibrahim ،،،،،،،