إمتلأ الخور عن آخره!!!!!

سودانيز اون لاين
Haytham Ghaly-
مكتبتى
رابط مختصر

بوست حيدر الزين بتاع رحيل ابليس الخسيس

وبوست راني حول جواز البول في قبر الترابي

الله يرحم أيام بوقفك اول حتى يشوف هبّبت شنو!

ياخي انت اول زول يتم إيقافه هوادة ساكت ههههه

Quote: اها و أبو حسين الفقر ما عنده حاجة شالها الخور برضك ؟ طوّلنا من الشماتة فيه :)

هههههه

يا ود البشرى انت ما قلت ابوحسين كوز

البوستات الاتخورت دي كلها نبذ في شيخ الكيزان

عشان كدا ابوحسين في السيف سايد يا مان

Quote: الله يستر على بوستيك ما يخمو خور ابو حبل هههههههههههه

ود دفع الله حبابك

خور ابوحبل دا اتملى لمن دفق عشان كدا ما اظن البوست يتخور

هيثم..حبابك يا صديق

واحد من البوستات المحذوفة احتوى على تهديد بالقتل..ودي شغلانة سيد اللبن ما بيقدر عليها (مسئولية كبيرة يا عم ، فاخير اماطة الأذى)..!

اخطر بوست.. فكرت فيهو فكرة ساكت..وناوي افتح البوست في اقرب فرصة..

ياخي الفكرة لسع في راسي..برضك مشت الخور..!!

اكشن تقيل..من ديجانقو ورينقو وسارتانا لا يرحم وانتا ماشي..!!

كبر

غايتو يا هيثم جبت سيرة الخور ساكت أهلو جوك جارين ..

أخوك خوره خور قطاع خاص تقرا مكتبته

الخور بي ناسه, ناس جلالدونا و ابو حسين ومين ومين تاني من بروليتاريا البورد

احنا - ناس المكتبات - برجوازية خلّي بالك :)

كراكة الادارة لامن تجي ما بتخم بوستاتنا فيما تخم من بوستات و ترميها في الخور

بفرزولنا بوستاتنا و يكيسوها و يتكتب عليها عنوان المكتبة و سبيشل ديلفري ههههه

الغالي ود الغالي هيثوم ..

صباح الفل ..

انت عارف اول ما جيت داخلة لاقاني البوست حقك دا سكلبت وجري علي

بوستاتي قلت احتمال يكونوا خوروهم لكن نحمد الله لسه ملتزمين باداب الكلام

هههههههههههههههه وحلفت لو خوروهم لي امشي اشيلهم من الخور والصقهم في

حيطة الفيسبوك ..

يا ود الغالي سيب الهظار الخشن ههههههه .

ود المشرف و ود المدير وقيقراوي و المستنير و هيثم سيد البوست وحافظ بشير الغالاط وتنظير وانت زاتك ووووو... إلخ إلخ من بروليتاريا المنبر و دهمائه :)

Quote: بالله أبو حسين بعد نقتو الكتيرة دي ما عندو مكتبة

كان على النقة ساهلة سيف الدين في شهر بس نقة أكتر من أبو حسين

المصيبة أبو حسين قاعد هنا من زمن حفرو الخور من 2003 مما سمع بكري عايز يعمل منبر قعد ينق مع نفسو لحدي ما أخد العضوية

وبعد دا ما عندو مكتبة

اها.. انا برضك شايل الطبنجة دي وحايم..

Quote: قلنا نسالم ساي عشان كن سالنا صديقنا كبر ما بريّحنا

هههههه...

ليه قالوك عندي (قيصر) ، باللاتيني (سيزار)..!!

Caesar

ولا دي لسه ما قروكم ليها؟..

ياخي من الصباح منتظر تعليقكم انت وابو حسين.. لكن شكلكم بقيتو ناس نظارات ساكت..!!!!

كن ما دايرين تشتروا كلمونا ياااااااااااااااااااااخ..ما تفوتوا علينا السوق..!!

وين منتظر التعليقات وعلى شنو, كان على موضوع الطيب قريمان زي ما قلت ليك لازم نستأذنك أول ولاّ تقوم تبستف لينا اسئلتنا كمان وتطلّعها هراء ساكت وتحرجنا قدّام شيّالين الحال ديل :)

كان موضوع تاني كدي نبّهني

واما والحال كذلك ..

(عدل بواسطة Kabar on 03-07-2016, 09:07 AM)

اكتبها تاني لو ما فيها تكليف, وما تمسحها المرة دي

يا هندسة اولاد ضهاري المنبر عاملين غاغة شديد

ههه شكلي فعلا زي ما قال ابومن غير مكتبة عامل زي توفيق باشا :)

ود المدير .. وأمّا بنعمة ربّك فحدّث , ولاّ شنو؟

انت بس اصبر يمكن بعد كم سنة كدا تتعمل خطة اسكانية جديدة ويقسموا ليكم كلّكم كشك جرايد كدا تمشّوا بيه حالكم

الواحد ما يرفرش معاكم ولا كيف,,

في روابط لبوستات قديمة بتظهر على يمين المداخلة الأولى لأي بوست تفتحه, حاولت اربط بينها وبين موضوع البوست ما لقيت سوا كلمات مفتاحية معينة, لكن لا أجزم بانها دقيقة

يعني بوست في عنوانه او موضوعه (لا حول ولا قوّة إلاّ بالله) تلقى الروابط اغلبها لبوستات عزاء مثلا

لكن المحيرني بوست لعادل بلاير من كم سنة اسمه غرائب و عجائب الاخبار بجي ناطي دايما

مشكلته معاي بجيب صور محرجة وكدا

ههههههههههه

والله ونستكم حلوة وجميلة وشرفونا ناس غالين كتاااار في البوست دا

اما ود البشرى حا يزلنا بي مكتبتو دي

حبابكم اخونا كبر وعاطف وعثمان عووضة وود المدير وايمن الطيب واخونا خالد حبابكم الاف

(عدل بواسطة طلحة عبدالله on 03-07-2016, 11:22 AM)

عمنا صاحب الفيسبوك قال اليوم ( عيد ميلاد ) ود البشرى

فاااااااااااااشنو

اختف رجلك وهات لينا تورتة إسفيرية بالمناسبة السعيدة دي

ود المشرف حبابك

والله انا داخل أقول لي ود البشرى دا نفس كلامك دا

بس لقيتك صبقتني

ياخ دا اسم دلع لمن عاجب اسيادو ههههههه شفت كيف

المشكلة أبو حسين الحكاية مأثرة فيهو زي قيقراوي الحرد البورد

بي سبب اسم الدلع بتاع الخور دا

طبعا التلاتة ديل لايقات على تهريف و ما عايز أقول سيد البوست لأنو أصلا

هو ما قاعد يفتح بوست .. خمس نجيمات وبعض الزهور ووش أخدر سنونو كبار

وبعد كدا يقعد كنب فرحا كأنو كتب مقدمة إبن خلدون شوية ويتقاطروا على المسخ بتاعو دا

ناس جرجير التامينها كلها تفاخر وزهو بمكتبات عدما أخير من وجودا فلا شىء فيها إلا الخواء

والجرجرة والمط والمج والملل .. البسمع مكتبات يقول الله يوريني الفارابي .

دا كلو هين ومبلوع إلى حد ما حتي ولو عن طريق الإزدراد ..

لكن والله الما ممكن يتبلع ولا ينبغي أن يسكت الناس عليهو هو الادعاء السمج بالحرفنة القال عليها الأخو دا ..

أحلف برأس جرجير انو الخور دا أو أيا كان اسمو قام من أجل تهريف لا غيره ..

وأراهن بأية حاجة انو هتشو اللاميهو الخور أضعاف خمومو القاعد لحسن حظو وسوء حظنا ..

حريف يا سيد الرغيف..

كنت أعتقد انو تهريف سيد البوست .. فعذرا للملك هيثموف .

لكن عموما الكلام ياهو ذاتو بالنسبة لبتاع النجيمات والزهيرات

موية فول وموية جبنة

منو فيكم التانية يا جوز يا لوز ؟

شايف الناس تكورك الخورالخور وقايلين الكلمة الإخترعها ناذر دى جاية ن فراغ ..

هسه بالله لو الخور عنده عنوان، أو إن شاء الله رابط ساى ، دلونا عليهو ..

هههههههه

طلحة

حيرتني في رويحتي دي وقلت نجيماتي ديل شنن كمان

والله ما عجبتني ليك قنطرتك لي روحك دي

غايتو ضمان شركة

حا يمسكوها ليك لي جنا الجنا

هارد لك والله

الغالية بت عمسيب وأخونا حمد والعزيز جلالدونا حبابكم ملايين والله

وكلي أسف لتاخر الترحيب بيكم بسبب الاكشنات الشغالة اللخمة حصلت فتقبلو اعتذاري

ونرحب كمان لاخونا منير والظاهر يا منير عندك تاريخ مع الخور

بت عمسيب كفارة للبوست الاستخور

لاحولاااااااا ..

بالله ابوحسين ما عندو مكتبة زيي انا وقيقا وحسن اولئك رفيقا..

في الحالة دي الولحد مفروض يكون هدفو الضغط على بكري لتوفير مكتبة لابيحسين أسوة بنظراءه ابي حتحوت وهلمجرا ..

معليش يا ابوحسين ..

لكن مكانك والله بهناك ..

Quote: استأذني بكري لعمل مكتبة لي و رفضت ... وسط لي كم واحد و رفضت .... اغراني بالمال و اصريت على رأي .....

لا خلااااااس يا المستنير

يا جماعة هي شروط المكتبة دي شنو؟؟؟؟

اذا طلعت الشروط صعبة معناها ود البشرى من حقو يتجدع (فيكم)

المكتبة كانت بالقروش و تحديدا سعرا كان مائة دولار

البرجوازى اشتراها و الرسيت عندى نسخة منّو

و من الزمن قلب بتاع لبض و عكلتة

جات فترة الدولار القالك عليها جلالدونا اثر اعلان من بكري, ثم جاءت فترة تم الإعلان ان للحصول على مكتبة تكون اديب او مبدع او علم أو ماشابه, أو أكتب ما يفيد و ابتعد عن المخالفات التي تؤخر فرصة حصولك على المكتبة

ثم أخيرا بعد فتح بلف العضوية اتجمدت المكتبات الجديدة حتى اشعار آخر

هذا و الله ثم بكري أعلم

الآن الوسيلة المضمونة للحصول على مكتبة للما عنده هي انك بعد عمر طويل ان شاء الله لمّا تتوكّل و تسلّم الفاضي مع ايام النعي و التسويد بكري بعمل ليك مكتبة يلم فيها بوستاتك وبعلن عنها في بوست النعي تحت اسم مكتبة الفقيد فلان الفلاني :)

أنا طبعا اتفاجأت بالمكتبة واعتقد اخدتها تبع اكتب ما يفيد وكدا, الزمن داك أظن كنت بكتب ما يفيد وكدا هههههه

وحاليا استخدمها كخور قطاع خاص, كل ما بكري يقطع ليك شكلة و يودي البوست المكتبة بعمل بوست اسمه عنوان مكتبتي في سدانيزاونلاين اتم فيه الشكلة لكن بي فوق فوق كدا ههه

قلنا بكري بعد تتكّل حتى يعمل ليك المكتبة, ما تلوي الكلام وتكسر رقبته

انت بقيت مناضل ولاّ شنو :)

Quote: وحاليا استخدمها كخور قطاع خاص, كل ما بكري يقطع ليك شكلة و يودي البوست المكتبة

تغالط ساااااااااي ....

انت تحديدا عملو ليك خور براك .....

بلاويك كترت و مليت الخور علي الباقيين .... :) :) :)

ما تجتزئ الكلام الله يهديك, أنا قلت بكري بكون اداني ليها لمّا كنت بكتب كلام مفيد, ثم قمت انا - بعد بقيت ما بكتب كتابة مفيدة - استخدمتها كخور قطاع خاص

يعني غرض التخصيص يختلف عن غرض الاستخدام الحالي

فهمت ؟ أكيد لأ وإلاّ كان خصّص ليك مكتبة لو كنت بتفهم بسرعة كدا :)

# جديع_شديد

خلاص جازفتو البوست من صاحبو ومليتوهو ورجغة

أقترح على هيثموف يفتح بوست تاني يقول فيهو العايزو

ويحتسب دا .

....................

Quote: نا طبعا اتفاجأت بالمكتبة واعتقد اخدتها تبع اكتب ما يفيد وكدا, الزمن داك أظن كنت بكتب ما يفيد وكدا هههههه

سبب وااااحد يخليك تتفاجأ ماف..

ولو مغالطني سأورد لك نماذج من اسماء اصحاب المكتبات ,,,