|
|
|
 Re: بريطانيا تفرج عن خريطة السودان التي تتضمن (Re: الهادي ابوبكر)
|
وكمان وفقاً للخريطة البريطانية دي ..
حقو ناسنا يطالبوا ليبيا وتشاد ..
بارجاع الأراضي السودانية التي تحتلها هاتين الدولتين ..
لأن الخريطة توضح آلاف الكيلومترات ومايفوق مساحة حلايب ..
تحت سيطرة تشاد وليبيا ..
ـــــــــــــــــــــــــــــــــــــــــــــــــــــــــــــــــــــــ
متى كانت مثل هذه الخريطة حجة ..
يتم بها استرجاع أرض سودانية ..
تم أخذها واحتلالها عنوة وحمرة عين ..
ما تم أخذه بالقوة لايسترد بالتحكيم ..
فهذه حيلة الخواف والعاجز وعديم الحيلة ..
المصريين إحتلوا حلايب وطردوا القوات السودانية منها ..
وقاموا بتجنيس السكان وسيطروا فعلياً على الأرض ..
فكيف سيتم استرجاعها منهم !! .. ( حتى كان التحكيم حكم ليهم ) ..
يسلموها ليهم خالية وبدون سكان مثلاً ..
ولايلغوا ليهم الجنسية المصرية ..
التي تجنس بها سكان المنطقة ؟! ..
حلايب لن يتم استعادتها الا بقوة السلاح ..
كان هي ولاّ الفشقة ..
أما شغل الحكومة الني ده ..
والله مايرجع متر واحد للبلد دي ..
خليهم ينيصوا ويسكلبوا ويمشوا يشتكوا ..
والرجال قلعوا أراضي البلد حمرة عين ..
وجنسوا مواطنيها أمام عينك ياتاجر ..
وعملوها دائرة جغرافية وفيها انتخابات ..
أها تاني الفضل شنو ؟...
وبرضو أثيوبيا لن تترك الفشقة بي أخوي وأخوك ..
زي المصريين الماحيتنازلوا عن حلايب ..
وده الحصل للحدود الزحت وبقت داخل حدود تشاد وليبيا ..
وحكومتنا عارفه الكلام ده زي جوع بطنها ..
لأنها اتنازلت بمحض ارادتها حتى لو ما افصحت ولا اعترفت .,.
الواقع بيقول انها اتنازلت عن الاراضي دي ..
وده الحصل بوضوح وبدون أي مجمجة وشغل ستره وغتغتة ..
والبتعمل فيهو الحكومة ده مجرد تخدير للمواطنين ..
لعدم رغبتها في فتح أبواب تجيب ليهم ريح تقلع حكمهم المقيت ده ..
وهم في قرارة أنفسهم عارفين ..
إنه دي أراضي تم التنازل عنها لهذه الدول ..
لكثير من الأسباب التي تجعل استمرار حكمهم ممكنا ..
المعضلة بعد ذهاب هذا النظام ..
كيف سيتم استرجاع هذه الأراضي المحتلة ؟؟ ..
وماهو حجم الحروب التي ستندلع في سبيل استعادتها ؟؟ ..
ومقدار الناس الحتموت في مقابل تحقيق ذلك ..
دي مصيبة كبيرة وخطأ فادح يرتكبه هذا النظام ..
الذي كل همه محصور في استمراريته في الحكم ..
كان بي شرف أو بدون شرف مافارقه معاهم كتير ..
المهم يحكموا البلد دي وبس ..
بعدين المثلث النوبي ماحقنا برضو وفقاً للخريطة ..
فحقو مافي زول تاني يجي يطالب بيهو ..
الله لينا نحن الراجين المحكمة ترجع لينا أراضي السودان ..
والله فعلاً بلد هاملة وماعندها سيد ..
| |
 
|
|
|
|
|
|
|
|
Re: بريطانيا تفرج عن خريطة السودان التي تتضمن (Re: الهادي ابوبكر)
|
حلايب سودانية وستظل سودانيةجربت إسرائيل مع مصر سياسة فرض الأمر الواقع واستعمرات سيناء بمستعمرات يفوق عدد سكان بعضها عن الربع مليون يهودي وبنت المطارات والمدن وكأنها ستظل فيها أبداً لوكن هذه سياسة لم تجد نجاحاً لا في الإستعمار الغربي لأفريقيا وأسياً وأمريكا اللاتينية ولا في سيناءسيعود الحق لأهله كما عادت سيناء لمصر وكما عادت هونغكونغ للصين مهما بلغ العمار والتعمير فهو استعمار وسيعود الحق لأهله ما ظل هناك مطالبفلنكف من التقاعس والركون والإنهزامية ولنواصل المطالبة بالحقوق والتأكيد عليها
| |
|
|
|
|
|
|
|
|
Re: بريطانيا تفرج عن خريطة السودان التي تتضمن (Re: Munir)
|
بإذن الله الواحد الأحد السودان راجيهو يعمِّر السلاح ويقبل علي مصر في حرب عنيفة حتي إستعادة حلايب .. وبعد داك نعبئ الدوشكات ونتجه شرقاً لحرب إثيوبيا لتحرير الفشقة .. ثم نجهز الدبابات ونتجه نحو تشاد لإستعادة تلك المساحة المهولة التي تسيطر عليها تشاد، ثم من هناك نخش ليبيا لإستعادة منطقة مثلث العوينات .. وبعد داك علي أبيي عِدِل لحسم الموضوع من آخره .. ومن ثمَّ نشوف كاودا كيف ..
| |
|
|
|
|
|
|
|
|
|
Re: بريطانيا تفرج عن خريطة السودان التي تتضمن (Re: Munir)
|
يا منير أنا لا تعنيني الخريطة في شيء وهي بالمناسبة كلام جرايد لا يعتد به وبالتالي لا يبنى عليه هناك اتفاقية للمستعمر البريطاني لمصر والسودان قرر اعطاء مثلث حلايب للسودان وأعطار مثلث أبوطويلة للمصريين وهذه الإتفاقية (1902) وهي التي رحل عنها المستعمر ومنذ ذلك الحين مثلث حلايب أرض سودانية 100% حاول عبد الناصر احتلالها فجاءه الرد السوداني واضحاً وصريحاً بتحريك قوات عسكريبة للمنطقة مما أدى لانسحاب القوات المصرية إلى أن جاء وقت دخول القوات المصرية لاحتلالها منتهزة الحالة السياسية العالمية حينئذ ووضع السودان في قائمة الدول الراعية للإرهاب بعيد ما يسمى "محاولة اغتيال مبارك"للأسف البعض اتخذ احتلال مصر لأرض سودانية فرصة كيدية للنيل من الحكومة القائمة في السودان وهو بذلك يمثل بوقاً مصرياً لسرقة الأراضي السوددانية دون أن يدريوللأسف تفاعلنا الشعبي مع القضية ضعيف جداً وإعلامياً لا يتحرك إلا إذا تحركت الحكومة قوة وضعفاًلابد من تبني القضية شعبياً وعدم التعامل مع العدوطبعاً سيأتيك أخر ويقول لك ليس هناك عدو أكثر من الكيزان لو ما طلعك أنت زاتك كوز ما ح يرتاح ضميره الخربهناك أنهزامية واضحة وبينة في عدم التعامل مع مصر بالندية المطلوبة شعبياً ونخبوياً وإعلامياًوهذا خطأ
| |
|
|
|
|
|
|
|
|
|
Re: بريطانيا تفرج عن خريطة السودان التي تتضمن (Re: Frankly)
|
| Quote: بإذن الله الواحد الأحد السودان راجيهو يعمِّر السلاح ويقبل علي مصر في حرب عنيفة حتي إستعادة حلايب .. وبعد داك نعبئ الدوشكات ونتجه شرقاً لحرب إثيوبيا لتحرير الفشقة .. ثم نجهز الدبابات ونتجه نحو تشاد لإستعادة تلك المساحة المهولة التي تسيطر عليها تشاد، ثم من هناك نخش ليبيا لإستعادة منطقة مثلث العوينات .. وبعد داك علي أبيي عِدِل لحسم الموضوع من آخره .. ومن ثمَّ نشوف كاودا كيف .. |
نعمل ده كلو ونتخلى عن أولوياتنا؟لو إنشغلنا بصغائر الأمور دي، الحيحرر اليمن منو؟
| |
|
|
|
|
|
|
|
|
|
Re: بريطانيا تفرج عن خريطة السودان التي تتضمن (Re: محمد أبوالعزائم أبوالريش)
|
| Quote: أهم نقطة في كلام جمال القوز يا فرانكلي هي إشارته للأجزاء الداخلة في ليبيا وتشاد .. - ده طبعاً لو هذه الخريطة هي وثيقة الحرب المعتمدة لإستعادة الأرض - |
مش كده عليكـ الله يامنير ..بالله شوف كمية الأراضي المكاوشنها مننا دي ..كان تشاد ولا ليبيا .. بعدين كان ممكن نلقى فيها من الخام الليبي الخفيف ده ..رغم إنه شغلة الخرائط تعتبرحجة فارغة ساي ..وشغلة مابترجع أراضينا النهبوها مننا ..لكن على الأقل النتسلبط بي الخرائط دي ..ربما نقدر نرجع منها حاجة ..كل الدول الحولينا قارمة مننا أرض .. والله شيء في منتهى المهانة والاستخفاف ..دولة ماعندها جيش يحمي أراضيها ..يبقى عليها السلام ..الزمن العلينا ده زمن القوة ..أما شغل إشتكيني وأشتكيكـ ده شغل الدول الضعيفة ..المابتقدر تحمي أراضيها ..
| |
|
|
|
|
|
|
|
|
|
Re: بريطانيا تفرج عن خريطة السودان التي تتضمن (Re: جمال ود القوز)
|
ياجمال القوز أنا أساساً رفعت البوست ده لأنو لاقتني الخريطة في الفيسبوك وقمت قوقلتها عشان أفتح بوست .. قمت لقيت البوست ده وخشيت لقيتك كاتب الكلام الكنت عاوز أكتبه بحذافيره .. قلت والله ودالقوز ده شفت عديل .. ههههه .. ولذلك إكتفيت برفع البوست ...ياخي أنا حقو أديك الباسويرد بتاعي وأمشي أرتاح و أقعدوا فراجة .. هههه..
| |
|
|
|
|
|
|
|
|
|
Re: بريطانيا تفرج عن خريطة السودان التي تتضمن (Re: Frankly)
|
الحاصل يا فرانكلي لا الحكومة دي ولا حكومة المعارضة - الفي البر عوّام - ما حيدخلوا في حرب لإستعادة أي قطعة أرض سودانية - لأن ذلك يعني حرب لا نهائية ستستنزف البلاد إستنزاف شديد .. ودونك الحرب الإثيوبية الأريترية الأخيرة علي قطعة الأرض التي أبادت الآلاف وطلعت المحصلة صفر .. وتعلم نحن أساساً حروب التمرد الداخلية براها ماخدة معظم الميزانية - فما بالك بحرب دولية تتمدد لما وراء الدولة للحلفاء الإقليميين .. فلو مثلاً حرب الجنوب براها جعلت السودان في حرب مفتوحة مع كل الجيران الذين دعموا جون قرنق بما فيهم مصر والسعودية ومن ورائهم أمريكا واسرائيل .. ففي زمن الواتساب ده مافي حرب معزولة بين دولتين عشان نشيل عكاكيزنا ونمرق لا برّة .. الحل بالنسبة للسودان هو تقوية الدولة عسكرياً - من أجل الردع - والأهم هو النهضة الإقتصادية والوحدة لبناء سودان قوي جداً .. ونحن مؤهلين لذلك .. وحينها يمكننا إستعادة كل الأرض .. لكين إذا ظللنا نجعجع زي الحاصل ده وعاملين فيها قلبنا حار ما حنسترد التكتح .. هسه شوف حرب اليمن دي .. الحكومة مشاركة طمعاًَ في عون مادي يفك الضائقة الإقتصادية الملحَّة .. وكله ما جابب ثمنه ودونك أزمة الغاز الحاصلة اليومين ديل .. العرب ديل مستعدين يدعموا اسرائيل ولا يدعموا الدول الإسلامية التي تتضور جوعاً .. ما عندنا حل غير نأكل مما نزرع ونلبس مما نصنع .. .. ولمن ده يحصل بعد داك حلايب والفشقة هينات .. المعارضة مثلاً ماعندها أي حاجة تعملها إذا انهارت هذه الحكومة - ما حيجيبوا خبر حلايب ما تشوف الجعجعة والابتزاز ده .. وبرنامج نهضة للسودان ماعندهم - راجين العالم الخارجي يحن عليهم ويقول يا سلااام والله السودانيين جابوا الديمقراطية حقوا ندعمهم - ودي طبعاَ َ أحلام العاجز لأنه لو العالم الغني بيدعم زول كان دعم اليونان الذين هم من لحمهم ودمهم .. أو كمان كان يدعم جمهوريتك بتاعة الموز الذين فكوهم عكس الهواء بعدما ملأوهم أحلام زلوطية بلا حدود ..
| |
|
|
|
|
|
|
|
|
|
Re: بريطانيا تفرج عن خريطة السودان التي تتضمن (Re: Munir)
|
| Quote: ياجمال القوز أنا أساساً رفعت البوست ده لأنو لاقتني الخريطة في الفيسبوك وقمت قوقلتها عشان أفتح بوست .. قمت لقيت البوست ده وخشيت لقيتك كاتب الكلام الكنت عاوز أكتبه بحذافيره .. قلت والله ودالقوز ده شفت عديل .. ههههه .. ولذلك إكتفيت برفع البوست ...ياخي أنا حقو أديك الباسويرد بتاعي وأمشي أرتاح و أقعدوا فراجة .. هههه.. |
الله يديكـ العافية يامنير يا أخوي ...وإنت الخير والبركة ..نسأل الله أن يعيد لهذا الوطن مجد هو اهل له ..
| |
|
|
|
|
|
|
|
|
|
Re: بريطانيا تفرج عن خريطة السودان التي تتضمن (Re: جمال ود القوز)
|
دايرين كمان الإنجليز يفرجوا عن كل الخرط التي توضح حدود دارفور في عام 1916 ... قبل أن يضموها بالحرب لبقية السودان ..و دايرين خريطة دارفور عام 1956 ... قبل أن يقتطع حكام المركز في السبعينيات الجزء الملاصق لمصر من أرض دارفور ... و يضموه للشمالية.و ما تسمعوا كلام منير ده ...الدم السال في دارفور و كردفان و النيل الأزرق ... سوف لن يدفع أحد من تلك المناطق أن يحارب من أجل إسترداد أراض في مناطق أخري فرّط فيها إنتهازيو المركز ...في ساعة إحتكاركم للسلطة ... تقمعوا الآخرين بترسانة الدولة ..و عندما يأتي العدوان الخارجي و يلتهم أراضي الدولة ... تريدون من نفس من تذبحوهم .. أن يحاربوا معكم بإسم الوطنية لإستعادة الأراضي من مصر و الحبشة و أرتريا و ليبيا و تشاد؟؟!!لا يا عمك .. مِ الإنت المستقيد من كلّو ... أمشي براك و حارب ...You can not have it both ways
| |
|
|
|
|
|
|
| |
الهادي ابوبكر
جمال ود القوز
Tragie Mustafa
Munir
Frankly
محمد أبوالعزائم أبوالريش
عبدالعزيز الفاضلابى
Mohamed Suleiman
فيس بوك
تويتر
انستقرام
يوتيوب
بنتيريست