08:40 PM Mar, 11 2015 سودانيز اون لاين Sudany Agouz- مكتبتى فى سودانيزاونلاين
الأخ الحبيب هشام ..
تعرف يا هشام يا أخوى .. النقطة البتسويها دى .. هى نكتة .. عجبانى جنس عجب .. لاكين .. شوف الحاصل فى نقطتك دى .. وأنا .. أدخل البوست .. بكل نفس زهجت .. نسبة للانترنت البطئ .. وأبتدى .. أزحف .. وأزحف .. وازحف .. لغاية ما أجيب النهاية .. عشان .. أعرف ما جئت به من جديد .. والمفاجأة .. ألقى .. نقطة .. نقطة صغيرونة .. منتظرانى أأقراها .. قاعده .. براها .. الله يسامحك .. يا هشام .. حاتجيبلى نقطة ..
بجد .. أنا متخيلك .. أنت برضو .. عشان تخش .. وتكتب الرد .. وتجهز نفسك للرد .. وتتعب نفسك .. وبعدين تتبظ ليك نقطة .. بس داير أعرف .. بتختها .. كيف .. وكيف تجهز أفكارك .. وانت مشمر أكمام قميصك .. ولا جلابيتك .. وفى الآخر .. نقطة .. بس داير .. أعرف عشان .. تتعب التعب دا كله .. بتخت النقطة .. وين .. فى أول السطر ولا فى النهاية .. عشان على الأقل يكون عملت حاجة .. يعنى كتبت نقطة ..
.. وبالمناسبة .. أنا داير .. كل زول يعلق .. على نقطة هشام هبانى .. اللى بيرفع بيها بوستاتو ..
أنا داير .. كل زول .. يدينا نكته .. على نقطة هشام .. لو كان كل زول فى سودانيز أون لاين بينقط نقط هشام .. كنا نسمى سودانيز أون لاين أبو نقطة .. على وزن .. موز أبو نقطة .. .. وامكن .. فى واحد .. يخش ويعمل لينا نقطة ونص .. وبس خلاص .. أخوكم وعمكم العجوز .. ارنست +++
للنقطة مكانة في احوال اهل السودان حيث ارتبطت بالفرح وكانت ( نقطة الفنانة) وارتبطت بالاكل وكان( الموز ابو نقطة) وارتبطت بالامن وكانت( نقطة البوليس) وارتبطت بالسينما وكان ( الهندي الهندوسي ابو نقطة) وارتبطت باللبس فكانت في مركوب ( النمر المنقط) وارتبطت بالتعليم وخصوصا حصص (الاملاء) وعلمونا ان نرفع رؤوسنا بعد ( النقطة) والان استخدمها في الاسافير( البوست ابو نقطة) لاغاظة جراقيس سيئة الذكر ( الانقاذ) فقد عذبتهم هذه النقطة كثيرا لان لها فعلا نضاليا ساحرا في جعل البوست في ( تندة) المنبر لكي يسهل الاطلاع عليه في منبر القراءة فيه اشبه ب( السواقة درايف ثرو في المكدونالد) فبالنقطة ( يتقنطر) البوست للقراء كي تصل الرسالة الي من هم خارج المنبر عبر كلمة حرة نحاول فيها ان نسلحها بشيء من الحق والحقانية وهو جهاد باضعف الايمان ومعذرة لمن يتزمرون ويضيقون ب( النقطة) ولكن للنضال ضرورات تبيح المحظورات فلا غضاضة في ( نقطة) تغيظ اعداء الشعب وهي افضل من حالة صمت منمق يسر الطغاة والتابعين!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Sudany Agouz
هشام هباني
Muhib
فيس بوك
تويتر
انستقرام
يوتيوب
بنتيريست