|
|
|
 Re: يا جماعة ده ما كاراكتير أرحمونا. (Re: خالد حاكم)
|
ياخ انا هسه قولت النقد حا يكون في اللستك دا مالو فاضي
يقول حسبو نائب الرئيس
(ركبو البلك مع الله دا (ونظر الي أعلي يساره وأشر في نفس الأتجاه)....وافتحو الخط الساخن ما بتجيكم أي عوجة)
إنتهي المقتبس
بعدين دا كادر وقيادي حركة إسلامية ...لمن يقول ليك (الله دا)........الكلام إنتهي
نسأل الله أن يقوينا علي صنفرة بلكاتنا .... ويعيزنا شر الرترته
لك كل الإحترام والتقدير أخ ismeil abbas
| |
 
|
|
|
|
|
|
|
|
Re: يا جماعة ده ما كاراكتير أرحمونا. (Re: ismeil abbas)
|
أخى عبده لك التحية......
Quote: يقول حسبو نائب الرئيس
(ركبو البلك مع الله دا (ونظر الي أعلي يساره وأشر في نفس الأتجاه)....وافتحو الخط الساخن ما بتجيكم أي عوجة)
|
أشكرك على التوضيح أخى عبده......حقيقة كلام غريب وهو ذاتو غلطان والعمل الكاراكتير غلطان أكثر منه ....
وانا ليس بناقد وإنما وجهة نظر طرحتها وحقيقة البقرأ الكاراكتير وما عنده خلفية عن ما أوضحته بشوف فى الكثير السالب......لك خالص ألاحترام و التقدير.
| |
|
|
|
|
|
|
|
|
|
Re: يا جماعة ده ما كاراكتير أرحمونا. (Re: ismeil abbas)
|
=
في يوليو الماضي لفت انتباهي كاركتير للفنان (ود أبو) مماثل تماماً للحالة موضوع البوست، فقد كان الرسم غاية في الروعة لكن التعليق كان مفارقاً ومُشتِتاً وخصماً على المجهود الذي بُذل في الرسم.
http://www.sudaneseonline.com/board/470/msg/1405929783.html
وقد لاحظت أن الأمر اصبح سمة تتكرر في رسومات الإخوة الأعزاء رسامي الكارتير ممن تظهر رسوماتهم بصورة منتظمة أعلى المنبر.
في السابق أخي اسماعيل كنا نظن أن إخوتنا في شمال الوادي هم فقط من يفسرون اي محاولة نقد باعتبارها انتقاص من جهودهم وتقليل من شأنهم وبالتالي لا يقبلون بالمديح بديلاً.
لكن يبدو أننا حققنا تفوقاً كاسحاً على إخوتنا المصريين في الحساسية من النقد، وأصبحنا الرواد في (أدب المدائح) وصار السودان أكثر دول العالم إنتاجاً للثلج المكسَّـر.
فنامل أن تُقرأ ملاحظاتكم القيمة برداً و "ثلجـاً" وسلاماً..
التحية لكم أخي اسماعيل ولضيوفكم
...
..
.
| |
|
|
|
|
|
|
|
|
|
Re: يا جماعة ده ما كاراكتير أرحمونا. (Re: ismeil abbas)
|
أخى الكريم عبدالعزيز الشغيل.....لك كل الود.
Quote: اتلحست يا سمعة.. العمل الكاركاتير زاتو هو صاحب المداخلة اخونا عبده مصطفى
أو أكون أنا الغلطان وما ميزت التوقيع
|
والله لى عظيم الشرف أن يكون هو...وجميل أن نقول كلمتنا ويقول كلمته ....وبصراحة زول رسام لكن فى دى لم يوفق حسب وجهة نظرى......تقديرى وإحترامى لك وله وللجميع.
| |
|
|
|
|
|
|
|
|
|
Re: يا جماعة ده ما كاراكتير أرحمونا. (Re: ismeil abbas)
|
أستاذنا إسماعيل... تحياتي
يعني لامن زول مدعي الإسلام يقول أعملوا "بـَلَـك" من الرب... فنانين الكاركتير يقولوا فيهو شنو؟
حسع خليت الناس تنسى كلام حسبو ده كلو وتمسك في كلام أخونا الفنان الخنفس عبدو ده!
الزول (النايب) ده كلامو شين بالجد وفيهو إستخفاف بعلاقة الناس بربها...
وعبدو عمل حاجة فهمنا منها إنو تجار الدين ديل لا دين لهم ولا أخلاق!
| |
|
|
|
|
|
|
|
|
Re: يا جماعة ده ما كاراكتير أرحمونا. (Re: Mohamed Yassin Khalifa)
|
أخى الفاضل...محمد ياسين.....السلام عليكم.
Quote: الزول (النايب) ده كلامو شين بالجد وفيهو إستخفاف بعلاقة الناس بربها...
وعبدو عمل حاجة فهمنا منها إنو تجار الدين ديل لا دين لهم ولا أخلاق |
فعلاً كلامو شين شديد وقلت إنت هو مدعى ألأسلام يبقى ليه نعيده أو نكرره.....ألأخ/عبده الخنفس ده مسلم برضه وما عندى إعتراض فى شكل الشخص وإرتباطه بدينه....
إحترامى.
| |
|
|
|
|
|
|
|
|
|
Re: يا جماعة ده ما كاراكتير أرحمونا. (Re: ismeil abbas)
|
Quote: ........أشكرك على التوضيح أخى عبده......حقيقة كلام غريب وهو ذاتو غلطان والعمل الكاراكتير غلطان أكثر منه ....
وانا ليس بناقد وإنما وجهة نظر طرحتها وحقيقة البقرأ الكاراكتير وما عنده خلفية عن ما أوضحته بشوف فى الكثير السالب......لك خالص ألاحترام و التقدير.... |
هي يا إسماعيل عينك في الفيل تطعن الفيل وضلو
مكتوب في الرسمة فوق كلام حسبو
وكلام حسبو دا انكتب في كم موقع ....وتركيب البلكات وفتح خط ساخن مع (الله ده) جملة اتقالت قدام ناس لهم معرفتهم الدينية أكثر منو ومن الذول البصلح السراير والعناقريب
(لاحظ لي الله دا) ......دي المفروض توجع
لا أنا مخطي ولا ذولي دا مخطي كل الحصل إنو إستفدنا من ما قاله نائب الرئيس عن اسرع طريقة لحلحلة المعضلة الإقتصادية علي المستوي الشخصي
إنت وكت واجعك كلام ذولي دا
كان تسألو كيف بتوصل بلكات مع الله
ياخ إمكن يكون بالدعوة إلي ترك المعاصي والعودة إلي طريق الهداية
ولا يمكن ما يكلمك يقول سر المهنة وأسأل حسبو
ولا يمكن يقول ليك البلكات منك
ولو موصل اصلا بس حاسي بي رترتة نعمل ليهن صنفرة
المصطلح سخيف ولكنة منهج لم يخرج ذلة لسان
حاجة كدا قايمين فيها الكيزان الأيام دي بدأت بالهجرة إلي الله ثم توصيل البلكات
ما عارف توصيل البلكات دا بعد تصل ولا اثناء الهجرة
أخ إسماعيل البلد فيها علماء مسلمين أكتر من الفنانين ... سمعت بي واحد استنكر الكلام دا.... ولا واحد
بس لاقي ذولي المسكين دا داير تقطع رزقو
ياخ الحالة الإقتصادية واقعة والحمارة دي حق القش بقا في تلتلة خلي الذول يسترزق
يعني يعمل شنو.... يحفر ليهو كم حفرة دخان ويأجرن
بس فلاحتكم مع المساكين ديل
ياخ كل سنة وانت والمتداخلين بخير
| |
|
|
|
|
|
|
|
|
|
Re: يا جماعة ده ما كاراكتير أرحمونا. (Re: Abdo Mustafa)
|
هههه... يا عبدو إنتا الظاهر عليك نسيت حسرة الحاجة القالت:
حليل الكانو بيكسروا العناقريب. أصلو الزمن داك ما كان فيهو بلكـات - أوبس - أنا قصدي سراير!
ويا أبو السباع الأمر مجرد نكتة سياسية ساخرة في زمن الهوان...
فما تحملها أكتر من طاقتها... والله عز وعلى أعلم بما في الصدور!
عليك الله أسمع كلام "حسبو" ده في بوست بكري وأمسح دميعاتك دي.
ونعمل شنو في إبتلائنا بـ "حسبو نسوان" و "حسبو بلكـات" ؟
وأكيد دي حـ تكون فكرة كاركتير عبدو ده الجاي وجمع الحسبويين!
ولا شنو يا فنان... بس ما تنسانا من حقوق المساهمة في الضحكة.
مع كامل مودتي لك ولصاحب الكاركتير،،،
| |
|
|
|
|
|
|
|
|
|
Re: يا جماعة ده ما كاراكتير أرحمونا. (Re: ABUHUSSEIN)
|
تحياتي صاحب البوست و جميع المتداخلين
بغض النظر عن قصة البلك
اغلب الرسومات المنشورة في الموقع تفتقر للجمالية اللهم الا من جمال الرسم نفسه
فالكاركتير كلما كان خاليا من الكلمات و الوصف كلما كان اجمل ولكن ما ينشر هنا هو اقرب للرسوم التي توضع في كتب الروايات
وتحيطها التفاصيل من كل جانب منها للكاركتير فرسام الكاركتير يعبر عن رأيه بالرسم فقط وليس بإنشاء مصاحبة له وكلما زادت حاجته للكلمات للتعبير عن فكرته
كلما دل ذلك عن قلة براعتة
و ذي ما قال اخونا
جني و جن النكتة البشرحوها
| |
|
|
|
|
|
|
| |
ismeil abbas
محمد جبره
ادريس خليفة علم الهدي
ABUHUSSEIN
جلالدونا
خالد حاكم
Abdo Mustafa
الصادق عبدالله الحسن
محمد مجيدو
Mohamed Yassin Khalifa
مني عمسيب
Mohammed Sedeq
حيدر حسن ميرغني
عواطف ادريس اسماعيل
فيس بوك
تويتر
انستقرام
يوتيوب
بنتيريست