|
زوجتي: كل عام وأنتي أجمل كلماتي .... (أحبك) .....
|
يصادف اليوم السابع عشر من ديسمبر 2014 عيد ميلاد (رفيقتي ,حبيبتي وزوجتي) ... إمرأة من خطوط الشمس , ناصعة كقلب رضيع ... كلُ ما نظرتُ إليها إزددتُ ألقاً على ألق ... وأشدو كصائد الأسماك بوسط النهر والنهرُ حينها يتحوّر دوائر ... أهدتني (أربع) ابناء علموني السجود شكراً لله كلما رأيتهم ... وأهدتني قلباً وحياة ...شكراً لك رفيقتي .. .و من قبل ومن بعد شكراً لك ربي أن أهديتني إمرأة نخلة ..... وكل عام وأنتي أجمل أجمل كلماتي ...(أحبك) ....
|
|
|
|
|
|
|
|
Re: زوجتي: كل عام وأنتي أجمل كلماتي .... (أحبك) ..... (Re: Ahmed musa)
|
بعد اذنك يا احمد ود موسى انا نقلت البوست بتاعك لحوشنا والاسمه:"ود ابو سن،ود شيقوق ود البوش،ود المنسي،انتو ناس سمحين"''وزورنا بهناك فقد ذكرناك بالخير... والسبب في ان اقتبس وانقله بهناك هو اني عاوزة زوار الحوش هناك يعرفوا الكلام السمح ويطبقوه...وزوار الحوش كلهم بهناك ناس سمحين زيك كده وكلامهم برضه بيرد الروح.. والله يديك الصحة والعافية
| |
|
|
|
|
|
|
Re: زوجتي: كل عام وأنتي أجمل كلماتي .... (أحبك) ..... (Re: أبوبكر عباس)
|
Quote: بعد اذنك يا احمد ود موسى انا نقلت البوست بتاعك لحوشنا والاسمه:"ود ابو سن،ود شيقوق ود البوش،ود المنسي،انتو ناس سمحين"''وزورنا بهناك فقد ذكرناك بالخير... والسبب في ان اقتبس وانقله بهناك هو اني عاوزة زوار الحوش هناك يعرفوا الكلام السمح ويطبقوه...وزوار الحوش كلهم بهناك ناس سمحين زيك كده وكلامهم برضه بيرد الروح.. والله يديك الصحة والعافية |
بت السيّد أختي يديك انتي الصحة والعافية كمان وكمان وأنا جد فخور تختيي في مكان يلم ود ابوسن وودشيقوق وود البوش وودالمنسي وأنا من المتابعين للبوست ومن الفرحين به أميرة أختي مابشوف السمح إلا سمح
| |
|
|
|
|
|
|
Re: زوجتي: كل عام وأنتي أجمل كلماتي .... (أحبك) ..... (Re: أبوبكر عباس)
|
Quote: يا أحمد موسى، عليك الله، وريني قصة تشكير الزوجات على الملأ دي بتتعلموها كيف؟ أبوي مولود بغرب شندي، أنا مولود بمدني وقابل للتغيير، لكن نوع كلامك دا نشوف قدامو بحور! -------- أميرة السيد، ما تتعبي، نوع أحمد موسى دا يجي بالصدفة النادرة جداً الألف شوال فيهن تمرة واحدة. |
أبوبكر ايها الصديق كلنا بنحب زوجاتنا ببطرق مختلفة ومدني هي العلمت البلد الحب هي بلد الغنا والفن تحياتي ليك ايها الجميل
| |
|
|
|
|
|
|
Re: زوجتي: كل عام وأنتي أجمل كلماتي .... (أحبك) ..... (Re: اميرة السيد)
|
ألأخت أميرة السيد/أسأل الله أن يمن عليك بزوج بكل الجمال الذى تحملينه بدواخلك ..وفعلاً الحياة الزوجية لو كانت مبنية على الحب وألأحترام والتقدير والمودة بتكون العيشة صعبة وما فيها سعادة.
إثراء الحوار والمداخلات حول هذا الموضوع مفيد لنا كشعب سودانى يصعب عليه إطلاق المفردة العاطفية لمن يحب بصراحة..ودى العلة الفينا..وأنا من رأى التعبير بالبوح جميل للمرأة ولكل شخص..فكلمة أحبك وأعزك وتسلم وياعيونى كلمات نادرة فى مجتمعنا ووجودها بين ألأسرة يضيف بها إنتعاش وحياة.
عن نفسى لا أتردد فى إطلاقها لزوجتى أو لو بنتى أو لأبنى أو لصديقة أو صديق فهى ملح الحياة.
تحضرنى قصة واقعية ونحن فى صينية الغداء كأسرة كبيرة الوالد أمد الله فى عمره والوالدة الله يرحمها وأخى ألأصغر وهو عريس مع زوجته ..مد أخى لزوجته لقمة فى فمها وسأل الوالد يا أبوى معليش سؤال محرج هل أكلت أمى دى فى خشمه.؟ قال لى أى نعم بالحيل..قال ليهو متين..قال لى هنا ده السؤال المحرج....
تقديرى وإحترامى للجميع...ولكم كل الحب....
| |
|
|
|
|
|
|
|