Post: #1
Title: زوجتي: كل عام وأنتي أجمل كلماتي .... (أحبك) .....
Author: Ahmed musa
Date: 12-17-2014, 04:09 PM
يصادف اليوم السابع عشر من ديسمبر 2014 عيد ميلاد (رفيقتي ,حبيبتي وزوجتي) ...
إمرأة من خطوط الشمس , ناصعة كقلب رضيع ... كلُ ما نظرتُ إليها إزددتُ ألقاً على ألق ...
وأشدو كصائد الأسماك بوسط النهر والنهرُ حينها يتحوّر دوائر ... أهدتني (أربع) ابناء علموني السجود شكراً لله كلما رأيتهم ...
وأهدتني قلباً وحياة ...شكراً لك رفيقتي ..
.و من قبل ومن بعد شكراً لك ربي أن أهديتني إمرأة نخلة
..... وكل عام وأنتي أجمل أجمل كلماتي ...(أحبك) ....
|
Post: #2
Title: Re: زوجتي: كل عام وأنتي أجمل كلماتي .... (أحبك) .....
Author: ود الباوقة
Date: 12-17-2014, 04:19 PM
Parent: #1
الى ( العشقوتي ) استاذنا احمد
ادام الله المحبة بينكما
الى الامام
|
Post: #4
Title: Re: زوجتي: كل عام وأنتي أجمل كلماتي .... (أحبك) .....
Author: Ahmed musa
Date: 12-17-2014, 04:25 PM
Parent: #2
Quote:
الى ( العشقوتي ) استاذنا احمد
ادام الله المحبة بينكما
الى الامام |
شكرا ودالباوقة أخوي ...
وادام الله المحبة بين الجميع
نردم ..؟!! :)
|
Post: #3
Title: Re: زوجتي: كل عام وأنتي أجمل كلماتي .... (أحبك) .....
Author: سليمان القرشي
Date: 12-17-2014, 04:20 PM
Parent: #1
سلامات احمد
كل عام وانتم بالف خير وربنا يديم
عليكم هذه الروح الجميلة ويجعل
حياتكم عامرة بالمودة وكل الحب
ويحفظ لك الابناء ويفرحك بهم
تسلم
|
Post: #5
Title: Re: زوجتي: كل عام وأنتي أجمل كلماتي .... (أحبك) .....
Author: ismeil abbas
Date: 12-17-2014, 04:48 PM
Parent: #3
ده كلام سمح...أدام الله بينكم المحبة والسعادة وأولادكم......حاجة تفرح...وعبرك أهدى التقدير وألأحترام لك زوجين مثلكما....
ما شاء الله وربنا يحفظكم.
|
Post: #8
Title: Re: زوجتي: كل عام وأنتي أجمل كلماتي .... (أحبك) .....
Author: Ahmed musa
Date: 12-17-2014, 07:08 PM
Parent: #5
Quote: ده كلام سمح...أدام الله بينكم المحبة والسعادة وأولادكم......حاجة تفرح...وعبرك أهدى التقدير وألأحترام لك زوجين مثلكما....
ما شاء الله وربنا يحفظكم. |
شكرا أستاذي الجميل إسماعيل عباس ....
|
Post: #6
Title: Re: زوجتي: كل عام وأنتي أجمل كلماتي .... (أحبك) .....
Author: Ahmed musa
Date: 12-17-2014, 06:04 PM
Parent: #3
Quote:
سلامات احمد
كل عام وانتم بالف خير وربنا يديم
عليكم هذه الروح الجميلة ويجعل
حياتكم عامرة بالمودة وكل الحب
ويحفظ لك الابناء ويفرحك بهم
تسلم |
شكرا سليمان القرشي صديقي الجميل
|
Post: #7
Title: Re: زوجتي: كل عام وأنتي أجمل كلماتي .... (أحبك) .....
Author: عبدالحفيظ ابوسن
Date: 12-17-2014, 06:52 PM
Parent: #6
كل عام وانتم اجمل
|
Post: #9
Title: Re: زوجتي: كل عام وأنتي أجمل كلماتي .... (أحبك) .....
Author: Ahmed musa
Date: 12-17-2014, 07:14 PM
Parent: #7
وإنتو كمان أبوسن (مديرنا) الرائع ..!
|
Post: #10
Title: Re: زوجتي: كل عام وأنتي أجمل كلماتي .... (أحبك) .....
Author: اميرة السيد
Date: 12-17-2014, 07:20 PM
Parent: #7
ده كلام سمح بالحيل يا احمد موسى
ويا ريت كل الازواج زيك يا اخي
يا احمد ما بتعرف واحد زيك بالضبط وعنده
مشاعر دفاقة زيك يكون لي عريس
والله يديك الصحة والعافية ويديم المحبة بينكم
|
Post: #11
Title: Re: زوجتي: كل عام وأنتي أجمل كلماتي .... (أحبك) .....
Author: Ahmed musa
Date: 12-17-2014, 09:29 PM
Parent: #10
Quote:
ده كلام سمح بالحيل يا احمد موسى
ويا ريت كل الازواج زيك يا اخي
يا احمد ما بتعرف واحد زيك بالضبط وعنده
مشاعر دفاقة زيك يكون لي عريس
والله يديك الصحة والعافية ويديم المحبة بينكم |
ويديك الصحة والعافية امير أختي
وربا يديك أجمل زول
وتعيشو أجمل أيام يارب ...
|
Post: #12
Title: Re: زوجتي: كل عام وأنتي أجمل كلماتي .... (أحبك) .....
Author: اميرة السيد
Date: 12-18-2014, 01:33 AM
Parent: #11
بعد اذنك يا احمد ود موسى انا نقلت البوست بتاعك لحوشنا والاسمه:"ود ابو سن،ود شيقوق
ود البوش،ود المنسي،انتو ناس سمحين"''وزورنا بهناك فقد ذكرناك بالخير...
والسبب في ان اقتبس وانقله بهناك هو اني عاوزة زوار الحوش هناك يعرفوا الكلام السمح
ويطبقوه...وزوار الحوش كلهم بهناك ناس سمحين زيك كده وكلامهم برضه بيرد الروح..
والله يديك الصحة والعافية
|
Post: #13
Title: Re: زوجتي: كل عام وأنتي أجمل كلماتي .... (أحبك) .....
Author: أبوبكر عباس
Date: 12-18-2014, 03:25 AM
Parent: #12
يا أحمد موسى، عليك الله، وريني قصة تشكير الزوجات على الملأ دي بتتعلموها كيف؟
أبوي مولود بغرب شندي، أنا مولود بمدني وقابل للتغيير، لكن نوع كلامك دا نشوف قدامو بحور!
--------
أميرة السيد، ما تتعبي، نوع أحمد موسى دا يجي بالصدفة النادرة جداً
الألف شوال فيهن تمرة واحدة.
|
Post: #14
Title: Re: زوجتي: كل عام وأنتي أجمل كلماتي .... (أحبك) .....
Author: Ahmed musa
Date: 12-18-2014, 06:12 AM
Parent: #13
Quote: بعد اذنك يا احمد ود موسى انا نقلت البوست بتاعك لحوشنا والاسمه:"ود ابو سن،ود شيقوق
ود البوش،ود المنسي،انتو ناس سمحين"''وزورنا بهناك فقد ذكرناك بالخير...
والسبب في ان اقتبس وانقله بهناك هو اني عاوزة زوار الحوش هناك يعرفوا الكلام السمح
ويطبقوه...وزوار الحوش كلهم بهناك ناس سمحين زيك كده وكلامهم برضه بيرد الروح..
والله يديك الصحة والعافية |
بت السيّد أختي يديك انتي الصحة والعافية كمان وكمان
وأنا جد فخور تختيي في مكان يلم ود ابوسن وودشيقوق وود البوش وودالمنسي
وأنا من المتابعين للبوست
ومن الفرحين به
أميرة أختي مابشوف السمح إلا سمح
|
Post: #15
Title: Re: زوجتي: كل عام وأنتي أجمل كلماتي .... (أحبك) .....
Author: Ahmed musa
Date: 12-18-2014, 06:23 AM
Parent: #13
Quote:
يا أحمد موسى، عليك الله، وريني قصة تشكير الزوجات على الملأ دي بتتعلموها كيف؟
أبوي مولود بغرب شندي، أنا مولود بمدني وقابل للتغيير، لكن نوع كلامك دا نشوف قدامو بحور!
--------
أميرة السيد، ما تتعبي، نوع أحمد موسى دا يجي بالصدفة النادرة جداً
الألف شوال فيهن تمرة واحدة. |
أبوبكر ايها الصديق
كلنا بنحب زوجاتنا ببطرق مختلفة
ومدني هي العلمت البلد الحب
هي بلد الغنا والفن
تحياتي ليك ايها الجميل
|
Post: #16
Title: Re: زوجتي: كل عام وأنتي أجمل كلماتي .... (أحبك) .....
Author: اميرة السيد
Date: 12-18-2014, 06:59 AM
Parent: #15
عزيزي ابوبكر عباس
وانا كمان من جانبي حانتظر التمرة الواحدة دي ان شاء الله مدى الحياة
وان شاء الله ما اتزوج كله كله... وانا بفتكر ان الحياة الزوجية حياة مقدسة
واذا ما بتحوطها الحب والمودة والمشاعر الجميلة فهي حياة فاشلة من بدايتها
لانها حياة شراكة مدى الحياة حتى الموت....وانا حاتعب افتش في الالف شوال
لغاية ما احظى بالتمرة الواحدة دي..وانا متاكدة انو السودان فيه الكثير من التمور
السمحة ..
والله يديك الصحة والعافية..
وما دام يا احمد موسى انت رضعت من نفس المدينة الرضع منها القامة الفريدة
ود الامين فليس غريبا ان نقرا لك مثل هذا الحديث السمح والزين..
وخليك مواصل في هذه المعاملة الرائعة لزوجتك المصونة وسوف ييسر
الله حياتكما ويديم بينكما الحب والمودة ...ويقول عباقرة الطب في جامعة
هارفارد ان ترديد كلمات الحب بين الزوج والزوجة ثلاث مرات في اليوم تبعد
عنهما امراض العصر الحديث من ضغط وسكري وخلافه تماما مثل المضادات
الحيوية التي تساعد جسمك على التخلص من الميكروبات الضارة وتعيش في صحة وعافية
والله يديكم الصحة والعافية
|
Post: #17
Title: Re: زوجتي: كل عام وأنتي أجمل كلماتي .... (أحبك) .....
Author: ismeil abbas
Date: 12-18-2014, 09:38 AM
Parent: #16
ألأخت أميرة السيد/أسأل الله أن يمن عليك بزوج بكل الجمال الذى تحملينه بدواخلك ..وفعلاً الحياة الزوجية لو كانت مبنية على الحب وألأحترام والتقدير والمودة بتكون العيشة صعبة وما فيها سعادة.
إثراء الحوار والمداخلات حول هذا الموضوع مفيد لنا كشعب سودانى يصعب عليه إطلاق المفردة العاطفية لمن يحب بصراحة..ودى العلة الفينا..وأنا من رأى التعبير بالبوح جميل للمرأة ولكل شخص..فكلمة أحبك وأعزك وتسلم وياعيونى كلمات نادرة فى مجتمعنا ووجودها بين ألأسرة يضيف بها إنتعاش وحياة.
عن نفسى لا أتردد فى إطلاقها لزوجتى أو لو بنتى أو لأبنى أو لصديقة أو صديق فهى ملح الحياة.
تحضرنى قصة واقعية ونحن فى صينية الغداء كأسرة كبيرة الوالد أمد الله فى عمره والوالدة الله يرحمها وأخى ألأصغر وهو عريس مع زوجته ..مد أخى لزوجته لقمة فى فمها وسأل الوالد يا أبوى معليش سؤال محرج هل أكلت أمى دى فى خشمه.؟ قال لى أى نعم بالحيل..قال ليهو متين..قال لى هنا ده السؤال المحرج....
تقديرى وإحترامى للجميع...ولكم كل الحب....
|
Post: #18
Title: Re: زوجتي: كل عام وأنتي أجمل كلماتي .... (أحبك) .....
Author: عماد كرار
Date: 12-18-2014, 11:26 AM
Parent: #17
استاذ احمد موسى ..
ربنا يديم المحبة التي بينكما ويجعل كل حياتكم سعادة وحبور برفقة ابائكم
|
Post: #20
Title: Re: زوجتي: كل عام وأنتي أجمل كلماتي .... (أحبك) .....
Author: ودقاسم
Date: 12-18-2014, 11:38 AM
Parent: #18
والله يا احمد موسى كلامك هذا من أروع ما قرأت
رسالة رائعة لزوجة لابد انها رائعة
تحياتي لها ولك وللأولاد
داعيا لكم بدوام الحب
|
Post: #21
Title: Re: زوجتي: كل عام وأنتي أجمل كلماتي .... (أحبك) .....
Author: عبدالحليم حامد النعيم
Date: 12-18-2014, 11:40 AM
Parent: #18
..
عزيزي أحمد .. كل عام ..وانتم في حب ... دائم
نبهتنا لبوستك الرائع .. الأميرة بت الأمير ... في حوشها ..
..
|
Post: #19
Title: Re: زوجتي: كل عام وأنتي أجمل كلماتي .... (أحبك) .....
Author: اميرة السيد
Date: 12-18-2014, 11:36 AM
Parent: #17
يا اسماعيل قول لاخوك اميرة بتسلم عليك كثير...ويا هو الزول الزي ده
البيدلل زوجته هو البيقدر يقود مركب الزواج الى بر الامان حتى لو كان في اعاصير
من المشاكل الاقتصادية والاجتماعية بتواجههم...
والعيب فينا يا اسماعيل..وبالاصح في معظم الشرقيين..ان العلاقة بين الزوج والزوجة
بتكون مبهمة بعض الشئ..وبتلقى الزوج ،ومع انه تزوج زوجته بارادته الحرة وعن حب واعجاب
كمان،بتلقاه بدا يتغير بعد الزواج..وعاوز يوري المجتمع الحوله انه هو كل شئ في البيت واذا
حاول يدلل زوجته او يداعبها ويقول ليها الكلام السمح يخاف المجتمع يشوفوه نظرة تانية
وانه بيرتعد من زوجته..وفي نفس الوقت برضه بتلقى زوجة عاوزة تمتلك زوجها وتعمل من نفسها
رجل وتنسى المشاعر الكانت بيناتهم وتبدا تقلب الحياة جحيم للزوج ..والمشكلة كلها بين مثل
هذين الزوجين هي غياب الكلام السمح بينهما..وزمان قالوا الكلمة الطيبة معططت شارب الاسد..
وزي ما قلت فان التعبير عن الحب بين الزوجين مفقود في المجتمع السوداني خاصة والمجتمع الشرقي
عامة..ومن هنا احيي احمد موسى لهذه الكلمات الروعة..وياريت اسمع مثل هذا الكلام من زوج المستقبل
لكنت جعلته اسعد زوج في العالم..
والله يديك الصحة والعافية
|
|