|
|
 جلسرين وفيكس ودخان من الخشم
|
وكتين مشينا ندرس الجامعة في مصر... اها بعد الانتفاضة الصادق المهدي كان مكاتل المصريين...
والخرابين ابو يقبلونا علي بعد حراق روح... مشينا العلاقات الثقافية وشلنا جوابات التحويل ديك..
اها امي رحمها الله قالتلي الصعيد دة يا ولدي قالوا بارد دحين نزلتك من الطيارة تشتريلك فنلة ألت برد
انا علي حس البرد دة شلت بطانيتي الحمرا ديك ووهطتها نص الشنطة..
واصلو ما عندي هدوما قدر ديل..
ولفيتلي فتيلين ألات جلسرين بي كيس وباقي دلقانة من التُكل وغتستهن في نص الشنطة...
وسويتلي فيكس في جيب الشنطة... وقدر ما حكيت راسي قلت اشيلي برطمان أليل كركار فشان كنت
بشوف أمي قبل تنوم في البرد البينوني في الشبابيك داك فوووووووووووو وو فوووووووووو اها تمسح
يدينها وكرعينا وتجر البطانية فوقها قبل تدعي: امسينا بي الله واتوكلنا علي الله يا ربي تزيد اللجور..
أها انا قايل كركار الجن دة يدفي الزول ويشيل القشروب أليل البرد داك اليحميك تضحك... وضحكتك
تبقى متل العتوت الرابطنلو الخشبايي ديك فشان ما يرضع أمه... عندي جزيمي علي الزول الصايده
البرونبوفي ليها حمبكات بالجنبات كدي.. طلعت علي النيمايي ألتنا انتظر (مكندشة ابو الرفارف) بتاع
الورونيش البيجي من العشش داك وليهو صندوق ساويلو فيهو فريد ويكشكش فيهو:
وررررررنش يا...وررررررررنش يا... ربكم رب الخير جاء واديتو الجزيمي وقلتلو يخيتها داير ما يدور
باقي ماني عارف بلد المصرييين دي كيفنها وهناك مافي عم اسحق يقطعلي تموت تخلي..
اتورنشت زي العجب وشلتها ختيتها في الشباب ضومة ضومة...
أها يوم السفر دة مسكت قريشاتي صريتن في اللباس واديتن تنيتين فشان ابوي رحمها الله قالي
المصريين عندهم نشالين يسرقوا الكحل من العين.. أها مع الحزام القروش سولهن كورضومة كدي
وبقت لازي قدامي متل الزول الما قطعولوا صورته كويس وقامت حمبكت لي قدام متل فنيسة الجدادي..
لقلت كدي ودعت أهلي ومشينا علي مطار الخرطوم لابي شنطتي ومرة مرة اهبش القروش الصاريهن
في اللباس... وزنا العفش انا ومحمد ود عمي وقعدنا ننتظر لامن ذاعوا الطيارة الماشة علي القاهرة
وطلعنا الطيارة وقالت كدي اتوهطت في نص المدرج علي سمكاية البلطي في نص الصاج..
ووكتين بقت تجري وتكورك انا اصلي كنكشت في الكرسي القدامي ومرة مرة اتبن قروشي في محسني
ووكتين قالت كدي صنقعت راسها بقيت اضغت في سنوني كررررررررر كررررررر واسوي في:
وووب علي يا بت ابو دية... القرايي العلي شنو مالي ان بقيت كملت الطُلبة لامن بقيت اسطى...
ربكم رب الخير اتعدلت وجات ويحيدي مطرطشة احمر شلاليف لازالا كارو قدامها فيهو اكل وشيتا
يشربو... ختتلنا انا ومحمد ود عمي اللكل وشيتا كدي ميه ميه كدي ولحمايي حايمي وسطه علي
دينمو العربيي.. لا بصلا اخدر الزول يقرشو لا فجل وكتين تاكله وبطنك تكوفر وتتنبل... أكلا قاطع
اللهجي وماهو مسبك في الحلة المكرتبي ألت بت ابو دية رحمها الله...
شويتين قالولنا اربطوا الحزام وصلنا مطار القاهرة... قالت كدي الطيارة تميل من هني لا هني متل
الحديي الدايري تختفلها سوسيوة... وقالت كدي نزلت رجلينها في الواطة واخدتلها جريا ووقفت..
اها فتحولنا الباب... طلعت رويسي كدي من الطيارة البرد ضربني ولقيت نفسي الدخان يطلع من
خشمي.. تاني قلت كدي شلت نفسي ونفخته والدخان دة جاء مارق وليهو لواية... قلت في نفسي
هيييييع يا ود جبرين بقيت زي الخواويج أليلين نشرة تسعة في التلفزيون.... أماني يا الجلسرين
ما جاك مسيح ههههههههههههههههههههههههههههههههههه..
وأصلي يوم عرفت العنب البناتي داك آآآبيتحكي ضومة ضومة
هههههههههههههههههههههههههههههههههههههههههههههه
|
|
  
|
|
|
|
|
|
|
 Re: جلسرين وفيكس ودخان من الخشم (Re: طارق جبريل)
|
الاستاذنا ود جبريل .. الله الله على أهلي الشوايقة وتنغيمهم الجميل ..
يا أخي صدقني عندكم مقدرة تجملوا اللغة والكلام العادي في مصاف الغناء ..
كنت اتمنى تكون في جدة عشان رابطة محلية دنقلا عندها ليلة ( قراءة نوبية في شعر حميد )وبحضور رابطة أبناء مروي
في تاريخ قريب ..
ظهرت صورتك في برنامج ( المشاء ) قناة الجزيرة .. هل أنا صاح ؟؟ لأني مواظب على متابعة ذلك البرنامج
لك التحية ومعجب جداً بكتاباتك .. ( تذكرني أيام نوري الغويبة والزمن الجميل )
| |
|
|
|
|
|
|
|
|
|
Re: جلسرين وفيكس ودخان من الخشم (Re: علي عبدالوهاب عثمان)
|
Quote: الاستاذنا ود جبريل .. الله الله على أهلي الشوايقة وتنغيمهم الجميل ..
يا أخي صدقني عندكم مقدرة تجملوا اللغة والكلام العادي في مصاف الغناء ..
كنت اتمنى تكون في جدة عشان رابطة محلية دنقلا عندها ليلة ( قراءة نوبية في شعر حميد )وبحضور رابطة أبناء مروي
في تاريخ قريب ..
ظهرت صورتك في برنامج ( المشاء ) قناة الجزيرة .. هل أنا صاح ؟؟ لأني مواظب على متابعة ذلك البرنامج
لك التحية ومعجب جداً بكتاباتك .. ( تذكرني أيام نوري الغويبة والزمن الجميل )
|
استاذنا علي الله يجبر بي خاطرك ياخ
ممنون ياخ للاطراء الجميل
حقيقي ممنون
وليتني كنت معكم يا سيدي
| |
|
|
|
|
|
|
|
|
|
Re: جلسرين وفيكس ودخان من الخشم (Re: طارق جبريل)
|
Quote: عبدالهادي البلال · · موظف في كلية الدراسات الاسلامية والعربية دبي
ياسلاااام ياطارق قمة الروعة والجمال من قصر الامارات تاني ما شفناك عسى المانع خير؟ |
مشاغل الدنيا يا حبيب
شاكر لك يا حبيب
| |
|
|
|
|
|
|
|
|
|
Re: جلسرين وفيكس ودخان من الخشم (Re: طارق جبريل)
|
| Quote: ظهرت صورتك في برنامج ( المشاء ) قناة الجزيرة .. هل أنا صاح ؟؟ لأني مواظب على متابعة ذلك البرنامج |
أظنك يا علي تقصد شقيقه طلحة جبريل في حلقة (الفيتوري.. الدرويش المتجول)، لكن انتهيت من طارق كشاب يرنو إلى المستقبل البعيد (مع الاعتذار لأخونا الشاب طلحة)
وفي انتظار الجلسرين يا حبيب
| |
|
|
|
|
|
|
|
|
|
Re: جلسرين وفيكس ودخان من الخشم (Re: طارق جبريل)
|
Quote: قرنوف ود كعوك · يعمل لدى سوق الله أكبر
استاذ طارق والله انا مبسوط من كتاباتك شديد وبخش مخصوص من زمان عشان اقراء ليك ولدكتور سى جى مان ، دحين اخبار الزول دا شنو ؟ ما ظاهر مالو ؟ واصل والله حبينا لهجة الشايقية وغناء الشواقية حب ما عادى |
يجبر بي خاطرك يا حبيب
دكتور سي جي كاتب عمود مشهور في جريدة اليوم التالي
| |
|
|
|
|
|
|
|
|
 Re: جلسرين وفيكس ودخان من الخشم (Re: طارق جبريل)
|
اووووووووووووووو،
سجم السجم وين غاتس ؟.
إنت وحات الله بقيت مِتل أُم خنيجِر، حد
تغتس وتقلع.
مرّة جونا جماعة من امريكا، مرقنا نودعُن. واقفين معاهم برّة
والدخاخين قاجة من الخشوم. وآحد قال لرفيقو، ديشاااااااااااك
الجماعة ديل البرد عندهم بيطلع دخاخين من الخُشُم. عندنا
وآحد صاحبنا قال ليهو، دي بدايات البرد عندنا، كان جيتنا
في وكِت البرد الجد الدخاخين بتطلع ليك من حِتة تانية.
ياخ مشتاقين...
| |
|
|
|
|
|
|
|
|
|
Re: جلسرين وفيكس ودخان من الخشم (Re: مني عمسيب)
|
Quote: طروق ود عمتي .. سلامآ يغشاك ويحضنك انت وعمتي .
عله يا طروق موضوع الدخان انا بشوفو مو صحي تصدق ؟
لانو فيهو ثاني اكسيد الكربون هههههههههه . سلمت
تحياتي لضيوفك الراقيين .
ولي قدام .
|
اووووووووه قريبتي الزيني
ازيك ياخ ونعلك طيبي في عضامك ديك
| |
|
|
|
|
|
|
|
|
|
Re: جلسرين وفيكس ودخان من الخشم (Re: معاوية المدير)
|
Quote: اووووووووووووووو،
سجم السجم وين غاتس ؟.
إنت وحات الله بقيت مِتل أُم خنيجِر، حد
تغتس وتقلع.
مرّة جونا جماعة من امريكا، مرقنا نودعُن. واقفين معاهم برّة
والدخاخين قاجة من الخشوم. وآحد قال لرفيقو، ديشاااااااااااك
الجماعة ديل البرد عندهم بيطلع دخاخين من الخُشُم. عندنا
وآحد صاحبنا قال ليهو، دي بدايات البرد عندنا، كان جيتنا
في وكِت البرد الجد الدخاخين بتطلع ليك من حِتة تانية.
ياخ مشتاقين...
|
ههههههههههههههههههههههههههههه
مقطوع الطاري
يعلم الله مشتهي جنك دة
| |
|
|
|
|
|
|
|
|
|
Re: جلسرين وفيكس ودخان من الخشم (Re: بدرالدين بابكر مصطفى)
|
Quote: شويتين قالولنا اربطوا الحزام وصلنا مطار القاهرة... قالت كدي الطيارة تميل من هني لا هني متل
الحديي الدايري تختفلها سوسيوة... وقالت كدي نزلت رجلينها في الواطة واخدتلها جريا ووقفت..
اها فتحولنا الباب... |
وصف مبالغة ...يا ود جبرين...ربنا يديك العافية
نطالب بالمزيد من إبداعك الثر
| |
|
|
|
|
|
|
|
|
|
Re: جلسرين وفيكس ودخان من الخشم (Re: طارق جبريل)
|
Quote: طارق جبريل : وجات ويحيدي مطرطشة احمر شلاليف لازالا كارو قدامها فيهو اكل وشيتا
يشربو |
خلاااااص بقيتو كارو !! هههههههههه ياخ الله يديك العافية ويبهجك بي اولادك دنيا واخرة زي ما قاعد تبهجنا يا طارق وتنتزع البسمة مننا وتزرع الفرحة فينا ...
بالله غيبتك ما تطول من المكان ده ثاني ... ياخ والله حرام عليك إن غبت من هنا يا طارق
| |
|
|
|
|
|
|
|
|
|
Re: جلسرين وفيكس ودخان من الخشم (Re: محمد عبدالقادر ضرار)
|
Quote: خلاااااص بقيتو كارو !! هههههههههه ياخ الله يديك العافية ويبهجك بي اولادك دنيا واخرة زي ما قاعد تبهجنا يا طارق وتنتزع البسمة مننا وتزرع الفرحة فينا ...
بالله غيبتك ما تطول من المكان ده ثاني ... ياخ والله حرام عليك إن غبت من هنا يا طارق
|
اوووووووووووووووه حبيبنا ود ضرار
ياخي كيفنك ونعلك طيب
| |
|
|
|
|
|
|
| |
طارق جبريل
ismeil abbas
حيدر حسن ميرغني
علي عبدالوهاب عثمان
معتز زيزي
معاوية الزبير
معاوية المدير
قسم الفضيل مضوي محمد
مني عمسيب
بدرالدين بابكر مصطفى
Abdlaziz Eisa
محمد عبدالقادر ضرار
الطيب شيقوق
عواطف ادريس اسماعيل
فيس بوك
تويتر
انستقرام
يوتيوب
بنتيريست