|
Re: هيييييييييييييييييييييييييع نحن بنلعب ؟ والمافي شنو .. (Re: Abdlaziz Eisa)
|
بت عمسيب وضيوفك الكرام، تحياتي
التحية للمرأة السودانية .. صورة جميلة ومعبرة وموحية.. مانا ناس ناس مسادير ... _____ شوفوا البنية السمحة كيفن شامخة في ركزانا مسربلة بالسلاح من فوق جيدا.. موقدا بي نيرانا قنابل.. كلاش.. دوشكا.. شيتن تب يغبانا ملكة جانسي شنو البتطول ضفر مهيرة سودانا صرعتنا عديل.. كان بي رشقة كان بي جبخانا
| |
|
|
|
|
|
|
Re: هيييييييييييييييييييييييييع نحن بنلعب ؟ والمافي شنو .. (Re: مني عمسيب)
|
حبابك الكلس النصر ..
Quote: شوفوا البنية السمحة كيفن شامخة في ركزانا مسربلة بالسلاح من فوق جيدا.. موقدا بي نيرانا قنابل.. كلاش.. دوشكا.. شيتن تب يغبانا ملكة جانسي شنو البتطول ضفر مهيرة سودانا صرعتنا عديل.. كان بي رشقة كان بي جبخانا |
كنداكة وطنا العاجي ديمــة غبارا في وش العدو الداقــة لي نقــارا مو خائفة الدواس شايلة السلاح بجدارا لايكات الصبر خالين عدون اضااااااارا
| |
|
|
|
|
|
|
Re: هيييييييييييييييييييييييييع نحن بنلعب ؟ والمافي شنو .. (Re: مني عمسيب)
|
Quote: اعلنا الدواس من جونا بالذندية كيزان الخـــراب مبيتين النيـة دمروا للبلد من غير هدف لا قضية وكاتلين للشباب وطالبين كمان الدية !
بت عمسيب .
|
وإيه مصبرنا غير أم سوميت بروق أسنانا
شايفين العوج علا السنين واعدانا
بنشوفو النصر لو الله مد آجالنا
باكر تسمعي كيفن ندوس كيزانا
يختوها البلد وينفكو من تالانا
| |
|
|
|
|
|
|
Re: هيييييييييييييييييييييييييع نحن بنلعب ؟ والمافي شنو .. (Re: مني عمسيب)
|
بت عمسيب والله ياكي الكنداكة بت البلد الأصيلة وياها المحرية فيك بوستاتك كلها طااااعمة وتتوغل في مسارب الروح
ود فقيري والله شغلك نضيف ونضمك عجبني بالحيل
وزي ما بتقولي يا الكنداكة
لي قام
Quote: الحرة الأصيلة الواقفة متل البانة
أعلنت الحرب خايضاها بالجبخانة
فارقت الخدور لا دلكة لا دخانا
وحلفت تركع ناس بشة بنيرانا
وحاتك يا منى في عيونها شفنا الدانة
|
| |
|
|
|
|
|
|
Re: هيييييييييييييييييييييييييع نحن بنلعب ؟ والمافي شنو .. (Re: محمد علي البصير)
|
Quote: ود البوش ود ابو سن وود المنسي وروني رايكم فيها ........... والفاضلابي مو بجليهـــا السمحة البتضوي نور الكهارب فيها شالت للسلاح وبسمة سلامها وجيهـــا
هيييييييييييييييع |
يا بت الرجال ديل قاعدين على الهبشة مالك عليهم
شارفه توغال البرق النطر قدام مخرته في الضماير وعلاها صدار عام لو قصدت تجيك ومدت الابهام بتشوف العجب وتغبي طول العام
| |
|
|
|
|
|
|
Re: هيييييييييييييييييييييييييع نحن بنلعب ؟ والمافي شنو .. (Re: Asim Fageary)
|
Quote:
فارقت الخدور لا دلكة لا دخانا
وحلفت تركع ناس بشة بنيرانا
وحاتك يا منى في عيونها شفنا الدانة |
اتا يافقيري ماتحلف بي الله بتحلف بي مني لييه؟؟؟
بس اللبس الحرمه دي كلاش في رقبته كان يرفعه فوق راس دبابه وفي العدم حصان ساعتها كنا ممكن نمسدر و نجامل اختنا بت عمسيب ونقول صورة معبره وجميله فعلا
وش مفنجل عيونو
| |
|
|
|
|
|
|
Re: هيييييييييييييييييييييييييع نحن بنلعب ؟ والمافي شنو .. (Re: أمان سيد)
|
كنداكة الوطن \ الواضحة
حبابك آآآلحابيبة .
Quote: يا بت الرجال ديل قاعدين على الهبشة مالك عليهم
شارفه توغال البرق النطر قدام مخرته في الضماير وعلاها صدار عام لو قصدت تجيك ومدت الابهام بتشوف العجب وتغبي طول العام |
ههههههههه موباااااالغة ههههههه
ممشوقة القوام الي عدوها تـكوس بشيل السلاح تارس القلـيب ممقوس اثبت يا الكلس اوعاك تكون مهوس واكان قربت يوت ياك البتلقي دروس
بت عمسيب
| |
|
|
|
|
|
|
Re: هيييييييييييييييييييييييييع نحن بنلعب ؟ والمافي شنو ؟ اهداء لجميع الكلوس .. (Re: Hisham Ibrahim)
|
الشرف الباذخ نحن ونحن الشرف الباذخ دابي الكر شباب النيل قوم وقوم كفاك يا نايم شوف شوف حداك يا لايم مجدك ولي وشرفك ضل إمتي تزيد زيادة النيل نحن نطارد العنزة الفاردة نحن نزود مشارع النيل نحن برانا نحمي حمانا نحن نموت ويحيا النيل ما بنندس ما بنتوصي نحن نكيل برانا نشيل نحن الطينة ومطر العينة نحن الوادي برقه يشيل نحن الصولة سيوف الدولة نحن كنانة اسماعيل بابه العالي وشرفه الغالي كان لجدودنا ظله ظليل يا حكامنا جيبوا البينه ولا انقرعوا كفوا الشينه ده ود عمي وده ضريب دمي انت شنو طفيلي دخيل يا نزلانا أمرقوا الذمة كيف ينطاق هوان الأمة شالوا حقوقنا وزردوا حلقونا ديل عاوزين دمانا تسيل من تبينا قمنا ربينا ما اتفاسلنا قط في قليل .................................................................... ما فيش تاني قبيلة نحن الكل سودان النيل
العزيزة منى عمسيب.. تصرفت في البيت الأخير... الى ان نرى حلايب سودانية 100 المية!!
| |
|
|
|
|
|
|
|