كتب الكاتب الفاتح جبرا المتوفرة بمعرض الدوحة
|
|
 الجيل الثالث من نوكيا ..
|
من زمان والعسكر في السودان لاعب سك سك مع المواطن السوداني
يجي العسكري نميري يضايق الناس في معيشتهم فيتغربوا لأجل لقمة العيش
يجي العسكري البشير يضايق الناس في عيشتهم فيهاجروا لأجل النجاة بأرواحهم
يبدأوا حيوات أخرى في مهاجرهم القسرية في شكل طوعية "والعكس صحيح"
فيتزوجوا وينجبوا ويدخلوا أبنائهم المدارس وربما الجامعات في بلاد الغربة
ويتخرج الأبناء فيتحصلوا على وظائف في الأوطان البديلة
ويتزوجوا وينجبوا فيها ويدخلوا أبنائهم المدارس وحتماً الجامعات
الأخير دا هو الجيل التالت من السودانيين في الأوطان البديلة
تصوراتكم/مقترحاتكم لو سمحتوا 
|
|
  
|
|
|
|
|
|
|
|
Re: الجيل الثالث من نوكيا .. (Re: تيسير عووضة)
|
قد يقول قائل: إنتو زعلانين على السودان الخليتوهو قبل عشرات السنين
وخايفين آثارو في نفوس المغتربين والمهاجرين وأطفالهم تندثر بفعل تحرك الرمال
وما عارفين إنها تكاد تندثر في نفوس القاعدين جواهو برضو !
| |
|
|
|
|
|
|
|
|
|
Re: الجيل الثالث من نوكيا .. (Re: تيسير عووضة)
|
Quote:
قد يقول قائل: إنتو زعلانين على السودان الخليتوهو قبل عشرات السنين
وخايفين آثارو في نفوس المغتربين والمهاجرين وأطفالهم تندثر بفعل تحرك الرمال
وما عارفين إنها تكاد تندثر في نفوس القاعدين جواهو برضو ! |
تكاد تندثر
تيسير بعد السلام والذي منه ...!
تكاد شنو يا تيسير .. اندثرت زمان .. ولا أعتقد أن تطالبي مثلي بحليفة !
| |
|
|
|
|
|
|
|
|
|
Re: الجيل الثالث من نوكيا .. (Re: تيسير عووضة)
|
ههه افتكرتك غايره من الأي فون..
قبل يومين طرحت سؤال مشابه في تعليقي على مقال للدكتور فيصل عبد الرحمن على طه ..
وكان في البال ابناء المغتربين والمهاجرين ..
وإن كان حالكم افضل من حالنا في اوربا ..
موضوع العربي المكسر مع اولادي تجاوزتو نفسيا ..
بحجة انو العربي اصلا ما كان لغتي الأم ..
وفي النهاية ما فارقه كتير لما ينزلو البلد بلغتهم المكسرة دي ..
بس ياريت لو المشكلة كانت واقفة على المعرفة و الثقافة ..
المعضلة في المفارقات البنتجها اختلاف طرق التفكير ..
والواقعية التي لا تقبل المجاملات والرتوش .
| |
|
|
|
|
|
|
|
|
|
Re: الجيل الثالث من نوكيا .. (Re: محمد على طه الملك)
|
تيسيير عودا حميدا
المشكلة البلدان البديلة التى اخترناها للهجرة وليست للاغتراب تعتبرنا مجرد عابرين ماجورين لا تفرق بين من اتى قبل يومين ومن مكث 30 سنة ولا اولادنا لهم اى امتيازات بحكم المولد والنشاة غير اكتساب شخصيات ناقصة الانتماء تذدرى وتتافف من الوطن الام وثقافته وناسه
| |
|
|
|
|
|
|
|
|
|
Re: الجيل الثالث من نوكيا .. (Re: احمد التجانى احمد)
|
في شعوب سبقتنا على هذا الدرب مثل الشوام خصوصاً لبنان هجرات منذ أكثر من قرن في أمريكا واوروبا وأفريقيا واستراليا وآسيا جعلت من اللبنانيين شعباً كوزموبولوتانياً .نحن حالياً نعاني من مشكلتين: المشكلة التي أشرت إليها يا تيسير والأعزاء المشاركين هنا وأعني الهجرة وتبعاتها؛ ومشكلة هجرة الثقافةالغربية إليناوتغلغلها في مسام أرواحنا شئنا أم أبينا جلبناها أوجاءتنا وزادت من وتائرها الوسائط الالكترونية الحديثة وهكذا فسيصبح المواطن السوداني خلال عقد أو عقدين كوزموبوليتان كامل الدسم مثله مثل اللبنانيين وما فيش حد احسن من حد.
علاقة الزمن لدى أبناء السودان القديم واقصد به سودان ما قبل التسعينات من القرن الماضي تختلف جذرياً عنها لدى إنسان الأجيال الصاعدة.وحتى لو أصبح هؤلاء يستثمرونه في الاستهلاك والتسلية فهي تسلية واستهلاك الانتقالات السريعة وأخذ انطباعات impressions من كل فن وضرب مثلما يحدث في قوائم الtop ten الأمريكية في الغناء والأفلام وغيرها وغيرها. تخيلوا تسلية مضغ العنكوليب وقصب السكر مقارنة بفسيفساء الحلوى مما تمضغه أسنان الأجيال الجديدة اجيالكم يا تيسير.اما ابناؤكم فسينتقلون إلى تسليات من نوع آخر يعتني بالكواليتي مع التسريع.( لهفي على التّبش الذي اسمه العربي الفقوس). المفاجأة الكبرى في نظري التي ستذهل جميع من يعيشون ليشهدوها ستكون في العقدين التاليين.ولايمكن لنا حالياً التنبؤ بما سيحدث لأكثر من عقدين.
| |
|
|
|
|
|
|
|
|
|
Re: الجيل الثالث من نوكيا .. (Re: احمد التجانى احمد)
|
| Quote: المشكلة البلدان البديلة التى اخترناها للهجرة وليست للاغتراب تعتبرنا مجرد عابرين ماجورين لا تفرق بين من اتى قبل يومين ومن مكث 30 سنة ولا اولادنا لهم اى امتيازات بحكم المولد والنشاة غير اكتساب شخصيات ناقصة الانتماء تذدرى وتتافف من الوطن الام وثقافته وناسه |
مراحب يا باشمهندس وتسلم ..
معظم الناس الجات وإمتدت سنوات إغترابها ما قايلين روحهم بيقعدوا 30 سنة وزيادة وإلا كانوا سعوا من الأول لتغيير قوانين الهجرة والتجنس في بلدان الإغتراب
لكن يبدو لي لو ختينا نفسنا في حتتهم ممكن نلتمس ليهم أعذار
الناس ديل في بلدانهم أساساً أقلية وزاد عليها كترة عدد الوافدين من برة فما بالك لو قاموا جنسوا المواليد حيلقوا نفسهم بعد عقدين تلاتة من الزمان ذابوا تماماً وانمحوا من التركيبة السكانية
بعدين زول الحظ خدمو والله مديهو وأولادو لي جنا الجنا ثروة يقوم براهو يقسما مع ناس تانيين؟
دا كلو كوم وشوف تضجرنا نحن السودانيين من وجود جنسيات تانية معانا في السودان كان حبش ولا مصريين ولا غيرو
شوف تضجرنا ممن نعتقد أننا نتفوق عليهم عرقياً وفي أقرب فرصة تلقانا نزعنا منهم - ولو لفظياً - إنتمائهم للسودان !!
القصة جايطة غايتو نقعد ونتفرج في عمليات الإحلال والإبدال الحاصلة في ديموغرافيا الكرة الأرضية
تحياتي ليك وللأسرة الكريمة ..
| |
|
|
|
|
|
|
|
|
|
Re: الجيل الثالث من نوكيا .. (Re: تيسير عووضة)
|
غربتي متواصلة بدايتها كانت دراسة وطاب لي المقام وقعدت
للآن 35 سنة طبعا تتخللها الإجازات المستحقة ولا بلعب فيها أصلاً
هل تصدقوا لو قلت ليكم لحدي الآن ما إتعودت على الغربة ؟؟؟؟؟
| |
|
|
|
|
|
|
|
|
|
Re: الجيل الثالث من نوكيا .. (Re: معتصم سليمان)
|
| Quote: هل تصدقوا لو قلت ليكم لحدي الآن ما إتعودت على الغربة ؟؟؟؟؟ |
ما أحمده في غُربتي .. 14 سنة خدمة ولساني ما إتعوج .. ولا أخاطب السودانيين إلاّ بلهجتنا السودانية الخالصة بعيداً عن طال عُمرك وتكفى والحين وإيش لون وهلمّجرجرة ...
الحاجة البتغيظ بالجد سوداني زيّك يتكلّم معاك بلهجة خليجية .. غايتو صدقت عليهو المقولة دا اغترب نهائي ...
ـــــ
14 سنة = لسة في الجيل الثاني من نوكيا :)
| |
|
|
|
|
|
|
|
|
|
Re: الجيل الثالث من نوكيا .. (Re: صبري طه)
|
ست الحوش والضيوف سلام
عبارة معتصم
| Quote: هل تصدقوا لو قلت ليكم لحدي الآن ما إتعودت على الغربة ؟؟؟؟؟ |
هو دا الوجع القاتل العايشين فيهو كلنا .. لأننا عايشين على حلم العودة بس ما عارف كيف بنقدر نستمر في حلم ونحن عشنا سنين اكتر منو كواقع
| |
|
|
|
|
|
|
|
|
|
Re: الجيل الثالث من نوكيا .. (Re: معتصم سليمان)
|
تيسير انا اول مره اعرف انها مؤنث
دائما ما اتعامل مع اسم تيسير على انو مذكر لحاجة في نفسي
المهم
بعد التحيات
لا اعتقد بأنه كانت هناك حاجة لجرجرة الاسرة في الغربة لذلك فالذين اخرجو عائلاتهم معهم هم المخطئون و يتحملون اخطاءهم التي غالبا ما يدفع ثمنها ابناؤهم
عادي الناس ممكن تدرس و تشتغل و اسرهم هنا في الحفظ و الصون
اقوم امشي اجرجرهم معاي في بلد ما اقدر ارفع صوتي قيها على ولدي الصغير و لا اضربو ؟؟؟؟
لا يجدي البكاء على اللبن المسكوب
السودان ماااالو عيبوهو لي
معليش اجازات و بالذات الاطفال اكبر جريمة ترتكب في الاطفال هي ان ينشأوا خارج اوطانهم
انا في رأيي هذه جريمة افدح من ناس دعوها سليمة و جعجة حقوق المرأة و رجرجة المثقفاتية
للطفل حق في ان يعيش في وطنه و حق اساسي و لا ينبغي منعه من وطنه
انا اتحدث عن السودانيين الخلص يعني ما المهجنين سوداني سوداني اما النص سوداني ده ما عندنا بيهو شغلة
اي شخص غادر وطنو لم يكن منفيا و لم يجبره احد على ترك وطنه و كل ما يترتب على تلك المغادرة يتحمل عواقبها بنفسه
فااااا شنو
شوفو ليكم طريقة غادرو البلد لكن بدون اطفال
| |
|
|
|
|
|
|
|
|
|
Re: الجيل الثالث من نوكيا .. (Re: خالد المبارك)
|
تحياتي يا خالد المبارك.. كلامك فيهو نوع من المنطق.. بس انا من وجهة نظري إنو اسرتي تكوني معاي فترة الغربة لحد ما نرجع عشان على الأقل ما اتحرم منهم وهم ما يتحرمو من وجودهم بين أمهم وابوهم
.
.
.
.
بفكر طوااااااااااالي في قصة الزول الاشترى التلات تفاحات، فتح الاولى لقاها كعبة وجدعا، فتح التانية لقاها كعبة وجدعا، طفى النور واكل التالتة
يلا دايما بقول انو الزول يعمل حاجاتو البتخليهو ما يحتاج لي زول ويتوكل على الله يرجع بلدو مهما كان الوضع المهم انو مستور
وزي ما بنقول دايما في مجالسنا (الناس هناك عايشة ومستورة)....
بعد داك تختلف الحاجات من شخص لي شخص
| |
|
|
|
|
|
|
|
|
|
Re: الجيل الثالث من نوكيا .. (Re: Abdlaziz Eisa)
|
أستاذة / تيسير .. أهلاً بيك
غيبة طويلة ...
الجيل الثاني والجيل الثالث
أكبر معضلة هي النقلة أو قفزة الجيل الأول صاحب الثقافة وأصولها من الموطن القديم . تواجه عناد البقاء للقديم بمُثله وقيمه وتراثه الثقافي ومحاولة التشبث به وفرضه على الجيل اللاحق . وهي ثقافة توقفت عند تاريخ الهجرة الأولى ، فلو رجع صاحبها أو صاحبتها لموطنهما الأصل من جديد ، سيجدان فروقاً حتى في الإرث الثقافي ، لأنه تغير مع صراع البقاء مع الحكم غير الراشد الذي بلونا به في الوطن الأم .
لكل تجربته ، هؤلاء يستكشفون أرضاً بكر ، تتصارع فيها الهويات :
الوافدة على المهاجر ، وثقافة المهاجر . عندما يتكاثر أولئك ، يبحثون عن هوية جديدة ، تجمعهم ، ويقيمون مؤسسات ثقافية مثل المدارس ذات التعليم الخاص ، وبها ردة طبيعية إلى الماضي . وهنا تبدأ المعضلة .
في مدونة تخص الأمريكيين من أصول سودانية ، كتب كثيرون من الجيل الثاني والثالث ، عن ضمور حرياتهم في ظل سيادة ثقافة الجيل الأول من المهاجرين . منهم من ينصح بإقامة علاقات مع الزنوج أفضل من غيرهم من البيض في حالة أمريكا ، ومنهم من يرجع إلى الوطن ، وهنالك ظاهرة تزويج البنات من أهلهم في السودان حتى لو تكلف ذلك عدم التأهيل المناسب ، وهي في نظر البعض محاولة لبقاء التراث الثقافي والطمأنينة على المستقبل للثقافة والهوية الراحلة إلى المهاجر .
وهناك قضايا بلا حل ، منها وجود شابات سودانيات في الجيل الثاني أو الأول بلا توفيق بشأن الحياة الأسرية .
*
لدي قريب شاب قضي منذ سن الحادية عشر في أمريكا ودرس إلى الجامعة ، وهاجر إلى أحد دول الخليج ، للعمل والدراسة العليا ، وقال عن تجربته أنه يتجنب التعامل مع الأمريكيات من أصول سودانية ، وكذلك يتندر على خالاته عندما يسألونه عن موضوع الزواج !!
هناك مسلسل في الثمانينات كان يحكي عن المهاجرين من أصول أخرى ، وهو مثال طيب على تعقيد حياة المهاجر والطموح واسم المسلسل الأمريكي :
Rich Man Poor Man
*
يا حليهم دوام بطراهم
يا حليل ناس هم ناسنا
وذكرياتهم ديمة في راسنا
*
تقبلي شكري وتقديري
| |
|
|
|
|
|
|
| |
تيسير عووضة
حيدر حسن ميرغني
Asim Fageary
محمد على طه الملك
احمد التجانى احمد
Bushra Elfadil
معتصم سليمان
نادر النور آدم
خالد المبارك
Abdlaziz Eisa
عبدالله الشقليني
فيس بوك
تويتر
انستقرام
يوتيوب
بنتيريست