|
|
 مواضيع سودانيز اونلاين خلال اسبوع مرآة عاكسة لتخلف السودان انسانيا واجتماعياً واقتصادياً وثقافيا
|
غبت اسبوع وراجعت مواضيع ومقالات المنبر العام ووجدت اخبار ترفع الضغط وتؤكد بأن السودان راجع للخلف انسانيا واجتماعيا واقتصاديا وثقافيا وسياسيا.. وحاجات كثيرة حامياني
زي ما بيقول البروفيسور البوني...
- كتبت نعمات عماد بأن مستشفى الخرطوم يطرد مريضة ويرفض علاجها بسبب ملاية . واقرأوا الخبر كاملا لتعرفوا كيف يتراجع السودان للخلف انسانيا وروحيا واخلاقيا ..
والله فعلا يا نعمات خبر حزين .. والحصل في مستشفى الخرطوم ما ممكن يحصل في اي بلد في العالم ...
- وكمان اقرأوا الخبر المكتوب باسم " احبار سودانيز اون لاين" والمعنون في الصفحة الأولى:" الفريق شرطة د. محمد الحسن أكبر خيانة لمهنة الطب في السودان.. ومليشيات النظام
تحطتف المناضل ابراهيم الشيخ من مستشفى ساهرون :: لتعرفوا كيف انعدمت الانسانية في السودان..
يا جماعة الخير والله حتى الإسرائيليين بيعالجوا الفلسطينيين على الرغم من انهم بيتهموا المقبوض عليهم بالإرهاب وقتل المدنيين الاسرائيليين ... واظن ابراهيم الشيخ ما قتل لا مدني ولا عسكري
ولكنه عبر عن رأيه بصراحة... ولا ندري كيف يعيش الناس في وطن يكممون فيه الأفواه ويذلون من يعبر عن رأيه..
- وأقرأوا البوست المعنون" هل حقا أخطأ ابو حنيفة في مد رجليه" وكتبه فتح العليم محمد ابو القاسم.. وفي الحقيقة فإن فتح العليم سأل سؤالا مشروعا لأنه فعلا الشمس لا تغرب في بعض البلدان
لكدة طويلة جدا مثل السويد والنرويج ومناطق شمال كندا والقطب الشمالي.. ولكن المشكلة في ما قاله ابوبكر عباس الذي يقول بالحرف الواحد:" ان المشكلة في القرآن ذاتو القال : واتموا الصيام
إلى الليل" وقد أعجبني رد فتح العليم الذي قال بأنه لا توجد مشكلة في القرآن".. نعم لا يمكن طبعا ان تكون هناك مشكلة في القرآن وأظن ان هناك فقهاء في المنبر العام يمكن لن يردوا على ابوبكر عباس
حتى لا نقول ان هناك تدهور في الفهم الديني والفقهي في السودان او بين السودانيين..
- وأقرأوا البوست الذي كتبه سامي عبد المطلب بعناون:" فيديو نادر لمشروع الجزيرة عام 1945م " لنعرف كيف تدهور السودان اقتصاديا وكيف كان السودان مصدر للقطن للعديد من الدول ولنعرف كيف
تدهور السودان وانهار اقتصاديا ..
ونواصل..
والله يديكم العافية
"
|
|
 
|
|
|
|
|
|
|
|
Re: مواضيع سودانيز اونلاين خلال اسبوع مرآة عاكسة لتخلف السودان انسانيا واجتماعياً واقتصادياً وثقاف (Re: اميرة السيد)
|
سلام وتحية ..
.. ولهذه الأسباب مجتمعة جاء في الأخبار مؤخراً ، أن ما يربوا على الخمسة آلاف أو يزيد
في الثلاث أشهر الأخيرة من بني وطني مغادراً السودان ، ضاربين وجه الأرض أسفاراً
ويتكرر العدد تصاعداً ، حتى أصبحنا أشهر أمة تصدر بشراً بتباين خبراتها وشباباً في عمر
العطاء وقوة الإنتاج ، وبذلك تقدمت بلاداً عربية وسطعت بقوافل الوافدين إليها من كل صوب
أما نحن ، فسنظل نردد ..
( أيها الناس نحن من نفر عمروا الأرض حيث ما قطنوا
يذكر المجد كلما ذكروا وهو يعتز حين يقترن
حكموا العدل في الورى زمنا أترى هل يعود ذا الزمن
ردد الدهر حسن سيرتهم ما بها حطة ولا درن
نزحوا لا ليظلموا أحدا لا ولا لاضطهاد من امنوا
وكثيرون في صدورهم تتنزى الأحقاد والإحن
أيقظ الدهر بينهم فتنا ولكم أفنت الورى الفتن .. )
| |
|
|
|
|
|
|
|
|
|
Re: مواضيع سودانيز اونلاين خلال اسبوع مرآة عاكسة لتخلف السودان انسانيا واجتماعياً واقتصادياً وثقاف (Re: اميرة السيد)
|
ونواصل..
واقرأوا البوست الذي كتبه محمد المرتضى حامد بعنوان:" أحدث صور لعاصمة المشروع الحضاري" وأعجبني رد دينق الذي قال:" انا غايتو عاجبني وزير المالية
الذي تفوق على وزير الدفاع بتاع الدفاع بالنظر وقال ان ميزانية هذا العام فائضة" .. والله فعلا كلام وزير المالية بيضحك ... طيب اذا الميزانية فائضة ما تصلحوا المصارف
وشوارع الخرطوم.. لنعرف كيف تدهور السودان اخلاقيا وسياسيا وقد أدمن وزراء الحكومة الكذاب الصراح وبدون خجل .. والحكومة لا تستطيع تشييد مصارف لمياه الأمطار
واتلمدرسين في القرى لم يصرفوا مرتباهم ثلاثة شهور.. اختشوا زي ما بيقول دينق..
تخريمة:" يا دينق عملت كويس تصالحت مع الموسيقار الموصلي وانا بأكد ليك ان الموسيقار لا بمكن ان يكره زول ولا يحقد على زول لأن الموسيقى بتعلم الناس المحبة والألفة
والله يديك العافية..
- وأقرأوا كمان البوست الذي كتبه صلاح جادات بعنوان:" شوفو عبد الرحمن الصادق منتفش كيفن ونافع علي نافع لابد كيف؟( صورة).. عشان تعرفوا الكذب والذلة والمهانة من اجل السلطة
وقد أعجبني ما قاله عبد الله الحبيب الذي قال:" انعل أم السلطة وحبوبتها زاتة لو بتخلي راجل يتهان وينذل قدر دا "" وبرضه اعحبني رد ابو الريش وحديثه عن الثقة بالنفس من عدمها والمقارنة
بين عبد الرحمن ونافع..
- وأقرأوا كمان البوست الذي كتبه محمد حيدر المشرف بعنوان:" مديرة الإعلام بالمغتربين:" المغتربين بيدفعوا 100 دولار وعايزين يفرشوا ليهم الموكيت الأحمر من الطيارة".. واهذا الفهم الضيق
لمديرة الإعلام بجهاز المغتربين يركد التراجع الثقافي والسياسي في السودان .. وحتى المسؤولين الكبار جاهلين عن أهمية دور المغترب في تعزيز التنمية في الوطن الأم.. فالكثير من الدول فعلا
بتعتمد على تحويلات المغتربين في انشيط الاستثمارات وزيادة العملات الصعبة في البنوط الوطنية .. ولكن في السودان حدث ولا حرج نجد ان جهاز المغتربين بيضع العراقيل امام المغتربين
وبدلا من تيسير الاجراءات لتشجيع المغتربين في الاستثمار نجدهم يصعبون الاجراءات ... والله المغتربين في الدول الثانية فعلا بيفرشوا ليهم الموكيت وبيعاملوهم بانسانية .. وحتى اذا دفع المغترب
100 دولار ضرايب فأنظري يا مديرة الاعلام عدد المغتربين السودانيين في الخارج فقد كاد الشعب السوداني كله ان يهاجر ... اذا السودان فيه الآن 35 مليون نسمة بعد سنوات حتلقي 25 مليون مغتربين ومهاجرين
وكما قال ود الزين :" ان هذا الجهاز اصلا لا فائدة منه غير ان يزيد معاناة المغترب في وطنه والعاملين فيه يعاملون المغترب الذي يأتيهم وكأنه يطلب منهم حسنة "..
والله يديكم العافية .. ونواصل
| |
|
|
|
|
|
|
|
|
|
Re: مواضيع سودانيز اونلاين خلال اسبوع مرآة عاكسة لتخلف السودان انسانيا واجتماعياً واقتصادياً وثقاف (Re: اميرة السيد)
|
وأما اليأس الذي اصاب السودانيين وحتى المغتربين والمهاجرين فنتعرف علىه في البوست الذي كتبه عثمان موسى بعنوان:" الداير يعمل قروش جد اليقع الشغلة دي في دبي""
وراجع المتداخلين والمعلقين اغلبهم من المغتربين والمهاجرين وكمان منهم ناس مقيمين في الدول المتقدمة النمو في اوروبا وامريكا.. وانا ذاتي لمن قريت الخبر قلت نشوف مخارجة من
امريكا واشتقنا للحياة في الدول العربية .. وبنسمع ان دبي اجمل مدينة في العالم... وكل الناس دي عايزة تترك وظائفها وتهاجر لدبي لأن اسم دبي بقى يجذب اي باحث عن المال ولكن اعجبني
رد عباس الدسيس وشوفو قال شنو:" لما اشتري دفار وامشي اعرف الحاجات القلتها فوق دي كلها وحتى اصل روسيا يكون ضاع من عمري عشرة سنوات"" وأما سؤال عبد الله الحبيب
عن كشافات المعادن ، فأنا استسمح ود مدينتنا عثمان موسى عشان ارد عليه:: من هسع بقول ليك ان كشافات المعادن ببيعوها بتراب الفلوس في امريكا وما عليك إلا تكلف صاحبك
عثمان موسى يشحن ليك كميه منها ولكن لا بد ليك تكون مقيم في دولة خليجية عشان كشافات المعادن لمن تصل مطار الخركوم بجمركوها .. وعندي قريبي اشترى واحدة وفكفكها
عشان ما بيعرفوها ولكن لمن وصل مطار الخرطوم ناس الجمارك ركبوها ثاني من جديد وكانوا عاوزين يصادروها منه باعتبار الجهاز من الممنوعات ودحل واسطة قوية من
ناس المؤتمر الوطني وقدر يخلصها ولكن دفعوا الشئ الفلاني واكثر من ثمنها... لكن انت ممكن تدخلها بالمعرفة عشان الناس بقوا يدخلوها عن طريق ميناء بورتسودان ..
وبعد هذه الأخبار التي ترفع ضغط الدم ونشعر باليأس مما وصل اليه حال السودان انختتم بخبر يخفض الضغط شوية وكتبه عبد الحفيظ ابو سن بعنوان:" كوستي الناس التنضح سكر- انحناءة"
وقرأنا ان ناس كوستي بدأوا مشروع لافطار 28 مدرسة و829 طالب يوميا .. واظن هذه الفكرة النيرة والانسانية مفروض يطبقوها ناس الخرطوم لأن اهل العاصمة أكثر فقرا وحاجة في عموم السودان
والحمد لله ناس القرى والريف لا يجوعون ولا يتسولون فالخير والبر والاحسان متةفر عندهم .. أما في الخرطوم فقد كاد الضمير الحي ان ينعدم عندهم..
والله يديكم العافية
| |
|
|
|
|
|
|
|
|
|
Re: مواضيع سودانيز اونلاين خلال اسبوع مرآة عاكسة لتخلف السودان انسانيا واجتماعياً واقتصادياً وثقاف (Re: نعمات عماد)
|
الأخت أميرة السيد
لك التحية و الإحترام
Quote:
عثمان موسى يشحن ليك كميه منها ولكن لا بد ليك تكون مقيم في دولة خليجية عشان كشافات المعادن لمن تصل مطار الخركوم بجمركوها .. وعندي قريبي اشترى واحدة وفكفكها
عشان ما بيعرفوها ولكن لمن وصل مطار الخرطوم ناس الجمارك ركبوها ثاني من جديد وكانوا عاوزين يصادروها منه باعتبار الجهاز من الممنوعات ودحل واسطة قوية من
ناس المؤتمر الوطني وقدر يخلصها ولكن دفعوا الشئ الفلاني واكثر من ثمنها... لكن انت ممكن تدخلها بالمعرفة عشان الناس بقوا يدخلوها عن طريق ميناء بورتسودان ..
|
للأسف إنتي فاتحة بوست طويل و عريض و تنتقدي فيه الحالة في السودان من قراءاتك لمنبر سودانيسأونلاين ... و لكنك هنا تشجعين علي الفساد و المحسوبية و الإحتيال علي القانون و التطبيع مع نظام هو سبب كل الذي عنونتِ به بوستك.
يلوم كثير من في المعارضة فساد النظام و تدني الأحوال في السودان .... لكننا نجد نفس هؤلاء المعارضين و المعارضات هم يسلكون سلوك شخصي يثبّت أركان هذا النظام الجائر ...
هناك معارضون يملأون البورد ضجيجاً في شتم النظام ... و عادي جدّاً لهذا المعارض أن ينزل إجازة للسودان و يوصي أقربائه في النظام بتسهيل أموره من الجوازات و الجمارك الي الأراضي و التراخيص و الإستثمار و و و ....
أي أن هذا المعارض و هذه المعارضة ... هم أقوي دعم و سند للنظام لكي يبقي في سدة الحكم و يمارس كل أنواع الفساد الي يولد كل العلل التي تكرمتِ أنت بذكرها أنها سبب رفع ضغط دمك.
النظام قاعد بسببكم أنتم .... من وين يجي شعب تاني ليسقط النظام و يرسي قواعد الحكم الديموقراطي و سيادة القانون و نشر ثقافةو الشفافية و أن المحسوبية و تخطي الآخرين في الصف ليست شطارة .. بل حقارة و سوء أخلاق و إفساد للعامل و الموظف و العسكري البسيط الذي شاءت الظروف أن يبقي في الوطن ... و تأتوا أنتم من فتح الله لكم بالهجرة و الإغتراب و بكل أنانية تمارسون إفساده و تستغلون فقره و عوزه ليكسر القانون و يجعلكم تتخطون حقوق الآخرين ليصبح الفساد هو القاعدة ... و الأمانة و النزاهة هي عباطة و بلادة و تخلف.
قبل أن تلوموا النظام .... لوموا أنفسكم .....
النظام لا يعيش في كوكب آخر ....
و قبل أن تغيروا النظام ... غيّروا ما بأنفسكم ...
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ
| |
|
|
|
|
|
| |
محمد مختار جعفر
نعمات عماد
Mohamed Suleiman
فيس بوك
تويتر
انستقرام
يوتيوب
بنتيريست