|
|
 يا استاذ محمد الفاتح بعد الترحاب بك.. نطلب منكم توضيح رأيك في مقتل الشهيد مجدي وشهداء سبتمبر !!!
|
الأخ محمد الفاتح ..
تحية واحتراما . والدار ترحب بيك ..
يا اخي محمد لقد نقل بعض السلفيين هذا المقال الذي يتعلق بـــــك بخصــــوص
الطبيبة مريم .. ولقد قرأنا بكل تمحص ما جئت به من قناعاتك الشخصية تجاه
هذه القضية الشائكة . وكان جل اهتمامك دفاعآ عن معتقدك الاسلامي فالرجاء ان
تتم هذا الجميل وان توضح لنا ماهو رأيك ورأي الاسلام في مقتل الشهيد مجدي
وشهداء سبتمبر . ونريد ان نعرف هل تطرقت الي هذه المواضيع من قبل في الصحف
العامة ؟ ولك كل الشكر والتقدير .
|
|
 
|
|
|
|
|
|
|
 Re: يا استاذ محمد الفاتح بعد الترحاب بك.. نطلب منكم توضيح رأيك في مقتل الشهيد مجدي وشهداء سبتمبر !! (Re: مني عمسيب)
|
اللزوميات وإلزام مالا يلزم
والله أنا ما عارف لزومياتك دي بتجيبوها من وين؟
زول يتكلم عن شهادة في قضية ردة يقولوا ليهو ليه ما تكلمت في مقتل مجدي محجوب
زول يفتح موضوع عن إبادة المسلمين في بورما يقولوا ليهو وينو كلامك عن ناس دارفور
زول يتكلم عن حصار وتجويع الفلسطينيين في غزة يقولوا ليهو ليه ما تكلمت عن جبال النوبة
غايتو إلزاماتكم دي بلوها واشربوا مويتا
زي زمان الكيزان أيام الترابي أي زول يعمل محاضرة في الترابي يقولوا ليهو ليه ما تكلمت عن الجهاد في الجنوب
سيم سيم يا الخالدي أخوي!
| |
|
|
|
|
|
|
|
|
Re: يا استاذ محمد الفاتح بعد الترحاب بك.. نطلب منكم توضيح رأيك في مقتل الشهيد مجدي وشهداء سبتمبر !! (Re: محمد جلال عبدالله)
|
يا محمد جلال السلام عليكم ..
لو سمحت جيب لي دليل من القرآن الكريم بخصوص حد الردة سالت
كمية من السلفيين زيك مافي زول اداني النجيضة جبت ليهم اراء من السلفية
اتباعهم امثال السويدان برضو ما ادوني النجيضة اها انا في انتظارك جزاك
الله خير تجيب لي اثبات القرآان ولو ما جبتو وريني انت من ياتو شلة اسلامية
اي ياتو شرذمة شرذمة قضاة حكومة الانقاذ الحكموا بالقتل ولو شلة السويدان
القال عكس ذلك يا مسلميين اخر الزمن القسمتو الاسلام قسيم المرارة وقعدتوا
حانفين وشكم اقصد ( قعدتوا لينا ) !!!!!!!!
| |
|
|
|
|
|
|
|
|
|
Re: يا استاذ محمد الفاتح بعد الترحاب بك.. نطلب منكم توضيح رأيك في مقتل الشهيد مجدي وشهداء سبتمبر !! (Re: مني عمسيب)
|
مرحبا بالاستاذة الفاضلة منى عمسيب
لم يكن اهتمامي في مقالي هو الدفاع عن معتقداتي فانا لم اذكر الادلة على حد الردة ولم اناقش المنكرين لها انما كان هدفي توضيح القضية التي شغلت الراي العام فقط وكما قلت لم يكن قصدي التوضيح لعدد كبير من الناس انما قصدت معارفي عبر الفيس بوك فقط لكن الموضوع انتشر على غير ما اتوقع
رأيي ورأي الاسلام كما افهمه وارجو ان يكون فهمي صحيحا ان مقتل مجدي وشهداء سبتمبر انها جريمة انسانية شنيعة يستحق مرتكبوها العقاب في الدنيا والاخرة واذا افلتوا من عقوبة الدنيا فلن يفلتوا من عقوبة الاخرة الا اذا سامحهم القتلى واولياؤهم يوم القيامة فهذه حقوق للعباد يتوقف غفرانها على مسامحة اصحاب الحقوق فيها
ولم اتعرض لها في الصحف العامة لاني لم اكتب يوما من الايام في اي صحيفة عامة واذا اتيحت لي الفرصة فالأولوية قد تكون لهذه القضية وقد تكون لغيرها فالجرائم كثيرة في التسعينات والاحاد والعشريات بل وقبل ذلك وفي كل نواحي السودان شمالا وجنوبا وشرقا وغربا
هذا هو رايي المجمل حول ما سألتيني عنه اما الكتابة التفصيلية حول القضية فستحصل اذا عادت هذه القضية للواجهة واصبحت حديث الراي العام وكان عندي ما اقدمه فيها كما هو الحال فيما يسمى بقضية الطبيبة المرتدة
هل من حقي ان استفسر منك هل كتبت في كل الجرائم التي حصلت في السودان وهل انت مطالبة بالكتابة فيها جميعا وبيان رايك وموقفك منها؟؟؟؟؟
واشكر مرة اخرى اخوي الكريمين محمد جلال والصادق الخالدي الذان اخجلاني حقا بوقوفهما معي رغم اني لا اعرف من قبل احدهما ولعلي لم اقرأ اسماءهما قبل الامس للاسف الشديد
| |
|
|
|
|
|
|
| |
مني عمسيب
الصادق الخالدى
محمد جلال عبدالله
محمد الفاتح
Mannan
فيس بوك
تويتر
انستقرام
يوتيوب
بنتيريست