يا استاذ محمد الفاتح بعد الترحاب بك.. نطلب منكم توضيح رأيك في مقتل الشهيد مجدي وشهداء سبتمبر !!!

الأخ محمد الفاتح ..

تحية واحتراما . والدار ترحب بيك ..

يا اخي محمد لقد نقل بعض السلفيين هذا المقال الذي يتعلق بـــــك بخصــــوص
الطبيبة مريم .. ولقد قرأنا بكل تمحص ما جئت به من قناعاتك الشخصية تجاه
هذه القضية الشائكة . وكان جل اهتمامك دفاعآ عن معتقدك الاسلامي فالرجاء ان
تتم هذا الجميل وان توضح لنا ماهو رأيك ورأي الاسلام في مقتل الشهيد مجدي
وشهداء سبتمبر . ونريد ان نعرف هل تطرقت الي هذه المواضيع من قبل في الصحف
العامة ؟ ولك كل الشكر والتقدير .

اسمعوا يا السلفيين ومؤيدي النظام استعدوا موش انتوا الجبتوا المقال ؟

ازيك اختي بت عمسيب
يا زولـــــة انت بتقري بي اضنيك
واسة انتي مالك هايجة كـــــــــــــــــدي
انت الزول دة قبل ما اجي
ما نكرتي حطب
واتغابتي فيهو العرفة
يا زولة انتي ميرودة ولة شنو
سيبي الهضربة البتسوي فيها دي
وختي الرحمان في قلبك وقولي بسم الله
هــــــــــــــاك الرد عليك تاني

Quote: تقول الاستاذة منى عمسيب طيب دي نقول اردت زي ما قال صاحب المقال !! ماهو رأيك يا صاحب المقال الذي شهدت ربك بالتبليغ في قضية اعدام مجدي .. وقتل شهداء سبتمبر ايها المسلم الاعمي ؟ والرجاء منك اكتب مقال بهذه القضايا لو فعلآ انت حريص علي الشباب والاسلام !!! تبآ لكم ايها الذناديق !! الجواب اولا انا لم اقل انها ارتدت وقلت رأيي في الحكم فمن اين جئت باني اقول انها ارتدت قضية اعدام مجدي وقتل شهداء سبتمبر اقول انها جريمة تستحق العقاب في الدنيا والاخرة ورايي في النظام الحاكم بينته في النقطة الرابعة من مقالي بصورة واضحة اما اني اسكت عنه وعن جرائمه فهذا لم يحصل مني ابدا ولم يحصل اونت شخصيا استمعت لي كثيرا وانا اتكلم حول هذه الامور قبل اشهر قليلة في برنامج البالتوك باسم ابو الفتوح وما علاقة ما كتبته بهذه الجرائم اصلا لتسأليني عنها وهل كنت انا شخصيا من شهودها لاكون ملزما ومطالبا بتقديم رايي حولها؟؟؟ وهل الشجاعة تتمثل في ان اخرج من السودان ثم اشتم الموجودين بداخله واقول لهم تكلموا والا فانتم زنادقة او زناديق على حد قولك رجاء لا تخلطوا المواضيع ببعضها اما الزناديق كما اسمتهم فتبا لهم والف تب

اي خدمة نحن جاهزين
ولي قـــــــــــــــــــــــــــــــــــــدام

الأخ الخالدي \ السلام عليكم

Quote: يا زولة انتي ميرودة ولة شنو سيبي الهضربة البتسوي فيها دي

احمد ربي شديدة ولضيضة وماني ميرودة ههههههههه بس كنت دايرة منو
الكلام عن القضية دي باذات بطريقة موسعة زي طريقتو في مقالو النشرتو انتوا
عن القديسة مريم ربنا يحفظها من القتلة والسفاحيين ومحبي دم الشعب السوداني .

ولي قدام .

اللزوميات وإلزام مالا يلزم
والله أنا ما عارف لزومياتك دي بتجيبوها من وين؟
زول يتكلم عن شهادة في قضية ردة يقولوا ليهو ليه ما تكلمت في مقتل مجدي محجوب
زول يفتح موضوع عن إبادة المسلمين في بورما يقولوا ليهو وينو كلامك عن ناس دارفور
زول يتكلم عن حصار وتجويع الفلسطينيين في غزة يقولوا ليهو ليه ما تكلمت عن جبال النوبة

غايتو إلزاماتكم دي بلوها واشربوا مويتا
زي زمان الكيزان أيام الترابي أي زول يعمل محاضرة في الترابي يقولوا ليهو ليه ما تكلمت عن الجهاد في الجنوب
سيم سيم يا الخالدي أخوي!

يا محمد جلال السلام عليكم ..

لو سمحت جيب لي دليل من القرآن الكريم بخصوص حد الردة سالت
كمية من السلفيين زيك مافي زول اداني النجيضة جبت ليهم اراء من السلفية
اتباعهم امثال السويدان برضو ما ادوني النجيضة اها انا في انتظارك جزاك
الله خير تجيب لي اثبات القرآان ولو ما جبتو وريني انت من ياتو شلة اسلامية
اي ياتو شرذمة شرذمة قضاة حكومة الانقاذ الحكموا بالقتل ولو شلة السويدان
القال عكس ذلك يا مسلميين اخر الزمن القسمتو الاسلام قسيم المرارة وقعدتوا
حانفين وشكم اقصد ( قعدتوا لينا ) !!!!!!!!

يا بت عمسيب .. قبل ما أجاوب سؤالك ده ممكن أسألك سؤال:
هل القرآن الكريم هو المصدر الوحيد للتشريع؟

Quote: ولو ما جبتو وريني انت من ياتو شلة اسلامية

أنا من شلة الطيب الأبى يبيع النعجة

مرحبا بالاستاذة الفاضلة منى عمسيب
لم يكن اهتمامي في مقالي هو الدفاع عن معتقداتي فانا لم اذكر الادلة على حد الردة ولم اناقش المنكرين لها انما كان هدفي توضيح القضية التي شغلت الراي العام فقط وكما قلت لم يكن قصدي التوضيح لعدد كبير من الناس انما قصدت معارفي عبر الفيس بوك فقط لكن الموضوع انتشر على غير ما اتوقع
رأيي ورأي الاسلام كما افهمه وارجو ان يكون فهمي صحيحا ان مقتل مجدي وشهداء سبتمبر انها جريمة انسانية شنيعة يستحق مرتكبوها العقاب في الدنيا والاخرة واذا افلتوا من عقوبة الدنيا فلن يفلتوا من عقوبة الاخرة الا اذا سامحهم القتلى واولياؤهم يوم القيامة فهذه حقوق للعباد يتوقف غفرانها على مسامحة اصحاب الحقوق فيها
ولم اتعرض لها في الصحف العامة لاني لم اكتب يوما من الايام في اي صحيفة عامة واذا اتيحت لي الفرصة فالأولوية قد تكون لهذه القضية وقد تكون لغيرها فالجرائم كثيرة في التسعينات والاحاد والعشريات بل وقبل ذلك وفي كل نواحي السودان شمالا وجنوبا وشرقا وغربا
هذا هو رايي المجمل حول ما سألتيني عنه اما الكتابة التفصيلية حول القضية فستحصل اذا عادت هذه القضية للواجهة واصبحت حديث الراي العام وكان عندي ما اقدمه فيها كما هو الحال فيما يسمى بقضية الطبيبة المرتدة
هل من حقي ان استفسر منك هل كتبت في كل الجرائم التي حصلت في السودان وهل انت مطالبة بالكتابة فيها جميعا وبيان رايك وموقفك منها؟؟؟؟؟
واشكر مرة اخرى اخوي الكريمين محمد جلال والصادق الخالدي الذان اخجلاني حقا بوقوفهما معي رغم اني لا اعرف من قبل احدهما ولعلي لم اقرأ اسماءهما قبل الامس للاسف الشديد

Quote: واشكر مرة اخرى اخوي الكريمين محمد جلال والصادق الخالدي الذان اخجلاني حقا بوقوفهما معي رغم اني لا اعرف من قبل احدهما ولعلي لم اقرأ اسماءهما قبل الامس للاسف الشديد

ما يحتاج شكر يا أخي العزيز .. ونحن أيضا لم نسمع باسمك قبل هذه الشهادة
وكلنا يسعى نحو الحق والحقيقة .. بإذن الله تعالى

بت عمسيب تعالي البوست ده ما تدفنيهو كما دفن الذين من قبل

العزيزة مني عمسيب تحياتي

عايز اسال الاستاذ محمد الفاتح ،يعد الترحيب
هل اصرارك علي استخدام كلمة ( ما يسمي) في بوستاتك التي تتحدث عن قضية الاخت مريم تعني انك شخصيا مقتنع ان لاقضية لهيئة الاتهام؟ باعتبار ان ما يسمي ترجع للقضية؟
ول القصة شنو.
اكيد الاحترام لكي ولمني .

استنتاج صحيح مئة بالمئة

الأخ محمد الفاتح
سلام
الشيئ بالشيئ يذكر وطالما أكدت ان جريمة قتل مجدى وشهداء سبتمبر جرائم بشعة ويستحق مرتكبوها العقاب فى الدنيا والآخرة... سؤالى: من هو المسؤول عن قتلهم... الحاكم عمر البشير ام غيره؟؟ وماهى العقوبة الشرعية ضد القتلة بالتحديد؟ وهل يؤخذ القصاص من الحاكم (البشير) أم ممن؟؟
شكرا..