الفيديو ده فرض خلي كلو مواطن و مواطنة يشوفو Video

Quote: بالله الزول ده عوبر للدرجة دي؟

Quote: بالله عليك دا رئيس يقولوا ليه الاطالين عاوزن نقدم خدمات الطبية لى اى شخص يقول ليهم ركزوا على الاغنياء وناس عم عبد الرحيم يموتوت موتن الناس الغرباء عن البلد تكون احن على البلد من اصحابها يا للحزن يا للحزن حسبي الله ونعم الوكيل من اين اتوا هولاء !!!!!!!!!!!!

Quote: شكرا يا دكتورة وضاحة علي عم عبد الرحيم البشير بكتل في المساكين يمين و شمال باقي ليك ممكن يهتم بعلاجهم

Quote: ابنة عمنا عملت عملية كبيرة قبل شهرين في هذا المستشفى وحتى الآن لسنا متأكدين هل تمت العملية في ايطاليا ام في سوبا لأن الكثير من عملياتهم يجرونها في ايطاليا دون علم اهل المريض حيث لديهم طائرة اخلاء خاصة كما علمت. خدمة صحية بهذا المستوى تستحق الدعم منا جميعا واعتقد ان القائمين على المستشفى ذهبوا في الطريق الخطأ كيف تطلب الدعم وانقاذ المساكين من اناس يلهبونهم بالقنابل من طائرات الأنتنوف؟؟

Quote: الفيديو ده فرض خلى كلو مواطن و مواطنة يشوفو متوكل توم

Quote: البشير في وادي والناس في وادي .. بس المصيبة الأعظم في مرافقنه د. المتعافي ود. أحمد بلال .. وهم أطباء الم يكن من الممكن أن يدعموا هذا العمل الخير ويقنعوا الرئيس بتبني هذا المستشفى؟؟؟!!! دكتور احمد امين

Quote: الغريبة عمر البشير زيارتو للمستشفي دي كانت مفاجأة بلنسبة للدكاترة ديل. وألأغرب الدكاترة طلبو منو دعم لأن المستشفي يقدم خدماته مجان. وعمر البشير دخل في بزنس ألله يكون في عون محمد نور عودو

Quote: عزيزنا محمد علي عثمان هؤلاء البشر من امثال البشير ووزيره يعانون من قلة الفهم والاخلاق ولا يفهموا ان مثل هؤلاء العاملين في المستشفي من اجانب يقيمون مثل هذه المراكز بناء علي فلسفة صارمة مستندة تماما علي مبادئ اخلاقية يؤمنون بها وهي مجانية العلاج للمستحقين عند الوصول الي الخدمة ثم هم يرفضون ازدواجية مثل هذه الصروح (Two tier System). اي رسوم وخدمات افضل للمقتدر ثم خدمات اقل لغير المقتدر لأن في ذلك مخالفة لفلسفة (Ethos) مثل هذه الخدمات او مرتكزها الاخلاقي. ولذلك يطرحون مثل هذه الاقتراحات العبيطة والبديهية والتي لا تفوت حتي علي عامل البوفيه في مثل هذا الصرح. لدينا هنا محامي معروف لكل السودانيين والاجانب وظل يعمل في مركز للخدمات القانونية الخاصة بالاجانب منذ حوالي ثلاثين عاما. في هذا العام قررت الحكومة سحب الدعم المالي من المركز وضطروا الي فرض رسوم علي المستفيدين فقام هذا المحامي القدير بتقديم استقالته رفضا لمبدأ فرض الرسوم علي المستفيدين وهو لا يزال عاطلا عن العمل الآن قرابة الست اشهر حفاظا علي مبادئه. علما بانه ليس من اهل الديانات مطلقا. أين البشير ووزيره من هذا. جعفر علي

Quote: · من الفيسبوك Jeddah, Saudi Arabia Khalid Ahmad يعني شنو هسي الفلم ده و عايزين تصلو لي شنو فيهو ؟ ناس عملو مستشفى و ما قادرين يديروهو عايزين البشير يتبرع ليهم من وين ؟ و على ياتو حساب ؟ و بالعكس الرئيس قدم ليهم اقتراحات مجدية و عملية جدا انو ممكن يخصصو مستشفى تاني و يعملوهو تجاري عشان يدعمو بيهو هذا المستشفى المجاني لكن شكلو الخواجات عايزين الجاهز بس ،، و بعدين ياعم وين في منظمات بتعمل حاجة بالمجان بالذات الاوروبيين ديل و الله ما يدوك قرش مجان الا بي حقو ديل اصحاب النظام الرأسمالي و فهم الربح من اجل الربح و سيبونا من العواطف المافي محلها دي و يعني شنو لو بقى الرئيس ما بعرف انجليزي هل ده بنقص من رمزيتو و شخصيتو ؟؟ عالم ما عندكم موضوع خالد احمد

Quote: هذه سقطة أخلاقية بالصوت والصورة لهذه العصابة الحاكمة وكل هذه المماطلة في مبلغ 5 مليون دولار هي تقريبا المساهمة السنوية للدولة التي إلتزم بها النظام وفق ما قاله الإيطالي والله مفروض هذا الفيديو يوءخذ كدليل إضافي لوحشية وإجرام هذا المجرم الهارب من العدالة الدولية ويقدم للمحكمة الجنائية . ويبدوا أن العصابة التي رافقت هذا المجرم مثل المتعافن ويبدو لي في الصورة ( إن لم أكن مخطيء ) شقيق البشير الطبيب هم جاوا معه وفي زهنهم عقلية التاجر وليس الطبيب الإنسان وفي نيتهم الإستيلاء على هذا المشفى في حالة إفلاسه أو يريدون أن ينشأووا قسم أستثماري يكون العايد منه في بطونهم الممتلئه بالسحت. وحقا ينطبق عليهم المثل إذا لم تستحي فأصنع ما شيئت. صديق فضل--- هولندا

Quote: سلام باشمهندس الخواجات ديل بسو الأشياء بناء علي أخلاق ومبادئ‎ خاصة وقت يكونو في طريق مساعدة الأخرين في "إفريقيا وآسيا" الواحد فيهم ممكن يخدم الآخرين من دون مقابل ..... لكن لسو حظ السودان.... ناسا ما بيفهمو كلام زي ده ...."كلام مساعدة الأخرين دون مقابل بيفتكرهو عبط" ... كلهم تجاروعساكر في نفس الوقت...ما بيفهمو كلام غير طلقة وبندقية وموت وعذاب و غنائيم وتديني كم وأنا عربي وانت ما مننا وكلام خارم بارم من هذا القبيل …. خالد كيبا

Quote: من الفيسبوك Hamdi Sati تحياتي محمد علي عثمان شكرا لنقل البوست والفيديو استطعت ان اتحصل علي الفيديو والفلم الوثائقي النادر وهو فلم وثائقي كان مرشح لـجائزة اوسكار للافلام الوثائقية حذف الفلم من اليوتيوب اكثر من مرة ومازال اليوتيوب يضرب عليه حظرا ورقابة مشددة تمنع عرضه حتي الان وهو معروض علي صفحتي الفيسبوكية ويمكنك مشاهدته ونقله كاملا لانو الجزءية بتاعت منظمة الطواري الايطالية لدعم ضحايا الحرب في مايو ما نازل عندك هنا وهو هام ايضا وجزوء من الفلم الوثائقي .. ما زلت انتظر السيد بكري لكي يمنحني حساب هنا !! تحياتي حمدي ساتي

Quote: بالله لو في زول ما بعرف انو رئيس ... ممكن تفتكرو سمسار ... قمسيونجي … يحيي قباني

Quote: يامحمد علي الزول ده عندو وهمة بأن الفقراء لا تتجاوز عددهم 500 ألف أسرة حسب احصائية دقيقة ومسوح ميدانية وكده - وديوان زكاة الكيزان قائمين على أمرهم ، وباقي الشعب عايش في بحبوحة وشبع وصحة ورضى ونعمة ، أها مش ديل قادرين على الدفع والسداد ؟ يعني الزول ده ذكي ولماح وعارف شعبو كم هو كريم ودفيع وصنديد وشيال تقيلة هيع تكبير تهليل الشفيع إبراهيم

Quote: يا جماعة الخير انتو جااااادين حكومة شنو البتتبرع الخواجات ديل يحمدوا الله (واحنا معاهم )انو الحيكومة دي ما ردمتهم ضرائب ورسوم وممكن يشيلوا منهم كم جهاز باي حجة و يبيعوهو برا عبد السلام مالك علي الحاج

Quote: أسمع في التسجيل ده من "The Commonwealth Club of California: San Francisco" عن تجربة حاكم ولاية نيو مكسيكو القديم "Governor Bill Richardson " مع رئيس السودان عمر البشير http://www.commonwealthclub.org/events/archive/podcast/gover...et-talk-shark-101813 النقاش عن البشير بيبداء من الدقيقة 41:00 ودقق في كلام "Governor Bill Richardson " في الدقيقة 44:45

Quote: ابنة عمنا عملت عملية كبيرة قبل شهرين في هذا المستشفى وحتى الآن لسنا متأكدين هل تمت العملية في ايطاليا

Quote: شكراً يا محمد لنقل الفيديو... It is like a comedy show والمستشفى شايل رقبته ! مطعم ! the (bresident ) is throwing ideas ! الحالة ما جابوا معاهم عبد الرحيم !.. it would have been more fun

Quote: الأخ الفاضل محمد والاخوة المتداخلين سلماتكم .... لفت نظري كلام الاخ محمد الشيخ Quote: ابنة عمنا عملت عملية كبيرة قبل شهرين في هذا المستشفى وحتى الآن لسنا متأكدين هل تمت العملية في ايطاليا ودايرة اقول ليهو انتظروا النتيجة لو بقت كويسة معناتها عملتها في ايطاليا لو عكس كده معناتها في السودان . وحقيقة ده الحاصل . وبنتمني ربنا اخلي لينا بلاد الكفار عشان اساعدونا .