|
كتب الكاتب الفاتح جبرا المتوفرة بمعرض الدوحة
|
|
 Re: *** ويـــــــن ناس دايرين ليكم شهيد ؟؟؟ *** (Re: اسماء الجنيد)
|
Quote:
استاذة اسماء سلامات
البلد امتلأت شهداء
الشهداء في عاوزين وطن بس حبة وطن يقدر الشهداء |
مرحب حبابك الأخ العزيز عمر وجمعة مباركة إن شاء الله
نعم أخي الكريم الشهداء يتزايدون كل لحظة من أجل الوطن
رحمهم الله واسكنهم جنات النعيم
وصبر اهلهم على الفقد العظيم
نعزيهم ونعزي انفسنا والوطن في الفقد الكبير
لكن رسالتي موجهة لكــــلاب وجرذان اللآوطني في هذا البورد
صنعوا شهيد وهمي في المظاهرات السابقة ونزلوا الإعلان والإشاعة ملت الدنيا
لما تكاتف ابناء الوطن الواحد الأحرار وإستنكروا ظلم الساسة ونعوا الشهيد .
ظهرو في تياب الواعظين وطلعوا الحرائر كضابين ، وقالوها بالحرف الواحد
إنتو بس دايرين ليكم شهيد!!!!
يعني حكومة السجم دي فعائلها القبيحة ما معروفة للناس ؟ إلا الناس تتمنى ليها شهيد؟؟
ولما حصل الحصل فعلا وين جروا وإختبوا زي الحريم
ما كان يظهروا يعزوا في فقد الوطن الجلل
لكن ليهم جميعا يوم ,, يمهل ولا يهمل
| |
 
|
|
|
|
|
|
|
 Re: *** ويـــــــن ناس دايرين ليكم شهيد ؟؟؟ *** (Re: اسماء الجنيد)
|
Quote: بت الجنيّد،
تسعل مِنّك العافية.
والله مشتاقين... |
ود المدير يا حليلك بالكتير ما شوية والله يا خوي،، الشوق كتير كتير ، اريتكم طيبين يا الحنين
النبي شفت لبدت بنو جكة كيزان الغفلة ؟ وجرية رفاقتهم المنافقين؟؟ يجكوا عرايا طالبين المكاشفي شاحدة ليهم الله
| |
|
|
|
|
|
|
|
|
|
Re: *** ويـــــــن ناس دايرين ليكم شهيد ؟؟؟ *** (Re: اسماء الجنيد)
|
| Quote: منتظرين نصف سكان الخرطوم يموت عشان يركبو الباقين 25 سنة تانية ... المجد والخلود لشهداء الثورة الثالثة والحاسمة باذن الله |
الأخ سمير إبراهيم حبابك والله
ليس كل ما يتمنونه سوف يجدونه! اتت لحظة الخلاص منهم إن شاء الله
الرحمة الواسعة للشهداء الأبرار
التعازي الحارة لأسرهم ولكل الوطن المكلوم
والخزي والعار لكـــلااااب الكيزان
حسبي الله ونعم الوكيل عليهم جميعا إن شاء الله
يمهل ولا يهمل
| |
|
|
|
|
|
|
|
|
 Re: *** ويـــــــن ناس دايرين ليكم شهيد ؟؟؟ *** (Re: محمد احمد النور)
|
..............
شكرا أستاذة أسماء الجنيد علي دلق هذه المياه الساخنة في الجحور عسي ولعل أن تخرج تلك الكائنات من جحورها ومن بياتها الشتوي لتواجه حقيقة أننا لانبحث عن شهداء فأرتال الشهودعلي مدي البصر تستصرخ كل من له ضمير حي لينفض يده من القتلة أو يهجر محطة الصمت والسلبية و ينحازللشارع....
* العار والخزي لكل من يطبل لهذا النظام الفاشي- ويسعي لتزيين باطله ويخذل عن القتلة تحت ستار الإستقلالية والحياد- أو يتواطئ بالصمت المهين علي جرائم القتلة أو تعميه عصبية الإنتماء الحزبي عن الجهر بإدانة المجازر الجماعية, العار لمن إختار مستنقع الإنقاذ علي فضاء الشارع الممهور بدماء الشهداء والمضمخ بجراح الأبطال النازفة, ستظل صفحات التاريخ ترصد وتسجل كل المواقف المنهزمة والمتعائشة مع سلطات القهر وكل من يبرر للنظام أويذر الرمادتذاكيا أو يتدثر برداء الإستقلالية مخفيا حقيقته!
* المجد والتجلة لشهداء الثورة السودانية- والذي تقدموا صفوف الموت وفضلوا التضحية بالارواح فداء للشعب والوطن.. وكأنما عناهم شاعر الشعب
محجوب شريف بقوله :-
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
***
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
..............
| |
|
|
|
|
|
|
|
|
|
Re: *** ويـــــــن ناس دايرين ليكم شهيد ؟؟؟ *** (Re: كمال عباس)
|
Quote: ***ما تتخبأ***
ما تتضارا
امرق بره
اكسر حاجز الصمت الحرا..
وكورك فينا.مليون مره.
بى الصاراهو دواخلك..
جوه... وبره
على النبره وشيل العبره
انفض غبار السمح الجوه ..
وازرع فرحك فينا وما تتضارا..
تكبر شدره .. تطرح ثمره
تشيل اليابس ..
تطفى الجمره
****
شتت لونك فى لوحات الزمن الاغبر ..
لون بيه الفاضل منو..
يمكن يكبر ويمكن يظهر ..
وتانى نجيبو نلون صورته وامكن يبهر ..
لامن طيفك يظهر وينضر..
يشيل الحزن الساكن دارنا
وليه يكسر ....
وانضم تانى الفرح الاخضر
لحن نغم الشجن الباكى ..
دندن نغمو الفيك متحكر
وما تتضارا
امرق بره
اكسر حاجز الصمت الحرا
وكورك فينا مليون مره
اسماء الجنيد/ مسقط |
هلا بت الجنيد لي كم بسعل منك .. والله صحي :)
حبابك والشهدا راقدين بسلام في عليائهم
| |
|
|
|
|
|
|
|
|
Re: *** ويـــــــن ناس دايرين ليكم شهيد ؟؟؟ *** (Re: فقيرى جاويش طه)
|
Quote: هاكِ أها،
عشان ما تقولي يطرشني ما سمعت، و ود المدير
ما عزمني.. |
ود المدير حبابك يابا
والله يا ود المدير الواحد غلبو الكلام !!!
الغصة تطعن في الحلق والمر مطبوق إتنين على فقد الوطن الجلل
وعالم تانية عايشة حياتها بكل برود!!!
الحمد لله على كل حال
يمهل ولا يهمل
| |
|
|
|
|
|
|
|
|
|
Re: *** ويـــــــن ناس دايرين ليكم شهيد ؟؟؟ *** (Re: اسماء الجنيد)
|
Quote: استبدلوا النغمة يا اسماء
لي المتظاهرين قتلوا انفسهم
للشهداء الرحمه والخلود ولاهلهم الصبر وللوطن الحريه |
مرحب حبابك اخوي محمد على شقدي
صدقت والله، ديل عندهم مليون وجه ومليون نغمة ومليون لون حرباء من الكذب والنفاق
لكن ليهم يوم ، مصيرهم النهاية البشعة إن شاء الله
المجد والخلود لشهداء الوطن
الخزي والعار لهؤلاء الأوباش قاتلي ابناء وبنات الوطن ظلما وغدرا
حسبي الله ونعم الوكيل عليهم إن شاء الله
| |
|
|
|
|
|
|
|
|
 Re: *** ويـــــــن ناس دايرين ليكم شهيد ؟؟؟ *** (Re: اسماء الجنيد)
|
| Quote: قاعدين مع ديلاك ..... ناس: (هسسسسسي أنا كنت هناك ومافي مظاهرة) |
محمد ابو العزائم ,, حبابك بعد غيبة طوييييلة,, يعلم الله الشوق محنة
باقيلك يا محمد ناس هسسسسسسسي كنت في شارع النيل ومافي مظاهرات ،، باقيلك ديل تاني بجو البورد ده ويتبجحوا ؟؟
الله اعلم ، خلاص اتفرطقت ليهم في صناقيرهم
| |
|
|
|
|
|
|
|
|
 Re: *** ويـــــــن ناس دايرين ليكم شهيد ؟؟؟ *** (Re: اسماء الجنيد)
|
Quote: شكرا أستاذة أسماء الجنيد علي دلق هذه المياه الساخنة في الجحور عسي ولعل أن تخرج تلك الكائنات من جحورها ومن بياتها الشتوي
لتواجه حقيقة أننا لانبحث عن شهداء فأرتال الشهودعلي مدي البصر تستصرخ كل من له ضمير حي لينفض يده من القتلة أو يهجر محطة الصمت والسلبية و ينحازللشارع....
* العار والخزي لكل من يطبل لهذا النظام الفاشي- ويسعي لتزيين باطله ويخذل عن القتلة تحت ستار الإستقلالية والحياد- أو يتواطئ بالصمت المهين
علي جرائم القتلة أو تعميه عصبية الإنتماء الحزبي عن الجهر بإدانة المجازر الجماعية, العار لمن إختار مستنقع الإنقاذ علي فضاء الشارع الممهور بدماء الشهداء
والمضمخ بجراح الأبطال النازفة, ستظل صفحات التاريخ ترصد وتسجل كل المواقف المنهزمة والمتعائشة مع سلطات القهر وكل من يبرر للنظام أويذر الرمادتذاكيا أو يتدثر برداء الإستقلالية مخفيا حقيقته!
* المجد والتجلة لشهداء الثورة السودانية- والذي تقدموا صفوف الموت وفضلوا التضحية بالارواح فداء للشعب والوطن.. وكأنما عناهم شاعر الشعب
محجوب شريف بقوله :-
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
***
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
.............. |
سلام وتحية الأخ العزيز كمال عباس
شكر ا على المساحة الماهلة والخطاب الضافي و كامل الدسم ،، وعلى النص المعبر لمحجوب الشعب المشرف في كل المحافل
هؤلاء يا كمال يا خوي لن تحرك فيهم شعرة كل الكلام الفي قواميس الدنيا !! لسبب واحد إنهم مجردون من كل احاسيس البشر السوي
كنت استغرب حين اقرأ لهم سابقا في هذا الوطن الإسفيري ،، لكن رويدا رويدا عرفت ان هذه الكائنات لا تنتمي للجنس البشري الذي لديه الإحساس والشعور
لذلك تجدهم يطبلون تارة ،، ويهمزون ويلمزون تارة اخرى ! وكثيرااا ينشرون الكلام على عواهنه كذبا وزورا
لكن دائما قناعتنا الحمد لله واملنا في الله كبير ، ونعلم جيدا رحمته التي تسع كل شيء,
إنه رؤوف رحيم بعباده وحتما سوف يقتص لكل مظلوم من هؤلاء الأوباش,,,, يمهل ولا يهمل
شكرا ا لك أخي كمال بكل اللغات ,, ولك العتبى في تأخير الرد,, اواجه مشكلة فنية في الكمبيوتر ,,
تحياتي لك والأسرة الكريمة ,,
| |
|
|
|
|
|
|
|
|
|
Re: *** ويـــــــن ناس دايرين ليكم شهيد ؟؟؟ *** (Re: Nader Abu Kadouk)
|
مهات يودعن اجمل من ولدن...عبدالعزيز عثمان 1
اول الشهداء.....مدني
عبدالعزيز عثمان
08:49 صباحاً
عبدالعزيز عثمان
هزاع سماحة الطيبين
ضيا سطع جوه القلوب
ما تقولو ووب هداك حي
فارسا اهدي الخائفين
نخلا شمخ فوق الضفاف
تربال معطر بالحنين
وعشق الوطن
يا ود مليت كل الفجاج
عطرك اهبهب في الدروب
عشقك نضم بيه الغريب قبل القريب
شايل من الشمس الوضوح
شايل من القمره البهاء
شايل من النيل العطاء
شايل من النخلة الشموخ
ما بدلك زمن الضلام
عبيتنا بالشوق والامل
ما بعت مجدك بالرخيص
ماخنت شعبك يالسمح
شالوك رفقاتك نشيد
وسونلك البنوت غنا
يا وليدي يا اجدع جنا
ولد الهنا
رفرف مع الطير الخضر
واهمس مع الموج في السفر
واملا السنابل بالقمح
عبئ المدن شعاع فرح
وامرق مع الغيم ياندي
واحضن للوحك واقرا في
انثر مدايحك في المسيد
واقرا كتابك والصحاب
وحباب حباب
ولدي السمح
لاغاب لاعاب
لابس الوطن
قلم رصاص
نشيد
صفحة كتاب
| |
|
|
|
|
|
|
| |
اسماء الجنيد
هشام هباني
معاوية المدير
محمد علي شقدي
محمد أبوالعزائم أبوالريش
كمال عباس
الامين موسى البشاري
فقيرى جاويش طه
waleed nayel
خالد عبد الله محمود
Abdlaziz Eisa
Nader Abu Kadouk
عبدالعزيز عثمان
نادر الفضلى
فيس بوك
تويتر
انستقرام
يوتيوب
بنتيريست