|
|
 بالجد .. أطفال يحيروا ....
|
أكتب لكم اليوم لاحكي لكم عن طفلي معاذ ....والبالغ من العمر إثني عشر ربيعاً .... داخل على أولى متوسط ..... لاحظت فيهو أشياء غريبه بحق .... الزول ده فيهو روح بتاعة نكته عجيبه .... ورده تحت لسانو .... لو ما بخاف الكدب أقول رباطابي عديل .....مثلاً مره بعد أن رجعت من العمل حاولت استريح بعد صلاة العصر ...وهو عندو نيه أوديهو الحديقه ... جه يصحيني عملت رايح ..... بابا .... بابا .... ولا هببت ليهو..... وأخيراً يربت على خدي اليمين فالتفت يساراً .... ثم يميناً ..... وعندما تعب .مني قال ... شوف يا بوي ما تعمل لي زي الجوال الفي الصامت ..... فغلبني الصحك وصحيت ....
ومره زريتو ليك زرة كلــــــب في طاحونه ..... ما عارف هو عمل شنو ... قلت ليهو .. شوف يا معاذ ... أنا الليله عايز النجيضه بس .... النيه ما بدورها ..... الجيضه بس بتاعة عمك ود الصايم ديك ..... أديني النجيضه بس .... فوقف برهة يتأملني في حيرة ثم قال .... شنو ياحاج شبكتني النجيضه والنيّه ... أصلك بتشوي ليك في شيّه ..... فانفجرت ضاحكاً ...ونسيت موضوع العقاب .....
كأمثاله من الصغار أجده يفوقني كثيراً في عالم الالكترونيات .... والهواتف الحديثه .... والكمبيوتر وما إلى ذلك ..... ودائماً ما ألجاً إليه إذا ما واجهتني مشكلة ما فأجده يسارع في حلها .... مغرم حتى الثمالة في ألعــــــــــــاب ال play station وما إلى ذلك ..... وبالطبع هذا عادي جداً لمن هم في مثل سنه .....أصر على أن أعلمه السواقه ففعلت ... وهذا كله أراه عادياً ....
ولكن ما استوقفني فيه حقيقة ... قبل كم يوم ماشين جمب محل بيع الكاسيت قال لي أنا عايزك تشتري ي شريط لي طه سليمان ... وآخر للنور الجيلاني ... ففعلت .... قال لي أنا اشتريت طه سليمان عشان في أغنيه عاجبــــاني بيقول فيها (لمه الدنيا تقسى علي ...بشيل صورتك وأناجيها) .... استمعت للأغنية فوجدتها غاية في الرصانة وكلمات في منتهى الجمال ولحن وأداء أكثر من رائع .... فأكبرت ذلك ف هذا الصغير ... ومضيت معه في النقاش ... قلت ليهو تاني بتحب منو من الفنانين يا معاذ .... قال لي محمد وردي وأكتر حاجه بتكيف ليها ... يا بلدي يا حبوب .... والاغنيه البيقول فيها ...بالله يا طير قبل ما تشرب تمر على بيت صغير .... بالجد ذهلت ... طيب وتاني منو يا حبيبي ... قال لي نانسي عجاج وأختها نهى ...نانسي دي حاجه ما تخلص .... خاصة في بلدا هيلي أنا ...ويا زمن .... هي ذاتها زوله جميله يا بابا .... وشكلها مريح .... قلت ليهو جميل ...طيب النور الجيلاني .... فأجابني ... أولاً خواطر فيل .... قلت طبيعي فهي أغنية للصغار وقد عشقها كل الصغار .... طيب وتاني يا بابا ... قال لي الغنيه البيقول فيها : الغنيه حزينه ...حزينه ....مليانه محنه بغنيها .... القالها في صحبو المات في الحادث .... وكنت قد ذكرت له القصة منذ أمد ليس بالقريب .... والله يابا أنا لم أسمعها لامن أدمع .... بحس بيها هنا ...وأشار إلي صدره ..... فقلت له ما شاء الله عليك يا ولدي ... الله يحفظك ويرعاك .....
أكيد أحبائي .. في أغلب بيوتنا نماذج لاطفال مثل معاذ هذا .... يستحقون منا القليل من الاهتمام والرعاية ... عسى أن يكونوا في المستقبل شيئاً ما .... فعلى ما أظن أن الرعاية الحقيقية يجب أن تبدأ من المنزل ...وعلينا أن ننمي في صغارنا الملكات الجميلة ونمدهم بكل ما من شأنه تطوير هذه الملكات سواء بالكتب أو الشرائط فكم من الصغار كان يمكن أن يكون شيئاً ما ضاع نتيجة الاهمال وعدم الرعاية ....
بالنسبة لمعاذ لن أبالغ وأقول أنه من الأفذاذ في المستوى الدراسي .. أبداً مستواه عادي جداً ... أي فوق المتوسط .... ولكن لدي رجاء لكل من يمر من هنا أن يقول ما شاء الله ويدعو لصغيري هذا بأن يحفظه الله ويرعاه .....
حفظ الله فلذات أكبادنا جميعاً .... وجعلهم منارات للمستقبل الواعد الجميل ....
وفي انتظار مساهماتكم بسرد الكثير من هذه النماذج المبشره .... وأرجو ألا يبخل المختصين علينا بالنصح اللازم في مثل هذه الحالات ....
مع خالص حبي الذي تعرفون ؛؛؛؛؛
|
|
 
|
|
|
|
|
|
|
 Re: بالجد .. أطفال يحيروا .... (Re: جمال الباقر)
|
Quote: ابو معاذ ربنا يحفظه ليك
كيفني لما قال ليك ,,, زي الموبايل الصامت ,,,
ان كبر جناك خاويهو |
شكراً أحوي جمال ....وربنا يخلي ليك أولادك وتشوفهم أحسن ناس يارب....
وأن شاء الله تسلم جمال أخوي.....
مع خالص ودي وتقديري ؛؛؛؛
| |
|
|
|
|
|
|
|
|
|
Re: بالجد .. أطفال يحيروا .... (Re: إدريس محمد إبراهيم)
|
Quote: الفائز عبدالله · الأكثر تعليقا · دنقلا الثانوية
الأخ ادريس .. ماشاء الله على ابنك معاذ حفظه الله من كل مكروه وان شاء الله سوف يكون له شأن عظيم اذا لاحظت ملكاته ونميتها
ر |
شكراً لا تكفي أخي الفائز عبد الله .... حفظك الله وجميع من حولك ومن تحب .....
وإن شاء الله تسلم أخوي .....
مع خالص ودي وتقديري ؛؛؛؛؛
| |
|
|
|
|
|
|
|
|
|
Re: بالجد .. أطفال يحيروا .... (Re: طارق ابراهيم ابوالفضل)
|
Quote: ما شاء الله ربنا يحفظو و يبارك ليك فيهو
حقيقة ان اطفال هذا الزمان يملكون قدرات عالية
وعلينا نحن الاباء تنميتها وتوجيهها بما يتوافق مع عاداتنا و تقاليدنا
و صقلها بالعلم و المعرفة
كل التحايا اخوي ادريس |
طارق أخوي ....
تحية ترفل بالمودة وكل التقدير والمحبة ... وكل سنة وأنت وجميع من حولك ومن تحب بألف خير ....
حقيقة يا طارق تطابقت وجهات نظرنا تماماً في هذا الشأن .... ومن الطبيعي أول من يلحظ هذه الملكات يجب أن يكون الاهل في المنزل .... وعليهم كما ذكرت محاولة تنميتها ...وعدم السخرية منهم أو التقليل من شأن ذلك أياً كانت هذه الاهتمامات والملكات الخاصة طالما إنها لا تضير ......
أمنياتي أن يحفظ الله لك ما وهب ويجعلهم قرة عين لوالديهم ..هذا لو كنت قد تزوجت ورزقت بالزرية الصالحة .... وإلا فأتمنى أن ييسر الله لك ذلك في أقرب وقت وبأيسر السبل إن شاء الله ... طارق أخوي .....
شكراً جزيلاً لمرورك الذي أضفى على الموضوع رونقاً خاصاً ......
وإن شاء الله تسلم طارق أخوي .....
مع خالص ودي وتقديري ؛؛؛؛
| |
|
|
|
|
|
|
|
|
|
Re: بالجد .. أطفال يحيروا .... (Re: إدريس محمد إبراهيم)
|
Quote: Khawaga Aziz · Sugar Land, Texas
بسم الله ماشاء الله ربنا يحفظه يا رب. |
أخي الحبيب خواجا عزيز ....
لك مني خالص التحية المقرونة بكل الود والتقدير والمحبة ......
شكراً لهذه الدعوات الطبيات أخي الحبيب ....وأتمنى أن يحفظك الله ويرعاك أنت وجميع من حولك ومن تحب ويمنحكم سعادة الدارين يا رب .....
واعذرني لو تأخرت عليك شويه في الرد يا حبيب ....
وإن شاء الله تسلم كتييييير أخوي العزيز .....
مع خالص ودي وتقديري ؛؛؛؛
| |
|
|
|
|
|
|
|
|
|
Re: بالجد .. أطفال يحيروا .... (Re: إدريس محمد إبراهيم)
|
الله يحفظوا ويخليه ليك يا إدريس
| Quote: في أغلب بيوتنا نماذج لاطفال مثل معاذ هذا .... يستحقون منا القليل من الاهتمام والرعاية ... عسى أن يكونوا في المستقبل شيئاً ما .... فعلى ما أظن أن الرعاية الحقيقية يجب أن تبدأ من المنزل ...وعلينا أن ننمي في صغارنا الملكات الجميلة ونمدهم بكل ما من شأنه تطوير هذه الملكات سواء بالكتب أو الشرائط فكم من الصغار كان يمكن أن يكون شيئاً ما ضاع نتيجة الاهمال وعدم الرعاية |
فعلاً وللأسف كتير من هدرالمواهب والتشوهات النفسية كانت بسبب الاهمال وعدم الاهتمام بالاطفال
والطفل عشان يكون مميز وذكي ما بالضروروة تكون المسألة أكاديمياً فقط، ودي حاجةمهمة جدا جدا
| |
|
|
|
|
|
|
|
 Re: بالجد .. أطفال يحيروا .... (Re: وضاح عبدالرحمن جابر)
|
Quote: الله يحفظوا ويخليه ليك يا إدريس
Quote: في أغلب بيوتنا نماذج لاطفال مثل معاذ هذا .... يستحقون منا القليل من الاهتمام والرعاية ... عسى أن يكونوا في المستقبل شيئاً ما .... فعلى ما أظن أن الرعاية الحقيقية يجب أن تبدأ من المنزل ...وعلينا أن ننمي في صغارنا الملكات الجميلة ونمدهم بكل ما من شأنه تطوير هذه الملكات سواء بالكتب أو الشرائط فكم من الصغار كان يمكن أن يكون شيئاً ما ضاع نتيجة الاهمال وعدم الرعاية
فعلاً وللأسف كتير من هدرالمواهب والتشوهات النفسية كانت بسبب الاهمال وعدم الاهتمام بالاطفال
والطفل عشان يكون مميز وذكي ما بالضروروة تكون المسألة أكاديمياً فقط، ودي حاجةمهمة جدا جدا |
شكراً يا أيمن على هذه الدعوات الطيبات ..... وعلى ما أعتقد يا أيمن في تجمع بورداب الاخير إنت أديت معاذ ده كاميرا قلت ليهو صور بيها لانك كنت مشغول في بدايات اللمه الحلوه ديك ... وكان يقوم بالتصوير ... المهم قاعد يعاين في المنبر شاف صورة أخونا الدسيس .... قال بس يا يابا .... عمو ده أنا مذكرو كويس حتى صورتو كمان .... ياخ ده عندو عاده تانيه محيراني ... تقريباً حافظ كل حروف وأرقام لوحات سيارات الجيران ومعارفنا وقرايبنا .... ولك أن تتخيل يا أيمن أخوي لو قلت ليك نحنا في الرياض دي بس .. ما شاء الله حوالي مائة أسره ... الكم الهائل من الأرقام الذي يستطيع هؤلاء الصغار حفظه .... وأنحنا يا حبيب الوحد كتير بينسى رقم تلفونو زاتو ..... مش كويس إنو مذكرين أسامينا يا أيمن ياخ ... ههههه .....
وفعلاً يا أيمن لقد أهدرت الكثير من المواهب ودفنت في مهدها بسبب الاهمال وعدم الرعاية اللازمة .....ومصداقا لكلامك يجب الاهتمام بكافة النواحي حتى غير الاكاديمية ... توماس أديسون مخترع الكهرباء وبقية الاختراعات التي غيرت مجرى العالم تم طرده من المدرسة بحجة عدم الاستيعاب .... تخيل بس يا أيمن أخوي .....
الله يخليك يا أيمن ويحفظ لك كل من حولك ومن تحب ....
وإن شاء الله تسلم أيمن أخوي ......
مع خالص ودي وتقديري ؛؛؛؛؛
| |
|
|
|
|
|
|
|
|
|
Re: بالجد .. أطفال يحيروا .... (Re: Mandingoo)
|
وضاح أخوي ....
كيفنك ياخ ...وكل سنة وأنت وجميع من حولك ومن تحب بألف خير ....
Quote: ولدى عمرو 6 سنين
جننى فى حاجه كده واقول ليهو اقعد ساااى وما شغال بى
اديتو قرصه كده على الطاير .. وقف نص الاوضه وعينو فى عيني وقال لى
(انت قايل التربية كده) |
الله يحفظ ليك وليدك يا وضاح ويحرسه ويرعاه ... حتى تراه في المستقبل في أعلى المراتب ..... ويحفظ ليك كل الحواليك يا رب ....
شفته يا وضاح الصغار ديل كيف .... بيعرفوا الحته البتوجع وين .... وعينك ما تشوف إلا النور .....وفي منتهى البساطه والتلقائيه .... يجب أن نعترف بأنهم جيل أذكى منا سواء شئنا أم أبينا .... وهذا الشيء يسعد الأباء بالطبع .... فكما هو معلوم لا يتمنى الوالد أن يصبح أحداً أفضل وأحسن منه إلا إبنه أو أبنته .... حفظهم الله ورعاهم ...وهداهم سواء السبيل .....
شكراً ليك كتييير وضاح أخوي ....
مع خالص ودي وتقديري ؛؛؛؛
| |
|
|
|
|
|
|
|
|
|
Re: بالجد .. أطفال يحيروا .... (Re: إدريس محمد إبراهيم)
|
Quote: Mandingoo
تاريخ التسجيل: 28-09-2002
مجموع المشاركات: 1835
ضع اعلانك مجانا هنا
منتدى الباحثين والطلاب
Re: بالجد .. أطفال يحيروا .... (Re: إدريس محمد إبراهيم)
Quote: شوف يا بوي ما تعمل لي زي الجوال الفي الصامت ..... فغلبني الصحك وصحيت ....
حلوه شديد دي!
ما شاء الله عليهو يا إدريس
ربنا يحفظو ليك ويحفظ اولادنا واولاد المسلمين |
الأخ العزيز / ماندينقو .....
عساك بألف خير أنت وجميع من حولك وعيدكم مبارك يا رجل ....
شفت كيف بالله الوليدات ديل عاملين فينا كيف .... نقول شنو بس يا حبيب ... لو قعدنا نحكي طرائفهم لضاق بنا هذا المكان الرحيب .... ربنا يحفظهم بس ويحفظ جميع أطفال المسلمين حسب دعوتك الجميلة المباركة ....
وإن شاء الله تسلم أخوي .....
مع خالص ودي وتقديري ؛؛؛؛
| |
|
|
|
|
|
|
|
|
|
Re: بالجد .. أطفال يحيروا .... (Re: بله محمد الفاضل)
|
Quote: ربنا يحفظم ويغطي عليهم
أبناء هذا الزمن تحف
عندي مقولة جميلة في مواجهتهم:
ما أحلاكم نائمين...
ولك أن تخمن ما يحدث في الصحيان
ربنا يغطي عليهم أجمعين |
شكراً جزيلاً أخي بله لمرورك البهي والدعوات الطيبات....ربنا يحغط لك جميع من حولك ويبلغهم أعلى المراتب يا رب ...
ومصداقاً لكلامك ده ياعباس ....معنا هذه الأيام خالته التي تنام معه في ذات الغرفة ...وتخرص على النوم باكراً حتى تدرك ضلاة الفجر ... ولكن معاذ دائماً يسهرها لانو عايز يلعب سوني أويشاهد برامج الاطفال في التلفزيون....مره معاذ نام بدري براهو كان تعبان من كثرة اللعب ....قلت للجماعة ....الفتنية نائمة... لعن الله من أيقظها....ههههههههه ..
وإن شاء الله تسلم بله أخوي ....
مع خالص ودي وتقديري؛؛؛
| |
|
|
|
|
|
|
|
|
|
Re: بالجد .. أطفال يحيروا .... (Re: عبدالفتاح أبوشيمة)
|
Quote: ما شا ء الله
تبارك الله؛
اللهم احفظه بما تحفظ به الصالحين؛
كيفك يا إدريس مشتاقين أوي
=
وين تلفوناتك يا راجل
الرقم القديم راح بما حمل
أديني ليه في الخاص |
يا ألف أهلاً وسهلاً بصديقي الجميل الشاعر / عبد الفتاح أبوشيمه ....
وينك يا حبيب .... يسألني الله سائل عنك .... ونفس المشكلة ضاعت مني كل الأرقام عبد الفتاح أخوي .... وكما قلت لك من قبل في مداخلة سابقة تلفوناني في البروفايل أديني رنه بس ...
وأصلاً وعشان ما تتعب تمشي للبروفايل ... هاك ليهو في سوق الله أكبر ده : 0560919046
وشكراً للدعوات الطيبات عبد لفتاح أخوي ... حفظ الله كل زريتك وكل من تحب أخي الحبيب ... وبلغهم أعلى المراتب ..... وتفضل عليكم برحمته وجوده وكرمه ووهبكم سعادة الدارين يا رب .....
وفي انتظار اتصالك أخي الكريم ... إن شاء الله تسلم يا حبيبنا ......
مع خالص ودي وتقديري ؛؛؛؛
| |
|
|
|
|
|
|
| |
إدريس محمد إبراهيم
جمال الباقر
طارق ابراهيم ابوالفضل
أيمن محمود
وضاح عبدالرحمن جابر
Mandingoo
بله محمد الفاضل
عبدالفتاح أبوشيمة
فيس بوك
تويتر
انستقرام
يوتيوب
بنتيريست