|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: عثمان مكي)
|
Quote: جاي خبر قبل قليل قالو السيل يتقالس في الاودية والخيران والضل جاي من جهة السافل يعني من بلدكم واتلهم الصعيد |
هسه فى ذمتك وضاحه بتفهم ليك جنس الكلام ده ؟ بتقالس والسافل وإتلهم !! بت قالس دى منو ؟ والسافل ده منو ؟ واتلهم دى لغه عربيه يا مرسى ؟ ود شيقوق يلأخ إصلح معانا ... نحن ناس بنادر . هسه الكلام ده لو قلتو لى وجها لوجه كنت حأمشى أشتكيك فى التمنه وأتمهك بالقذف .
بأخ رمضان كريم وإن شاء الله خريف أبو السعن .
| |
|
|
|
|
|
|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: كمال سالم)
|
يقال والعهدة علي الراوي: اذاعة وادي النيل عملت لقاء مع الفنان بابكر ودالسافل المذيعة سألته بؤلولك ودالسافل وانت مابتزعلش؟ أبداً انا بفتخر بيها رحمة الله عليه ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ كمال سالم تعرف دي: جاتني صُدمَة وقَليت لَيْ قرض فوق قَلشوب الطيب انا ما قتا لك تختا بت عمي دي؟
| |
|
|
|
|
|
|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: كمال سالم)
|
Quote: هسه فى ذمتك وضاحه بتفهم ليك جنس الكلام ده ؟ بتقالس والسافل وإتلهم !! بت قالس دى منو ؟ والسافل ده منو ؟ واتلهم دى لغه عربيه يا مرسى ؟ ود شيقوق يلأخ إصلح معانا ... نحن ناس بنادر . هسه الكلام ده لو قلتو لى وجها لوجه كنت حأمشى أشتكيك فى التمنه وأتمهك بالقذف . |
هههههههها انت يا كمال فاكر وضاحة دي ساهلة ساي - وضاحة يا كمال اخوى Multi - functions بنادر ضهاري سراير عناقريب ساونا لعوت سدر تلاجة سعن ملجة ومولات ايسكريم وعنكوليب وكلو .
مالك بتنسى يوم ختت اصبعها في اضانها وبدت تتلولح مع النمة يمين وشمال - زي اذان المغرب - وهي قائلة :
دخان ام رشيم عاقباهو خُمرة ضُفرة زي ###### القنيص راجيها جنب الحفرة السبب البخلي الزول ينوم في الضَّفرة توب القرمصيص ياهو البفك الشفرة
Quote: وإن شاء الله خريف أبو السعن . |
وكمان سرفة وجرادة يا ود سالم
| |
|
|
|
|
|
|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: كمال سالم)
|
Quote: هسه فى ذمتك وضاحه بتفهم ليك جنس الكلام ده ؟ بتقالس والسافل وإتلهم !! بت قالس دى منو ؟ والسافل ده منو ؟ واتلهم دى لغه عربيه يا مرسى ؟ ود شيقوق يلأخ إصلح معانا ... نحن ناس بنادر . هسه الكلام ده لو قلتو لى وجها لوجه كنت حأمشى أشتكيك فى التمنه وأتمهك بالقذف . |
ههههههههههههههههههههه كمان معاهو بودي لانغويش يا كمال يعني تااااااب دي معاها حركة باليد لازمة تكملها واتلهم برضو عندو حركة وكذلك السافل
الخراااابل ديل رصيتن مع بعض كيف يا ود شيقوق
| |
|
|
|
|
|
|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: الطيب شيقوق)
|
Quote: هوى وضاحة دي صارت شخصية عامة انصرفت اهتماتها في اخر عمرها للعمل الخيري |
أخر عمرى هو متين عمرى ابتدا يا المسنوح
الحمد لله دا الربونى عليه ابواتى واعمامى واخوالى انت يا المسنوح ما سمعت ود البطانة قال فينى شنو قال
وضاحة بت ناسا عزاز سكنو الجبال العالية مليانين كرم بالدم سيوفم مـــــالية ما قرعو الحديد واتوارو عند الجالية على حلف اليمن انت المهرة الغالية
وقال
ملكة وبت ملوك مالكة القلوب ملاكة سهران فكرى حار ورويحتى زايدة هلاكا لو كان بالمراد انا كنتا طولتا علاكا بس حكم القدر خلانا جت نتباكا
كااااااااااااااااااااك ابكى بث يا شيقا
| |
|
|
|
|
|
|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: أيمن الطيب)
|
Quote: جاتني صُدمَة وقَليت لَيْ قرض فوق قَلشوب |
الصدمة هي الزكام والقلشوب الفحم يعني الراجل اتبخر بالقرض
واحد من جماعتنا زمان جاء للحكيم وقال ليه: "عندي زكام ولطام" الحكيم: الزكام عرفناه اللطام دا شنو دا كمان؟ عمنا: " اللطام , شوفت نخرتي , بس قربتك ديك الرايخي لها الوكاي" والوكاي طبعا مايربط به فم القربة والمعني واضح ان شاء الله
المسنوح: نحن مطرنا تجي بالعينة والعبادي عند ناس الصعيد جعلها الله امطار خير وبركة
| |
|
|
|
|
|
|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: امير طمبل)
|
البكيفك في البرق العبادي ده يا ود شيقوق حركاتو نفس حركات الملاكم مايك تايسون ينقر في الفك الشمال ويتلهم الخصم بي بلنجة في الفك اليمين . وبعدها ما تشوف الا والسماء و أتخرم . هيع . ياخ ربك ده ما كريم ورحيم . أنت يا الطيب قايل فاتحات المساكين ديل بتروح ساكت ؟ بلدنا دي يا أخوي مطقوشة خير لامن مخرخر بس تقول شنو في بصيرة الحكام أبان كروووووش وقروووووش ؟ ياخ ده أسمح خبر في 2013 . تحياتي
| |
|
|
|
|
|
|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: الطيب شيقوق)
|
شيقااااااااااااااااااااااا بركة بركة يا يابة الخير العمة الدندر
مبارك عليكم المطر والخير الجاكم يا المسنوح بس اوعااااكم من الغرق والاستغاثة ههههههه
هاك الدوبيتة دى
الخَبَرْ اللكِيدْ قَالُو الدندر اتْرَشَّتْ سَارِيةً تَبَقْبِقْ لا الصَباحْ مَا انْفَشَّتْ هَاجْ فَحَلْ أُمْ صِرَيصِرْ والمَنَايِحْ بَشَّتْ وبِتْ أُمْ سَاقْ عَليْ حَدَبْ الفَرِيقْ إتْعَشَّتْ
مع المطر تنشط الدورة الإقتصادية في الريف والبوادي ويحلو النشوق والرعي وتثمر الزراعة وترتدي الأرض ثوباً أخضر وتنتعش النفوس ببارد النسائم وعطر الأعواد وشذا الورود وهي صور دائماً ما تعتمل في في نفوس شعراء الدوبيت ويعبرون عنها في قوافيهم وهاهو الشاعر المجيد ود سند يقول:
إنْفَجَرَتْ تُعُولِكْ وقَاسِكْ الوَبَّالْ رَعَدِكْ مِغْرِبَاوِي وَهَجْعَةْ بِرَيقِكْ شَالْ عَرَبِكْ شَالُوا فَوقْ زُمُلاً مُضِي وفََيَّالْ مَعَ الحَمَرَيبْ دُعَاشِكْ جَابْلُو رِيحَةْ نَالْ
| |
|
|
|
|
|
|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: Osman Musa)
|
يا عثمان
معذرة والله عندي مشكلة في الجهاز الشخصي في البيت
Quote: يا الطيب ياخ ماتجي نتشارك لينا كدي زي خمسين فدان بس في جهاتكم ديك . التيراب ما عليك يازول . عندي ليك تيراب طماطم من ولاية جورجيا الطماطماية الوأحدة تشبع بيت . موسم وأحد يا الطيب بي غربتك دي كلها . بس بتكم وضاحة دي ما حنديها ولا حق الملاح . |
ياخ دا مقترح ابن ###### وانا معاك باصم بالعشرة - بضمن ليك الارض والموية تاني فاقد شنو ؟
| |
|
|
|
|
|
|
Re: خبر عاجل - ألحقينا يا وضاحة عولك ناس الدندر المطر شالهم طاااااب (Re: وضاحة)
|
Quote: بركة بركة يا يابة الخير العمة الدندر
مبارك عليكم المطر والخير الجاكم يا المسنوح بس اوعااااكم من الغرق والاستغاثة ههههههه
هاك الدوبيتة دى
الخَبَرْ اللكِيدْ قَالُو الدندر اتْرَشَّتْ سَارِيةً تَبَقْبِقْ لا الصَباحْ مَا انْفَشَّتْ هَاجْ فَحَلْ أُمْ صِرَيصِرْ والمَنَايِحْ بَشَّتْ وبِتْ أُمْ سَاقْ عَليْ حَدَبْ الفَرِيقْ إتْعَشَّتْ
مع المطر تنشط الدورة الإقتصادية في الريف والبوادي ويحلو النشوق والرعي وتثمر الزراعة وترتدي الأرض ثوباً أخضر وتنتعش النفوس ببارد النسائم وعطر الأعواد وشذا الورود وهي صور دائماً ما تعتمل في في نفوس شعراء الدوبيت ويعبرون عنها في قوافيهم وهاهو الشاعر المجيد ود سند يقول:
إنْفَجَرَتْ تُعُولِكْ وقَاسِكْ الوَبَّالْ رَعَدِكْ مِغْرِبَاوِي وَهَجْعَةْ بِرَيقِكْ شَالْ عَرَبِكْ شَالُوا فَوقْ زُمُلاً مُضِي وفََيَّالْ مَعَ الحَمَرَيبْ دُعَاشِكْ جَابْلُو رِيحَةْ نَالْ |
شكيتك على الله لا بتعرفي حقوق انسان ولا كمان في قاموسك مراعاة لحقوق لملكية الفكرية
تمضغي في الفواكه بلا حساب
| |
|
|
|
|
|
|
|