خبر عاجل - ألحقينا يا وضاحة عولك ناس الدندر المطر شالهم طاااااب

الحمد لله الدندر اتنعم ببرق عبادي قلاها من قدام وجاء خاميها خلى السماء قد ابرة وراح دافق

هسه شغاااااااال بكاء ساي

الله يبشرك بالخير يا استاذ الطيب وتصوم وتفطر على خير

كيفك يا الشريف

ما شاء الله قلبك مع اهلك

جاي خبر قبل قليل قالو السيل يتقالس في الاودية والخيران والضل جاي من جهة السافل يعني من بلدكم واتلهم الصعيد

البهائم كلها رحلت الدمازين لكن بترجع بعد دا

نسأل الله يجعلها حواليهم ولا عليهم
أمطار خير و بركة أن شاء الله

Quote: جاي خبر قبل قليل قالو السيل يتقالس في الاودية والخيران والضل جاي من جهة السافل يعني من بلدكم واتلهم الصعيد

هسه فى ذمتك وضاحه بتفهم ليك جنس الكلام ده ؟
بتقالس والسافل وإتلهم !!
بت قالس دى منو ؟
والسافل ده منو ؟
واتلهم دى لغه عربيه يا مرسى ؟
ود شيقوق يلأخ إصلح معانا ... نحن ناس بنادر .
هسه الكلام ده لو قلتو لى وجها لوجه كنت حأمشى أشتكيك فى التمنه وأتمهك بالقذف .



بأخ رمضان كريم وإن شاء الله خريف أبو السعن .

Quote: والسافل ده منو ؟

يقال والعهدة علي الراوي:
اذاعة وادي النيل عملت لقاء مع الفنان بابكر ودالسافل
المذيعة سألته
بؤلولك ودالسافل وانت مابتزعلش؟
أبداً انا بفتخر بيها
رحمة الله عليه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كمال سالم تعرف دي:
جاتني صُدمَة وقَليت لَيْ قرض فوق قَلشوب
الطيب انا ما قتا لك تختا بت عمي دي؟

Quote: الطيب انا ما قتا لك تختا بت عمي دي؟

ود عمى الحنين عزو
الشوووووق من دوحة الخير لعندكم

شيقا دا يختانى وين بموت وحات الله ما بقدر
اتخيل لى يوم يكون عاوز يموت بدل ينطق الشهادة حا يقعد يقول وداهة وداهة

Quote: هسه فى ذمتك وضاحه بتفهم ليك جنس الكلام ده ؟ بتقالس والسافل وإتلهم !! بت قالس دى منو ؟ والسافل ده منو ؟ واتلهم دى لغه عربيه يا مرسى ؟ ود شيقوق يلأخ إصلح معانا ... نحن ناس بنادر . هسه الكلام ده لو قلتو لى وجها لوجه كنت حأمشى أشتكيك فى التمنه وأتمهك بالقذف .

هههههههها انت يا كمال فاكر وضاحة دي ساهلة ساي - وضاحة يا كمال اخوى Multi - functions بنادر ضهاري سراير عناقريب ساونا لعوت سدر تلاجة سعن ملجة ومولات ايسكريم وعنكوليب وكلو .

مالك بتنسى يوم ختت اصبعها في اضانها وبدت تتلولح مع النمة يمين وشمال - زي اذان المغرب - وهي قائلة :

دخان ام رشيم عاقباهو خُمرة ضُفرة
زي ###### القنيص راجيها جنب الحفرة
السبب البخلي الزول ينوم في الضَّفرة
توب القرمصيص ياهو البفك الشفرة

Quote: وإن شاء الله خريف أبو السعن .

وكمان سرفة وجرادة يا ود سالم

Quote: هههههههها انت يا كمال فاكر وضاحة دي ساهلة ساي - وضاحة يا كمال اخوى Multi - functions بنادر ضهاري سراير عناقريب ساونا لعوت سدر تلاجة سعن ملجة ومولات ايسكريم وعنكوليب وكلو .

هههههههههههههههههه اسحرنى يا المسنوح

Quote: هسه فى ذمتك وضاحه بتفهم ليك جنس الكلام ده ؟ بتقالس والسافل وإتلهم !! بت قالس دى منو ؟ والسافل ده منو ؟ واتلهم دى لغه عربيه يا مرسى ؟ ود شيقوق يلأخ إصلح معانا ... نحن ناس بنادر . هسه الكلام ده لو قلتو لى وجها لوجه كنت حأمشى أشتكيك فى التمنه وأتمهك بالقذف .

ههههههههههههههههههههه
كمان معاهو بودي لانغويش يا كمال
يعني تااااااب دي معاها حركة باليد لازمة تكملها
واتلهم برضو عندو حركة وكذلك السافل

الخراااابل ديل رصيتن مع بعض كيف يا ود شيقوق

Quote: هسه فى ذمتك وضاحه بتفهم ليك جنس الكلام ده ؟ بتقالس والسافل وإتلهم !! بت قالس دى منو ؟ والسافل ده منو ؟ واتلهم دى لغه عربيه يا مرسى ؟ ود شيقوق يلأخ إصلح معانا ... نحن ناس بنادر . هسه الكلام ده لو قلتو لى وجها لوجه كنت حأمشى أشتكيك فى التمنه وأتمهك بالقذف .

اخي عثمان مكي

نسأل الله يجعلها حواليهم ولا عليهم
أمطار خير و بركة أن شاء الله

بوركت يا العزيز

اللهم أجعلها أمطار خير وبركة ووفرة,,,
وأن يجنب الناس سيولها وفيضاناتها..

ناس الدندر شالهم وداهم وين يا الطيب,,

Quote: Multi - functions

شيقوق السنة دى صايم ولا زى داك !!!

Quote: هسه شغاااااااال بكاء ساي

الفاضلابي

Quote: الطيب انا ما قتا لك تختا بت عمي دي؟

هوى وضاحة دي صارت شخصية عامة انصرفت اهتماتها في اخر عمرها للعمل الخيري

اوعاك تجي تتصلبت فيها ساي

اخي حسن ابو قرون من منازلهم

الف مرحب بيك وربنا يتم الناقصة يا رب



ايمنوف

Quote: ناس الدندر شالهم وداهم وين يا الطيب,,

حيكون وين يا مسنوح ؟ يعني فاكر موديهم جوة الناموسية؟

Quote: شيقوق السنة دى صايم ولا زى داك !!!

كل حاجة ولا اللعب في رمضان دا يا مسنوح

نحن عندنا الما بصوم معدوم عرض ومروة مش دين وتشنق طواقي ساي

Quote: هوى وضاحة دي صارت شخصية عامة انصرفت اهتماتها في اخر عمرها للعمل الخيري

أخر عمرى هو متين عمرى ابتدا يا المسنوح



الحمد لله دا الربونى عليه ابواتى واعمامى واخوالى
انت يا المسنوح ما سمعت ود البطانة قال فينى شنو قال

وضاحة
بت ناسا عزاز سكنو الجبال العالية
مليانين كرم بالدم سيوفم مـــــالية
ما قرعو الحديد واتوارو عند الجالية
على حلف اليمن انت المهرة الغالية

وقال

ملكة وبت ملوك مالكة القلوب ملاكة
سهران فكرى حار ورويحتى زايدة هلاكا
لو كان بالمراد انا كنتا طولتا علاكا
بس حكم القدر خلانا جت نتباكا




كااااااااااااااااااااك ابكى بث يا شيقا

:
:
إن جا المِعاد
ؤ تمَّ العِداد
بنسير جماعات للبلاد
شايلين تواريبنا و أملنا
و قِريبة مويه زرقا حِبيبه زاد
وافراحنا ديمه مُؤجَله
لامِن يحين وقت الحصاد
أبشِر خريفك ابوالسِعِن.. صُرفه وجراد

حباب سعادتك يا امحمد اخوى

الف سلامة بالعودة

ربنا يجمع بالخال وود السقاي وكمان ابو سامي ود دفع الله

Quote: أبشِر خريفك ابوالسِعِن.. صُرفه وجراد

الحمد لله والله امبارح اخوك متابع الاخبار من بداية شلعة العبادي حتى سمعوني صوت الغنم وضجيجها وهي جارية على برندات البيوت وطرف البيوت من بداية رمية الضل في راسنا .

Quote: دخان ام رشيم عاقباهو خُمرة ضُفرة زي كـلب القنيص راجيها جنب الحفرة السبب البخلي الزول ينوم في الضَّفرة توب القرمصيص ياهو البفك الشفرة

يا دافنشي..
في هذه الحالة عليك الإستنجاد بالدفاع المدني.. وليس وضاحة..

Quote: في هذه الحالة عليك الإستنجاد بالدفاع المدني.. وليس وضاحة..

وحدة متخصصة فى إخماد حرائق الغابات!!


الحريق التانى خلّو,,,

ايمنوف

Quote: الحريق التانى خلّو,,,

انت بتصقع الجرّة في نهار رمضان؟

Quote: في هذه الحالة عليك الإستنجاد بالدفاع المدني.. وليس وضاحة..

She can help in mobilizing the civil defense inta fakirha sai

الحلاوي

ياخ رمضان كريم وكل عام وانت والاهل بالف خير

ياخ مشكلتك شنو مع سودانيز مالك تكتب من الفيس ؟

يا شيقا,,

من ما كملت كوتة التمباك صقع الجرة ما وقف,,,

يا ابو السرة قامت من دخاخين العمي
تلمع وشيها..
وكان اليانكي مستنيها..
في مراية السجم بالليل
لقيته متل فريخ الطير
مرق ود عينها من ود عينها
رجافة المزمل حمي
جفلت منه وقعت عندي..
صدرها يغلي يا ابو السرة..
شلتها للبحر يمكن يغسل عينها من اليانكي..
.
.
.
.
.
.

والويقود بشيله اليانكي..

Quote: جاتني صُدمَة وقَليت لَيْ قرض فوق قَلشوب

الصدمة هي الزكام
والقلشوب الفحم
يعني الراجل اتبخر بالقرض

واحد من جماعتنا زمان جاء للحكيم وقال ليه:
"عندي زكام ولطام"
الحكيم: الزكام عرفناه اللطام دا شنو دا كمان؟
عمنا: " اللطام , شوفت نخرتي , بس قربتك ديك الرايخي لها الوكاي"
والوكاي طبعا مايربط به فم القربة
والمعني واضح ان شاء الله

المسنوح: نحن مطرنا تجي بالعينة والعبادي عند ناس الصعيد
جعلها الله امطار خير وبركة

Quote: يا ابو السرة قامت من دخاخين العمي تلمع وشيها.. وكان اليانكي مستنيها.. في مراية السجم بالليل لقيته متل فريخ الطير مرق ود عينها من ود عينها رجافة المزمل حمي جفلت منه وقعت عندي.. صدرها يغلي يا ابو السرة.. شلتها للبحر يمكن يغسل عينها من اليانكي..

ايمنوف كلامك دا ما متراكب سمح - اوع العطش غطس حجرك بس؟
.
.
.
.
.
.

ود الشيخ

رمضان كريم ياخ

Quote: بس قربتك ديك الرايخي لها الوكاي"

ههههههههها مبااااااااااالغة والله

لولا شرحك دا اكان اخوك طلع منها شيح في ريح

Quote: : دخان ام رشيم عاقباهو خُمرة ضُفرة زي كـلب القنيص راجيها جنب الحفرة السبب البخلي الزول ينوم في الضَّفرة توب القرمصيص ياهو البفك الشفرة

يا حليل ك ل ا ب القنيص .. بل ياحليل الحفره ذاتها .
هسه حفرة الجن دى مع الشقق دى يحفروها كيف ؟!
يا ود شيقوق هو السكرى خلى فيها فك شفره ؟
ناسك ديل خلى بالك بقوا يتموها خيال وشعر ساكت .

Quote: يا حليل ك ل ا ب القنيص .. بل ياحليل الحفره ذاتها . هسه حفرة الجن دى مع الشقق دى يحفروها كيف ؟! يا ود شيقوق هو السكرى خلى فيها فك شفره ؟ ناسك ديل خلى بالك بقوا يتموها خيال وشعر ساكت .

يا كمال يا انت ناسي اخوك صائم؟

مالك بتجرجر فينا للعناكليب والقضيم؟

(وحدة متخصصة فى إخماد حرائق الغابات!!)

يا أيمن ،
زولك سيعتقد by default أنك تعني الإدارة العامة للطلح..

يا شيقا
نهارات السعادة عليك
غايتو لما قريت لوستيك ده ما عارف جات علي بالي أغنية ترباس
(عيني ما تبكي) ما عارف لييه ههههههههههههه
أريتك طيب يا حبيبنا وسلم لي علي الأستاذة معاك

البكيفك في البرق العبادي ده يا ود شيقوق
حركاتو نفس حركات الملاكم مايك تايسون ينقر في الفك الشمال ويتلهم الخصم بي بلنجة في الفك اليمين .
وبعدها ما تشوف الا والسماء و أتخرم . هيع .
ياخ ربك ده ما كريم ورحيم . أنت يا الطيب قايل فاتحات المساكين ديل بتروح ساكت ؟
بلدنا دي يا أخوي مطقوشة خير لامن مخرخر بس تقول شنو في بصيرة الحكام أبان كروووووش وقروووووش ؟
ياخ ده أسمح خبر في 2013 .
تحياتي

المرتضى


طمبل


عثمان موسى


معليش عندى مشكلة فنية ولا كنت مصدق اللابتوب يفتح معاى عشان ارد ليكم لفسامحوني على

المهم يا مرتضى اليوم تاني عبادي عثمان موسى قلاها من قدام وحياتك شوالات الطلح يرحّلوا فيها من محل لمحل لانوالبيوت نقطت والسباليك ما كانت مجيهة .


ويا طمبل غني عينى ما تبكي وامسح عيونك بكلينكس بس

Quote: ويا طمبل غني عينى ما تبكي وامسح عيونك بكلينكس بس

هههههههههه يا شيقا يا حبيبنا هسة بقت كالأتي
تبكي بس عين قطرة و عين مس و البنج بالدس
أها إن شاء الله المطره وقفت

Quote: هوى وضاحة دي صارت شخصية عامة انصرفت اهتماتها في اخر عمرها للعمل الخيري

سلام يا شيقا دي دعواتك في البوست الفات: يا بريق العينة ما تضللي السحابة وخلي المطر يجينا.!

محبتي

أيمنوف تضحك بلاهن ههههههههههههههه

Quote: سلام يا شيقا دي دعواتك في البوست الفات: يا بريق العينة ما تضللي السحابة وخلي المطر يجينا.!

نان انت - يا توحي اخوي - فاكر الصلاح دا الا تردد على المساجد؟

جايييكم بعد الفطور يا احبابي - كانت عندي مشكلة فنية واتعالجت الحمد لله

شيقااااااااااااااااااااااا
بركة بركة يا يابة الخير العمة الدندر

مبارك عليكم المطر والخير الجاكم يا المسنوح بس اوعااااكم من الغرق والاستغاثة ههههههه


هاك الدوبيتة دى

الخَبَرْ اللكِيدْ قَالُو الدندر اتْرَشَّتْ
سَارِيةً تَبَقْبِقْ لا الصَباحْ مَا انْفَشَّتْ
هَاجْ فَحَلْ أُمْ صِرَيصِرْ والمَنَايِحْ بَشَّتْ
وبِتْ أُمْ سَاقْ عَليْ حَدَبْ الفَرِيقْ إتْعَشَّتْ

مع المطر تنشط الدورة الإقتصادية في الريف والبوادي ويحلو النشوق والرعي وتثمر الزراعة وترتدي الأرض ثوباً أخضر وتنتعش النفوس ببارد النسائم وعطر الأعواد وشذا الورود وهي صور دائماً ما تعتمل في في نفوس شعراء الدوبيت
ويعبرون عنها في قوافيهم وهاهو الشاعر المجيد ود سند يقول:

إنْفَجَرَتْ تُعُولِكْ وقَاسِكْ الوَبَّالْ
رَعَدِكْ مِغْرِبَاوِي وَهَجْعَةْ بِرَيقِكْ شَالْ
عَرَبِكْ شَالُوا فَوقْ زُمُلاً مُضِي وفََيَّالْ
مَعَ الحَمَرَيبْ دُعَاشِكْ جَابْلُو رِيحَةْ نَالْ

يا الطيب ياخ ماتجي نتشارك لينا كدي زي خمسين فدان بس
في جهاتكم ديك .
التيراب ما عليك يازول .
عندي ليك تيراب طماطم من ولاية جورجيا الطماطماية الوأحدة تشبع بيت .
موسم وأحد يا الطيب بي غربتك دي كلها .
بس بتكم وضاحة دي ما حنديها ولا حق الملاح .

Quote: بس بتكم وضاحة دي ما حنديها ولا حق الملاح .

ليه بس كده

لقيتك بخيل يا عثمان انت شايقى ولا ثنو

بتنا العزيزة وضاحة
سلامات
الصيام خلاك تجلي الحروف ولا شنو ؟
الشايقية ديل من أكرم شعوب الأرض . وده خلاف كرم الغناء والفنون .
في زول بخيل يقدر يكتب أغنية زي أغنية ( يانور العين ) ؟؟؟؟؟؟؟؟؟؟؟؟؟؟؟؟
...
يازولة ما عندك مشكلة بنشوفلك طريقة ندخلك في مشروع طماطمنا .
بس لا تعصري علي الكلام البجيب الزعل

Quote: بس لا تعصري علي الكلام البجيب الزعل

يا عثمان الله لا جاب زعل انا بمزح معاك
لكن معروف الشايقية مشهورين بالبخل حتى شوف



فى الغناء والله كلامن حنين ومافيه اى شخشخة وخاصة الولد محمد النصرى فديتوا عجيب عجيب

:
:
مطـر الخير نزل رَتَع الحلال وروينا
برِق عبادي يقـدح والإلـه طارينـا
مسـايل الحَدَب الباتت تشخِـر فينـا
ود شيقوق اخوي سهرتنـا عند الزينه

أوعك تخلف الميعاد!

إن شاء الله سقيا رحمة لا سقيا عذاب

Quote: تتصلبت

لله

والله يا مولانا قاموسك عامر بمفردات لغتنا العامية

هسي عليك الله يا مولانا تتصلبت دي نكتها من وين

Quote: والله يا مولانا قاموسك عامر بمفردات لغتنا العامية هسي عليك الله يا مولانا تتصلبت دي نكتها من وين

عليك الله يا اسحاق اخوى امشي اتكي راسك لاقرب حبوبة وقوليها زولك دا صلباط شوف شن بتقول لك .

جنابو ود المكي

Quote: مطـر الخير نزل رَتَع الحلال وروينا برِق عبادي يقـدح والإلـه طارينـا مسـايل الحَدَب الباتت تشخِـر فينـا ود شيقوق اخوي سهرتنـا عند الزينه

هيييييييييييع كع يا سعادتك

يا عثمان

معذرة والله عندي مشكلة في الجهاز الشخصي في البيت

Quote: يا الطيب ياخ ماتجي نتشارك لينا كدي زي خمسين فدان بس في جهاتكم ديك . التيراب ما عليك يازول . عندي ليك تيراب طماطم من ولاية جورجيا الطماطماية الوأحدة تشبع بيت . موسم وأحد يا الطيب بي غربتك دي كلها . بس بتكم وضاحة دي ما حنديها ولا حق الملاح .

ياخ دا مقترح ابن ###### وانا معاك باصم بالعشرة - بضمن ليك الارض والموية تاني فاقد شنو ؟

Quote: بركة بركة يا يابة الخير العمة الدندر مبارك عليكم المطر والخير الجاكم يا المسنوح بس اوعااااكم من الغرق والاستغاثة ههههههه هاك الدوبيتة دى الخَبَرْ اللكِيدْ قَالُو الدندر اتْرَشَّتْ سَارِيةً تَبَقْبِقْ لا الصَباحْ مَا انْفَشَّتْ هَاجْ فَحَلْ أُمْ صِرَيصِرْ والمَنَايِحْ بَشَّتْ وبِتْ أُمْ سَاقْ عَليْ حَدَبْ الفَرِيقْ إتْعَشَّتْ مع المطر تنشط الدورة الإقتصادية في الريف والبوادي ويحلو النشوق والرعي وتثمر الزراعة وترتدي الأرض ثوباً أخضر وتنتعش النفوس ببارد النسائم وعطر الأعواد وشذا الورود وهي صور دائماً ما تعتمل في في نفوس شعراء الدوبيت ويعبرون عنها في قوافيهم وهاهو الشاعر المجيد ود سند يقول: إنْفَجَرَتْ تُعُولِكْ وقَاسِكْ الوَبَّالْ رَعَدِكْ مِغْرِبَاوِي وَهَجْعَةْ بِرَيقِكْ شَالْ عَرَبِكْ شَالُوا فَوقْ زُمُلاً مُضِي وفََيَّالْ مَعَ الحَمَرَيبْ دُعَاشِكْ جَابْلُو رِيحَةْ نَالْ

شكيتك على الله لا بتعرفي حقوق انسان ولا كمان في قاموسك مراعاة لحقوق لملكية الفكرية

تمضغي في الفواكه بلا حساب

Quote: ربنا يجمع بالخال

إت قايل خالك ببطبط كان السحاب فارق سماه
والعبادي فات خلاها يابسه وراه
تعطش تروي يرفع ايدو يدعي إلاهو
يجيهو الضحوي مرسال ينجد الراجياه
واطه وضروع وانسان وكل الربه مابينساه

ياخي كلمناك ... قلنا لك خليها علي ربها ... تقولي الدولار قعد يتلولح ....
الله يلولحك سيدي علي

عمر علي حسن

Quote: إت قايل خالك ببطبط كان السحاب فارق سماه والعبادي فات خلاها يابسه وراه تعطش تروي يرفع ايدو يدعي إلاهو يجيهو الضحوي مرسال ينجد الراجياه واطه وضروع وانسان وكل الربه مابينساه

هييييييييييع خالي سريع النهمة عافي منك دنيا واخرة

:
:
نُودِع تواريبنا الأرِض
رويانه بي مطر الضُراع
ما أمانه عِندِك يا أرِض
وصاينه الأمانه من الضياع
كم إنتِ عطّايـه وأبَـدْ
ما فينا زولاً ضاق وجاع
حاشكِ حاشاك يا أرِض
ما فينا زولاً عرضو باع
راقدين قفا وما كلّكم راعٍ
وإتِ الفينــا راعْ